إقتباس الرسالة الأصلية كتبت بواسطة حكر المنحكر اشكرك لي عوده ـــــــــــــــــــــــــــــــــــــــــــــــــــــــــــ باااااااااااااااك ماشاء الله ابو طلال في مواضيعك الحجز عليه طلب يعني لو تخلي لك راعي رسمي من الشركات في مواضيعك راح يطلع لك دخل طيب شرايك اسوق لك وتعطيني نسبة 20%.. نرجع لموضوعنا خلاصة حديثك يابوطلال عن شباب هذا الوقت وعن تأثير الغرب فيهم.. سؤالك عن القيم هل اندثرت او مازالت وقلت..؟؟ انا اقول قلت..

هلا وغلا بااخوي حكر المنحكر ... وأول تعليق على أول مشاركه جميله من عضو اجمل .. وكما هي العاده انه أول عضو يرد على موضوعي له رد بصفحه لحاله مني

الحجز والزحمه في هالموضوع بالذات اتوقع يعود إلى عنوان الموضوع .. خصوصا انه بعد توقيفي يحسبوني منزل موضوع كله سب وتلعين بالمشرف اللى وقفني .. تخبر ربعنا الاعضاء فيهم شفايه ومايحبون الشر ابد

واذا على قولتك .. (قلت) .. اتمنى ترجع بزياده


شكرا لك اخوي ... وتسلم على مرورك وحضورك يابطل

إقتباس الرسالة الأصلية كتبت بواسطة ابو طـــــلال تذكرت الشايب اللى صب له واحد شاب ( خكري )باليمين ومد الفنجال باليسار .. قاله الشايب : .. يسارك يمينك .. ويمينك يسارك .. قال : طيب تعرف تقول بطة بطتنا بطت بطن بطتكم ؟؟( قلها خمس مرات )

إقتباس الرسالة الأصلية كتبت بواسطة BLUE-STAR .. مــرحبــا *أبو طـلال*... بس لا ما أندثرت القيم للحين بالعكس فيه ناااس يعرفونه مثل قبل وأكثر..صح إن البعض مايعرفونه ولا يدرون وشي...<< ليه؟؟ لانهم ماتربوا عالسنع الصح .. متربين على الرفاهيه الزايده عن اللزوووم وكل شئ يجاب لهم ومايتعبون بأي شئ.. وإذا سألت الأم أو الأبو قالو والله ماودنا عيالنا يشوفون اللي شفنا مانبيهم يتعبووون وهم تووهم ممديهم على الشقاء وهم بكذا أكبر غلطــــانين.. وإذا إكبرو عيالهم و واجهتهم مواقف ومشاكل ماراح يحلونه بالطريقه اللي يتفادون فيها الأخطاء لأنهم ماتعودوا إنهم يعتمدوون على أنفسهم... ..أشكرك أخوي أبو طلاال عالموضوع والمضمون.. .. مع التحيه..

مرحبتين .. اهلين وسهلين اختي ....

احتمال الدلع الزايد والحرص الزايد بعد على مشاعر الأبناء .. يعتبرون تعليمهم مثل هالأمور قسوه عليهم .. او اهانه .... وبالاخير مثل ماتفضلتي تواجهم مواقف يلقون صعوبه في حلها او في تجاوزها

شاكر لك حضورك ومرورك يالغاليه

===========================

إقتباس الرسالة الأصلية كتبت بواسطة مولع بالهلال موضوع حلو تحلى دنيااااك ياالذيب لي عوده ورده _________________________ رجعت هلابك أبو طلال أجلت أكلتها من عمك والله إن عمك عرف لك تصدق تخيلت شعرك حاط فيه زيت !!! ماش عجزت أستوعبها عمي طريقته مزح برزح ... بس يمون أعود لنقاش موضوعك >>> أماي بديت أصلاً بالنسبة للمراجل والمرجلة والله إنها قاربت على الإندثار والإنقراض سمها ما شئت . يعني اللحين الواحد همه الأكبر وش ألبس كيف أتكلم ما أبغى أحد يضحك علي كيف الموضه !!! طبعاً اللوم لا يلقى عليهم أبداً لكن مثل ما تفضلت الأخلاق رسالة لا تتوقف عند شخص يجب أن تسلم بأمانة وأن يخلص بالإمانة !! لا تنسى أبو طلال تأثير الإعلام وخاصة المرئي وأيضاً الرياضة ... ماذا تتوقع من شخص يشاهد أفلام أمريكية ومن ثم يشاهد مسلسل خليجي (( لا أريد أن أعلق عليه)) ومن ثم يشاهد مباراة ولاعبين الله يصلح حالهم !!! توقع الأكثر والأكثر من هؤلاء وللأسف يابو طلال أتوقع أننا في سنة من السنوات وهي غير بعيده أن نقول على حالنا السلام . لأنه وببساطة أيضاً مراهقي اليوم هم نفسهم أباء لمراهقي الغد وسيكون الأب والإبن يتنافسون بالمراهقة المبكرة والمتأخرة . شكراً أبو طلال ولا أوصيك على طلال وفارس مرجلهم من اللحين وأعزمني على قهوه عندك خلني أشوف الله يحييك .. تشرفنا ... ولاتوصي حريص .. ويوم الخميس الجاي اربع ذبايح علشانك يالغالي ( خميس = العيد ) برايفت أبو طلال قلنا أبو طلال .

