المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

Like Tree1Likes

إضافة رد
   
 
LinkBack أدوات الموضوع طريقة عرض الموضوع
  #1  
قديم 18/07/2008, 08:38 PM
زعيــم مميــز
تاريخ التسجيل: 14/12/2006
المكان: وش دخل ابوك
مشاركات: 4,231
بـــسمـ الله الرحـمـن الرحيــــم

السلام عليكم ورحمة الله وبركاته

كثيره هي الامور التي نفكر بها فقد نفكر لايجاد مكان لقضاء الوقت مع العايله فيه..وهناك من يفكر بطريقه جديده للايقاع بفريسته (خرفنه)..ولكن يبقى التفكير بمشاكل الدنيا وهموم المستقبل ما يسيطر على فكر الانسان العاقل..
في مرحلة ثالث ثانوي كنت مهموم لدرجة اني قلت لو تجاوزت هذي المرحلة سوف اودع هذا الهم والغم للابد..
مرت الايام سريعاً واجهتني فيها مشاكل خلتني اقول (الا ليت الثانويه تعود يوماً)..فقد كنت لا اعرف النوم من شدة التفكير..
في احد الفترات كنت اخاف على نفسي من الوقوع في المحظور فقد خشيت على نفسي من رفقاء السوء ومن فتن الدنيا
الاصدقاء منهم من يحشش وهناك من يقظم وهناك من يصبح مع فتاه ويمسي مع اخرى..
وقد كانت العروض تنهال علي سواء بترفيعه او بسفره لا تاخذ من وقتي سوا ساعتين..

واذا خرجت للاماكن العامه فاني ارى انواع الفتن والزينه ..
في احد المرات القليله ذهبت الى الكورنيش وجلست في احد الكراسي بعد ان قمت بتنظيفه من وساخة الناس..
وقمت بالاتصال على احد اصدقاء صار له حادث ..بينما كنت اكلم اذا بثلاث فتيات جلسوا بالكرسي المجاور ..وكنت داخل في تفاصيل الحادث..
فسالت خويي:هل ستكلف السياره كثير..؟؟
واذا بالاجابه اتتني من الكرسي المجاور:ايه تكلف كثير..
فقلت لصاحبي: ما رايك نجعل الاتصال جماعي..؟؟
واذا بالرد ياتي سريعاً من نفس الكرسي: ياليت والله..
بعدها احسست بالاحراج.. وعدت الى المنزل..ولم انام تلك الليله

شعرت في تلك الفتره بالخوف بشكل كبير بان اقوم باي غلطه في معصية الله وقد تدمرمستقبلي بالكامل..وكنت افكر كثيراً بان اكلم والدي باني اريد الزواج ..
ولكن وجدت ان الوضع متعسر خصوصا ان هناك اثنين من اخوتي اكبر مني لم يتزوجوا بعد..والامر الاخر اني لا ايد ان يصرف علي احد ..وانا مازلت طالباً..
فاقنعت نفسي ان انسى امر الزواج الان..

ذات يوم في بداية الترم الثاني خرجت انا وأحد الطلاب من المحاضره متجهين لمواقف السيارات..فاتاني ذاك الشعور الذي يسمى بالفضول(اللقافه)
فسالته:هل انت من سكان الهيئه..؟؟
فاجاب:بنعم
فقلت:ماشاءالله اريح لك يارجل اهلك يكونوا معك
فرد:لا والله بس انا متزوج..
انا في هذي اللحظه وكأن بشخص ما صفعني على جبهتي..لا ادري ما سبب ..ولكن احسست انه جرحني..فكيف يتزوج وهو اصغر مني عمراً
لم اتمالك نفسي ..وذهبت الى المنزل وقابلت الوالده وبدون سلام ولا مقدمات يمه :ابي اتزوج
الوالده..انصدمت كون ان الدخول كان مفاجئ..
قالت:رح بدل ملابسك وتعال احط لك الغدى..
انا هنا احسست باحباط غريب عجيب..
كان على بالها اني استهبل كالعاده..لاني دايما ادخل عليها واقول :يمه زوجوني والا باتزوج مسيار..
وفي احد المرات قالت:والله ياولدي ان هذا النت سحرك..
قلت :جالس اكلم حبيبتي اللي بتخطبونها لي..
ولما كنت اتغدى ..اتت الوالده وقالت:انت جاد والا تستهبل كالعاده ..؟؟
قلت:والله ابي اتزوج..
قالت :هذي الساعه المباركه ..وش رايك ببنت جارنا..؟؟(طلعت الوالده ما عندها مزح)
قلت:انعم واكرم..بس كيف التحافه..؟؟
قالت:ورده ما فيه مثلها..وعمرها ممكن يكون مثل عمرك او اصغر بسنه او سنتين....بس تراها مطلقه
قلت :يمه تبين تزوجيني مطلقه..؟؟
قالت:واذا كانت مطلقه ؟؟...حظها الردي هو اللي خلاها تتزوج واحد مو كفو زواج ..وجلست تتكلم عن تصرفات زوج البنت..صراحه طلع حقير..
المهم اني فكرت كثيرا ووجدت ان مبادرتي هذي كانت ردة فعل لا اكثر ولا اقل وعدت للوالده وقلت كنت استهبل كالعاده..

