^^^

إذا بوفون بيغيب شهر والمباراة بعد أسبوعين تقريباً فأعتقد نعم سيغيب ..
وكامو إذا هي 20 يوم فأحتمال يلعب والعلم عن الله

:: موجي ينتقد سوق اليوفينتوس ! ::


فعلا لو وفرو بهالصفقات الغريبه مثل بولسن وتياقو ودفعو مبلغ بلاعب يستاهل بحيث ان الفريق يمسك وسط الملعب ويكون قوي بهالمركز !!

لكن اذا فات الفوت ماينفع الصوت !!

]_[ بلانك يوضح خطط السوق المقبل ]_[

هذي مشكلة ادارتنا الجديده كل سوق تقش لاعبين ثلاثه بشكل عشوائي ...

ويواعدوننا بلاعبين واذا جا وقت الدفع يدورون الرخيص وما يفكروون بالجوده !!

]_[ عيون اليوفي على جيركوف ]_[

جيركوف رقم ١١ وما اعرفه زين !! ورقم ١٨ اسمه كرزاكوف على ما اعتقد واذكر تكلمنا عنه بالرابطه انا وناصر وبعض الشباب وهو يلعب ظهير ايسر

وعنده رجل ماهي صاحيه !!

]_[ بينيتيز خيار اليوفي عند اقاله تبن مان ]_[


يا زين هالخشه !! ياعله يتربع بتورينو زي ماتربع قدام تشيلسي !!

----

إقتباس هل كامورانيزي و بوفون سيغيبون عن لقاء الريال ؟! اذا الجواب نعم فهذي مصيبة !

هلا سعد !! ما اعتقد انها مصيبه .. من ناحية اللاعبين اليوفي والريال شبه متكافئين والكفه تميل للريال اكثر

لكن المشكله بالمدربين !! شوستر من يوم ما كان مع خيتافي كان ناشب للأنديه الاسبانيه الكبيره لا ريال ولا برشا كلهم فاز عليهم وبنتائج كبيره بعد

شوستر يعرف كيف يتعامل مع المباريات الكبيره .. حتى العام فاز ذهاب واياب على البرشا والريال الظاهر لهم قرن ما فازو ذهاب واياب بموسم واحد !!

وبالنسبه لرانييري ماعليه حرج زي المجنون ماتدري وش سالفته وماتدري وش يبي !!

العام فاز على روما وميلان وانتر لكن أغلب الموسم فاشل وعليه خمات ماتدري وش يبي منها ويتعادل ويخسر بمباريات ا تسوى وتغييرات مالها داعي

يعني رانييري يمكن يضبط الفريق قدام الريال ويمكن يحوووس الفريق .. وبديل بوفون موجوود صح انه ماهو نفس امكانياته لكن يعتبر ممتاز !!

طرد سيسوكو من حظنا عشان يجي للمباراة وهو بكامل لياقته كامو فيه بداله ماركيوني وجيوفنكو

الفريق فيه لاعبين لكن المشكله هل رانييري قادر عاى توضيفهم !!!!

هلو هلو .. تسمحو لي ادخل في نقاشكم المحتدم ..

طبعا احب اولا اعلن ميولي لنظرة بسيط حتى وان كنت اوافق بنسبه معينه نظرة ناصر وهواوي الزعيم وباقي الشباب ..

قبل لا ندخل في السليم اولا بتكلم من ناحية سوق مدربين او بشكل عام المدربين والمفاضله مابينهم .. الكل هنا ومن العام الماضي انتقدوا رانييري على اشياء عديده .. لكن ممكن العام الماضي كانت الأمور ينظر لها على ان الفريق جاي من درجه ثانيه وبالتالي معذور .. لكن هالموسم لأ والف لأ .. لأننا اليوفي باختصار ..

ممكن رانييري له عيوبه .. لكن اتمنى ننظر لباقي المدربين من جميع النواحي ..