هلابك والله متعب ... شرفتنا ... وقبل كان الشرف بمقابلتك انت ومن قابلت بالاستراحه .. خصوصا انك مشرف ... ( الزعماء المتواصلين ) على جنب

شكرا للحضور والمرور يالغالي ( ورده )


===========================

إقتباس الرسالة الأصلية كتبت بواسطة نـــــــ15ــــــمر والله مدري وش اقولك قل تم بس وش رايك بالسفطه حقت الهواي اخبر السفطه بيني وبين الهاوي .. انت وش دراك عنها ؟؟ اجل جادع اذنك معنا وانا والهاوي نتساسر تشــــــــــــــــــــــــاو

يامرحبمبم نمر حياك اخوي

================================

إقتباس الرسالة الأصلية كتبت بواسطة مهما علا موجك حياك الله أبــو طــلال . الله يحييك ويبقيك هلابك الحمد لله على سلامتك .. ودوم البراءه. الله يسلمك .... ياما في السجن مزاليم ( مظاليم يعني ) بهذي معك حق كثير من الشباب الله يهديهم عندهم قل الدبره وحسن التصرف يعني تلقاه يغرق بشبر ماء على قولة أخواننا المصريين .. تلقى بعضهم ما يقتنع بشيء لحد ما يجرب هو وينغث بعدين يلتفت لكلام اللي اكبر منه.. بعدين يقولون حنا زمنا غير زمنكم وغيره <<<< متعقده من الجيل الجديد .. بلى والله من شين يشوفونه متعقدين من هالجيل من وجهة نظري إنها ما زالت موجوده بس قلت وصار الشباب ما يظهرون هذي الأشياء الا عند الشياب بس بينهم وبجمعاتهم اتوقع لا .. ان شالله انها تزيد وماتنقص للأسف هذا واقع بعض البناات الحين أكبر همه متى تتزوج .. أعرف بنت عمره 12 دايما تقول يارب متى أتزوج وافتك من أهلي .. الله يهديها العنود .. مستعجله مدري وش عليه لاحقه على العيال والغثى وعوار الراس مشكووور أبوطلال على الموضوع الرائع ... لاعدمنااا تواجدك وحضورك المميز وطرحك الرائع ... أختك .

بارك الله فيك ومشكور على الحضور والمرور ... ولاتحرميني المرور الدائم اختي

إقتباس انا والله ماالوم بعض الشيبان من تصرفات شباب هالوقت .. مثلا ,,قل الدبره .. صب القهوه ... توجيب الضيف واحترامه ... الرد المناسب للي اكبر منك امام الضيوف ...

إقتباس مثلا واحد يصب قهوه باليمين ويمد الفنجال باليسار ؟؟ ويقول خذ !! حتى ( سم ) مايعرفها تذكرت الشايب اللى صب له واحد شاب ( خكري )باليمين ومد الفنجال باليسار .. قاله الشايب : .. يسارك يمينك .. ويمينك يسارك .. قال : طيب تعرف تقول بطة بطتنا بطت بطن بطتكم ؟؟( قلها خمس مرات )

إقتباس انا سلمت عليه ولاحظت نظراته لي ...... يوم انتصفنا بالجلسه وخلصنا سلامات وتهلي .. قالي وش ذا يابو طلال ؟؟ قلت وشو ياعم ( وانا داري انه بيذب ) قال وش هالخاتم .. وهالثوب الاصفر الطويل ... وهالشعر اللى لاطسه زيت زيتون غادن تقول راس هندي ؟؟؟ قلت وش نسوي ياعم نبي نغير ونتشبب ... ( والله البلشه) قالي سجل عندك ( سرسري نمرة واستماره ) على هاللبس

إقتباس الرسالة الأصلية كتبت بواسطة كل الفن هلالي ههههههههه الله يرج ابليسك يابو طلال .. عجبتني المقدمة اللي اطول من السالفة اللي يميزك انك ما تنسق ولا تسوي ولا شي في موضوعك بسيط في كل شي وهـ البساطه اللي تخليني كل يوم أحبك والله ثم والله ثم والله انك متميز ومألوف وكل مواصفاتك خليجية وأصليه 100% الله لايحرمنا تواجدك لانو ماكو أبلغ من الكلمة هاذي >>> بس يمديك على ماكو وه ............ اشوى اني منب بنيه والا ادهرت رسايل خاصه الحين لك .. اتميلح عندك .. والا ارسلك رساله خاصه اقولك .. معليش غلطانه شكرا لك فارس على هالكلام .. واي موضوع من غير اعضاء متميزين شرواك ماينجح لو حتى كان مدعوم بالتثبيت <<<<< مايقصد شي ( وجه واحد يغمز زي اللى بالماسينجر ) بالنسبة لوضع شبابنا تراك جبتها ع الجرح والله فعلاً بعض القيم والعادات وخاصة اللي تتعلق بالشهامة والرجوله بدأت تتلاشي وسلمني على عمك سلامن كثير في امان الله يالغالي ،،

يوصل يالذيب ... وان شالله انها ترجع ماتتلاشى والبركه فيكم ....

هلابك والله ........ والف شكر على مرورك وحضورك الرائع .. يابو تنسيق ... افكر يصير بيني وبينك تعاون موضوعي مشترك فكر بالموضوع ايها البطل

============================

إقتباس الرسالة الأصلية كتبت بواسطة f*y*d أهلا أهلا أبو فارس وطلال أهم ما في مواضيعك البساطة وعدم وجود تنسيق موضوعك اليوم حلوووو كثير من شباب هالأيام ماله أي معرفة بعلوم الرجال حتى الرد ما يعرفله ! اعتقد الخطأ من بيته اولا تلقى محد نصحه او علمه ! مشكلة كبيرة ومثل ما قلت حلها ما يجي بالنت والسوني ما شاء الله عليك انت والد وعارف هالأمور جيداً ولا شك استخدمتها مع ابناءك الله يخليهم لكـ والله يخليلك عمك شكله فلة أبوطلال اعذرني ع الرد المتواضع بس والله تعبان وقلت لازم أرد

اهلين وسهلين بالشايب فياض ....... نوم العوافي ( لأمس ذي )

ماازيد على كلامك ........... بالنسبة لي انا صحيح والد والحمد الله ... بس مايمنع تاخذ معلومات تفيد .. ترى الصغير مسيره يكبر .. ويتزوج .. ويصير والد ..
بعدين الموضوع فيه نقاط للمراهقين ..... واللي عنده اخوان اصغر منه ..

