ليش : تهاوشيني الرجال بابا - صفحة رقم 3 - نادي الهلال السعودي - شبكة الزعيم

فجر الرياض · #31 15/06/2008, 04:15 AM

هلا ابو طلال

إقتباس


	الصغير مهما قال يبقى صغير ... بس لازم يتعلم الأدب .. ويعرف وش الكلمة اللى ماتنقال .. والكلمة الى نمرئله اياها ولابد يفهم الطفل الفرق بين المزح وخفة الدم .. وبين الوقاحة .. والتمادي .. لابد الوقوف بحده مع مثل هالأمور

إقتباس


	مايحتاج اكتب بعد هالسالفه مايستفاد .. العاقل بيفهمها .. وسمعتك وقدرك أكبر من لحظه يناظرك الغير بإحتقار .. او حتى تحس انه يحتقرك !!

الله يهديهم ويصلح حالهم

إقتباس


	واستمر بالمناقر والسب والهواش .. والموظف متمالك .. ومتحملة .. مشكوووراً

الله يوفقه هالموظف ويكثر من امثاله

إقتباس


	بعد ماخلص ؟؟ قلت توكل على الله ماعندنا لك شي .. واطلع قبل مااطلب لك الأمن !! ترى كنت واقف يومك تتلفظ على الموظف ومعك أهلك .. وهو حشمك قدامهم ومارد عليك .. واخرتها تجي تشتكيه !! صدق ماتستحي ؟!!!

الله يجزاك خير يابوطلال ماقصرت هالأشكال ماينفع معها الاكذا ضربني وبكى وسبقني واشتكى

إقتباس


	ادعوا الله ان يوفق الجميع ...

آمـــين

مشكور ابوطلال على هالتنوع والله يحفظ لكم طلال وفارس ويرزقكم برهم

عوافي..

S K Y · #32 15/06/2008, 05:24 AM

بخصوص الرسيفر اللي يفك الشفراات كيفه معك ؟؟ يقطع زي النت وصافي زي الرسيفر العاادي وكم سرعه الدي اس ال اللي يخليه يشتغل طبيعي
انا والله ناوي اشري واحد زيه بس خايف تتشفر القنوات بعد اسبوع والا شهر

إقتباس


	عرفت ان الموظف مرقم زوجته !!! والغبي قدامه .. ماكان يدري انها زوجته

في مكان عام وقدام الناس وفي مقر عمله والله انها مصيبه .. حتى لو البنت فيها ريح المفروض يحفظ كرامته ولا يصير خفيف عقل تحكمه شهوته
الله لا يبلينا ويكفينا شر الخنبقه

إقتباس


	حط رجلة .. وتبسم .. كنه يقول ( ياكافشني )

قمه الوقاحه وقله الأدب .. صحيح الموظف يجب أن يلتزم الأدب مع المراجعين لكن مانغفل أن بعض المراجعين ودك بنفسك تتوطى في بطنه
والله والنعم في هالموظف اللي قدر يتحمل هالأشكال .. لو انا مكانه يمديني جلدته قدام زوجته

×××

الله يوسع صدرك بصراحه أستمتعت كثير بالقرائه رغم ان مزاجي هاليومين مش ولا بد وقليل دخولي للمجلس

الله يوفق الطلاب ويسهل أمرهم ودعواتكم ياشياب المجلس لأخوانكم الصغار والله ان هالفتره عصيبه

dal3_uae · #33 15/06/2008, 11:34 AM

إقتباس


	دلع الإمارات

يا مرحبا وسهلا ...