مثلا اذا بينيتيز عجبكم من ناحية انه ابدع في مباراة السيتيزن ومن قبل ايضا فيه مباريات عديده ابدع فيها ومدرب له شهرته .. ايضا فيه له زاويه اخرى .. انه خلال 4 مواسم يعتبر ضعيف محليا .. والضعف ماكان فقط في فوارق مواجهاته مع الأنديه الكبيره .. بل حتى مع الصغيره ..

بينيتيز خلال مواسمه مع الليفر كانت عيوبه .. بداية الموسم .. دائما يبدأ الموسم بأخطاء .. وبفلسفه زائده .. وبتشكيله غير ثابته .. ولما تعدي مرحلة الذهاب تحصل الفريق يرجع الى رشده ..

طبعا انا موقاعد افضل رافا على رانييري .. او ادافع عن رانييري من جهه اخرى .. لكن اتمنى ماتكون نظرتنا دائما نحو التوجه الاعلامي .. لأن زي مافيه لاعبين انظلمو بسبب الاعلام .. ايضا هناك مدربين ماتوفقوا اعلاميا .. او ماحصلوا لهم ادوات وانديه تساعدهم على البروز ..

مثال بسيط .. مالفرق بين ديشان ومورينيو .. الاثنين وصلوا الى نهائي التشامبيونز .. في موسم ابدعوا فيه .. ديشان صارت له ظروف في النهائي .. فاز مورينيو .. مورينيو صارت يترزز عند كل صحفي ويسخر على الرايح والجاي .. الكل رفع من اسم مورينيو .. وديشان ظل محله .. فقط لأنه الاعلام ماركز عليه ولا اعطاه اي اهتمام .. واعتقد انتو عندكم درايه اكبر بقدرات ديشان لما هبط الفريق ..

رانييري اشوف مشكلته الاكبر بانه اذا حصل سكواد جيد يحتار في المفاضله مابينهم ومايعرف يقرر ايش اللي يبغاه منهم ..

مثلا في الموسم الماضي .. استخدم اكثر شئ 4 4 2 والـ 4 3 3 .. وكان نشيط جدا من الناحيه الهجوميه على الرغم من انه يعاني من ضعف وغيابات عديده في خط الدفاع .. لكن كانت عنده جرأه في توجيهاته للفريق .. والاهم الفريق كان يمتلك روح غير عاديه ..

هالموسم .. نشوف انه اختياراته غريبه ومفاجئه .. واخص بالذكر هنا مباراة باتي واللي عمله في خط المحور ..

هل السبب سوق الانتقالات ؟ جائز ..

اذكر لما كان في فالنسيا .. طلب لاعبين جيدين جدا .. واخص هنا ستيفانو فيوري .. ولكن لأسباب غير منطقيه ماستقر الفريق.. وماستفاد من قدرات لاعبيه .. وتدهورت مستويات اللاعبين ومستوى النادي ..

ممكن في فالنسيا مانجح .. بسبب عدم معرفته بمتطلبات الليقا مثلا وماعرف يخار لاعبين يساعدوه ..

لكن هو عنده خبره بالكره الايطاليه .. والموسم الماضي قدم مستوى جيد رغما عن انه كان يعاني من اصابات عديده كما اسلفت ..

هنا اعتقد في مسؤوليه على اللاعبين .. يعني لما تقولو لي ديل بييرو طلع من المباراه الاخيره وهو يضحك .. ولاكان فيه شئ مؤثر .. بسبب فقدان ثقتهم في رانييري ..

باقول لكم هالشئ قمه في الخطأ .. اولا ديل بييرو معرفو لاعب خلوق وملتزم . لكن عنيد في اشياء عديده .. ومن سنوات عديده وكل مدرب يجي اليوفي يحطه في الاحتياط ويستعمل اياه اسلوب زي ماتقولو يخلي اللاعب يجوع للعب وينرفزه بشكل يخليه ينزل يفجر طاقاته في الملعب ..