حياك صديقي فياض ...... وترى الاستراحه اللى اخذناها يوم الخميس فيها قسم ثاني اتفقنا انا وماجد مقبل .. اننا ناخذ القسم الثاني المفصول .. للعضوات البنات وصغار السن علشان لاقمزت الكوره من حوشنا واحد منكم يجيبها .. عاد انت او الغدير الازرق .. فيكم الخير والبركه

وتقبل تحياتي ياخلفهم ... ولاتحرمني من حضورك

==============================

إقتباس الرسالة الأصلية كتبت بواسطة قرقاص هلا بابوطلال هلابك والله وغلا ..... وينك ماجيت للإستراحه .. والله اني سألت عنك وماجد نسيت وش رد علي ! اما انت وهاللون الذهبي !! أعميت عيوني !! تقول رايح اختبار عمى الألوان وش يدريك انت يالشايب ... هذا اسمه تنسيق ترى بعض الشيبان حارين شوي !! مدري ليش ؟؟ تصب له قهوة وتملى الفنجال يزعل !! ياعمي امسك اللي يصب وقله باذنه مو تفضحه بالمجلس !!! ويمكن الولد الضعيف متوصي مسوي فاهم ومالي الفنجال زود كرم عاد قالوها : الناصح فاضح في هالزمان على طاري الشيبان فيه نوعيه منهم من اللي لحقوا على الموضة في اواخر الستينات وبداية السبعينات لما يلاحظ عليك شي غريب في لبس ولا شعر طويل ولا سفريات يبدأ صلخ فيك وش ترد عليه خاصة اذا انت عارف تاريخه وشايف صوره بشعر خنافس ولابس كاوبوي تقوله انت ياعم كنت كذا ولا تأخذ التهزئ وتسكت والله انك صادق .... وقد فجرتها لعمومتي وكان النقاش على موضه الشباب .. طلعت لهم صورة وهم في مصر .. لو تشوف ( السوالف ) اللى عليهم .. تقول سمير صبري ... وحسين فهمي .. واحد منهم كنه علي الشريف ... متين .. وبرضه سوالف ... على وقت تحيا كاريوكا .. وناسين انهم قد سولفوا علي بسفراتهم صاروا يخوفون الحين اول البنت تلزق بالجدار اذا مر رجال بطريق من الحياء الحين العكس الرجال يلصق بالجدار خوف وحياء

خصوصا لما يكون الواحد وسيم مثلي ومثلك ........ هاه وييييلاااا ( بالأردني )
مشكور على الحضور والمرور ... وفرصه نسال عن العروسه الجديده .. وش اخبارها .. الله يخليها لك واختها يارب ويخليك لهم

==============================

إقتباس الرسالة الأصلية كتبت بواسطة عاشق بويعقوب لي عودة يابوطلال ..

اهلين وسلهين
عاشق ابو يعقوب .. هذا اسمه حجز بس يشفع لك عندنا شيئين نبي نسامحك ولانطالب تطبيق العقوبات فيك .. اولا مالي فيها سنع وهي انك مشرف .. وانتم يالمشرفين مااتدخل بينكم .. بيناتكم مرونه وتسامحون بعض .......

الشي الثاني .. انك عاشق ابو يعقوب ... وهذي تشفع لك عندي كثير حتى لو تحجز ويصير لك توقيف اسلفك يوزري لين مايرفع عنك الايقاف

ننتظر عودتك يالغالي

==========================

إقتباس الرسالة الأصلية كتبت بواسطة باسكن روبنز مشكووور على المووضوع بس عندي سؤااااااااااال ايش معنى سرسري ؟؟؟

مابلاش انا اتكلم ياقدعااان يااخوان واحد يكلمها احنا اللى دهنا الهوى دووكا
ولايهمك اختي ... اذا ماحد قالك معناها من فاعلين الخير .. وخصوصا انهم واجد هنا .. انا بقولك معناها ..
شاكر لك اختي حضورك ومرورك البريء جدا والله يزيدك في هالمعاني جهلاً

يآآ رآآقل اصلآآ آهم شي الاخلاث وحب الووطن ومآآ عليك من اللي يصب باليمين !!

<< يآآ شين اللي يغطي عن نفسهـ

المهم ابي اعرف ووش معنى سر سري

آبؤؤ طلال والله آآنكـ رجل نشيط ..