بعدها سألت كم شخص اعرفه ..ابي اشوف ردت فعله..
كلهم رفضوا فكرة الزواج بمطلقه..

فكرت في المطلقات وو ضعهم الاجتماعي..اكيد فيه اللي تستاهل الطلاق من تصرفاتها ..ولكن فيه مطلقات انظلموا بالزواج باشخاص لا يقدرون الحياه الزوجيه
وكان همهم الاستمتاع بهم فقط..
هناك شباب من تزوجوا وهو لم يخسر على هالزواج ولا ريال...فيبدا بمعاملة الفتاه كـ لعبه اشتراها له والده ..يستطيع رميها بعد ان يمل منها..وهو عارف ان اوالده سوف يشتري له لعبة اخرى..
او ان هذا الشاب خسر على الزواج الكثير وصار لديه ديون فيبدا يتحول الحب الا كره ويبدا بمعاملتها بطريقه سيئه ..وكانها جبرته بالزواج بها..


انا عادة لا احب ان اذيل موضوعي باسئله للنقاش..ولكن يهمني رايكم بالموضوع وخصوصا الجزء الاخير منه..


س1/هل توافق/ين من الزواج من مطلق/ه ..؟؟

هذي الاسئله لو كانت اختك او انتي يا اختاه مطلقه مستقبلاً (الله لا يقدر)..

س2/هل توافق على زواج اختك بشخص كبير في السن(شايب)..؟؟
س3/هل توافقين على الزواج من شخص كبير بالسن (شايب)..؟؟


المعذره..الموضوع بالفصحى على عامي..بس المهم توصل الفكره..
ولا تدققون كثير..ماراجعت الموضوع الا مره..وادري ان التنسيق يحوم الكبد بس اصبروا واحتسبوا الاجر..
اتمنى ان يحوز الموضوع على استحسانكم ..








سلاااااااااااااااااااااااااااااااااااام
Mr.B.H.T likes this.

اخر تعديل كان بواسطة » abo_nasser في يوم » 18/07/2008 عند الساعة » 08:54 PM
اضافة رد مع اقتباس
  #2  
قديم 18/07/2008, 08:42 PM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
يا ليل خبرني عن أمر المعاناه
هي من صميم الذات ولا أجنبيه
هي هاجس يسهر خفوقي والافات
أوخفقة تجمح بقلبي عصيه

هلا هلا بمدير المسابقه

الحقيقة طرح رائع وصلت معه الفكرهـ إلى أعماق ذهني



إقتباس
س1/هل توافق/ين من الزواج من مطلق/ه ..؟؟

س2/هل توافق على زواج اختك بشخص كبير في السن(شايب)..؟؟

اممممم أعتقد إن كل هالسؤاليين خاضعه للظروف في ذلك الوقت
مع إن الارجح في السؤال الثاني لآ



اخر تعديل كان بواسطة » القيصر رهيب في يوم » 18/07/2008 عند الساعة » 09:18 PM
اضافة رد مع اقتباس
  #3  
قديم 18/07/2008, 08:50 PM
الصورة الرمزية الخاصة بـ شـــذى
استشاري سابق بالمجلس العام
تاريخ التسجيل: 26/11/2005
المكان: تحت غيم مثخن .!
مشاركات: 5,775


أول ماشفت العنوان قلت أكيد الموضوع عن محمد عبده

بخصوص المطلقة

أولاً ودي أفهم ليش الناس تنفر من المطلقة ....؟؟؟؟

المطلقة مثلها مثل أي بنت وقد تكون أفضل

سوى أن الله لم يكتب لها الإستمرار لسبب ما

وفي الغالب ما يكون السبب من الرجل

بما أن الوالدة تثني على البنت وتتمنها لك فأكيد إن البنت تستاهل ونص

لأن بالعادة الأمهات مايرضون يزوجون عيالهم مطلقات خصوصاً لو كان الزواج الأول لولدها

أنت إستخير وتوكل على الله ولا يهمك الكلام الطالع النازل

والله يكتب لك الخير وين ماكان

نرجع لأسئلتك ..

