ليش : تهاوشيني الرجال بابا - صفحة رقم 5 - نادي الهلال السعودي - شبكة الزعيم

قاهر أسيا الآوحد · #61 25/06/2008, 06:05 AM

ابو طلال الله يحفظ لكـ طلو

وانت صراحه مدرسة فعلاً

ولاحظت ما شاء الله تلاميذكـ كثار حيل

صررراحه أنت ملح الشبكة

ابو طـــــلال · #62 26/06/2008, 04:00 AM

إقتباس

الرسالة الأصلية كتبت بواسطة المووووهووووب10


	مدري ليه يابو طلال عاجبتني الخوال ايام الطفولة اشتروا اعمامي لعمي الصغير سيارة وطبعاً انا ولد اخوه الوحيد وبكل المشاوير معه يوم من الايام كدنا >> متعوب عليها كرس فرمل عن واحد بالشارع بعد ما رجعنا للبيت والا اعمامي متجمعين على طول خبر عاجل فحطنا ياولد عدل بدل مافيه فحطنا << فضيحة بعد اجتماع الكونقرس قرروا توجيه انذار له وبالمرة القادمة سحب مفتاح السيارة منه بعدها << قعد فيها الولد مافيه طلعات ولا فيه شاورما --------------------------------------------------- أبو طلال يعطيك العافيه موضوع ممتع تقبل تحياتي

مشاويرك الخاصه ماودك تجرجر بزران معك

تحسباً لأي طاريء

حيالله الغالي الموهووب ..

المتسبب في سحب سيارة عمة ..

وأكيد عمك بعد هالسالفه مااخذك معه لأي مشوار

>> فضيحة

يعطيك العافيه ياموهوب

ابو طـــــلال · #63 26/06/2008, 04:09 AM

إقتباس

الرسالة الأصلية كتبت بواسطة G o L d E s T


	// سالفة شين حظك مع مديرك تحصل لي مع أبوي يعني على أيام الإختبارات أقعد الساعات الطوال على الكتب وآكلهن أكل وبعدين أقول أباخذ لي ساعة نت أريح شوي وأول ما أدخل النت يدخل علي أبوي ويعطين محاضرة طول وعرض بالله شلون أخليه يصدقن إني مذاكر طول الوقت بعدها بديت أوقت المذاكرة على دخلات أبوي علي عشان يحس إني مجتهد ..... سالفة طلال وهالبزارين شغلة عندنا بنت اختي الصغيرة عرفت لها كلمتين : يا غبي ويا حمار وأشغلتنا المشكلة إنها تقولها لأحد أخواني وتحطمه وأنا أضحك غصبن علي وأنت تعرف البزر وش يصير له إذا ضحكت على شي يسويه يقعد يكرر الكلمة لميييين يدبل تسبدك ...... ياخي حسيت بالنشوة والفرح يوم حجرت للمراجع اللي يتبلى الموظف قهرني يغلط ويتبلى الثاني بس ما قصرت معه //

يالقمبازي .. لاشفت ابوك داخل تمسك اقرب كتاب حتى لو كانت مجلة ( اليمامه )

انت يصلح لك أبوي .. ولاعمره سألني وش لون دراستك .. وكيف الإمتحانات .. حتى ماكان وين ادرس فيه ..

إكتشف بالصدفه اني توظفت

.. شلون مايدري

وعلى طراي البنت الله يصلحها .. شي معروف البنت ملوسنه أكثر من الولد الصغير ... يعني لااستلمت أحد ماتخليه إلا وهو ينتف شعره من القهر ..
وتذكرت على سالفتك بزر بمجلس ومليان رجال .. ودخل يسلم عليهم كلهم .. يوم وصل لواحد مسكين قاله اللى معي ( تتحداه يسحب شماغك )؟ وهو قاصد يسمعه الكلام .. مادرينا إلا والولد لله يرجه ساحب شماغ الرجال

وطلع وماكانه سوى شي .. والرجال حمر وجهه من الفشيله .. لذلك مااحب مجلس(ن ) فيه بزران

شكرا للمرورو والحضور .. بعدين وش صار على نتيجتك ؟؟ ماعلمتنا .. وإلا شكلك مبنشر

ابو طـــــلال · #64 26/06/2008, 04:12 AM

إقتباس

الرسالة الأصلية كتبت بواسطة الترنيدو25


	مواضيعك فلله قصة طلال فله اجل طيح سوقك قدام المدام بصراحه لما تكتب لابد لي ان استمتع بكتاباتك من وين جبت هالكلمة ابو طلال فيك عرق من حائل

حضورك الفلة ياخلفهم ......