يصلمؤؤؤ

BLUE BIRD 10

حيااك اخوي وشكرا على المرور

=====================

إقتباس الرسالة الأصلية كتبت بواسطة bazbozy لوووووووووول هذا اللي لفت انتباهي باموضوع

مراحب .. واهلا بك اخوي


======================

إقتباس الرسالة الأصلية كتبت بواسطة saudi’s heart السلام عليكم ورحمة اللـه وبركاته هلا فيك اخوي ابو طلال,, وعليكم السلام ورحمة الله وبركاته ...... اهلين وسهلين اختي مازال صراع الاجيال مستمرا بين الشباب الذي يريد مواكبه التطور وجيل الاباء والاجداد الذي يريد التقيد بالاعراف والقيم المتعارف عليــها,, يعني مانقول صراع ..... نسميها غيره الشيبان والعجز من الشباب لكن لايجب ان يصل الامر بالشباب الى تعدي الدين والاعراف فمثلا تقليد الغرب بالقصات المحرمه والتبعيه العمياء فلا بد من المحافظه على موروث الاجداد ومعرفه عاداتهم والالتزام بـــها,,, ابــشرك ابــو طلال ترانـــا للحين مانجلس عند الحريم بس اذا مافيه عجايز وحريم كبار اتوقع البنــات بياخذون راحتهم انتي ماتقعدين ....... غيرك لا والله تجيب معها كيس الفصفص وتقشم هي وضيفة امها وتسالها عن الاخبار والاسهم .. ومن اعرس ومن طلق <<<<< قاطه معهم : يعطيـــــــك العافيه اخوي على هالموضوع دمت بحفظ الرحـــــــــمن وكل عام وانـــت بخير

الله يعافيك اختي .. وشكرا على الحضور والمرور .. وانتي بصحة وسلامه مقدما

========================

إقتباس الرسالة الأصلية كتبت بواسطة أول العنقود أول شيء وش ذا اللون البايخ !! هذا اختيار الغدير الازرق .. يقولي هاللون كذا هو اللى مسوي التنسيق لهالموضوع و على طاري السالفة ذي : مرة رحت معزوم عند واحد أول مرة أزوره بالبيت , الرجال صب لي بيمينه و عطاني بيساره نقز له واحد يبي يذب قال ما تعرف وشلون تصب للرجال , ][ قال أنا أصلا أبوي ما يآخذني علوم رجاجيل ][

صريح الولد .. جابها من الآخر

يعطيك العافيه ثامر ....... ومتى نشوفك تصب لضيوفك ( سلاش )
وشكرا لمرورك يالغالي

==========================

إقتباس الرسالة الأصلية كتبت بواسطة الهنوووف هلا وعليكم السلام ورحمه الله وبركاته مبرووك فك الحجزز الله يبارك فيك .... المحامي شاطر ها بشر عسا ارتحت هونيك مابعد رحلوني للحاير ... تمنيت اشوف زنزانتكم بس ماكتب الله سجنهم فله هههههههههههههههههههههههههههههههههههههههه ههههههههههههههههههههههههههههههههه الله يصلحك موتني ضحك الله مير يرحم الحال >>>كانها شايب عسى مايجي احد يدخل ويشوفني على هالضحك بيقول بنتنا اكيد انهبلت او انجنت حطي على الصامت ايه صادق اول اذا انخطبت البنت وقالو لها استحت وطلعت لغرفتها الحين تفتح تحقيق منهو وش اسمه وش وظيفته زين والا شين لابعد تلقين لو اخوها قال رأيه بالرجال .. قالت اووص مالك دخل .. هو بيصير رجلي والا رجلك ؟ اتفق معاكـ اخوي ابوطلال المراجل والحرايم (يعني الحريم السنعات ) الحرايم = الحرمله اجل مرجله اندثرت وقليل تلاقي شاب ينشد به الظهررر وبالمقابل بنت سنعه اصبح تفكيرهم سطحي بالمره بالاول كان لما يكون عزيمه بالبيت البنت مع امها الحين تنزل بعد مايجون الضيوف ونفس الشي للشاب تلاقي عزيمه بالبيت وهو طالع مع ربعه مايدري عن هوى داره وبعد ماننسى ان الشياب ووالحريم بعد الكبار بالسن مبالغين شوي ويحبون يفشلووون عيال اول بعد مايهمهم الفشيله .. عيال هالوقت مايتحملون اي كلمه من اهلهم !! يبرطمون بسرعه اتذكر وحده من قريباتي كانت مقصره شعرهاا شوي ومسكتها احد كبيرات السن وتهزيء فيها احراج مره مشكله مايعرفون يتكلمون شوي شوي لازم العرب كلهم يسمعون وبعضهم الله يهديهم مايعرف ان هالجيل غير اول يعني يلزمك بامور صعبه عليك او مهي واجبه يعني هم كانو يسوونها زمان يبون نسويها لو مو مقنعه مثلا مره من المريرات بس لاتضحكون علي مو قل سناعه فيني لاوالله بس انا لما اصب قهوه خصوصا لما تكون ثقيله تعورني اليسار فاحيانا اتهور واصب باليمين اهم شي يديني ماعلي منهم كنت اصب لخالتي قالت مدي باليمين بغيت اكب الفنجال وانحاش من القهر يعني بالله وش تفرق اشربي وخلصنا تدقيق مدري وش يبي تمدين القهوه باليسار وتقولين وش تفرق ؟!!! ياللى منيب قايل عودا حميدا ابوطلال وفارس (احسك تقول ذولا ماينقال لهم اسماء عيال) اي والله فضحونا .. الاعضاء قاموا يعددون علي اسامي عيالي .. مايدورن اني معرس وانا كبر الغدير الازرق .. يعني 13 سنه مووضووع يشكل قضيه مهمه والله خصوصا كيف تقبل انتقاد من هم اكبر منك يعني البعض مايحب احد ينتقده فاحيانا تحصل مشاده كلاميه بين رجل كبير وشاب عشريني المفروض العشرييني مايرد على شايب ... حتى لو كان الشايب غلطان .. هذا شي من اللى اقوله .. الشايب والعجوز .. يحبون اللى يقولهم سم .. وابشر طال عمرك .. ( عطه جوه ) وريح نفسك وريحه بس مايمنع اني ضحكت ضحك الله يحفظك خيوو ويخلي لك فارس وطلال وتشوفهم رجاجيل ينشد بهم الظهر انتي وش عندك بشدة الظهر ... قبل تقولين مافيه شباب ينشد بهم الظهر .. والحين طلال وفارس ينشد بهم الظهر ؟؟ ناويه تشغلينهم مليسين ؟؟والا حمالين ؟؟ الهنوووف كانت هنا ورحلت