لكن رانييري الاحظه هو اكثر مدرب أأمن بقدرات ديل بييرو واعطاه امان بشكل اكبر من ناحية اللعب بشكل اساسي .. بالتالي من الخطأ انه يتم جحد المدرب مثلا ويفقدو الثقه فيه ..

ممكن المدرب عنده اخطاء فنيه وايضا في بعض طرقه في التعامل مع اللاعبين في حجرات الملابس .. لكن وبالذات لاعبين اليوفي الحاليين اعتقد من المفترض يكونو اكثر نضوج ووفاء لأي شخص يدربهم فقط لسبب واحد .. اليوفي فوق كل شئ واللاعبين الا نزلوا للدرجه الثانيه اكثر درايه بالشئ الا اقصده ..

الانتقالات .. اولا موجي خلوه على جنب .. لأنه من زمان ينتقد الفريق من هالناحيه .. والكل يعرف لعانة موجي في هالشغلات ..

لكن خلنا ناخذها حبه حبه .. اكيدال لاعب صغير جاي من السويد .. بولسين لاعب خبره جاي من الليقا .. ميلبرق لاعب خبره جاي من البريمير ..

فيه فوارق فنيه بين كل دوري .. حتى لو اللاعب ابداع مستواه .. لكن يحتاج فترة تأقلم .. منها للغه .. ومنها حتى في طبيعة الدوري وصعوبته ..

مثلا .. اوفالوسي كان من بين خلنا نقول افضل 10 قلوب دفاع مثلا في الكالتشيو .. او من بين الأظهره الجيده جدا .. لكن الى الآن ماتأقلم على طريقة لعب الليقا والنتيجه مستواه اضعف من المؤمل عليه ..

جيوفنكو ودي تشيلي وماركيزيو وكنيزفيتش واماوري .. حالاتهم مختلفه .. فيه اللي عنده امكانيات وطموح وتنقصه التجربه والثقه مثل اولاد مدرستكم .. وفيه مثل اماوري اللي يحتاج يتعود برضو على جو اللعب في اليوفي .. مسألة انك تلبس شعار اليوفي ترى موسهله .. وبرضو طريقة اللعب مختلفه عن باليرمو ..

اماوري عندكم مثله وماتحتاجوه على كلام موجي مثلا .. طيب تريزيقيه اصيب .. وماتدرو وش تخبئ الظروف مستقبلا .. اماوري تدعيم قوي للنادي لكن شريطة انه رانييري يعرف يستفيد منه او لا ..

هل رانييري اطلق مدرب .. لأ .. لكن هالمدرب يعيش ضغط من زمان بسبب المقارنات بينه وبين غيره من المدربين .. حتى ليبي لما رجع لتدريب ايطاليا اذكر قريت خبر اوتصريح مادري .. مفاده انه رانييري بيرتاح اكثر الحين ..

حتى مشاكله مع تياقو مثلا لها تأثير .. واصلا من تسلم رانييري مهام التدريب نشوف في صفقات تجي للنادي ومايتم الاستفاده منها .. وعلى سبيل المثال الميرون ..

قبل فتره قريت لك ياناصر جمله انه مالديني قال .. اليوفي هو الوحيد الا يمشي صفقاته على هوا المدرب .. بس اللي اشوفه في هالموسمين يجو لاعبين المدرب مايقتنع بهم ابد .. هل البلا من اختيارات المدرب الحالي ؟ او الاداره الحاليه ماتجيب خبر لراي المدرب الحالي ؟

رانييري .. يحتاج ثقه وايمان بقدراته من اللاعبين والاداره .. برضو لازم يستقر على تشكيله وفكر اوضح .. ويبدأ يقيم قدرات لاعبينه بشكل اعمق ..