س1/هل توافق/ين من الزواج من مطلق/ه ..؟؟

بعد إجراء عملية البحث والتحري والتأكد من خلو هذا الرجل مما يشوب فلا مانع لدي إطلاقاً .

س3/هل توافقين على الزواج من شخص كبير بالسن (شايب)..؟؟

أولاً وأخيراً الزواج قسمة ونصيب ولا أحد يعلم ماتخفي له الأيام

لكن الله لا يقدر عليّ بالزواج من شايب

أفضل أن ابقى طول حياتي في بيت أهلى على الزواج من رجل شايب



<<ها وش رايك يابو ناصر مو أنت لحالك اللي تخلط بين الفصحى والعامي


مشكور ابو ناصر والله يعطيك ألف عافية




ورده

اخر تعديل كان بواسطة » شـــذى في يوم » 18/07/2008 عند الساعة » 09:25 PM
اضافة رد مع اقتباس
  #4  
قديم 18/07/2008, 08:57 PM
الصورة الرمزية الخاصة بـ Hictar
كاتب مثقف بالمجلس العام
تاريخ التسجيل: 18/04/2007
المكان: مازلت على ذلك الجرف.
مشاركات: 7,822
إقتباس
الرسالة الأصلية كتبت بواسطة abo_nasser
وجلست في احد الكراسي

أولاً :
أعجبتني كلمه ( جلست في أحد الكراسي )
حسيت إنك خشبه
نرجع للموضوع
كأنك تشكي الحال وأنا خالك
صرنا على وجه ( إنحراف ) نبي نعرس
وبعدين ما فيها شئ لو تتزوج المطلقه ، البنت يمكن ما غلطت وتوها صغيره ، ونسبه كبيره من الطلاق يكون الرجال هو الغلطان !!!
مشكلتنا إجتماعياً نخاف من كلمه ( مطلقه ) !!
وأنا عندي إستعداد أتزوج مطلقه - لكن هل أهلي بيرضون !!!
حتى الأم ترفض إنها تزوج ولدها ( مطلقه ) !!!
خذها مني نصيحه ( إعرس على المطلقه ) ولا يهمك كلام الناس
الناس شغلتها ( الكلام ) ولو كل حياتك بتقيدها على الناس ( ما راح تعيش )
لأنهم ما راح يتركونك سواء اللي سويته صح أو غلط !!


إقتباس

انا عادة لا احب ان اذيل موضوعي باسئله للنقاش



وأنا عاده ما أحب أتقيد بالأسئله
اضافة رد مع اقتباس
  #5  
قديم 18/07/2008, 09:08 PM
الصورة الرمزية الخاصة بـ BLUE-STAR
زعيــم متألــق
تاريخ التسجيل: 29/08/2007
المكان: كوكبـ ماعآد تبيــن فيه الملآمح .!!
مشاركات: 1,029
ماشاء الله ابو ناصر تقوطر تحآفه
موضوع جميل واعجبني مضمونه الصراحه ..واقعي بحت..
أما التنسيق مثل ماتفضلت طال عمرك احتسبت الاجر..

إقتباس
فاتاني ذاك الشعور الذي يسمى بالفضول(اللقافه)


عشان تحرم تلقف المره الجايه خلك وش تبي باللقافه ماوراه اكل عيش ..

بخصوص اسألتك ..

إقتباس
س1/هل توافق/ين من الزواج من مطلق/ه ..؟؟


ممكن ...بس أول شئ أعرف اسباب طلاقه وأقتناعي بهالأسباب مهمآ كانت..


إقتباس
س3/هل توافقين على الزواج من شخص كبير بالسن (شايب)..؟؟


الصراحه..لا افضل شئ انه يكون الفارق بين الزوجين من 6-8سنين من وجهة نظري..اما واحد كبر ابوي ارفض فكرة الزواج فيه..
الا اذا كان مكتوب مابيدي ارده..
ابو ناصر..ورده
تسلم الآيآدي ألف شكر على موضوعك الروعه..
ولا عاد تهوور وتكتب موضوع طويل

اخر تعديل كان بواسطة » BLUE-STAR في يوم » 19/07/2008 عند الساعة » 06:19 PM
اضافة رد مع اقتباس
  #6  
قديم 18/07/2008, 09:10 PM
زعيــم مميــز
تاريخ التسجيل: 05/05/2005
المكان: R ! y a d h
مشاركات: 2,831
إقتباس
المعذره..الموضوع بالفصحى على عامي..بس المهم توصل الفكره..

