ألفتُ نظر معاليكم !! - نادي الهلال السعودي - شبكة الزعيم

الغدير الازرق · #5 24/03/2008, 03:35 PM

وعليكم السلام ورحمة الله وبركاته
هلا بك أخوي الهاوي نورت واشعلت المجلس بمواضيعك الأجتماعيه
الرائعة وألفت نظر معاليكم

إن مواضيعكم كويسة لما تحمله من نقد لاذع << منتب
عاقل ياجستنيه

..

إقتباس


	بذلت جهداً جهيداً وعلى قدر استطاعتي في دراسة شكوى المواطن وما تضمنته من أرقام ومؤشرات وقمت بإعداد تقرير فني يبين صحة الشكوى من عدمها والتوصية المقترحة حيالها، ولكوني مبتدئاً فقد استغرق ذلك يومين من العمل، بمعنى أني قمت بتقديم المعاملة للمدير صباح يوم السبت، فقام المدير بمراجعتها وتعديل بعض ما جاء فيها ومن ثم أخذت المعاملة مجراها المفترض لتصل إلى معالي الوزير ( المدير ::: الوكيل المساعد ::: الوكيل ::: الوزير.)..

يالييييل الحوسة كل هالمخارج والأنفاق عشان معاملة ماتحتاج إلا توقيع الوزير
طييب ليه تمر على ذوولي كلهم ليه ماتختصرونها وتروح على الوزير وليييه مو هو اللي يراجعها
ويعدلها ليييه وش انت يالوزير << ذا اللي ناوي يجيب العيد

وأعتقد إن حنا الشعب الوحيد اللي نتعامل بكلمة (راجعنا بكرا ) وصرنا نحسب حساب إن المعاملة
راح تقعد لشهر قدام يعني اقضب أرضك ولاتوطوط يم الوزارة حتى لو قالولك تعال بكرا

إقتباس


	كالتالي " وألفت نظر معاليكم ..." ، في هذه اللحظات استدار رأسي واستدلخت وتعطل مخيخي، فسألت المدير ما هو الخطأ في ذلك؟؟ ، فأجاب: كيف ما هو الخطأ؟ أنت تلفت نظر معالي الوزير؟!! ما يصير يا عبدالرحمن لازم تركز في الصياغة..

ـههههههههههههههههههـ تمووون أيها الهاوي

أجل تلفت نظر معالي الوزير

فرضاً إن المعاملة مشت على المدير بدون مايكشف الخطأ وصلت للوزير وش راح تكون وجهة
نظرة هل بيقضبك الباب ويقطع رزقك لاسمح الله .. أو إنه بيقول اضحكتني اضحك الله سنك ياعبدالرحمن أجل تلفت نظري

أو إنه بيقوول جيبولي رااسه

كل هالفرضيات ممكنة في وزراتنا وإياك تغلط على واحد منهم

إقتباس


	وجه معاليه بإفادة المواطن بذلك وعادت المعاملة تدور من جديد بين مكاتب الشيوخ حتى وصلت لمكتب الغشيم اللي ما يعرف يصيغ عبارات زي الناس، ثم أنجزها المسكين وعكس خط سيرها ، وأخيراً وصل الرد للمواطن بعد 3 أسابيع من تقديم شكواه العاجلة ، رغم أنه مدعوم بواسطةٍ قوية و كان يأمل بالرد عليه بشكل سريع كونه يخسر يومياً آلاف الريالات بسبب هذا الموضوع ويريد حلاً لمشكلته!

عادت حليمة لعادتها القديمة

هذا وصاحب المعاملة مدعوم بواسطة قووية أجل لو ماعنده
واسطة كم راح تقعد شهر لا .. شهرين لا .. 5 شهور نعم

هذا إذا مامرمطوك وقفلوا عليها الدرج .
أعتقد إن عندنا فهم خاطىء لمبدأ التنظيم الأداري ليتك ياعبدالرحمن تعطيهم كويز من عندك
ويكون الوزير وفروعه من طلابك دام هاذي طريقتهم من إني اشوف إنها مهيب جديده علينا
تعطيل المعاملات بسبب أو بغير سبب حسب الرغبة من المدير والموظف .
ومن المفترض إنه يكون عندنا فيه معقبين من البنات المزيونات الشروخ

صدقني راح تمشي
المعاملات بأسرع وقت وبوقت قياسي وصدقني بيجيبون خبر الوزير

أخوي عبدالرحمن موضوع راااائع ولافض فوك على هالتنوع الأجتماعي بمواضيعك
بيض الله وجه من عطاك اسم (ناقد إجتماعي ) تستاهله

شكراً لك .. ولاهنت .