ياكثر ردك يالهنوف .. عاد انا والله منيب مستحي .. بس تراك تردين بظمير ( طويل يعني ).. وتخلين الواحد يستحي يرد عليك بكلمه بسيطه .. هالمره بجاملك .. لكن المره الثانيه ترى منيب مستحي منك .. ابكتفي بكلمة ( مرسي ) ياشيخه لو ردك ياصل صفحتين ومقتبسه حتى مكان اقامتي
دمتي بود .. وكوني بالجوار ... ومع اطيب الاماني ( تش ) منيب اعرف لهالكلمات مالت

إقتباس الرسالة الأصلية كتبت بواسطة ^ العنود ^ مراحب ابو طلال .. مبروك الافراج .. والله انك صادق ابو طلال هالشباب هالايام مايعرفون السنع وين بس احنا البنات لازم نعرف غصب 24 ساعه بالبيت ابو طلال دمت اخوي الصغير

هلا بالعنود .. يامرحبتين كبار ... كبر شدوق الغدير الازرق ... وكبر جبهة فياض ... وبربرة خالي من الهم ... وكركرة ماجد مقبل ... <<<<<< ابو شاهي منعنع

واهلا بمرورك وحضورك ........ ولاتقطعين عاد

============================

إقتباس الرسالة الأصلية كتبت بواسطة المستشار هلا بالغالي ابو طلال ياهلا والله ومسهلا بالمستشار موضوع رائع رائع بحضورك يالغالي شكرا تلقاه اول مايدخل عليه واحد من برا يطلع النظارات ويقوم يدقق في الي قدامه الله يحفظهم ويطول في اعمارهم ان شاء الله ---------------------- وبالنسبة للعادات والمراجل فاعتقد انه باقية وعند الكثير من الشباب ولكن لاتظهر هذه القيم والعادات الا في اوقات معينة وليست دائمة وخصوصاً اذا كان في امام من هم اكبر منه عمراً خلاصة الكلام ان العادات والقيم موجودة ولكن لا تظهر الا في بعض الاحيان

وان شالله ماتختفي ابدا .... وفعلا فيه الشباب يتفاخرون حتى بالعادات والقيم والتقدير للغير .. ويحرصون عليها ........ وهذا اللى اتمناه في الجميع

شكرا لك اخوي .. حضورك ومرورك .. ولاتبطي علينا

=========================

إقتباس الرسالة الأصلية كتبت بواسطة هلالي من ارض اليمن الله يعطيك العافيه يا ابو طلال على هذا المقطع ... هلا والله وغلا باخوي هلالي .. نورت الزمن غير الزمن يا ابو طلال وزمان ابائنا ليس كزماننا ... لدينا واقع مفروض ومتغير لست من الضروري ان تنساق ورائه ولكن حتما سوف يؤثر عليك لن نكون مثلهم ومن الخطأ ان نكون مثلهم ... نعم من الجميل المحافظة على القيم والأخلاقيات ولكن ليس بالضرورة ان نكون على نفس طابعهم والا فلن نتطور وسنبقى حيثما تركونا ... جميل ان نستفيد منهم ولكن ان نكون مثلهم فذلك هو المحال ... وشكرا جزيلا لك

كلامك صح .. طبعا لااطالب ان نكون نسخه كربونيه منهم ... فقط نأخذ الأمور الجميله ونحافظ عليها
ومنها احترام الضيف .. وتقدير الكبير ... تحمل المسؤوليات ... اكره صورة الشاب الهش في هالزمان