وهذا اللي اضاف للموضوع بعد اخر .. جميل جداً تمازج الفصيح بـ العامي

ابو ناصر ورده
اضافة رد مع اقتباس
  #7  
قديم 18/07/2008, 09:18 PM
الصورة الرمزية الخاصة بـ ڪـيــف الـζــآل ؟
زعيــم مميــز
تاريخ التسجيل: 03/11/2005
مشاركات: 5,652
" أهلآ " .. ( أبو نآصر ) ..... ......... !!

::

" الزوآج " .. بـ شكـل .. عآم .. ( أصبـح ) ....... !!
" خطـوة " .. ( مخيفـة ) .. عـند .. ( الشبآب ) ...... !!
و " الفتيآت " ..... !!
وتزدآد .. " مخآفـة " .. إذآ .. ( ألحقـت ) .. بـ كلمـة .... !!
( مطلـقة ) .... !!
فـ نحن .. في .. " شبه الجزيرة " ..... !!
( نريـد ) .. " الزوآج " .. يكون .. ( بلآ سوآبق ) .. !!
بـ حد قولهـم ... !!
حتى أنـي .. " ينتآبني " .. ( القلق ) ... !!
عندمـآ .. " أفكـر " .. بـ ( الزوآج ) ....... !!
وأكثر من .. ذلـك .. إذآ فكـرت .. بـ " مطلقـة " ... !!

::

إقتباس
س1/هل توافق/ين من الزواج من مطلق/ه ..؟؟


" الأمور " .. لآ تأخـذ .. لـ مجرد .. ( السمآع ) .. بـ " الطلآق " .. !!
بـل .. " يجـب " .. التحري .. عن .. ( أسبآب الطلآق ) ... !!
ومـن .. " التحديد " .. فيمـآ بعـد .. !!

::

إقتباس
س2/هل توافق على زواج اختك بشخص كبير في السن(شايب)..؟؟



" لآ أقبـل " .. أن .. ( أزوج ) .. " أختي " .. شخصـآ ....... !!
( يوآزي ) .. " وآلدي " .. في السـن ..... !!
لـن .. " يبقـى " .. لـه .. حتى .. ( نصف عمره ) .... !!
فـ إمـآ .. " زوآجآ " .. كـ الدآرج .. بـ كثرة عندنـآ ... !!
أو .. لآ ........ !!
لسـت .. بـ " مضطرآ " .. لـ ( مشآهدة ) .. " أختي " ..... !!
وهـي .. بـ هكذآ .. " حآلـة " .... !!

::

يعطيك العآفية ورده
اضافة رد مع اقتباس
  #8  
قديم 18/07/2008, 10:49 PM
زعيــم متألــق
تاريخ التسجيل: 20/04/2006
المكان: بيروت - جالس بالسوليدير
مشاركات: 1,457
حييه ابو ناصر موضوع مبسط ومزركش وتحيف ورده

خذني موتك يابو ناصر عليك وجه الله تنتظرني راجع لك
....

إقتباس
بينما كنت اكلم اذا بثلاث فتيات جلسوا بالكرسي المجاور ..وكنت داخل في تفاصيل الحادث..
فسالت خويي:هل ستكلف السياره كثير..؟؟

واذا بالاجابه اتتني من الكرسي المجاور:ايه تكلف كثير..
فقلت لصاحبي: ما رايك نجعل الاتصال جماعي..؟؟
واذا بالرد ياتي سريعاً من نفس الكرسي: ياليت والله..
بعدها احسست بالاحراج.. وعدت الى المنزل..ولم انام تلك الليله

عااااادي يابو ناصر وليييه تنحرج ياخلفهم اتخيل شكلك وانت تركض
من الرووعه يقال إنك منحرج بصراااحه هالبنات لاحياء ولامستحى اقسم
بالله الواااحد مايدري يلاقيها من ويييين وإلا من ويييين ,,

إن فاتحنا الأهل بالزوااج صكوني بأقرب بيالة على جبهتي وإن طلعنا شفنا هالفتن
وهالعبايات المرزكشة وقلة الحياء والخووف والله بهالحاله مو من الأهل الخووف من الله الوااحد يخاف لاتكون خاتمته شينه والعياذ بالله