وشكلك انت اللى فيك عرقين من حايل .. ياحبك للإشراف

فيني عروووق مهوب عرق

اسعدني حضورك ومرورك يالغالي

ابو طـــــلال · #65 26/06/2008, 04:14 AM

إقتباس

الرسالة الأصلية كتبت بواسطة ماجد مقبل


	السلام عليكم ورحمة الله وبركاته ,,, اشو اني اخذت السوالف هذي لايف فيس تو فيس معك في نهار جمعة لم ينقصه شيء ابو طلو مدري شو اقول بس الحمدلله انك بردت تسبدك والحمد لله على سلامتك ورده وسلم لي على طلال وقله توبه ماعاد اهوش احد واخليه يطقني بالريموت دمت سالماً وبخير ,,, والله يرعاك

هلا ابو مقبل

والله ياخي لك وحشه .. لاعادت على هالمليون اللى جاك وخلاك تشوف نفسك علينا ..

لابد نشوفك هالأسبوع الجاي .. وإلا حيقرالي حاقه مش كويسه

تحياتي لك ابو مقبل ولاتحرمني من شوفتك يالذيب

ابو طـــــلال · #66 26/06/2008, 04:16 AM

إقتباس

الرسالة الأصلية كتبت بواسطة الوا يلي


	هلا ابو الطل مساك الله بالخير ياخي ياطول موضوعك اذن الاذان ولاخلصت قلت اكمل الموضوع عقب الصلاة لي رجعه قفلنا للصلاه بس تراي نسيت سالفة البطاقة يالبى قلبي بس ياطلو . . . الوايلي

هلا وغلا بالوايلي .. اخبار بطاقة الأنترنت اللى عطاك إياها ماجد مقبل .. >> بيذله فيها

اسعدني حضورك ومرورك .. ولاتحرمني منه

ابو طـــــلال · #67 26/06/2008, 04:18 AM

إقتباس

الرسالة الأصلية كتبت بواسطة فجر الرياض


	هلا ابو طلال الله يهديهم ويصلح حالهم الله يوفقه هالموظف ويكثر من امثاله الله يجزاك خير يابوطلال ماقصرت هالأشكال ماينفع معها الاكذا ضربني وبكى وسبقني واشتكى آمـــين مشكور ابوطلال على هالتنوع والله يحفظ لكم طلال وفارس ويرزقكم برهم عوافي..

أهلا وسهلا اخيتي فجر الرياض ...

والله يجزاك على الدعوه .. ويخليك لعين ترجيك ..

اسعدني حضورك

ابو طـــــلال · #68 26/06/2008, 04:23 AM

إقتباس

الرسالة الأصلية كتبت بواسطة S K Y


	بخصوص الرسيفر اللي يفك الشفراات كيفه معك ؟؟ يقطع زي النت وصافي زي الرسيفر العاادي وكم سرعه الدي اس ال اللي يخليه يشتغل طبيعي انا والله ناوي اشري واحد زيه بس خايف تتشفر القنوات بعد اسبوع والا شهر في مكان عام وقدام الناس وفي مقر عمله والله انها مصيبه .. حتى لو البنت فيها ريح المفروض يحفظ كرامته ولا يصير خفيف عقل تحكمه شهوته الله لا يبلينا ويكفينا شر الخنبقه قمه الوقاحه وقله الأدب .. صحيح الموظف يجب أن يلتزم الأدب مع المراجعين لكن مانغفل أن بعض المراجعين ودك بنفسك تتوطى في بطنه والله والنعم في هالموظف اللي قدر يتحمل هالأشكال .. لو انا مكانه يمديني جلدته قدام زوجته ××× الله يوسع صدرك بصراحه أستمتعت كثير بالقرائه رغم ان مزاجي هاليومين مش ولا بد وقليل دخولي للمجلس الله يوفق الطلاب ويسهل أمرهم ودعواتكم ياشياب المجلس لأخوانكم الصغار والله ان هالفتره عصيبه

هلا بأخوي قلبي سكاي ...