شكرا لك ولمرورك ولحضورك .. ولاتبطي علينا

===========================

إقتباس الرسالة الأصلية كتبت بواسطة S K Y يالله ان تحيي ابو طـلال يالله حي هالطله >> برايفت >> ( تدري ان مواضعيك تعجبني ؟ ) الله مير يحييك .. ويسلمك ... العشى عندي بكرا ( تحمست ) احرجتني ياكابتن ( وجه وخدود حمر ويناظر على جنب ) ماشاء الله مواضيعك لها ردود بدون تنسيق اجل لو تنسق الظاهر يا ألحق على الصفحه الخامسه يا ما ألحق لو انسق .. كود اقولك اني بنزل موضوعي قبلها بااسبوع يالله يمديك على الصفحه الثالثه << بدا الغرور .. مقبرة النجوم <<< اها بس وأسرع واحد يدخل القلب > برايفت > ( ترا ما اجامل ) ييزي ( يكفي يعني ) بالقصيمي ... احرجتني ....... الحين البنات يغارن ذاك اليوم الجماعه وعماني مجتمعين في مشب عمي ومالنا من الشيطان طاري والسوالف سياسيه ( راح فلان وجا فلان وصرح فلان ) طبعا السوالف ولاء للوطن ولاء اجل .. ومقفلين الدرايش .. والبيبان مادرينا إلا واحد من الجماعه ( ابو بسام ) داخل علينا بالجنز المحنقط تقول نبيل شعيل وهو محنقطها ( لو انه شباب 22 وجاي كان راس مالها ذبه من اكبر شايب تخليه يطلع من المجلس ) بس ابو بسام الله يرجه كبير وابو عيال ودايم مرسم بس هالمره خربهــا يقول ذبحونا الورعان لطخوا ثيابنا بالحلويات والشوكولاته وثيابنا بيض نداريها مداراه إستخدم خطة .... (ولم العصابة قبل الفلقه )... بس ماتمشي مع هالشيبان هالحركات وتغيرت السالفه من سياسه لـ ذب وابو بسام يرد عليهم من باب المزح بس فعلا هاللبس شي دخيل علينا يغير مجرى السوالف عند الشياب يوم كنت صغير ابو 12 الى 14 سنه كنت اذا غلطت في المجلس وقدام الضيوف احصل لي كم تهزيئه من الوالد الله يحفظه مثل ( اذا صبيت القهوه ونسيت اقدم التمر أو اذا خلص الضيف فنجاله وسهيت اصب له مره ثانيه ومن هالامور ) لين صرت في المجلس اذا جونا ضيوف أو شي اركز في هالاشياء الي تهزئت منها على شان ما اتعودها هذا المطلوب .. يقولون التكرار .. يعلم .... <<<>>>>> الشطار الشطار مع الوقت والتعليم ترسخ في بالك .... ماعاد تنساها .. لكن لو الوالد الله يحفظه طنش الغلطه البسيطه ومانبهك عليها كان استمريت في الغلط مهما كان ويمكن يكبر ويتطور .. لين ماتصول لمرجلة انك تصب وتقول خذ .. في بطنك ولا في الزباله ( الله يكرمكم ) هذي لو اسويها قدام ابوي والله لينزل العقال ويمحط فيني لين أعض الزوليه ههههههههههههههههههههههههههههههههههههههههههههههههههههه والله ضحكت من قلب انا اشهد انك صادق التربيه واهتمام الآباء بأطفالهم من الصغر بتعويدهم بمجالسه الرجال حتى لو كان الولد ابو 9 سنين لأن سبحان الله سوالف الكبار تفتح عقلك على اشياء تفيدك بحياتك وتعلمك اصول المرجله والتعامل بينهم وبين بعض مثل العزايم وصب القهوه و تقدير الضيف فعلا ...... وهذي كلها اشياء اشوفها بعيني .. بين مجموعه من الشباب اللى متعودين وبين اللى شباب يتبطحون واباءهم اللى يصبون للرجال ولاواحد منهم يفز يقول عن ابوه ويصب الوالد كان جالس مع جدتي دخلت عليهم لابس برمودا ايام الحر عاد كنت دايم ألعب كوره بالاستراحه شافني قال وش هاللبس هذا مايلبسونه الرجاال اخاف بكرا تدخل علينا بشورت ومضله طبعا يقولها من باب المزح والحرص على شان ما اتعود على اللبس هذا وأسحب على الثوب من وجهت نظري اعتقد أن التمدن والحياه في المدينه واختلاط الثقافات والجنسيات والاعراف أثر تأثير قوي بعاداتنا وقيمنا كشباب سعودي متأصل في الجزيره العربيه عكس اهل القرى تجد عندهم العادات القديمه والمرجله وروح الحماس حتى عند الصغار لأن مجتمعهم نفس الطبقه لا توجد عادات دخيله عليهم فأعتقد انها قلّت في المدن الرئيسيه في المملكه ولكنها موجوده صحيح .. واتفق معك في هالنقطه ....... اطلع للقرى وشوف كيف القيم الجميله بيض الله وجهك يابوطلال فعلا مواضيعك دائما هادفه ومتميزه وتستحق القرائه والوقوف عندها طويلا ووجهك يالغالي ...... المواضيع اللى ماتحضرها تطلع مسلسل تاريخي مصري ... حضورك اللى اعطى الموضوع ويعطي اي موضوع التميز والجمال ... تقبل مروري ومداخلاتي وأعذرني اذا اخطيت بدون قصد

شكرا لك اخوي .. ماقصرت ... كلامك في البدايه وفي الوسط والنهايه كله على راسي من فوق .. وشهادتك اعتز فيها ... ربي يسعدك .. ولاتبطي علينا

إقتباس الرسالة الأصلية كتبت بواسطة Hilali88 مراحب ياهلا ومسهلا باخوي هلالي .. حياك أول شي اعترف شنو العملة السودة إللي مسويها علشان يوقفونك شافوا هاالبياض وهالشقار ومسكوني يحسبوني لبناني متسلل <<<<<< ماتجي ابد ( تخبر الشكل تقول لبناني ) أشوف إن نظرتك سلبية للجيل الحالي وكذلك أغلب الردود العادات (الجيدة) إلى ألحين موجودة لكنها موب مثل أول وإذا كان بعض الشباب ما يعرف يوجب ولا يتعامل مع الناس فالخطأ من الوالدين ولا يمكن نلومهم عوافي

نظرتي مو سلبيه بالعكس ... انا لو اشوف موقف يستاهل الذكر ايجابي ذكرته .. يمكن مايصادف تشوف من كلامي الا لما ارد على شي سلبي ... .. اقف احتراما امام اي تصرف رجولي .. فيه بعض الناس ( الشباب ) انا معجب من اسلوبهم وتقديرهم للجميع من خلال ردودهم واسلوبهم .. وولو انهم يقولون مدح الرجال بوجهه مذمه .. لذالك مااقدر امدحك بوجهك .. لكن انت والكثير من الشباب اللى بصراحه اعتز فيهم كثير ولي الشرف اني اتواصل معهم من خلال هالمنتدى
شاكر لك اخوي