كقدرات كامنه ممكن عندكم فريق بطل .. بس يحتاج شخص يعرف يطلع قدرات اللاعبين .. لكن برضو ارتفاع معدل الاعمار عند بعض اللاعبين .. ومقارنة مثلا بالانتر .. اعتقد اليوفي نوعا ما اضعف في الزاد البشري .. هاالشئ يأثر في الفريق وفي مسيرته طول الموسم .. بالتالي اعتقد لازم تكون جماهير اليوفي اكثر صبر ومنطقيه حول ظروف النادي الا بدات من موسمين وانه صعب الرجوع بسرعه كبيره الى حالة النادي السابقه ..

كثرت كلام صح وش اسوي اسهي عن نفسي ههههههه .. باي باي ادري الباب يوسع جمل

اخوي كارلوس بويل
انت ماشاء الله عليك ماخليت عيب برانييري الا وقلته
والعيوب اللي قلته كلها اكثر من3 اسطر يمكن
يعني مدرب فيه كل هالعيوب مهب مدرب صراحة
وبعدين لوفيه خير مارماه الطير تشلسي وفالنسيا
يعني مااقالوه الا لسوء تدريبة
لوبيقعد يصحح الاخطاء اللي ذكرتها كان طار الطيور باارزاقها وحنا قاعدين نطزز بهالمدرب

انا بس ودي ادري ديدي ديشان يوم صعد اليوفي ليش اقالوه؟؟
والله كنت متفائل به كثير من يوم راح طيب الذكر مارتشيلو ليبي

المشكلة مو بس في رانييري

المشكلة في ادارة الفريق الي ما قدرت تجيب ولا لاعب

انا عن نفسي اقوول ليه ما يلعب رانييري بتشكيلة وحدة وممتازة

بحيث لو يصااب لاعبين يكوون لهم بديل في نفس مكانهم

اما كل يوم طالع لي بخطــة

يعني اللوم كله على ادارة الفريق

يعني تخيلو رانييري يدرب نجوم العالم .؟!

اتوقع ما راح يلااقي أي تعب في انه يرتب التشكيلة والخطة

لكن فشل اليوفي في بداية هذا الموسم هو سببه الادارة والمدرب بشكل عااام

آآآآآآآآآآآآآه يا موجي

آآآآآآآآآآآآه يا ليبي

لحد الآن مستغرب من موجي الي كان عنده لاعبين اقوياء وقام يسوي تلاعب بالنتائج !!!!!!

سيكو جاسوس لموراتي ..!!!

http://vb.alhilal.com/showthread.php...64#post9808564

إقتباس الرسالة الأصلية كتبت بواسطة حظيظ ]_[ عيون اليوفي على جيركوف ]_[ جيركوف رقم ١١ وما اعرفه زين !! ورقم ١٨ اسمه كرزاكوف على ما اعتقد واذكر تكلمنا عنه بالرابطه انا وناصر وبعض الشباب وهو يلعب ظهير ايسر وعنده رجل ماهي صاحيه !!

ابوك بالجنة احمد
قسما بالله رديت ولا انتبهت لهالصفحه كلها اصلا
والحمدلله ردك مطابق لردي


-------

PUYOL Carles


هلا بصديقي حسين


شف لو انا ابعقب على كلامك كله ابتعب لكن ابلخص ردي بكذا نقطة :

* بينتز مثل ما اخفق بالدوري المحلي الانجليزي تراه ابدع في اللايقا وجاب الدوري قدام برشلونة رونالدينهو وريال مدريد زيدان
يعني اخفاقة في البريمر لانه ما اهتم له مثل دوري الابطال ولاحظ ليفربول ايام هولييه وش كان ووش صار مع بينتز

* هالنقطة قلتها مليون مرة واعتذر للاعادة :
فالنسيا بطل اللاليقا 2003\2004 , وصلهم رانييري كمدرب جديد ومعه فيوري وكورادي ودي فايو
النتيجة موسم سيء للخفافيش اوربيا ومحليا رغم ان النجوم نفسهم وعندهم زيادة نجوم
يعني الكل يجمع ان رانييري مدرب فرق وسط ولا هو مدرب اندية كبيرة


* طيب رانييري هو اللي يختار لاعبين وبالاخير ما يتعامل معهم ولا يعطيهم وجه
الان فيه كذا لاعب ما اقتنع فيه رانييري رغم انهم معروفين وكانو ناجحين :

الميرون : تغنت فيه جماهير اليوفي وهللت ورحبت فيه بعد التوقيع والنتيجة رانييري ما اعطاه ولا فرصة الا 3 مباريات ومرة دخله بالدقيقه 90 قدام سامبدرويا !!!