بس في الآونه الأخيرة ابشرك يابو ناصر الأهل بدوا يرخون الحبل وصارحتهم
بنيتي بالزواااج لكن ارفضوا إلا بعد ماتوظف ويتزوجون هالسلق اللي قدامي كلبوهم
ملكوا وجالسين في البيت نعنبوا ابليسكم رح خذ مرتك وانزلع لبيتك وش انت
جالس له واحدن منهم بيتزوج بعد اسبوعين ..والأهل وافقوا يحجزولي (خطبة ) عشان يسكتوني وإلى الآن متعلق مابين السماء والأرض
ودي أحب أحبك يابو ناصر

نرجع لموضوعك البطل ,,,,

والله يابو ناصر اشوف إن الزواج من مطلقة مافيه شي دااام إن البنت أخلاقها زينه
ومزيونه وصغيره بالسن وإنها كانت ضحية لزوجها .. وحكم ضميرك قبل كل شي
فكر بمستقبلك وإذا انت إنسان راح تتأثر بكلام الناس واللي راح يقولونه فأعتقد
إنك راح تمشي أمور حياتك ومستقبلك عليهم ,, تزووج يابو نااصر وتوكل على الله
وقلوبنا داعيه لك


إقتباس
س1/هل توافق/ين من الزواج من مطلق/ه ..؟؟



طالما إن البنت مايعيبها شي سواء من أخلاق أو ماخلافه فمافي مانع من الزواج بها
طالما إني مقتنع بالبنت ,,


إقتباس
س2/هل توافق على زواج اختك بشخص كبير في السن(شايب)..؟؟



لا طبعاً غير راااضي .. إلا في حالات معينه قد تكون الأخت كبيرة بالسن وتخشى
أن يفوتها قطار الزواج .. لكن قبل كل شي تكون الكلمة لها سواء بالقبول او الرفض.


,,

قواااك الله ابو نااصر على هالموضوع التحيف ورده
الله يسعدك ياخلفهم خليتني افضفض مافي قلبي
واهم شي لايقرى ابوي ردي







اخر تعديل كان بواسطة » الغدير الازرق في يوم » 19/07/2008 عند الساعة » 02:27 PM
اضافة رد مع اقتباس
  #9  
قديم 19/07/2008, 01:03 AM
زعيــم متألــق
تاريخ التسجيل: 20/10/2007
المكان: شبكتنا..!!
مشاركات: 1,479
هلا ابوناصر

المطلقه مو شرط انها تطلقت لعيب فيها

كثير نشوف مطلقات توهم بنات في العشرين

مو ناقصهم شي بس ماتوفقوا برجال كفؤ يقدر الحياة الزوجيه

والمجتمع مايرحم يناظرها كأنها اجرمت بحق نفسها وخربت بيتها بيدها

طيب ليه هالمجتمع ماينصف الإثنين ويشوف الجهتين مين المقصر

ومين اللي مو مقصر مثل مافيه بنت سنعه فيه رجال شهم ويقدر وفيه العكس

على العموم في الحياة العامه متى الواحد ماتخلص من كلام الناس وشطب عليه قدر يعيش حياته

ابو ناصر

كل الشكر لك ورده

عوافي..
اضافة رد مع اقتباس
  #10  
قديم 19/07/2008, 01:20 AM
مشاكس اجتماعي بالمجلس العام
تاريخ التسجيل: 30/10/2005
المكان: الكرة الأرضية
مشاركات: 1,846
هلا بو ناصر

انا برأيي انا البكر يتزوج بكر
والظاهر في حديث نبوي عن هالشي، ان الرسول قال لصحابي:
{ هلا تزوجت بكرا تلاعبها وتلاعبك }

اما المطلقة فممكن ياخذها مطلق..او أرمل...أو واحد يبي يعدد....
مو كل مطلق ظالم..ومو كل مطلقة مظلومة....

