نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

الزيرابوعزيز · #9 12/02/2008, 06:19 AM

اجل خايف علشان ماده وحده ومقوم الدنيا علينا ردوا

<<< لا وتهدد تقول ابنزله بمنتدى الجمهور <<< على طول عطر الاماكن يعاقبك بعشر نقاط خصم <<<< اسئل مجرب

ولكن الله يعطيه العافية عطر الاماكن لو انا مكانه كان عصب بسرعة وايقاف على طوووول

نرجع لموضوعك
كيف توصل خبر سيء
اول شيء مثل ماسويت انت صح جرب الوالدة

فهي قلبها حنين

وشف ردة فعلها
واذا كان ابوك ما ينتحارش خل امك تعلمه يا لبى قلبها الوالده

تستقبل عنك دايم التهزيء والاهانات
وانت ولا همك

تحترم ابوك اكثر من امك <<< طبعا الكلام مو موجه لك ولكن لبعض الشباب
في النهاية انا الحمدلله ما عمري رسبت بالدراسة على شان كذا ما مر علي موقفك بالضبط
ولكن مرت علي بعض المواقف اللتي يجب ان اخبر الوالد فيها ولكن اغلبها هو يصله العلم لأني دايم اخبي ما اعلمه اي شيء واذا لزم الامر يدري كلمته بالتلفون بعدين انت اختر الوقت المناسب لكي تعلم ابوك
يعني مثلا اذا كان راجع من العمل الظهر لا تعلمه اذا شفته المغرب مبسوط ويسولف
انت سولف معه واي شيء يبيه على طول قم وصلح اللي يبيه مسبوقة بكلمة سم طال عمرك
وعطه كم نكته على كم سالفة مضحكة واذا شفته تشقق من الضحك

انت بهاللحظة
قله الا مادريت بيقول وشو قل نجحت

وانت فاق كشرتك بعدها اذا قال مبروك الله يوفقك
قله لكن للاسف في مادة ما ودها تنضم لأخواتها الناجحات هو بيقول وش تقول انت قل ايه الرياضيات
الظاهر اني ماركزت زين والا انا اعرف الاجابات ومذاكر زين <<اهم شيء مذاكر زين بعدها خل يدك على الجوال واضغط على النغمات وخله يدق وقل على العموم ان شاء الله نعوضها بالترم القادم واطلع من الغرفة

كأنك بتكلم وغط عنه شوي خله ينسى بعدها خلاص <<<< هذا الوصف خاص لحالتك

انا قريت الموضوع قلت بتقول كيف نوصل خبر وفاة والا شيء مؤسف وعلى العموم يعطيك العافية
وتقبل مروري وثقالة دمي