=============================

إقتباس الرسالة الأصلية كتبت بواسطة عاشقة الزعيم15 اهلين ابو طلال عوودا حميدا اهلين وسلهين ..... شكرا لك اختي الحمدلله طلعت برائه بس مين محامي دفاعك الي طلعك هو نفس المحامي حق ( فتاة القطيف ) .. صار محامينا وصرت انا ( فتى الزعيم ) للاسف بعض شبابنا ماعندهم وعي كافي بهالامور وماهمهم الا مواكبه الموضه لا موجوده ولكنها قلت وللاهل الدور الاكبر في تعليم ابنائنا هالقيم اللي شارفت على الاندثار ان شالله واتمنى ..... وطالما هذي ردودكم فاالبشاير خير ان شالله خخخخخخخخخخخخخخخ عموما البنات مايحبوا يجلسوا مع الحريم فتلاقيهم تجمعوا بغرفه لحالهم برضك الحريم مواضيعهم مي حلوة وماغير كل وحده تتشكا من زوجها سوالف الحريم الحين هي نفسها بتكون سوالفكم لما تتزوجون ان شالله اصلا الحرمه وش تعرف غير الشكوى والتشكي تسلم ابو طلو عالموضوع الزريف

هلابك وشكرا على الحضور والمرور الازرف

==========================

إقتباس الرسالة الأصلية كتبت بواسطة G o L d E s T أهلا بالواصل أبو طلال هلا بكنيهر أكيد إن علوم الرجاجيل قلت بس ولله الحمد إلى الحين موجودة بس بيني وبينك بعض الأحيان الشيبان يدققون على أشياء ما لها داعي يعني تشوف الولد صغير وتوه بادي يصب لا تهزئه وتخليه يكره الجلسة وصب القهوة بالنسبة لي قبل ما أبدأ بصب القهوة والقعدة مع الكبار أبوي مسوي لي دورة لمدة شهر كل مغرب يخلين أصب القهوة له وأي خطأ أنواع التهزييييء بس والله أصرف أتهزأ من أبوي وما فيه إلا أحد أخواني أهون من إني أتهزأ من شايب والمجلس مليان

عاد اشوفك قمت وتلحلحت وصبيت شاهي لي بالاستراحه ... والله منتب بعيد عن هوبا .. سعوديين بمواصفات سودانيه
هلابك والله ... وشكرا على الحضور والمرور ... ولاتبطي علينا

===========================

إقتباس الرسالة الأصلية كتبت بواسطة القيصر رهيب خخخخخخخخخ أستحي أقرا موضوع واحد موقف

اللى يستحي ماياخذ بنت عمه ....
لين مايروح السبب اللى مستحي منه .. ننتظرك يالذيب

=============================

إقتباس الرسالة الأصلية كتبت بواسطة هلااالي وأفتخر بعضهم ما ألومهم ... ما قد شاف شي من علوم المرجلة من أبوه .. كيف تبيه يعرف ؟؟

من اللى حووله .. عمومته .. خواله .. اخوانه ... ترى حتى ربعه واصدقائه يتعلم الواحد منهم المرجله والطيب ... مو شرط الصديق بس مايعلم الا شرب الدخان

تحياتي لك .. دمت بود .. كن بالجوار .. مع اطيب المنايا .. والتحايا ..


انا تعبت ياجماعه ... وبصراحه فيه فلم امريكي يستاهل البرب ...... ونكمل بكرا ...

عموما وقفنا عند الزلابه الغدير ........ حتى لو مارديت عليه وطمرته عادي .. كمخه

لك رد خاص غديروووه ...

وللحديـــــــــــــــــــث بقية :

إقتباس تذكرت الشايب اللى صب له واحد شاب ( خكري )باليمين ومد الفنجال باليسار .. قاله الشايب : .. يسارك يمينك .. ويمينك يسارك .. قال : طيب تعرف تقول بطة بطتنا بطت بطن بطتكم ؟؟( قلها خمس مرات )

والله يا ابو طلال هذه الأشياء المفروض من البيت يتعلم الولد عليها

اذكر يوم كان عمري تقريبا عشر سنوات كنت ببيت جدي وكان عنده ضيوف
عاد قمت يقالي باصب القهوة واملي هالفنجال واقول تفضل لجدي كان يقوم يكب الفنجال
علي وهو حار ويقول ثاني مرة خله مقدار ثلاث رشفات..>>> ما قالها بالضبط لكن فيما معناه

ومنها وانا اصب زي الناس

مشكور يا ابوطلال على الموضوع الخفيف

لــــــــــــــه لـــــــــــــــــه لــــــــــــــــــــه

سلامات وراك موقف ياكافي ... الحمد لله على السلامه ...

الا متى وقفت ومتى طلعت >> واسطتك قويه لا اله الا الله ..

فيه سلف >>تولم العصابه قبل الفلقه

حيا الله ابا طلال وفارس >> سم القهوه بس تراها باليد اليسار

إقتباس سرسري نمرة واستمارة

الموضوع كوم وهالعنوان لحاله ههههههههه الحين منين جايب نمره واستماره

كلمة امي منول قبل لا تمدن لا بغت تصف شي قالت هو>> هو نمره واستماره

إقتباس انا والله ماالوم بعض الشيبان من تصرفات شباب هالوقت .. مثلا ,,قل الدبره .. صب القهوه ... توجيب الضيف واحترامه ... الرد المناسب للي اكبر منك امام الضيوف ...

