07/03/2008, 03:26 PM
|
 | استشاري سابق للرياضه العربيه والعالميه | | تاريخ التسجيل: 04/08/2005 المكان: الظهران
مشاركات: 8,260
| |
السلام عليكم ورحمة الله وبركاته
ماشاء الله تبارك الله موضوع حلو والنقاش فيه امتع
واتمنى اني اشوف ردود كثيره علشان نستمتع في الردود
من ناحية الموضوع يا اخوي فراح اتكلم عن نفسي
انا من تالي صرت مدمن تكتيك مدربين , يعني اشوف المدرب وش تفكيره وكيف يغير خطته وليه يلعب فلان وليه يجلس فلان في الاحتياط
فالمتعه بالنسبة لي ( الانضباط وتطبيق ما يطلبه المدرب الماهر ) لان المدربين انواع فيهم الماهر وفيهم اللي ما عنده ما عند جدتي ويمشي بالبركة
وانت عرجت بكلامك على منتخب ايطاليا 2006 وانا ضدك بالكلام
ايطاليا ما استخدمت اللعب الدفاعي وبعدين التفكير بالهجوم
كان اسلوب ايطاليا ممتع في المباريات وكانت طريقتهم ارهاق لياقة الخصم
طبعا خلفهم داهية تدريبيه اسمه مارسيلو ليبي
وعلى طاري مباراة المانيا , ابيك تشوف هدف قروسو الاول , بتلاحظ وجود 4 في منطقة الـ 18 الالمانية ومركزهم الاساسي مهاجمين ( جيلاردينو + دل بييرو + توتي + ياكونتا ) وهذا يدل ان فيه تكتيك عالي جدا من مدرب قدير
يعني فريقك متعادل وبدل ما تنتظر البلنتيات تروح وتخلي فريقك هجوم وفعلا سجل هدفين باخر دقيقتين تقريبا !
يعني بكل اختصار : المتعه في تكتيك المدرب والمراوح وغيرها ما تهم
بعدين يخوي ترا اشتراك الجزيرة رخيص ورا ما تجدده 
شكرا لك على الموضوع والحقيقه موضوع رائع
واتمنى منك يا اخوي انك تروح لمنتدى الروابط وتحط رابط موضوعك في روابط الاندية علشان تجيك العالم مدحدره هنا  |
الوضع العادي