هذا الرأي العام

بس في حالات خاصة ان واحد حصل مطلقة رضى بدينها وخلقها ويشوف انها ما تتعوض ونفسه راضية فيها ..فيتوكل على الله

اما اختلاف الاعمار في الزواج وتزويج الشايب لصغيرة
فهالمسألة انطرحت في المجلس خلال الفترة القريبة الماضية..
واعتقد ان الاغلب ما يستسيغها
خصوصا اذا البنت بكر وما عدت العشرين
والشايب طق الستين
لان مافي حياة أسرية متكافئة متوقعة
بس لو واحد 60 مع وحدة 35 او 40 تبي الستر ويمكن عندها عيال تبي من يساعدها فيهم فأظنها اكثر قبولا

اهم شي انتبه من وسوسة الشيطان واترك اصحاب السوء..
مو اتركهم الا اهجرهم
الواحد مهما قال لا انا عاقل وبسيطر على نفسي
اذا الصحبة تعبانة عاجلا ولا اجلا بيسحبونه وياهم
وما ننسى حديث الرسول عن حامل المسك ونافخ الكير


فتك بخييييييييييير
اضافة رد مع اقتباس
  #11  
قديم 19/07/2008, 01:34 AM
زعيــم نشيــط
تاريخ التسجيل: 07/03/2008
المكان: دنيـآ تضـيق وفـزعـة اللـﮧ قـريـبـﮧ ,, وعـنـد الـفـرج مـآيـآخـذ الضـيـق سآعـﮧ .
مشاركات: 561
وعليكم السلام
يا هلا يا هلا بأهل الجنوووووب
ابو ناصر إلى الآن ( تحب محمد عبده:: وبشر عرفت طريقه الشاااااي )شطحه


إقتباس
واذا بالاجابه اتتني من الكرسي المجاور:ايه تكلف كثير..
فقلت لصاحبي: ما رايك نجعل الاتصال جماعي..؟؟


ما أقول إلا يامل الستر
<< مسويه نفسها (عجيز )
عاد لاتقول ما أعرف عجيز


إقتباس
س1/هل توافق/ين من الزواج من مطلق/ه ..؟؟


لاااااااااااااااااا
لا أوافق
ياسلام أنا عزوبيه وهو مو عزوبي
أصلا حتى أهلي يرفضون أذكر مره في زواج حاضرينه وحده عنه ولد مطلق بسبب معروف أخدعوه
أهل الزوجه ببنتهم بالعمر فقالت لأمي عني يعني تبغاني
أمي والله صكتها بوجهها قالت بسم الله على بنيتي
قلت لأمي ليه ماشاورتني


إقتباس
س2/هل توافق على زواج اختك بشخص كبير في السن(شايب)..؟؟

أنا ما أوافق
<< وش دخل أمك يسئل الشباب
بس لي حق أجاوب
الحمدلله كل خواتي ماخذو شايب ولاتطلقو
الله يحفظهم ويتمم عليهم
<< أذكري الله لاتصكينهم بعين
وأذكر بعد أنت الله عليهم
الدور علي الآن في العرس مو مثلك
قبلك عشرين شخص ذكرتني بصديقاتي
قبلهم طابور ولازم يمشي بالطابور
أقولهم ياحيااااتي أنتم مو مثلي الساحه فاضيه لي الآن
بس تصدق ما ابي حاليا يمكن لو قبلي أحد واففت
بعدين وش مطيرك على العرس عش حياتك
وكل شيء قاعد

إقتباس
س3/هل توافقين على الزواج من شخص كبير بالسن (شايب)..؟؟


قصدك حاليا لااااااا نهائيا
بس في بنااااااات كثيرات ماعندهم مانع من الأرتباط بشايب
وبعد من صديقاتي يقولون أهم شيء الماده
أقولهم تتدفنون شبابكم وزهرة عمركم مع شايب
عشان الماده ( تفكير عقيم ) مع احترامي لهم
دائما أدخل معهم في مشاده كلاميه ولانطلع بنتجيه


ابوناصر موضوع ( مزركش )
وخفيف على القلب
( مويه باااااااااااااااااارد )
وياحلو العامي مع الفصحى
بس أنا أحب العالمي
استغفر الله قصدي العامي

دمت مثل ما أنت
فنوووووووون
اضافة رد مع اقتباس
  #12  
قديم 19/07/2008, 01:36 AM
موقوف
تاريخ التسجيل: 29/09/2007
المكان: خميش مشيط
مشاركات: 682
..

وعليكم السلام

هلا والله ابو ناصر , هلا بصاحب النبق < حفظ الكلمة ..
والله يالغالي انا الحين خلصت ثالث ثانوي وراح ادخل معاناتك ..
وبجرب بشوف هي زينة ولا لا .

بس مالك داعي يوم سحبت ع البنات ورحت البيت

.


.


س1/هل توافق/ين من الزواج من مطلق/ه ..؟؟

مستحيل مهما كانت الأسباب ! !



.



.