إقتباس


	يخسى يفر الريموت ... بعدين هذا طلال.. مهوب هذا رجل بنتك .. واقفه مع الشخص الخطاء

أدري انه طلالو

هذا... بس وقفت وياه ضدك

جيه مزاج

إقتباس


	الجزيرة مقاطعها بسبب شن الحملات ضد السعوديه والART مقاطعها علشان شن الحملات ضد الهلال

واااااااا بوي

ليش كل هذا ع السعودية ...
اعترفو شو مسوين؟؟؟

::

إقتباس


	انا مالي دخل اختي .. انا جهة تنفيذية .. إذا الحكومة قالت خذ طلال معك .. أخذه مااقدر اقول لا

ايواااا جيه صح ...تسمع كلام الحكومة ...
بس قوللها ... انه اعضاء المنتدى

يقولولي اعدل بين عيالك

إقتباس


	وفارس لاحق على الروحة والجية .. وأخباره تلقينها على موقعه

لا فديته ... طلعه حرامخل يتونس قبل لا يسجل في الروضة وخلاف ما يقدر يطلع من البيت ... عشان الدراسه

إقتباس


	وعلى طاري الفكرة .. وين صورة الكتكوته .. كحلي عيونها وصوريها

شكلك ما قريت ردي عليك في موضوعي

الكتكوته

قرعتها ع الصفر

...يعني ما بحط صورتها الا لين يطلع لها شعر

إقتباس


	تراني ابو طلال بالرياض السعوديه .. لايكون مشبه على واحد بفيينا ؟؟ تقول نصيف .. إلا انطبخي عندنا .. حر موت .. يمكن أبها هي اللى كذا هالوقت واللى يعينكم على الغلى والله يحييكم في بلدكم ..

ادري انك بوطلال في السعودية لاوفي الرياض بعد
الا هالسنةما بنصيف بره الخليج ...
لأني حالفه ما اروح لبلدان اوروبية هالفترة
لأني مليت يكفي هالاربع شهور اللي قضيتهم في المانيا لاعت جبدي منهم ...
حفظت المانيا حفظ منطقة منطقة
الله لا يوديني لها ان شاء الله
انا ما ودي بشي ... بس ابا اشوف السعودية بكبرها ...
يعني كشته ...
والله في خاطريه اييكم ... الرياض ...
ابا اشوف الاجواء عندكم ... صح اني يايه قبل السعودية 8 مرات ... بس العمرة ... ويا باباتي وماماتي ... لكن الحين مع ريلي

يعني غير

خلنا انشوفها ...وله ما تبانا نييكم

؟؟؟؟

إقتباس


	تسمعين بالهمسة .. كل الأعضاء شافوا

إقتباس


	ابشري .. اكتبة أجزاء .. وسلميلي على الكتكوته

يا خي انا همساتي جدام الناس

ما

اعرف الون بالابيض ...

لأنه ياخذ وقت

وانامب فاضية

إقتباس


	شكرا لك واسعدني تواجدك دلع

اسمحلي ع الرد الثاني ...
لأني حبيت اوضح لك أشياء كانت غامضة يمكن

وانا اسعدني ردك ...
واسفة ع الازعاج

وسلم لي ع فروسي

...
حبيب قلبي

A.K.N 505 · #34 15/06/2008, 03:06 PM

هلا ابو طلال...ورده

الله يوسع صدرك على هالموضوع اللطيف....والله يوفق الطلاب بالإختبارات..

صحيح الناس هالأيام اشكال وانواع ...وكثير منهم لا يحلل ولا يحرم....يسوي الشيئ قدام عيونك ويجحد

إقتباس


	بخصوص الاختبارات: عندي اهدااااء للطلاب ذاكر دروووووسك طن طن طن أول بأول طن طن طن تنجح وتصييييييييير الأول تنجح وتصييييييييير الأول

من وين جبتها هذه يا ابو راس....يا حلو ذيك الأيام بس

..!

مشكور يا ابو طلال..

ابو طـــــلال · #35 16/06/2008, 05:26 PM

اللى وده يزرف توقيعي .. ويستخدمه لسرعة انتشار الحملة ولإشتراك أعضاء اكثر .. يقدر ياخذ التوقيع .. عادي

تحياتي لكم ياكبااااااتن

ابو طـــــلال · #36 17/06/2008, 04:52 PM

بلو ستار

إقتباس


	هلا والله بأبوطلال وفارس اس اس اللي مجحود بهالموضوع

هلابك والله ... نورتي اختي .. بس فارس اس اس وش تعني ؟؟ دفع رباعي يعني ؟

إقتباس


	والله معي واشكآلي احس ردآة الحظ ماشين سوقه بالحييييل يالحيييل وبقوه وبكل عنف والقرآده حدث ولاحرج من ييووم اني دق دق وهي تلازمني من اشد الاصدقاء وفاااء وجمال رووح مقرووده ماعرفت عمري الافووق الشجر ولا الجدرآن بس الحمد الله كبرنا وراحت الشياطين صح باقي ترسبات بس نحااول قدر الامكان ندفعه بكل ما أوتينا من قوه

