السلام عليكم ورحمة الله وبركاته


كيفكم؟؟

كيف الاجازة؟؟

للأسف ماقدرت اسافر الاجازة هذي لاني ابغا انزل مواضيع في المنتدي عشانكم >>> بكاش


الموهم



-- اهلي طفشوني كل يوم يقولولي كيف الدرجات وانا اقلهم لسا ماطلعت>> هههههههه كدبه بيضه


-- المهم اليوم الظهر قررت اقلهم لاني بصراحة طفشت وبدأت اصدع


-- اول شي قلت لاخواني ولأمي




-- جيت عند البابا بصراحة مني عارف كيف انزل الموضوع >>> انزل الموضوع متأثر بالمنتديات

قصدي مو عارف كيف افاتحه بالموضوع

الموهم


-- وانا جالس اتغدا علي الطاولة >>>> متحضرين ياكلو علي طربيزه (طاوله)

المهم ابويا منفعل وقاعد يكلمني عن مبارة مصر وانا مو معاه افكر كيف اقله الخبر

-- قلت خليني احشك ابويا لحاله احسن عشان التهزئئ يكون علي انفراد مو قدام اخواني

-- فكيت الموضوع وقلت لأبويا رحت الجامعة وشفت درجاتي

قلي ها بشر ؟؟

قلت الحمدلله نجحت في كل المواد ابويا فرح >>> ( وانا اقول في قلبي لسا بدري) واردفت قائلا >> احلا يا فصحى

وقلت بس الدكتور الماليزي حق الرياضيات رسبني >>> رسبني يعني الدكتور السبب مو انا

قلي
طيب حصل خير وشد حيلك>>> بصراحة احس اني نكدت عليه

قلت انشالله ورحت




خلاصة الموضوع اذا في خبر مو حلو كيف توصله ؟؟؟؟؟؟؟؟



وشكرا




وانتظر ردودكم لاني بصراحة تعبت في الكتابة


واسف علي الاطالة