س2/هل توافق على زواج اختك بشخص كبير في السن(شايب)..؟؟


والله إذا كان الرجل صالح وماعنده سوابق ما عندي مشكلة




0



.



عوآفي أبو ناصر على الموضوع الخفيف

تحياتي

دمت بود ورده




اضافة رد مع اقتباس
  #13  
قديم 19/07/2008, 02:09 AM
الصورة الرمزية الخاصة بـ ازرق+ابيض=عشق الهلال
زعيــم مميــز
تاريخ التسجيل: 24/09/2004
مشاركات: 2,163
هلا بالزين لقد انه ثالث مدري رابع رد والشبكه لاادري ماذا دهاها
هلا باحسن واحد بالمنتدى هلا بالشاب الصالح الطالح المستقيم الخ......
شف ياحبيب البي نصيحه اخطب وبعد اجل غير مسمى تزوج اسال مجرب لقد انني خاطب وحالي تغير ولقد انه اوول مااقضي من الدراسه اتزوج هذا برايي حل حركتات قسمن الفتن بهدلتنا واصدقاء السوء والبحرين والخ

ممممم نروح لاسالتك
ج1 ممممم المجتمع حاط براسه ان المطلقه مجرمه وبالطلاق المرأه هي من تتحمل الذنب ومن ياخذ المطلقه يقولون له قليل عقل ماخذ .........
انا من ناحيتي ومن ناحيه اكثر الشباب يبي ياخذ البنيه الي ماتزوجت قبل
والمطلقه اذا اباخذها ابسال عن سبب طلاقه واخلاقها والخ

والسؤال الثاني ابترك جوابه لك
تحياتي
اضافة رد مع اقتباس
  #14  
قديم 19/07/2008, 02:16 AM
زعيــم متألــق
تاريخ التسجيل: 09/09/2007
المكان: في عالم ضاعت به أحلام أمسي..
مشاركات: 1,024
صبآآح بداية أسبوع أجمل ..

هلا بك ابو ناصر موضوعن تحيف الله يسعدك

الموضوع من جد يستاهل الطرح خصوصاً النسب اللي وصلت لها حالات الطلاق ..
انا أشوف مدينتي نسب الطلاق بالهبل شئ ماتتوقعه يعني قد ماتسمع زواجات قد ماتسمع مثلها حالات طلاق ..يعني اللحين من جد صرنا مانفرح للي بيتزوج نخاف يمر اسبوع ويقولون انفصلوا ..بس لو ننظر لزاوية الطلاق بعيد عن التعصب الطرف اللي مظلوم فيه البنت .. الولد بياخذ بدالها الف .. لكن هي اللي بتنظلم في الموضوع .. خصوصاً لما يكون العيب في الولد مو فيها .. أنا اتكلم لك من واقع صديقاتي وحده منهم بنت من كل شئ روعه بس مو ذنبها انه هو يطلع شاذ والثانيه تنفصل عشان يصبحها بضرب ويمسيها بـ( أحبك ) يعني هذا وش يبي بالله ؟؟ و يمكن تطول القائمه تشمل ساره ونوره وهند وريم وووو..كلهم صغيرات يعني بذنب مين يعيشون كذا ..؟ ماراح أنزوي لجانب معين فيه بنات مو خرج زواج يطلعون الواحد من طوره .. لكن الصدق ان الرجل من طلعة الدنيا وهو رجل وعلية يتحمل ويحكم الامور باسلوب عقلاني .. بنظري يمكن البنات فيهم شوية نكد بس كانوا الرجال يصبروون ويمكن اللحين الرجال ماعادوا زي رجال أول .. الا من البعض اللي حكمتهم عقولهم ..
وبالنسبه للرجل اللي مايبي مطلقه .. اكيد هي حرية شخصيه لكن مافيها شئ اذا تطلقت مو بالضروره تكون هي السبب أنا عن نفسي حاولت أقنع أخوي ياخذ صديقتي المطلقه بس مارضى ..اذا أنت ياخوي وانتم ياأعضاء ماقبلتوا من اللي بيقبل أجل ؟؟

إقتباس
فقلت لصاحبي: ما رايك نجعل الاتصال جماعي..؟؟
واذا بالرد ياتي سريعاً من نفس الكرسي: ياليت والله..

بعدها احسست بالاحراج.. وعدت الى المنزل..ولم انام تلك الليله



ياملا الفهر لا حيا ولا مستحى مير مدزي بهن ابو ناصر
لو نسلم من هالاشكال كان الدنيا بخير ..