تياجو : معروف عند عشاق البريمر وليون ومنتخب البرتغال لكن رانييري مدري وش فيه عليه رغم انه مدربه في تشيلسي لدرجة انه هزأه في الموقع الرسمي

جيوفنكو : مدحه دينو زوف وكابيلو وكاسيراغي وليبي وزولا لكن رانييري كان حاطه احتياط ولا لعب الا قدام باتي وباليرمو رغم ان اليوفي لعب 6 جولات في الكالشيو !

كرشكو : مدافع قدم مستوى ممتاز مع جنوى واستعاده اليوفي لكن رانييري ما اعجبه اللاعب ولعبه مرة ظهير يسار رغم انه مدافع اصلا ولا بدع في المركز واعاره لجنوى !

بالادينو : كان بطل مع ديشامب لكن رانييري كان مصر يلعب وسط يمين او يسار وطبيعي اللاعب مايعرف يبدع في مركز غير مركز والان اللاعب طار ملكية مشتركة مع جنوى !

اصراره الغريب على مولينارو اللي كل المواقع بشتى اللغات تشجب وتستنكر هاللاعب !!

ولو اعد عيوبه ماراح اخلص لكن رانييري انا عايشته مع فالنسيا وسبب لي ذكرى سيئة معه ومستحيل اقتنع فيه رغم انه قدم موسم جيد في العام الماضي وقلت هالكلام مليون مرة وراح اجيب لك رابط ان شاء الله لاحقا يثبت كلامي

ابصم بالعشرة لو رانييري كان مدرب اليوفي في التسعينيات كان ماشفنا كونتي ولا فيرارا ولا مونتيرو ولا زيدان بعد

رانييري هو المسؤول عن الصفقات وهو اللي يطلب ولك انك تشوف الميركاتو حق اليوفي هالموسم ولاحظ ان اضعف المراكز ماتم تدعيمها :

صناعة اللعب : ندفد 36 سنة وكامو 32 سنة !!
الاظهره : زيبينا وجرجيرا
وملينارو ودي شيلي 22 سنة !!

وكل الصفقات كان تتم بالاتفاق الجماعي مع الادارة

شكرا لك حسين وكثر من هيك طلات

إقتباس الرسالة الأصلية كتبت بواسطة بـسـيـط المسألة موب مسألة رانييري افضل مدرب او مسألة رانييري مايخطأ بل هي اكبر من كذا لخصها ليبي في تصريحه بقوله ( فقط عندما تسوء الأمور .. المدربين يصبح وحدهم المسؤوليين ) يعني ليش القاء اللوم دائماً على المدرب في حالة تعثر اي فريق .. المدرب جزء من الفريق وليس هو كل الفريق خذ مثال قريب الهلال تعثر امام نجران وشف كيف بعض الجماهير جعلت المدرب هو سبب الخساره وانا متأكد لو انهزم في مباراة اليوم او تعادل امام الوطني راح تشوف 80% من الجمهور يطالب بإقالة المدرب وراح تشاهد الكلمات هذي ( غبي متخلف مايفهم حشره ) هذا وهو محقق بطولات الموسم الماضي اما سالفة الدعم المعنوي فهذا يحصل لكن من وين من الادارة وهذا الشيء اللي يهم المدرب اهم شيء الادارة لانها هي اللي بيدها اقالة المدرب من عدمه خذ مثال مدرب الانتر السابق مانشيني مدرب عادي اللي يدعمه فقط هو موراتي (الادارة) في المقابل رانييري غير ادارة اليوفي اللاعبيين صرحوا اكثر من مره ايضا عدد من المدربيين مثل ليبي وهيدينك ومازوني ومثل الخبر اللي نزلته انت لاعب سابق في اليوفي ما ادري هل رانييري شاب عمره 18 سنة يحتاج لهذا الدعم الكبير لإثبات نفسه وان كان هذا الدعم من اطراف متعددة لمدرب لايستحق فأعتقد ان هؤلاء الداعميين يضرون اليوفي اكثر من ان ينفعوه . ودمت بخير