اما عليك شوية سوالف .. احس انك عجيّز مصغرة

ومااقصد في هالموضوع وبس انا متابع سوالفك

.. مفردات قصيميه ( صح )

والغريبه يوزرك ( بلو ستار ) وحركات .. ولاهرجتي أحس اني بسوق ( الزل )

إقتباس


	انه ولدن سنافي

^^

وحدة من الكلمات اللى اقصدها

إقتباس


	من جد والله الحين الصغار والاطفال عمووومآ صآرت تربيتهم أصعب وأصعب بكثيير من قبل بسبب التغيرآت اللي حووله والمشاهد اللي يشوفه بكل مكان والالفاظ اللي يسمعه من أي احد .. وكل حآلهم صآرت بسووء مع عدم الاهتمام ومرآعآة بئتهم اللي هم عايشين فيهآ الحين.. بس نرجي من كل اب وام تربية أبنآئهم ونصحهم بأسلووب رآقي والربط بنمط معيشتهم حتى لا يسلكوآ مسلك ونهج غير ماتربى عليه آبآئهم..

المشكلة نتعب من جهة ونربي ونعلم .. ويروح خميس وجمعة هنا والا هنا يخرب

والا يروح لعزيمه يجيني ( فاصخ الحياء )

الله كريم

إقتباس


	بجد ذولا ودك تجييب الواحد منهم وتصكه بأقرب جدآآآر...خير وين عايشين أنت اللي مغلط وتحط البلا على غييرك ..بس مثل ماقآلوو( من أمن العقوبه أساء الادب ) وان ماكشفهم أحد ربي مآيترك عبييده هوو خير حسيب ورقيب لهم

سبحانه ..

إقتباس


	من ناحية التخطيط والله شكلنا متبطحين بهالبيت وان جاء شئ فهوو لاينم عن اي تخطييط الا ضفوآ عفشكم وطامروآ للسياره عاد الله اعلم وين النيه

ياحبنا للتبطح .. والتسدح .. والغريبه على كثر تبطحنا دايم نشتكي من ألم في الركب والمفاصل

الله يعطيك العافية بلو ستار .. اسعدني حضورك وتعليقك ذات الطابع الفكاهي ( التنسيمي )

الله يسعدك ..

الساري 909 · #37 18/06/2008, 01:33 AM

اخوكم الصغير ابو طلال

وده يصير صغير

السلام عليكم ورحمه الله وبركاته

مطول السلام عشان تخلص الخمسين حرف
في البدايه حبيت تكون اول مشاركه لي في المنتدى رد على كاتب كبير مثل ابو طلال
ويعطيك العافيه
شلااااااااااااام

نـــــــ15ــــــمر · #38 18/06/2008, 04:47 AM

ابو طلال

كلام من قلبي طالع الله يعافيك على الموضوع وبصراحه من احسن
المواضيع الي قريتها لك او احسن موضوع قريته لك اقول قريته

لك

ياخي ضحكتني وخليتني ابتسم

الله يخلي طلال وام طلال وفارس والجاين لك يا رب ويوفقهم ويصلحهم لك

..............

ابو راس

حلوه حقت كلنتون

بس ما ينلام في العمل سياسه وفي غرفه نومه سياسه قال نغير شوي

تشـــــــــــاو

ابو طـــــلال · #39 19/06/2008, 02:18 AM

أبو راس

هلا اخوي ابو راس .. نورت يالغالي

إقتباس


	بخصوص الحظ الاقشر: هو قضاء وقدر لازم نرضى فيه ونسلّم

ونعم بالله .. راضين ومسلّمين بقضاء الله وقدرة ..