إقتباس
شعرت في تلك الفتره بالخوف بشكل كبير بان اقوم باي غلطه في معصية الله وقد تدمرمستقبلي بالكامل..وكنت افكر كثيراً بان اكلم والدي باني اريد الزواج ..
ولكن وجدت ان الوضع متعسر خصوصا ان هناك اثنين من اخوتي اكبر مني لم يتزوجوا بعد..والامر الاخر اني لا ايد ان يصرف علي احد ..وانا مازلت طالباً..

فاقنعت نفسي ان انسى امر الزواج الان..

أجل امسك أرضك ماهنا عرس الين اخوانك يجيهم ولد وبنت >> عاد تحرى واذا سلمت الشهاده سلمناك المدرسه فطيمه سلم وأستلم

إقتباس
س1/هل توافق/ين من الزواج من مطلق/ه ..؟؟

برأيي مافيها شئ تجربه وانتهت مع بعض التخوف من اسباب الطلاق
أهم شئ مستحيل يكون له اولاد يعني عزوبي

إقتباس
س2/هل توافق على زواج اختك بشخص كبير في السن(شايب)..؟؟

إقتباس
س3/هل توافقين على الزواج من شخص كبير بالسن (شايب)..؟؟


لا والف لا حر آش آش هذا اللي بياخذ زمانه وزمان غيره
الزواج توافق قبل كل شئ .. ولما يكون فارق العمر كبير من الصعب يتوافق فكرين من جيلين مختلفين وأطبآآع مختلفه ..
وش الحياة ؟ وش الزواج ؟ الا اثنين تتوافق حياتهم مع بعض على آساس تفاهم وحب..تفكيرنا واحد وأطباعنا وحده ونشوف الحياة بمنظار واحد .. ولما اتزوج كبير بالعمر بظلم نفسي وأظلمه معآي ..لا أنا اللي بسعده ولا أنا اللي أسعدت نفسي ..


ابو ناصر ..
يسلمك ربي على كذا موضوع ..


بقايا..


اخر تعديل كان بواسطة » ..بقــ حرف ـايا.. في يوم » 19/07/2008 عند الساعة » 05:23 AM
اضافة رد مع اقتباس
  #15  
قديم 19/07/2008, 02:27 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,542
وعليكم السلام ورحمه الله وبركاته

هلا بك اخوي ابوناصرر
وعاش من شاف لك مووضووع
.

من جد معاناه اتوقع مرحله مابعد 15 سنه الى مالواحد والوحده تتزوج
مرحله شاقه وممله وفراغ كبيررر
ودائما ماتبدا االانحرافاات منــه
وغاليا الي بهالسن تلاقي همومه كثيره وهو بسبب الفراغ والتفكيرر
.

وللاسف كثير مايقدرون يسيطرون على نفسهم وينجرفون
والحمد لله الي خلانا نفكر بعقولنا لان كثير بهالعمر يفكرون بعاطفتهم
وتلاقيه يقع بالخطأ بدون قصد

رحمتكـ اخطب لك اجل بنت تحيفه
مشكله الحين الزواج هو الحل المناسب للكثير حتى لايقع بالمحظور
ولكن المصاريف والعطاله وقفت بوجههم
الله يحفظنا من الفتن
\
/
س1/هل توافق/ين من الزواج من مطلق/ه ..؟؟
امممممممممممم
للاسف الفكره عن المطلق والمطلقه سيئه الله لايحطنا بمكانهم
الحين حتى لو البنت انفصلت بالملكه يسمونها مطلقه وتلاقي مو الكل يرغب فيها
واحيانا بنات مساكين توهقو باشباه رجال وماهلم حل الا الانفصال
بس المجمتع كله يقف بوجه البنت المطلقه
يعني مدري يبونها ترضى بالضرب والاهاناات
شخصيا
اتوقع لااا
الا اذا انا عارفه الشخص مره مره واعرف سبب طلاقه
لان غاليا الي يطلق يحن لزوجته الاولى
وبعد كم سنه يقول للثانيه برجع الاولى

س3/هل توافقين على الزواج من شخص كبير بالسن (شايب)..؟؟
اللله لايقوله
ولايحدنا على الشيبان
طبعا ارفض وبشده

\

/


التحيف ::ابوناصر
يعطيك العافيه على هيك مووضوع
والله يرزقك الزوجه الصالحه التحيفه
وتحيه للفصحى

شكرا لكـ



الهنووف

كانت

هنا

ورحلت
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:47 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube