أحـبـه حـيـل



ليت ربَّي ماكتب لحظة وداع
ولافراق ولادموع ولاضياع
وليت كل النَّاس خلٍّ مع خليل
وكل ماقيل النهايه
بين الأحباب الرَّحيل
قلت أحبَّه حيل
* * * * * *
كلِّ ما أدفن خيالك ياعنيد
تمطر الدمعه وينبت من جديد
شفت وش سوى بي حبَّك يابخيل
* * * * * *
لو نويت أعاتبك القى الكلام
يعتذر لي منك ويلوم الملام
والقى حتى كِلمة أحبَّك قليل

مـاجـتـه


يحتريها موعد آمال كبار ناجته
يحتريها حافظ بعض الكلام اللي يبلغ حاجته
يتأمل بالوجيه يتحراها تجيه
والثواني يأس يرجي وترتجيه
لا تأمل بالوجيه
موعدك لا ما تجيه
وما جته
الناطر الموعود اشبهه بالعود
اللي وقفت يوم على متنه حمامه
راحت وناطرها تعود
طويل النفس ليله
ويرجي صبر حيله
ويله
كم تأمل بالوجيه وكم تحراها تجيه
وما جته
لو قيل لي ان القمر ياطا على متون النجوم
والشمس لا جا الليل ترخى جوانحها و تنوم
وان الغيوم قلب على الصحرا حنون
اصدق وما اصدق تجيه
اللي على خده يده
واللي الامل باسمه نده
قم تأمل بالوجيه
موعدك يمكن تجيه
وما جته

يعطك الف عافية على هيك موضوع

طلال الرشيد من أروع الشعراء - الله يرحمه - ما شاء الله عليه له ذوق خاص في القصيد

الـعـواذل

حـكـوا فـيـهــا




حكوْ فيها

خذَوْ في طاري الحلوه و جابوا

مسيكينه

بسيرتها تنابوا

و ذي صدق لشفاهي أبد ماهو قريب

بشر يا مصعب ارضاهم

و انا ماني حسيب

أنا سايق عليك الله لجل الله يا شامت

خلي الشوك من يدّك

و لا تطرف عيوني كحلت بالزين

لانام .. انا افداها اذا ودّك

يا هل ترى انتي وين يا بنت الشفاة؟

انا ادوّر عليك بصورتك

وينك ؟؟

أنا كني لمست رداك و ايدينك

ما شفتك بكلّ الكلام

شفتك على سجادتك

كنك تصلين القيام

و ليلك سرى بعبادتك

ما اصدقه ..

و الهرج ابد ما هو دليل

ما اصدقه ..

يعلّ يفداك الذليل

الله يستر خوافيها

اللي حكو فيها

بـاريـس


واحد خايب..حظه تعيس

سافر تقسيط لـ باريس

كذب على ام العيال

رايح ادور عمال

جمع الورث

حصاد الحرث

وقبل يسافر ياساده

سجل في نادي كالعاده

يسوي برنامج تخسيس

قام يدور شنطه تكفي

وكل هدومه قبل يصفي

عشره فنايل علاقي

وشورت وشراب ماقيس

قالت ام عياله تكفى

خذ لك لبس شوي يدفي

قال فـ باله مسكينه

والله قدامي اللي يدفي

قام يودعها وقالت له

خذ بالك يانور عيوني

وتعوذ دوم من ابليس

قال فـ باله يامسكينه

ومن عازمني غيره!

ناطرني ابليس فـ باريس

أخوي ملك الغربه ..

كلك ذووووق

أشكرك من كل قلبي على الإضافات المميزه ..

ومجهود تشكر عليه من الأعمــااااق .. ورده

أسعدني مرورك وطلتك .. ومشاركتك الرائعه

يعطيك ألف عافيه

**

تحيآتي

إقتباس الرسالة الأصلية كتبت بواسطة f*y*d يعطك الف عافية على هيك موضوع طلال الرشيد من أروع الشعراء - الله يرحمه - ما شاء الله عليه له ذوق خاص في القصيد

الله يعافيك اخوي فياض

وش جآيبك من المجلس العام

نورت الموضوع يالغالي .. وأسعدني مرورك وإطراءك .. ورده

وفعلا طلال الرشيد من أروع الشعراء وقصائده لها ذوق خاص ومختلف عن بقية الشعراء .. الله يرحمه ويغفرله

**

تحيآتي

إقتباس الرسالة الأصلية كتبت بواسطة << كبرياء هلالي >> أخوي ملك الغربه .. كلك ذووووق أشكرك من كل قلبي على الإضافات المميزه .. ومجهود تشكر عليه من الأعمــااااق .. ورده أسعدني مرورك وطلتك .. ومشاركتك الرائعه يعطيك ألف عافيه ** تحيآتي

ويشرفني اني أكون من ضمن المشاركين في موضوعك الأكثر من رائع ...
خصوصاً... وهو يحمل اسم الراحل : طلال الرشيد - رحمه الله -

ألف شكر لمرورك وتفاعلك اخوي اولاريو

نورت الموضوع