البلى بالحظ .. لاقعد .. متى يوقف

إقتباس


	المفروض الولد يرد عليه: وليه انت مو زي هالفلان وكيف ربى ولده

صحيح ان الطفل تملي عليه اسلوبه في المستقبل من خلال كلامك عنده وتصرفاتك وافعالك كـ ( أب 9 وقدوه )
بس سبحان الله .. فيه بعض الآباء ( صيّع ) تلقى عيالهم .. ادب واخلاق .. وتربيه !!
وفيه العكس .. تلقى ابائهم من طلبة العلم ومشايخ .. وعيالهم ( تتن .. وصياعة )
اتوقع النيه الصافية .. وصلة الرحم .. والصدقه .. لها دور في بركة المال والعيال

إقتباس


	بخصوص اللي ضربني وبكى: هذا كذب واعتداء وبصراحة فيه وقاحة وع المسؤول دايما ما يستعجل ويسمع للطرفين قبل لا يحكم حتى بالنسبة لنا نفس الشي دايم اللي يطلع في الاعلام اول ويشتكي تاخذ الناس كلامه انه الحقيقة وتستلم الطرف الثاني بكلام الله لا يوريك لازم العدل ومراعاة طرفي القصة

وفي الاخير .. مايصح إلا الصحيح .. حتى لو تأخر العقاب .. يكفي مع الوقت يخسر صاحب هالشخصية نفسه ومن حولة وإلا يجي يوم وينكشف ..

يامرحبمبم ابو راس ... نورت .. وشكرا على الإهداء الجميل لأبنائنا الطلاب طن طن طن

الغدير الازرق · #40 19/06/2008, 03:25 AM

وعليكم السلام ورحمة الله وبركاته

هلا والله بالخير يابن الأجواد ياحلوو وااااي أنتا <---- شيخ قبيلة خكري

عالبركة يابوطلو نجاااح الحملة البركة فيني يكفي الدعاية اللي سويتها لك

مع وجهك ياشيييخ لو إنك قالب هالحمله إلى حملة حج وعمرة كان اطلق

إقتباس


	بدخل بالموضوع سريع سريع .. كنك ميت جوع وبيدك ( شاورما ) من الصاج الذهبي .. وملفوفه بعشرين ورقه .. ودك من العجلة تاكلها بورقتها ... >>> على هالطاري .. صدق العنز تاكل الجرايد ؟؟

وش هالمقدمة يابوطلال هذا يسموونه حشو بالموضوع

يعني كل هالمقدمة عشان تبي تعلمنا إنك متعشي أنت والمدام والزكرت عيالك

في الصاج الذهبي

بخصوص العنز مدري والله بس اذكر مرة رحنا نصلخ
خروف العيد بحوش خوالي فيوم وصلنا للكرش لقينا مقالة لجعفر عباس
في بطن هالعنز بخخخخخخخخخخخخخخخـــ من قدك يابو الجعافر حتى
العنز تحبك

<---- لاتصدق سالفة المقالة ترى امزح يالزلابة

إقتباس


	عزيزي القاريء .. عزيزتي القارئه .. هل تؤمن(ي ) بالحظ ... وبقشارة الحظ .. والقراده ؟؟

ـهههههههههههههههههههههههـ ابوطلال يالزلابة الله يرجك أجل يقال إنك تبي
المدير يرضى عليك بصراااحه حظك اقشر وهذا إن دل فيدل إنك تعيس الحظ ووجهك وجه شؤوم (وجه بومه

) وبصراااحه مابيك تماشيني أخاف لاتعديني بحظك الأقشر

كااافي الحظ مستقعد لي بعد بتجي انت وبتولعها

إقتباس


	وصلنا للبيت بعد العزيمه .. وفضحني عند أمة .. بس اللى قهرني في الموضوع انه يقول .. ماما الرجال هاوش بابا وطقة بالريموت

بخخخخخخخخخخخخخخخخخخــــ

ياحبيله سميي طالعن علي اكيييد

إلا على طاري الستالايت والدريم بوكس كيف هو معك ؟؟ ودي اشتري وااااحد وبنفس الوقت متردد مابي اضيع فلوسي من بداية السنة وانا اجمع من هالقروش
واحط بهالحصالة

لاجد والله عطنا خبر حوول هالدريم بوكس واهم شي مايجيب قنوات
فيها اللي خبرك

كافي روتانا سينما مبهذلتنا حسبي الله عليهم

إقتباس


	مايحتاج اكتب بعد هالسالفه مايستفاد .. العاقل بيفهمها .. وسمعتك وقدرك أكبر من لحظه يناظرك الغير بإحتقار .. او حتى تحس انه يحتقرك !!

نسأل الله السلامة يعني لو قلنا شاب يمكن نرقعها

لكن شايب وعنده عياااال صدق مايستحي والله أراد إنه يفضحه قدااام زوج هالمرة حتى يكون عبرة لغيره من اللي يستهترون بأعراض الناس

إقتباس


	بعد ماخلص ؟؟ قلت توكل على الله ماعندنا لك شي .. واطلع قبل مااطلب لك الأمن !! ترى كنت واقف يومك تتلفظ على الموظف ومعك أهلك .. وهو حشمك قدامهم ومارد عليك .. واخرتها تجي تشتكيه !! صدق ماتستحي ؟!!!

بخخخخخخخخخخخـــ اووما ذا وجهه مغسوول بمرقة ضفدع

شيين وقووي عيين كان لزخته بالعقال وعلقته مع علباه

بصرااحه أهني هالموظف على هالأعصاب الباردة والأخلاق لو غيره كان الدم وصل للركب .. لكن فيه ناس قليلين خاتمة يحسب الموظف خادم عنده وإلا عبد من عبيده

..

أبوطلال قواااك الله والله يسعدك على هالموضوع القميل
يالله طس من مخي

Hictar · #41 19/06/2008, 02:16 PM

إقتباس

الرسالة الأصلية كتبت بواسطة ابو طـــــلال


	الله من زين الحظ ........ لكن لو اغيب او أتاخر سبحان الله القاه بوجهي ... عزيزي القاريء .. عزيزتي القارئه .. هل تؤمن(ي ) بالحظ ... وبقشارة الحظ .. والقراده ؟؟

هلا بولد العم

تبي تعرف من هو الإنسان المقرود جد أنا

صدقني يا أبوطلال ما فيه أحد مقرود مثلي :
هذا اللي يسلمك أو ل ما رجعت من إجازتي فآجأوني بأن عندي إنتداب 4 شهور ولازم أسافر بعد خمس أيام وأنا ما حضرت نفسي

وطبعا ( المجلس العام ) في قلوبنا لازم الواحد يشيك عليه يومياً
سألت اللي بسافر معهم كيف الأوضاع هناك ( قالوا ما فيه نت )
قلت يا ولد مالك إلا ( كونكت وشريحه )
رحت وشريت ( الكونكت ) من جرير وسألت المهندس وش الأفضل من شركات الإتصالات ( موبايلي أو الإتصالات )
نصحني بالإتصالات لأن الجيل الثالث أفضل من موبايلي

رحت وطلعت ( شريحه من الإتصالات )
جلست يوم - يومين - ثلاثه ما إشتغلت

يستقبل بس ما أقدر أتصل

كلمت أخوي وحط أوامر تفعيل الشريحه ولا إشتغلت

سافرت وبرضوه ما إشتغلت !!
وبعدها بيوم قلت لازم أروح لفرع الإتصالات أشوف وش المشكله !
طلعت المشكله إن فيه طريقه لتفعيل الشريحه من جهاز الجوال !!!!!

بعد ما فعلتها مبسوط ومرتاح ما إشتغلت ولا شبكت مع الكونكت

رحت لمهندس في مكتبه جرير علشان يلقون لي حل ، قالي غير الشريحه وخذ موبايلي

قلت ياخي زميلكم بالرياض قالي خذ الإتصالات وإنت تقولي خذ موبايلي !!!
قالي موبايلي أفضل بالجيل الثالث بجده !!
رحت وطلعت لي شريحه موبايلي وبعد ما فعلتها رجعت لنفس المهندس علشان يشغلها لي
والحمد لله إشتغلت

رجعت للدوام مبسوط وفرحان وكأني جايب الذيب من ذيلوه

وزملاي الموظفين مبسوطين معي من كثر ما غثيتهم بمعاناتي

ما جلست ولا خمس دقايق مشغل جهازي إلا وبدأ يعلق

وأطفيه وأشغله من جديد ويرجع يعلق ولا يتحرك المؤشر !!!
وفوق هذا خربت المروحه باللاب توب

!!!
رحت للسكن قلت بحاول فيه يمكن يشتغل وبرضوه نفس المشكله يعلق
قلت بنفسي يا ولد ليه ما تبحث بالواير لس وبحثت ولقيت إتصال مجاني

طيب جهازي خرب وأنا لي خمس أيام ألف وأدور والإتصال عندي موجود

وفوق كل هذا خرب جهازي !!
رحت أصلحه وقالي يبي له فورمات وتغيير مروحه

وعشر أيام لحد ما صلوحه
أنا بعد هذا كله كنت أنتظر يصير لي حادث ، لأن أحس إن فيه أحد داعي علي
ما أذكر إني سرقت فلوس أو إني مرابي بفلوس

ما أقول إلا الحمد لله
خذ لك المشكله الحين
بعد ما طلعت جهازي ( الأخ ) اللي أسرق منه يقفل المودم إذا جاء ينام

طيب يا أخي يحس على دمه ويقدر إن فيه ناس جالسه تسرق

ما أدري وش خايف منه ، شكله يحسب المودم يصرف فلوس

وله يومين مطفيه

شريك الزعماء · #42 19/06/2008, 11:04 PM

اخووووووووووووووووووووووي ابو طلال والله ان كتاباتك اكثر من رائعة وبحكم اني جديد هذا اول مووضوع اقراه وباذن الله انا اول الردود على جميع مووواضيعك

الله يعطيك العافية ويخلي لك ولدك طلال النكبة ههههههههههههههههههههه

تقبل مروووري ,,,

&& هلااااااليه && · #43 20/06/2008, 11:24 AM

ماشاء الله مايحلالك تنزيل المواضيع الا بالامتحانات

هلاااا باخونا الصغير
ابشرك قضينا امتحانات وان شاء الله النتايج تبيض الوجه
بالنسبه للموضوع يخي ولدك طلول ذاا احسه شييييي اهم شي يوم طلع فضايحك

على لازم نعلمهم الغلط اكيد لازم العلم عند الصغر كالنحت على الحجر<<توني مخلصه اختبارات

اما على الظلم انا من دخلت الجامعه وانا خلاص تعودت اشوف الظلم
مير ذا اللي تبلا عليه مايخاف من ربي

استغفر الله بعض الناس رافعين انفسهم وينافخون ونفسيتن شينه
مدري على وشو الله يهديهم

ابو طلول<<الدلع لولدك

امتعتنا بهالقصص مير لاعاد تكتب وقت امتحانات

افرض ماشفناه

ووراك ساحب على فارس ضعيف عطه شوي من وقتك

عوافي ع المووضع

الصقر الاماراتي · #44 21/06/2008, 04:38 PM

عنوان الموضوع لازم يكون ( يوميات ابوطلال ) ^^

استمتعنا بقراءتها والله يحفظك =)

الزعيييييييييييييييم · #45 24/06/2008, 12:00 PM

إقتباس


	اشتريت ستالايت .. على ال dsl ويفك الشفرة .. مافيه قناة مشفرة إلا ويفتحها.. art >> شوتايم >> والجزيرة الرياضيه >> والكثير .. الكثير .. انا شريته بعد فتوى الشيخ ( صالح بن كامل ) وسالفة الزنوووب

بسم الله الرحمن الرحيم ..

وانا اقرا هالجملة سمعت محمد الصيرفي يقول يفك الشفرات

(( طبعا بالتلفزيون مهب جنبي

)) <<<<< دايم تصير معي

ماتلاحظ اني ماعلقت على موضوعك

..!
لاني مدري وش اقول ..

بس سلملي على طلال الله يحفظه

..

وش صورة الرمزية غيرتها علشانك

وعلشان ابو سلطان ....!

والله يوفق جميع الطلاب ولو انهم خلصوا اختبارات

..