( فقط عندما تسوء الأمور .. المدربين يصبح وحدهم المسؤوليين )

أعتقـد لما تكون مدرب الفريق ولك سنـة معـاهم فـ الكالشيو وتعطيك الأداره صلاحيـات كـاملـة في التعـاقدات وأعارة لاعبـي الفريـق وتهمـل مراكز مهمـه فـ الفريق ونقـاط ضعف وأنت تدري أن عندك مشاركـات قـاريـه كـ دوري الأبطـال وتتـخبـط بالفريـق زي اللي حـاصل خلنـا نقـول حـاليـاً مع اليـوفي
من يـكون المسئـول أجل ؟ واللي نحـاسبـه على سوء النتـائج ؟
هـاذي نقـطه ..
أمـا الدعـم المعنـوي فـ أكيد يكـون من الأدارة وأصحـاب ( القرار المسمـوع ) ومنهم ليبـي !
وبذكرك بـ شغلـه يـاكوينتا لمـا اليوفي تعـاقدو معـاه ( ليبي ) اللي كان مخطط للـ صفقـه ؟
طبعـا مو هو اللي دفع الفلوس بس هو كـان ورا الصفقـه
وأذا كنت تعتقـد أن لبيـي مـالـه صلاحيـات فـ اليوفي هذا شيء ثـاني ..

( ما ادري هل رانييري شاب عمره 18 سنة يحتاج لهذا الدعم الكبير لإثبات نفسه )
" طبعـا هذا كلامك " ..
الدعم يحتـاجـه الصغيـر والكبيـر والسـن مـا يتدخل بالأمـور هـاذي ..
والدعـم الهـدف منـه كـان ( لتـعزيز الثقـه بـ رانييري مو لأ ثبـات نفسه )
لأن جماهير اليـوفي بعد سوء نتـائج الفريق فـ الفتره الأخيره فقـدت الثقـه بالمـدرب ..
الفـريق محـتاج للـ دعم في هـذه الفتـره بالذات لأنـه أمـام أستحقاقات مهمـه ..
وبـالأخير لاهنت يـ / بسيـط وعساك على القـوه ..


PUYOL Carles

أولاً حيـاك الله ومنـوّر الرابـطـه
طبعـا ( جنـون اليـوفي ) و( نـاصر ) الله لايهينهم قـالوا بمـا فيه الكفـايـه وأوافقهم الرأي بكل اللي قـالوه ..

بس فيـه تعليق بسيـط
( رانييري - بينيتز - ديشامب - مورينهو )
كلهـم مدربيـن ولهم أسمهم فـ عالم التدريب
ومعرضيـن للـنجـاح وللـفشل و بالأخيرتوافيـق .. مسلميـن بالأمرهذا ولا عندنـا أعتراض ..
بس لمـا تشـوف منهم مدرب يتخبـط بالتشكيلـه عيـني عيـنك وأن فريقـك عنده الشيء الكثير وأن التخبـط بالتشكيـلة السبب الرئيسـي لنكـسة الفريق وهذا الحاصل فـ اليوفي حالياً .. شيء يقهــر !

وتحياتي لك يالغالي ..

منتخب الأسود الثلاثه بـ أعين عشاق البريمير [ نقاش مطول ]

شرفونا بنقاشكم ورده