بالنسبة للرسيفر ؟.. اصفى من الرسيفر العادي .. يعني مثله بالظبط ..

وماله دخل سرعة الــDSL بجودة وعمل الجهاز .. يعني لو 128 سرعتك يشتغل

وكنك تشوف .. نقيت علينا

الحين واقفه القنوات المشفرة لها يومين .. بس بتفتح إن شاء الله بكرا او بعده ..

بس أعلمك .. كل القنوات المشفرة تفتح عادي .. ART والجزيرة الرياضيه .. والشوتايم .. واوربت .. يعني ماتطلع من بيتك .. ومميزات الريموت كانك مشترك معهم بتغيير المعلق ..

وعسى المزاج تعدل هالحين .. هونها تهون يالذيب

شكرا لك

متآبعه بصمت · #69 26/06/2008, 04:24 AM

يامرحبتين والله بالغالي على المجلس العام أبو الغالي طــــــــلال

ياحيآك أنت وموضوعك والله

عساك طيب إن شاء الله ..

..

أول شيء بعلق على العنز

ذكرتني بسالفة أخوي

مرة كنّا جالسين أنا ومامي

وخيوو

< لي

قالت أمي لأخوي عشانه يحب الحريم

أنت لو تشوف عنز لابسه عبايه لحقتها

والله إن هالرجاجيل مهبل صدق

أجل عنز

..

وموضوع اللي ضربني وبكى .. سبئني وإشتكى

وينّـا فيه

قسم حركات بزارين ثقيلين طينه ودك تطحنهم ولا تذبهم في جهنم أصرف

<

..

.

أبو طـــلال ورده

شكرآ كثييييير على دعائك الصادق لنا ورده

الله يسعدك ويوفقك دآيم الدوم

تسلم والله ولآهنتْ ورده

ابو طـــــلال · #70 26/06/2008, 04:25 AM

إقتباس

الرسالة الأصلية كتبت بواسطة الساري 909


	اخوكم الصغير ابو طلال وده يصير صغير السلام عليكم ورحمه الله وبركاته مطول السلام عشان تخلص الخمسين حرف في البدايه حبيت تكون اول مشاركه لي في المنتدى رد على كاتب كبير مثل ابو طلال ويعطيك العافيه شلااااااااااااام

مو ودي .. عندي مايثبت والأرقام لاتكذب >> متأثر بمقارنة سامي وماجد عبد الله

عليكم السلام ورحمة الله وبركاته

الله يرفع قدرك وشانك .. وهذي ششهادة اعتز فيها يابعدي ..

لاتحرمنا من حضورك ومرورك

ابو طـــــلال · #71 26/06/2008, 04:29 AM

إقتباس

الرسالة الأصلية كتبت بواسطة A.K.N 505


	هلا ابو طلال...ورده الله يوسع صدرك على هالموضوع اللطيف....والله يوفق الطلاب بالإختبارات.. صحيح الناس هالأيام اشكال وانواع ...وكثير منهم لا يحلل ولا يحرم....يسوي الشيئ قدام عيونك ويجحد من وين جبتها هذه يا ابو راس....يا حلو ذيك الأيام بس ..! مشكور يا ابو طلال..

هلا والله وغلا ( ورده )

الله يكفينا شر خلقة ......

ويحفظنا واياك يالغالي

شكرا للحضور يابطل

ابو طـــــلال · #72 26/06/2008, 04:30 AM

إقتباس

الرسالة الأصلية كتبت بواسطة نـــــــ15ــــــمر


	ابو طلال كلام من قلبي طالع الله يعافيك على الموضوع وبصراحه من احسن المواضيع الي قريتها لك او احسن موضوع قريته لك اقول قريته لك ياخي ضحكتني وخليتني ابتسم الله يخلي طلال وام طلال وفارس والجاين لك يا رب ويوفقهم ويصلحهم لك .............. ابو راس حلوه حقت كلنتون بس ما ينلام في العمل سياسه وفي غرفه نومه سياسه قال نغير شوي تشـــــــــــاو

خل موضوعي .. وعلمني .. نجحت .. خلصت ؟؟

عطلنا علومك .. مهوب بس كلمتين وبعدها ( تشــــــاو )

شكرا لك

ابو طـــــلال · #73 26/06/2008, 04:32 AM

إقتباس

الرسالة الأصلية كتبت بواسطة الغدير الازرق


	وعليكم السلام ورحمة الله وبركاته هلا والله بالخير يابن الأجواد ياحلوو وااااي أنتا <---- شيخ قبيلة خكري عالبركة يابوطلو نجاااح الحملة البركة فيني يكفي الدعاية اللي سويتها لك مع وجهك ياشيييخ لو إنك قالب هالحمله إلى حملة حج وعمرة كان اطلق وش هالمقدمة يابوطلال هذا يسموونه حشو بالموضوع يعني كل هالمقدمة عشان تبي تعلمنا إنك متعشي أنت والمدام والزكرت عيالك في الصاج الذهبي بخصوص العنز مدري والله بس اذكر مرة رحنا نصلخ خروف العيد بحوش خوالي فيوم وصلنا للكرش لقينا مقالة لجعفر عباس في بطن هالعنز بخخخخخخخخخخخخخخخـــ من قدك يابو الجعافر حتى العنز تحبك <---- لاتصدق سالفة المقالة ترى امزح يالزلابة ـهههههههههههههههههههههههـ ابوطلال يالزلابة الله يرجك أجل يقال إنك تبي المدير يرضى عليك بصراااحه حظك اقشر وهذا إن دل فيدل إنك تعيس الحظ ووجهك وجه شؤوم (وجه بومه ) وبصراااحه مابيك تماشيني أخاف لاتعديني بحظك الأقشر كااافي الحظ مستقعد لي بعد بتجي انت وبتولعها بخخخخخخخخخخخخخخخخخخــــ ياحبيله سميي طالعن علي اكيييد إلا على طاري الستالايت والدريم بوكس كيف هو معك ؟؟ ودي اشتري وااااحد وبنفس الوقت متردد مابي اضيع فلوسي من بداية السنة وانا اجمع من هالقروش واحط بهالحصالة لاجد والله عطنا خبر حوول هالدريم بوكس واهم شي مايجيب قنوات فيها اللي خبرك كافي روتانا سينما مبهذلتنا حسبي الله عليهم نسأل الله السلامة يعني لو قلنا شاب يمكن نرقعها لكن شايب وعنده عياااال صدق مايستحي والله أراد إنه يفضحه قدااام زوج هالمرة حتى يكون عبرة لغيره من اللي يستهترون بأعراض الناس بخخخخخخخخخخخـــ اووما ذا وجهه مغسوول بمرقة ضفدع شيين وقووي عيين كان لزخته بالعقال وعلقته مع علباه بصرااحه أهني هالموظف على هالأعصاب الباردة والأخلاق لو غيره كان الدم وصل للركب .. لكن فيه ناس قليلين خاتمة يحسب الموظف خادم عنده وإلا عبد من عبيده .. أبوطلال قواااك الله والله يسعدك على هالموضوع القميل يالله طس من مخي

طلال .. احس اني مليت من كثر مااشوفك بوجهي بكل الأقسام بهالمنتدى .. شكلي بسجل بمنتدى النصر وارتاح

عموما ماني راد علشان اعلق على تعليقك .. لان تعليقك كالعاده سامج

بس بذكرك توخر التوقيع ترى انتهت الحملة يالزلابه

شكرا طلول

ابو طـــــلال · #74 26/06/2008, 04:35 AM

إقتباس

الرسالة الأصلية كتبت بواسطة مواصل من عام 1413هـ


	هلا بولد العم تبي تعرف من هو الإنسان المقرود جد أنا صدقني يا أبوطلال ما فيه أحد مقرود مثلي : هذا اللي يسلمك أو ل ما رجعت من إجازتي فآجأوني بأن عندي إنتداب 4 شهور ولازم أسافر بعد خمس أيام وأنا ما حضرت نفسي وطبعا ( المجلس العام ) في قلوبنا لازم الواحد يشيك عليه يومياً سألت اللي بسافر معهم كيف الأوضاع هناك ( قالوا ما فيه نت ) قلت يا ولد مالك إلا ( كونكت وشريحه ) رحت وشريت ( الكونكت ) من جرير وسألت المهندس وش الأفضل من شركات الإتصالات ( موبايلي أو الإتصالات ) نصحني بالإتصالات لأن الجيل الثالث أفضل من موبايلي رحت وطلعت ( شريحه من الإتصالات ) جلست يوم - يومين - ثلاثه ما إشتغلت يستقبل بس ما أقدر أتصل كلمت أخوي وحط أوامر تفعيل الشريحه ولا إشتغلت سافرت وبرضوه ما إشتغلت !! وبعدها بيوم قلت لازم أروح لفرع الإتصالات أشوف وش المشكله ! طلعت المشكله إن فيه طريقه لتفعيل الشريحه من جهاز الجوال !!!!! بعد ما فعلتها مبسوط ومرتاح ما إشتغلت ولا شبكت مع الكونكت رحت لمهندس في مكتبه جرير علشان يلقون لي حل ، قالي غير الشريحه وخذ موبايلي قلت ياخي زميلكم بالرياض قالي خذ الإتصالات وإنت تقولي خذ موبايلي !!! قالي موبايلي أفضل بالجيل الثالث بجده !! رحت وطلعت لي شريحه موبايلي وبعد ما فعلتها رجعت لنفس المهندس علشان يشغلها لي والحمد لله إشتغلت رجعت للدوام مبسوط وفرحان وكأني جايب الذيب من ذيلوه وزملاي الموظفين مبسوطين معي من كثر ما غثيتهم بمعاناتي ما جلست ولا خمس دقايق مشغل جهازي إلا وبدأ يعلق وأطفيه وأشغله من جديد ويرجع يعلق ولا يتحرك المؤشر !!! وفوق هذا خربت المروحه باللاب توب !!! رحت للسكن قلت بحاول فيه يمكن يشتغل وبرضوه نفس المشكله يعلق قلت بنفسي يا ولد ليه ما تبحث بالواير لس وبحثت ولقيت إتصال مجاني طيب جهازي خرب وأنا لي خمس أيام ألف وأدور والإتصال عندي موجود وفوق كل هذا خرب جهازي !! رحت أصلحه وقالي يبي له فورمات وتغيير مروحه وعشر أيام لحد ما صلوحه أنا بعد هذا كله كنت أنتظر يصير لي حادث ، لأن أحس إن فيه أحد داعي علي ما أذكر إني سرقت فلوس أو إني مرابي بفلوس ما أقول إلا الحمد لله خذ لك المشكله الحين بعد ما طلعت جهازي ( الأخ ) اللي أسرق منه يقفل المودم إذا جاء ينام طيب يا أخي يحس على دمه ويقدر إن فيه ناس جالسه تسرق ما أدري وش خايف منه ، شكله يحسب المودم يصرف فلوس وله يومين مطفيه

عبد الله ... ياكرهيلك لارديت وانت مقضم

وش هالرد ؟؟؟ ودك تسويله قاموس .. وإهداء للقراء

ماقصرت يابن اخي ... وتعليقك إضافة للموضوع ..

واخبار جدة .. واهل جدة .. وعلى وعدنا لاجيت للرياض

شكرا ابو عابد

ابو طـــــلال · #75 26/06/2008, 04:38 AM

إقتباس

الرسالة الأصلية كتبت بواسطة شريك الزعماء


	اخووووووووووووووووووووووي ابو طلال والله ان كتاباتك اكثر من رائعة وبحكم اني جديد هذا اول مووضوع اقراه وباذن الله انا اول الردود على جميع مووواضيعك الله يعطيك العافية ويخلي لك ولدك طلال النكبة ههههههههههههههههههههه تقبل مروووري ,,,

والأكثر روعه هو حضورك ومرورك يالغالي .. ومافيه موضوع يستحق القراءه إلا بحضوركم الجميل والرائع

شكرا لك ولكلامك .. احرجتني ..واسعدتني .. رغم اني حزين على خروج تركيا اليوم .. بس نسيت كل البطولة الأوروبيه بعد هالحتسي الزين