(المعــــانـــــــاَهـ) - صفحة رقم 4 - نادي الهلال السعودي - شبكة الزعيم

abo_nasser · #46 01/08/2008, 12:46 AM

رد خاص للكندي..

إقتباس

الرسالة الأصلية كتبت بواسطة Canada's gallant


	و عليكم السلام و رحمة الله و بركاته موضوعك ذكرني بأحد القنوات الدنينية حيث تقول فتاة في الشات ( صباح الجمعة ) يا بناااات ادعوا لي الله يرزقني بشاب طيب و حنون مره إذا نزلت دمعتي يمسحها .. يالمتزوجات انتوا في نعمة عظيمة على الأقل الواحدة غاضة بصرها ما تطالع بالرجاجيل ^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ و الله العظيم الجملة كانت بهذا المفهوم و قريب جدا لهذا السياق في كل مره تعاد هذه الجملة أحس بالمعاناة اللي يعانيها الشباب و البنات على حد سواء ..

هلا وغلا باهل كندا كل ابوهم..

والله جملة جايه على الجرح ...الواحد يبيله وحده تونسه ويونسها وتحن عليه ويحن عليها ويضمها وتضمه

(--- كاني زودتها شويتين..

إقتباس


	يا أبو ناصر اسمح لي بالكلام بحرية و بدون محاور نقاشية .. (غبار الرياض هاد حيلي و مالي شدة نقاشات و تقيدات بالمواضيع ) جذبني في موضوعك إني أحس إنك تتكلم عني أحيانا .. إنت قاصدها يالذيب ؟

خذ راحتك بالموضوع يالذيب..

وكل ما بغيت تفضفض ...تعال فضفض هنا وتوكل..

هذا هو حال الشاب السعودي الغلبان ..

الحال واحد وانا خووووك..

إقتباس


	أنا كل ما كلمت الوالد بموضوع الزواج قالي .. قدامك باصين .. رح اخرش عليهم البواري عشان يجي دورك أقول له : والدي حبيبي .. فلذة كبدي أنا أكثر حاجة منهم في هذا الزواج فأنا في بلاد غربة .. و النساء من حولي كثير يجي أبوي و يرد: أنا ماني خايف عليك و لو إنك بين 1000 ملكة جمال >> مزود صفر من عندي و لو تأزم وضعك هناك تزوج ميليسا ..

ذكرتني بواحد من اخوياي ببريطانيا..كل ما جاء اجازه للسعوديه مسكوه اهله الا يزوجونه..وهو رافض رفضا قاطعاً..لدرجه ان احد الاجازات جاه علم ان اهله مصرين على الزواج فكنسل السفره وجلس ببريطانيا...شكله مضبط وضعه هناك..

إقتباس


	نبذه عن ميليسا .. 1- من أغبى البنات الموجودات على سطح الكرة الأرضية 2- وريت أبوي صورة لمختبر الكيمياء و هي تشتغل معي على تجربة و خق أبوي على شكلها 3- ما تعرف تسوي تجارب و لا هم يحزنون <<< ليش مخليها تشتغل معك أجل ؟ << لإنهم يوم وزعوا المجموعات للمختبر كنت برا و جيت متأخر و ما فيه أحد ضمها لمجموعته فصرت أشتغل معها فترة بسيطة 4- يقول لي أحد الأصدقاء من شفت أظافر اللي تشتغل معك و أنا عارف إنها ماهي لم شغل .. بس ميزتها تستمتع بشكلها و إنت تشتغل

ـهههههههههههههههههههههههههههههههههههههههههههههههـ

اتمنى ارسال صورتها مع السيره الذاتيه للخاص..

إقتباس


	بالنسبة للمطلقات .. المطلقة تحتمل شيئين .. الأول إن زوجها غثيث .. و الثاني إنها هي غثيثة بالنسبة لشاب مثلك ما تصلح لك المطلقة .. تحتاج بكر .. و هذا ما وصى الرسول صلى الله عليه و سلم عندما سأله عن زوجته ( بكرا أم ثيبا ) فقال الرجل بل ثيب يا رسول الله فرد عليه الرسول .. ألا لك ببكر فتعلاعبك و تلاعبها .. أو كما قال الرسول عليه الصلاة و السلام .. أسأل الله لي و لك بالزوجة الصالحة .. و بدوام الصلاح و الراحة و أن تكون خير عون لك في هذه الدنيا كما قال صلى الله عليه و سلم: ( خير متاع الدنيا .. الزوجة الصالحة ) أطلت لأني أحبك يالصناعي ورده سلااااااااااااااام ...

يعني ما ينفع مطلقه ابد..؟؟

مثل ما تشوف ناخذ بكِر ...

عبدالله..

الله يسعدك ويوفقك ويصبرك ويزوجك..

شرفتني يالغالي..

اكتفي بهذا القدر لهذا اليوم..

سلااااااااااااااااااااااااام
[/CENTER]

abo_nasser · #47 02/08/2008, 03:16 AM

إقتباس

الرسالة الأصلية كتبت بواسطة باسكن روبنز


	وعليكم السلام صباح الخير هلا بو ناصر .. ماشاء الله عليك عجبنني انك محافظ على نفسك من المعاصي الله يثبتك

هلا وغلا بالعسكريمه باسكن..ورده

الحمدلله محافظ

..بس مو من كل المعاصي

..فيه معاصي كثيره الله يهدينا بس ..

إقتباس


	س1/هل توافق/ين من الزواج من مطلق/ه ..؟؟ ## اذا هو رجال وكفو واخلاقه أوافق .. س3/هل توافقين على الزواج من شخص كبير بالسن (شايب)..؟؟ ** اذا فوق الاربعين لا أكيييد .. abo_nasser اترك اصدقاء السوء.. واذا انت ترغب بالزواج توكل وتزوج الله يوفقك ويزوجك ويوفق الجميع ..ورده

والله ارغب بالزواج

...بس ما ينفعشي الحين..

اللهم امين..واياك يارب..

وترجعين بالسلامه لمجلسنا..

وشرفتينا يا اختاه..ورده

إقتباس

الرسالة الأصلية كتبت بواسطة ريري هكتور


	هلا وغلا وحياكـ ابو ناصر .. حديث اجتماعي شمل محور اساسي ..( طموح شاب ) ...{ كل شخص بها الحياة يحلم بالأستقرار في حياته سواء ولد او بنت .. لكن قبل الحلم التفكير بأنها مسؤوليه والشخص يقدم عليها وهو كامل من مجاميعه الحين صرنا نشوف زواجات بالهبل وللأسف الطلاق مصيرها يمكن لأنه مااقدم على هالخطوه عن تفكير بالعكس بس جاء في باله زواج وتزوج دون مايقدر المسؤوليه .. ؟ ولا الحجم الملقى على عاتقه وحديثي هنا للبنات ... واحد قريبنا أزعج أهله الا بيتزوج مع انه قبله 3 اشقاء واكبر ومتوظفين الا انه اصر انه يتزوج وخطبوا له الاولى رفضها هو والثانيه تملك عليها بس ماكتب لهم زواج وبرر تصرفاه ورفضه ان طلباتها ممله بس يمكن ماارتاح الا يوم سواء اللي براسه .. يعني ماكان عنده حس للمسؤوليه وانها حياة جديده ..يمكن هذا اهم سبب يواجهه الزواج .. وينتهي فيه للطلاق ..

هلا وغلا ومرحبا بالمشرفه ريري..ورده

فيه شباب همه الوحيد ان يجرب شيء اسمه زواج وكأنه احد محاط المراهقه التي يمر بها..

وهناك نوع اخر يستسلم لضغوطات والديه ويتزوج وهو غير مستعد تماما وينتهي ذلك بالطلاق..وفالاول والاخير ارى ان الفتاه هي الضحيه..

إقتباس


	الله يعطيك الف عافيه ابو ناصر ويرزقك يارب بالزوجه بس موب فطيمه انا اقول نلف على بدريه احسن الصالحه اللي تنسيك حياة العزوبيه والجميع يارب ورده

بدريه تبع الانقلش..؟؟

انا مابي غير تبع الانقلش ..وذكريها ان باقي 28 يوم من المهله لازم تضبط وضعها..

اللهم امين..

الله يسعدك ويحفظك ويزوجك باللي يقدرك ويسعدك..

شرفتينا يا اختاه ورده..وخفي من اكل الكراث قبل ما تردين ..الريحه صرعتني..

إقتباس

الرسالة الأصلية كتبت بواسطة هلالي من ارض اليمن


	خذ من اخوك يا ابو ناصر .. كلما كبرنا كبرت مسؤولياتنا .. وكلما كبرت مسؤولياتنا كبرت همومنا ،،، قد اكون اتيت متأخرا ولكن قد قلت لك يا ابو ناصر موعدنا السبت ان شاء الله شكرا جزيلا لك على موضوع الكريم والله يعطيك العافية

هلا وغلا بالكاتب المميز طارق..

اخذتها منك

...حكم ما شاءالله عليك..

مرورك يالغالي وقراءتك لموضوعي شرف كبير لي ..

الله يسعدك ويوفقك..

إقتباس

الرسالة الأصلية كتبت بواسطة && هلااااااليه &&


	هلااااا وغلاااا باابو ناصر ورده وعليكم السلااام والرحمه وش هالحركات ومواضيع مير الله يكفينا شر الهموم الواحد من يتعدى سن المراهقه وهو خلاااص يبدا يشيل هم لكل شي اممممممممممممم لا طبعا اذا كنت بنت ماتعدت سن الزواج وش حادني اخذ مطلق وش يضمني انه يقول الصدق لاسألنه ليش مطلق ياكثرهم اللي ينصبون وكل انسان يحس الحق معه ربي لايحطني مكانه ولا مكانهااا مير المطلقه هي الضعيفه ولا هو هين ليش يوافق لا طبعاااااااا يعني خدامه لا طبعااا الله يخليلي ابوي واهلي مشبب يماااال العافيه على الموضوع الجونان والله يوفقك ويسعدك دنيااااا واخره مير انت تستااااهل كل خيير وربي وان شاء الله تلقالك البنت التحيفه ع قولتك يالله فوتك بعافيه ورده

هلا وغلا بالخبله..ورده

وش عرفك انتي..افكر الاسبوع الجاي اسدح موضوع ثاني..

اتوقع لو كان احد اقاربك وتعرفينه زين وتعرفين سبب الطلاق ..اتوقع ما فيها شيء تاخذيه..

الله يعافيك ياختي ..اللهم امين واياك يارب..

الله يسعدك ويحفظك..ورده

إقتباس

الرسالة الأصلية كتبت بواسطة مواصل من عام 1413هـ


	ذكرتني بسالفه واحد من أخوياي بعمرك الولد تعبان نفسياً ( ويعاني ) دخل علي العصر وهو محبط قلت له سلامات وش فيك قال ياخي أمي حطمتني دخلت عليها الظهر وهي جالسه تتقهوى وقلت له : يمه أبي أعرس يقول : ناظرتني بطرف عينها وجلست تطالع فيني من فوق لتحت وقالت : خلني أقوم أشوف غداي أبرك لي [/center]

هلا وغلا عبدالله مرتن ثانيه ..

الريحتني الله يريحك..على بالي ما تحطم في مثل هالمواقف غيري..

والله مفروض الوالدين يسمعون لنا على الاقل ..يعني يسلكون ولا يسوون شيء..

عشان لا ننحرف..

إقتباس


	أنا معلمك وش تسوي هناك بس إنت زلابه قلت لك خذ لك كنديه وخذ معها الجنسيه بس إنت زلابه يا أبوعابد وأبوك ما قصر فتح لك المجال مع ميليسا يالبى سباكتها حبيت الصبيه من سباكتها

مواصل قسم لو كنت مكان فتى كندا

..ما توفر ميليسا ابد..

الله يزوجكم اثنينكم..

إقتباس

الرسالة الأصلية كتبت بواسطة دمعة زرقاء


	وعليكم السلآم ورحمة الله وبركاته ,,

إقتباس

الرسالة الأصلية كتبت بواسطة دمعة زرقاء


	هلا وغلا ابو ناصر ,,ورده بيكون المقياس الخلق والدين بغض النظر اذا كان متزوج سابقا او لا ماتوقع بيكون الجواب نعم ابو ناصر ,, الله يوفقك ويرزقك الزوجه الصالحه ويعطيك الف عافيه ,,ورده

هلا وغلا اختي دمعه زرقاء..ورده

مثل ما قلتي ..المفروض يقيم الشخص على اخلاقه وتعامله مع الناس واسباب طلاقه السابق..ومثل ما تقول متابعهورده..اهم شيء الاخلاق..

اللهم امين ...الله يسعدك ويحفظك ...ورده

إقتباس

الرسالة الأصلية كتبت بواسطة Hilali88


	هلا أبوناصر

إقتباس

الرسالة الأصلية كتبت بواسطة Hilali88


	هاليومين أكثر المواضيع عن الزواج ارحموا العزوبية لا مانع من الزواج بمطلقة إذا كانت مطابقة للمواصفات قصدي مطابقة للشروط يعني تكون جميلة وخلوقة ودمها خفيف وماهيب هذارة وأيضاً مو بالضرورة يكون سبب طلاقها مع زوجها السابق بيتكرر معي لكني بالدرجة الأولى أفضل الزواج من بكر لا طبعاً أبوناصر شكراً على الموضوع التحيف

هلا وغلا اخوي هلالي..

الله يلوم اللي يلومنا..قسم بالله شباب في سني تزوجوا وانا اتفرج لهم..

وهذا غير الفتن ..تلفزيون نت شارع التحاف قدامك ..

اذا شفتها ..قسم بالله تضيع علومك وتنسى شروطك..

الف شكر على المرور يالغالي..ورده

برررررب..

سلااااااااااااااااااااااااااااااااااااام

الهلالي دائماً · #48 03/08/2008, 09:12 AM

هلا وغلا اخوي الحبيب ابو ناصر

صدقني خشيت جو مع موضوعك الى آخر قطرة

الله يوفقك يالغالي وان شاء الله نفرح فيك عما قريب ورده

وبصراحة ارفع القبعة احتراماً لوالدتك حفظها الله ..
التي عرضت عليك هذا العرض فبالعادة الام هي من ترفض ان يرتبط ابنها بمطلقة !

إقتباس


	س1/هل توافق/ين من الزواج من مطلق/ه ..؟؟

اذا كانت مناسبة اوافق .. والطلاق ليس عيب بل هو سنة من سنن الحياة .

إقتباس


	س2/هل توافق على زواج اختك بشخص كبير في السن(شايب)..؟؟

بصراحة انا ما اوافق ولكن في نفس الوقت لا ارفض لان الرأي الاول والاخير للبنت

واذا كان مطخطخ وشايب بقوة حلو

يمكن يطلع لها ورث كم قرش >>تفكير مصري

إقتباس


	س3/هل توافقين على الزواج من شخص كبير بالسن (شايب)..؟؟

ممكن نحط اتصال جماعي

ابو ناصر كيف التاحفة

شكرا لك يالغالي والله يحفظك ويحصنك ويبعدك عن كل شر ...

دمت بخير وعافية ,,,

abo_nasser · #49 08/08/2008, 10:33 PM

إقتباس

الرسالة الأصلية كتبت بواسطة A.K.N 505


	و عليكم السلام ورحمة الله وبركاته هلا أبو ناصر...ورده ورده الهم في صدري كتب له دواوين... هذه الدنيا دار نكد وتعب وهموم والراحة بالجنة والله الواحد الحين اللي ما يخاف ربه , يطيح بالخراب سلام سلام قبل يومين طلعت من الجامعة الظهر معي اثنين لمجمع الظهران عشان نتغدى...وحنا نمشي وحدة شبه كاشفة والعطر منشر بدائرة قطرها 4 أمتار.. تقوم تأشر لواحد ويجي يحط لها الرقم بالكيس اللي معها .. مدري إلى هالدرجة وصلت الوقاحة ..!! الواحد إذا يبي يتزوج بالعمر هذا صعبة..... و إن ما تزوج وحصـّن نفسه مشكلة بعد..! لكن الواحد يصبر إلى ما تنفرج أما بالنسبة للمطلقة ... فممكن ان العيب مهو منها لكن عن نفسي أفضل البكر لأسباب احتفظ بها لنفسي..! دمت بخير ..

حياك الله اخوي اكن505..

في السنين القريبه الماضيه كان الشاب اذا يبي الخراب يدور له ..ويالله يحصل
الان الخراب يجيك لعندك وبعد يكاسرك..

الله يحفظنا ويستر علينا..

اخوي اكن..لاهنت ويعطيك العافيه..

إقتباس

الرسالة الأصلية كتبت بواسطة أسيرة الزعيم


	أبا ناصر شكراً لتطرقك لهكذا موضوع ! اعتقد ان رفض الزواج بالمطلقة أو بالمطلق لم يصبح بشدة الرفض التي كانت في السابق .. ذلك يرجع أن الحالات وللأسف ليست قليلة .. فالطلاق في فترة الملكة أصبح ( شائعاً ) ! و نسبة الطلاق خصوصاً في سنوات الزواج الأولى في تزايد .. نسأل الله أن يوفق ويسعد كل بيت ،، ويوفقك في دراستك ويرزقك زوجة صالحة تسعدك وتسعدها ..

هلا وغلا بنبض مجلسنا ...ورده

بالفعل الطلاق هاليومين بازدياد والمصيبه ان بعضها يحصل فيها الطلاق باسباب تافهه..

اللهم امين..

اختي اسيره...حضورك وقراءتك لموضوعي شرف لي ..

الله يسعدك ويحفظك..ورده

إقتباس

الرسالة الأصلية كتبت بواسطة بريماكس!!


	اهلا بالدب النحيف ابوناصـر

هلا وغلا اخوي ابوياسر..

إقتباس


	ابوناصر يادب خلني ابقولك وش سالفتي .. الساع ممكن 11 جالس لوحدي بالصاله وقاعد اقراء موضوعك النحيف اللي مثل وجهك .. المهم جيت ابرد كتبت هلا ابوناصر .. ثمن قعدت افكر مدري وش اقول اببداء بالترحيب او شئ المهم مادريت الا انسدحت ونمت

لانك فاغر..

والله حصلت معي مره نفس الموقف بس بالمسن ..

كنت دايخ ابي انام ..واللي اسولف معه استاذن لدقايق وبيرجع..من قوة النوم انسدحت مكاني..والله ما صحيت الا بعدها بساعتين ..واحصل الشاشه كلها تنبيه..

وفي موقف ثاني بس مشفره..

إقتباس


	شفت العزوبيه وش تسوي والهموم =====>

ابوها عزوبيه..

قسم بالله وسوسه وقلق ..بيت طويل عريض وانا لحالي فيه ..

ومعي اخوي ..بس قسم وجوده زي عدمه

...اغلب يومه بعمله..واذا فكر يطبخ اعرف ذيك الليله بداوم على دورات المياه..

عليه والله اكبر..قسم بالله طبخ الليه طبخه ما ادري وش تبي بالحياه..

إقتباس


	الزواج مشغل بالي هاليومين واسالوا جرحرح احس فاقد حنان مره مره لذلك التفكير فيه من كل جانب محيط بي

الحنان..

الحنان هو الحنان..خلاني في حبك اسير..

إقتباس


	صدقني اللي يخلي تفكيره كذا وامام نصب عينيه ماراح يقرب الزناء مهما كلفه الامر

والله معك حق...شف خلني اقولك بصراحه

انا مستقبلا ممكن اسرق ممكن اشرب ممكن احشش

..بس شايل من راسي سالفة الزنا بتاتا ..ولا افكر فيها مطلقاً..

إقتباس


	اسال الله ان يزوجك يافحل ويزوجني انا وجرحرح والجميع

اللهم امين ..

صرنا خمسه اللي بالمجلس ويبون يتزوجون..مواصل وفتى كندا وجرح وابوياسر وانا..ويالبى قلب اخرهم..

اسعدني مرورك يالغالي..والله يرحم والدك ويغمد روحه الجنه..

إقتباس

الرسالة الأصلية كتبت بواسطة محبة الزعامه


	يرفضون يتزوجونها اذا كانت مطلقه اهون من انها ماتتزوج عشان امها مطلقه << وهنا البلى وش ذنبها ان امها مطلقه << (( ناس متخلفه ....الله يعافيهم ))

هلا وغلا اخوي..ورده
الف شكر لتطرقك لنقطه غابت عني..

هناك اناس والحمدلله انهم قله ..بما ان يسمعوا ان امها مطلقه او اختها مطلقه يتراجعون بالتقدم لها..وهنا نرى قمة التخلف..

لاهنت يالغالي..ورده

إقتباس

الرسالة الأصلية كتبت بواسطة الـمـشـاغـب


	هلا وغلا أبوناصر موضوعك تحفة يا تحفة يا شيخ لو أني مكانك كان ذبت وسحت داخل ملابسي يا لبى الملكعات الحقيرات .. لعنبوا من لامك إذا ما نمت ليلتك يالخروف الحياوي الصدق لو أني مكانك وبجرأتي المعتادة كان تلقاني محجوز عند الهيئة بتهمة الترقيم بالشبشب

هلا وغلا بالسافل سلتان..

خخخخخخخخخخخخخخخخخخخخخخخخـ عارفك قوي عين ..بس والله تمنيت ان حقارتك كانت فيني ذاك اليوم..

يا خي قهروني..

إقتباس


	س1/هل توافق/ين من الزواج من مطلق/ه ..؟؟ ج1/ أوافق كزوجة ثانية .. أما كأول مرة لا ..! ما فيه مثل الجديد ولا يغرّك الحكا

رايح تفكيرك لبعيد يا سافل..مخطط على الثانيه من الحين يا خروف..

خل الاولى تجي وبعدها اذا انت كفووو فكر بالثانيه..قسم ان تلعن ابو خيرك..

يا سافل ..دايم انبسط اذا شفت رد لك ..سواء بموضوعي او باي موضوع في المنتدى..لانك وبكل اختصار حقير..

الله يوفقك ويسعدك..

إقتباس

الرسالة الأصلية كتبت بواسطة الكــلاسيكي


	وعليكم السلام ورحمة الله وبركاته .. هلا وغلا فيك ابو ناصر .. حياك الله .. موضوع رائع .. ومعاناتك سهله وتسهايل شد حيلك // وتخرج وتزوج البنت التحيفه نعم اوافق , ولا مانع من ذلك ان كانت مطلقه لا قدر الله .. لابأس بذلك .. ابو ناصر .. تقبل حضوري المتواضع.. دمت بخير

هلا وغلا مدير..

سهله وتساهيل مين ...اقول بانحرف وهو يقول سهله وتساهيل..

والله اذا الواحد صعبها راح توديه بستين داهيه..المفروض الواحد يبسط الامور ويحاول يشغل تفكيره بامور الدراسه ..(==يبي يقنع نفسه بهالكلام..

يا خوي اطلع شارع احصلهم قدامي انواع التحافه ومحلات عطور متحركه ..

الله يعين ويستر علينا وعليهم

شرفني مرورك مدير..

إقتباس

الرسالة الأصلية كتبت بواسطة عسيريه


	. . هلا وغلا بأخونا أبو ناسر حياك الله أول ماقريت العنوان قلت اكيد يكتب معاناته مع شركة الانفصالات بس طلعت معاناه ثانيه الله يكون بعونكـ

هلا وغلا بالعصيريه..ورده

الله يخسها من شركه ..ودي احش فيها بس خايف على اللياقه..

الجميع يارب..

إقتباس


	ههههههههههههههههههههه أكثر ما ضحكت عليه كيف التحافه خلك من التحافه وروح للأخلاق والطبخ والنفخ يعني وحده صقره وأوصيك بوحده ساكنه بالجنوب ماشاءالله عليهم البنات اللي ساكنين بالجنووب عندهم صقاره

صقاره..

لو ما شاركتي الا بهالكلمه تكفي..

دايما الماما تقولها..

والله وانا خوك..كلها مهمه ..والحمدلله بنات الجنوب فيهم التحافه مع الصقاره يالبى قلوبهم..

...ولا يهونون بنات المناطق الثانيه عشان لا يحقدون..

وانتي كيف معدل الصقاره عندك..؟؟ والا من جنبها..

إقتباس


	شكرا ابو ناسر اندماج الفصحى مع العامي اعطى الموضوع شكل غير كل يوم نزل معاناه وحنا نواسيك ماعندنا مشاكل

يا شيخه الله يسعدك ...رفعتي روحي المعنويه ..شكلي باخذ بنفسي مقلب ..واكتب فصحى..

نورتي الحته اختي عصيريه ..ورده

إقتباس

الرسالة الأصلية كتبت بواسطة هلالي لي العز والفخر


	صادق يالغالي أبو ناصر الواحد يبي يعف نفسه ويتجنب المغريات الكثيرة في هذا الزمن توكل على الله وصل صلاة الاستخارة وأهم شي يكونون أهلها أصحاب دين وخلق أما باالنسبة للمطلقة ياأبو ناصر قد تكون زواجك بهذه المطلقة سبب لرزق الله لك بسبب رحمتك بها ورأفتك بها وسترها فاأنا لاأرى بها شيئا أما زواج أختي بكبير في السن فاأني لاأوافق بها ليه أدمر مستقبل أختي وشبابها في ذا الشايب وهذه وجهة نظري ولكن في الشرع جائز الله يوفقك ويرزقك باالزوجة الصالحة إذا نظرت إليك سرَتك وإذا أمرتها أطاعتك..وإذا غبت عنها حفظتك تحيات أخوك فيصل وردهورده

هلا وغلا اخوي فيصل..ورده

الحمدلله اهلها ما فيهم كلام ...اصحاب دين وخلق..

بالنسبه اني تزوجها رافه ورحمه ..صدقني ما راح افكر كذا..انا اذا باتزوجها فبيكون عشانها هي ..ولانها اعجبتني..

فما راح اتزوجها رحمه او شفقه ..ممكن مع الايام اظلمها معي..

إقتباس


	الله يوفقك ويرزقك باالزوجة الصالحة إذا نظرت إليك سرَتك وإذا أمرتها أطاعتك..وإذا غبت عنها حفظتك

اللهم امين..الله يسمع منك ..واياك يالغالي..

الله يسعدك ويوفقك ويحفظك..

تعب هالردود..

سلاااااااااااااااااااااااااااااام

هلالي ارسنالي وافتخر · #50 08/08/2008, 11:33 PM

ممكن سوال

الحين انت وراك تبي تتزوج هههه

هل تبي تكون اسره وبيت ولا وشو ؟ >>> يبي يوصل لشيء هههههههههههههههه

abo_nasser · #51 09/08/2008, 12:18 AM

^
^
^
ابي العب شرعد..

فرمت مخك يا شيخ..

هلالي ارسنالي وافتخر · #52 09/08/2008, 12:50 AM

إقتباس

الرسالة الأصلية كتبت بواسطة abo_nasser


	^ ^ ^ ابي العب شرعد.. فرمت مخك يا شيخ..

وش لون افرمته اخبرهم يفرمتون كمبيوترات

بس جد وشو شعرد خلني العبها تراني فاضي

بس وراك تهربت لاتستحي من سوالي هع هع

شكرا لك

الحلا مبتليها · #53 09/08/2008, 06:16 AM

صباح الخير ابو ناصر..ورده

والله من زمان كان ودي ادخل موضوعك بس مدري وش يجيني ولاادخله..

بس سويت مع نفسي حلبه مصاارعه..

يمكن احد حاط لي سحر

وانفك اليوم..

من جد موضوعك جونااان..

إقتباس


	س1/هل توافق/ين من الزواج من مطلق/ه ..؟؟

لا ماني موافقه

وراه وش ناقصني

وحتى لو كان سبب الطلاق مايتعلق بالشخص

برضو الوالد مستحيل يرضى لوعلى ايش

إقتباس


	س3/هل توافقين على الزواج من شخص كبير بالسن (شايب)..

نو نو..

تخيل عمري 18 واخذ واحد عمره 60

كان ماتلقاني الا ف العنايه المركزه

ع ان الشياب سواليفهم مصرقعه

بس ف الجنه اخذه

اخذ مطلق ولااخذ شايب..

تحياتي ^_^

abo_nasser · #54 14/08/2008, 11:47 PM

إقتباس

الرسالة الأصلية كتبت بواسطة متآبعه بصمت


	بسم الله الرحمن الرحيم تواجد رائع منك أخوي أبو نـــآصر . أبدا في التطرق لحبيبتنا المطلقه وفي وضعها الإجتماعي والنظره لها من قبل أهلها وصديقاتها وأقربائها , إنسانه لها وضع خاص يميزها في أحيان كثيرة , يقولون: إن المطلقه تغلى في عين النـــاس , ويرتفع سوقها , وتشتهر في أكبر شريحه ممكنه , من واقع لامسته في حياتي أكد لي هالكلام اللي إنقال ! والله غلاها عند أهلها يكبر ويزيد , راح يرجع لها الدلع , والحريه في حدود الشريعه وما وصى به الرسول صلى الله عليه وسلم . لكن لو جينا من ناحية قلب المطلقه ! تلقاها كسيره , محطمه , تحمل هموم الله أعلم بها وبحالها , الضيقة اللي دايمٍ تالي عصير .. .. وش حيلتي وأردها لا تجيني لا طال ظل العود حزة عشى الطير .. .. كنها على سجن الحديد تحديني يضيق صدري كل ما جات وأسير .. .. ولايخفف سوق رجلي حنيني لا حولنا مشراف ولا اقدر اطير .. .. يالله قسمة خير لا تبتليني وعقارب الساعة توقف عن السير .. .. ولاكن في الدوحة سواتي حزيني والعبره اللي تاصل الحلق وتحير .. .. يا قربها لو قيل لي يا عويني أمل شوف الناس ورد ومصادير .. .. واللي يقول اشفيك كنه يهجيني يعني على ما قيل من باب تصوير .. .. (لاحدٍ أبي قربه ولا أحدٍ يبيني) أروح أدور خط مابه دواوير .. .. وأدور اللي هادها تهتديني وآخذ مع الهاجوس سجة وتفكير .. .. وأراجع اللي فات بيني وبيني وأحسب ذنوبي وأدور التكفير .. .. عساي ما قصرت في والديني وعساي ما قارنت من ينفخ الكير .. .. واللي يحمل المسك جعله قريني ويطري علي يوم الحشر وأطلب مجير .. .. ما أعطى كتابي في شقيقة يميني ويطري علي صدقان كثر الدنانير .. .. اللي اتعاديني إلا كثر ديني وراعي الهروج اللي سوات المناشير .. .. أصد عنه وأدري انه يعنيني الله حسيبه يوم عرض القواوير .. .. والله حسبي من صواب مكيني وإلا طرالي واحد كانه اصغير .. .. أم أصغر بيومين ولا سنيني دريت وش قومي وعينت تفسير .. .. للضيقة اللي من زمن تعتليني حبه بصدري سالفة سر في بير .. .. وكن الفواد يقول هذا زبيني أشفق على علمٍ يجي منه من غير .. .. لا يسمع اللي سولفوا به ونيني يا كثرهم غيرهم ولكن خبر خير .. .. ما غير شوفه في الوجود يهنيني رايي كذا يا عاشقين الغنادير .. .. ماله على وجه البسيطه وزيني العام أجيهم من حساب المسايير .. .. واليوم حال عداي وينه وويني خطاي تعليق الأمل في المدابير .. .. الين راح وشفت حقري بعيني صبرٍ جميل وخابر إنه مقادير .. .. والله على تخفيف حزني عويني ذي حالتي لين اتغبا الشمس واصير .. .. معطى سراحي عقب مانا سجيني واذا امتلى جوف الشجر بالعصافير .. .. طلبت من رب العباد يهديني يعتقني المذن عقب ضيقة عصير .. .. اللي على سجن الفراق اتحديني أي كلمه في غير محلها حتى لو مو مقصودة لها بعينها , تزيد جراحهــآ ,وتتسارع نبضات قلبها بالألم , كيف لو كان عندها أطفال ! الله يقوي قلوبنا وقلوبهم بالإيمان وطاعة الرحمن , ويرزق كلٍ على نياته . أبو نـــآصر إبداع غير مستغرب من معاليك . الله يرزقك بالزوجة الصالحه اللي تسعد قلبك , ويجمعك بها على خير . الله يجزاك الجنّــة .

هلا والله اختي متابعه..ورده

تطرقتي لحالة المطلقه النفسيه...وابدعتي باختيار الابيات ..

اكيد مرحله صعبه تمر به المراه ما بعد الطلاق ...الله يكون بعونهم..

اختي متابعه..ورده

لاهنتي على المرور..ورده

إقتباس

الرسالة الأصلية كتبت بواسطة nor alshams


	.. هلا ومرحبا أبو ناصر .. موضوع تحيف .. الله يرزقكم بمن يخفف عنكم المعاناة .. .. س1/هل توافقين من الزواج من مطلق ..؟؟ ياكثر أسئلة الزواج بالمجلس هاليومين .. ربما أوافق .. .. س3/هل توافقين على الزواج من شخص كبير بالسن (شايب)..؟؟ أيضاً أقول ربما .. ولكن إذا تزوج الشاب بامرأة كبيرة في السن .. الزواج قسمة ونصيب وما نقدر نجاوب بنعم أو لا .. لكن ما المانع إذا الرجل كفء وحتى إن كان كبيرً في السن ولكن مو كبير بالحيل .. .. أبو ناصر .. شكراً لك ورده .. وأتمنى الله يجزاك خير تترك العجز وترد على الردود كاملة لو مرة واحدة .. ..

هلا وغلا بالملكه نورالشمس (نور القمر)(حنين)..ورده ورده ورده..(-- لكل يوزر ورده..

تصدقي ..كنت ناوي على السحبه...وقلته لاكثر من عضوو ..بس بعد ما شفت ردك استحيت على دمي وقلت لازم اكمل الردود..

اسعدتني عودتك للمجلس..

الله يسعدك ويحفظك..ورده

إقتباس

الرسالة الأصلية كتبت بواسطة اليزابيث هيرلي


	بالخير يا أبو ناصر ..

بالنورابلتي..

(---ابلتي وكيفي..

ابلتي

الله يعيني على تفتيت ردك..

إقتباس


	لا ماشاء الله أمورك طيبة , أجل تفكر بالمستقبل اخسره المستقبل , بعلم الغيب ما احد يعرفه وشوله تفكر >> تسني طالعه منها ..

ايه افكر بالمستقبل..

ابي اسنع وضعي من بدري..

إقتباس


	يالخاين , تقول لأمك أبي حرمه وأنا قاطعتن تسبدي بساقتك ماغير من بيت لبيت أدور لك , حتى فطيمه تقول ماش تسني أستخرت ولا ابيه قلت يابنت الحلال والله انه يحط على الجرح يبرا , عز الله أن أمتس داعيتن لتس تسانتس تتاخذينه ,

خاين..؟

اذا ما قلت لامي اقول لمين..؟

اخر اجتماع لنا اتوقع اننا طلعنا فطيمه من حساباتنا..

والف شكر على الترفيع..ورده

إقتباس


	بس تبغى الجد , ماشاء الله تبارك الله , الله يتمم عليك , تفكيرك في مثل هالأمور وخوفك من الخطأ أمر يدل على وعيك ونضجك رغم أننا نرى أشخاص وصلوا لمرحلة متقدمة بالسن وعايشين حياتهم وغارقين بملذاتهم ولا عمرهم فكروا مثل تفكيرك .

ايه اعجبك..واعي وناضج ومهايط بعد..

والله اعرف متزوجين مازلوا يمارسون هوايه الخرفنه..

إقتباس


	أبو ناصر خذ العلم جاك .. ماهنا عرس أعرسوا اخوانك ولا ما اعرسوا كبرت ولا تخرجت ولا توظفت ماهنا عرس قبل لا نزوج مواصل والمشاغب ونتطمن عليهم وعلى مستقبلهم قبل لا ياخذ الله أمانتي , أريد أن أحميهم من عالم الإنحراف , حرف الله نظر العدو

تبطين عظم انت واياهم..

اخذ الشهاده واتوظف بعدها تحصليها متكيه جنبي وتشارك بالمجلس بيوزري..

بالنسبه لمواصل

..والله ودي يتزوج قبلي وان زواجه اليوم قبل باكر ..

اما سلتان

..فاتوقع بلد القلق بيتزوج وسلطان باقي يتخرفن بالراشد ..

الخرفنه تجري بعروق هالانسان السافل..

إقتباس


	وثمن اتعابي ولفلفتي بالشوارع بالقوايل لزومن تدفعه على داير مليم من أول أقول يدفع بالآخر لاتطمنت عليه وأعرس لكن دام مواريك تسذا , ابداً ولا أعتب باب بنت أبوها إلا وأنت كاتب لي شيك

وشو اتعابه ولفلفتك ..ما جبتي لي الا فطيمه ومعها ثنتين ..وكل وحده اشين من الثانيه ..

اقولك معلمه تروحين تجيبين فراشة مدرستكم..

اذا لك شيء باعطيك اياه وعلى القزمه الاديمه..

لنا اجتماع عن قريب ابي اشوف الاسماء النهائيه..

إقتباس


	ياربي تطول بعمري وأبارك لك بموضوع زواجك بعد عمر طويل >>>تحطيم

الله يطول بعمرك..

بس لا تحطميني مره ثانيه..

إقتباس


	عاد ببارك لك بيوز جنينتي ((اليزابيث الثانية)) ياعين أمها

ان شاءالله خير ..

الله يرزقك بالزوج الصالح ويرزقكم بنت ما فيه اتحف منها..

ابلتي (خطابتي)..

الله يسعدك ولاهنتي..

إقتباس

الرسالة الأصلية كتبت بواسطة بتيل


	هلا والله أخوي أول أعرقف ليه طلق مرته الاوليه بعدين نشوف أذا كانت الاسباب مقنعه نفكر عالعموم ماعندي مانع أذا كان يستاهل أما الشيبان فـــــــــــــــلا وألــــف لا طبعا والله لايحدنا عليهم آمـــــــــين مشكور أخوي على الموضوع الحلو بـتيـــــــــــــــــــل

هلا وغلا اختي بتيل ..ورده

وش فيك على الشيبان..؟؟ ادري انه يالله يمشي ولا عنده اسنان او تحصلينها تركيبه وحياة بقعا..

بس ممكن يطلع مقرش..

يعني كلها ثلاث سنين بالكثير ويتوكل ..عاد انتي بتنغنغي بعدها..

لاهنتي على المرور..ورده

إقتباس

الرسالة الأصلية كتبت بواسطة ماجد مقبل


	هلا وغلا اخوي الحبيب ابو ناصر صدقني خشيت جو مع موضوعك الى آخر قطرة الله يوفقك يالغالي وان شاء الله نفرح فيك عما قريب ورده وبصراحة ارفع القبعة احتراماً لوالدتك حفظها الله .. التي عرضت عليك هذا العرض فبالعادة الام هي من ترفض ان يرتبط ابنها بمطلقة ! اذا كانت مناسبة اوافق .. والطلاق ليس عيب بل هو سنة من سنن الحياة . بصراحة انا ما اوافق ولكن في نفس الوقت لا ارفض لان الرأي الاول والاخير للبنت واذا كان مطخطخ وشايب بقوة حلو يمكن يطلع لها ورث كم قرش >>تفكير مصري ممكن نحط اتصال جماعي ابو ناصر كيف التاحفة شكرا لك يالغالي والله يحفظك ويحصنك ويبعدك عن كل شر ... دمت بخير وعافية ,,,

هلا وغلا بمديرنا الجديد..

والله وانا استغربت لما قالت انها مطلقه ..ما كنت اتوقع تفكيرها كذا ..بس ممكن البنت دخلت مخها..

ابو مقبل ما تبي تتزوج..؟؟

ما شكلك طولت..؟؟

تصدق لما اجيب طاري الزواج بالمنتدى واتذكر انك انت وابوريمان باقي ما تزوجتوا اني احس اني بزر ..واستحي..

شرفتني يا مديرنا الجديد..

والله يسعدك ويحفظك..

إقتباس

الرسالة الأصلية كتبت بواسطة هلالي ارسنالي وافتخر


	وش لون افرمته اخبرهم يفرمتون كمبيوترات

إقتباس

الرسالة الأصلية كتبت بواسطة هلالي ارسنالي وافتخر


	بس جد وشو شعرد خلني العبها تراني فاضي بس وراك تهربت لاتستحي من سوالي هع هع شكرا لك

انت يبيلك من يجلدك..

لازم اجيب العيد واتوقف بسبب اسئلتك المحرجه..؟

الشرعد لعبه لشخصين فقط..

حياك اخوي..وطس مناك..ورده

إقتباس

الرسالة الأصلية كتبت بواسطة الحلا مبتليها


	صباح الخير ابو ناصر..ورده

إقتباس

الرسالة الأصلية كتبت بواسطة الحلا مبتليها


	والله من زمان كان ودي ادخل موضوعك بس مدري وش يجيني ولاادخله.. بس سويت مع نفسي حلبه مصاارعه.. يمكن احد حاط لي سحر وانفك اليوم.. من جد موضوعك جونااان.. لا ماني موافقه وراه وش ناقصني وحتى لو كان سبب الطلاق مايتعلق بالشخص برضو الوالد مستحيل يرضى لوعلى ايش نو نو.. تخيل عمري 18 واخذ واحد عمره 60 كان ماتلقاني الا ف العنايه المركزه ع ان الشياب سواليفهم مصرقعه بس ف الجنه اخذه اخذ مطلق ولااخذ شايب.. تحياتي ^_^