ايه ذا زمن اول وزمن اول تحول

إقتباس مثلا واحد يصب قهوه باليمين ويمد الفنجال باليسار ؟؟ ويقول خذ !! حتى ( سم ) مايعرفها تذكرت الشايب اللى صب له واحد شاب ( خكري )باليمين ومد الفنجال باليسار .. قاله الشايب : .. يسارك يمينك .. ويمينك يسارك .. قال : طيب تعرف تقول بطة بطتنا بطت بطن بطتكم ؟؟( قلها خمس مرات )

شف انا معك بالموضوع وانه فيه اشياء ضروري نحافظ عليها

الا صب فنجال القهوه وش فرق يمين عن يسار ؟ >> عقدته قبل تصب القهوه تفكر وش تزين

شيباننا الله يهديهم يدققون على دقايق الامور .. خذ الفنجال واقحن القهوه وبس

يوم كنت صغيره كنت أخذ الفنجال باليسار واصب القهوه واجلس الترمز واروح واجلس الفنجال ثم اشيله بيدي اليمين >> كلافه والا وشوله اصلاً اصب القهوه >> من يومني كتكوته وانا قرما واحب السنع >> مقطعتس السنع >> ياويلتس من الله >> لا تشره بيني وبين أختي ارد وهي عندي >> تعرف غيرة الحريم

يازين اذا صرت عند عجوز مثل جدتي ياعمري الشوف شجر ..ماتدري انا يمين او يسار

اقول مايدقق بها الامور الا الشيبان والعجز التسايدين والا ياعمري اللي عندنا مهب يخالفون

إقتباس الشخصية القيادية ... والمراجل ... والشهامه .. كل هالصفات امور لايمكن اخذها بالممارسه والدراسه .. هي من الله قبل كل شي طبعا... ثم التربيه... وتصرفات الوالدين قدامه وغرس هالصفات فيه .. والعود على أول ركزه

اكيد شي فطري بالانسان والاهل والتربيه تنمي هالشي عنده ..

إقتباس من هنا فكرت ... اني انزل موضوع ... عن القيم والأعراف والمراجل ... هل اندثرت او مازالت ؟؟

فيه بعضها زال وبعضها مازال موجود .... مهما الواحد تطور وواكب العصر الا انه محافظ على عاداته وتقاليده
وفيه بعضهم ياكافي خير شر ينقلب مايتقول تربى على عادات وتقاليد على باله هذا تطور
والاولين الصراحه عندهم بعض العادات اللي مال امها سنع ... بعضها من الكود والشده
والحقنه >>وهي مب لم الدين ...

انا مع التطور اللي مايخالف الدين .. والعادات المعقوله ..

إقتباس اللى ماتزوجت ماتقعد مع حريم متزوجات ... تروح فوق .. تدخل غرفه ...... الحين ... البنت تسال الضيفه .. ماخبرتيلي عريس لي ياخاله ها ها ها ها <<< خير ؟!!

شف هالعاده هذي .. وش فيها البنت اذا جلست مع حريم معرسات ؟

بالعكس تفهم امور الحياة ومشاكلها ...

يعني مثلاً وحده متخانقه مع زوجها ويقومون يسردون لها الحلول

انا بعدين ان شاء الله اذا اعرست تصير عندي خبره بحل المشاكل >> نامي على التعليل

وحتى لو البنت قالت ماخبرتي لي عريس >>> تقولها من باب المزاح لو تجي عجوز تجيبه ماوافقنا
عريس ومن عجوز هههههههههههههههههههههههههههه

اصلاً البنت لو تتكلم اكيد بتصير العجوز حبوبه ومرحه

بس لو تصير عجوز مثل اللي قابلناها بالعيد انا وبقايا حرف تسان تقوم الدنيا ولا تقعده

<<< استغفر الله بيبلان الله من كثر ماشذبت هالعجوز

طولنا والله بالرد وخزياه صار موضوع لحاله ياملا العافيه ابو طلارس

عليك لون خط

إقتباس الرسالة الأصلية كتبت بواسطة الغدير الازرق المووضوع مكرر ومنقوول من منتدى العالمي أتمنى من المشرفين إنهم ينقلووون الموضوع لصيد الأنترنت ويشيلونك معه على اقرب مكتب ترحيل خادامات اكره ياوجهه ... وجه بن فهره اخبارك . . . . . . . . . . . . . . . اهلن وسهلاً بك يالشين .. اخبارك يابوطلال عااامل آيييه يابني ؟؟ .. وحمدلله عالسلامه وأخيراً طلعت من الحاير بكفالة ياخي ارحم أبووك هالمسيكين تعذب وهو يطامر من سجن لسجن ومن مركز هيئة لمركز هيئة ياااخي متى تصير رجااال وتعقل انت هلا بطليٌل بعد تسبدي .. انا طلعت برائه ... وبمؤتمر صحفي ( على مستوى القعده ) فيه ملابسات الحادث ... وكان الحجز علشان سلامتي تصدق عااد لو إني من ابووك لأحطك بووسط كيس واتبرع فيك للجمعية الخيرية لابعد جايني بمووضوع عن علووم المرجلة مابقى إلا هي ابوطلال يعلمني علووم المرجلة وانا اللي قبل اسبووع زرته بالبيت ولاقدم لي ولاشي حتى كاان لابس قميص النووم يعني يلمح لي اقلب وجهك ابي انااام عاد تصدق لو انك ولدي ..... كان صورتك صورة اربعة بسته وحطيتها بإعلان جمعية حقوق الفيران المضطهده<<<<<< وتناشد اصحاب القلوب الطيبه وانا علي حلف اني مااستقبل في بيتي سكران ولا هارب من العداله وانت ذيك الليله عيونك حمر .. اقولك ليش عيونك حمر .. تقولي .. تعورني ؟؟؟ . . ابوطلال ماتحس إني شبيت علييك بالحتسي تمون ياخلفهم ( صطره ) << مافيه يالله نبي ندخل بموضوعك هالتحييف على قوولة أخونا المعاصر أبو ناصر يارجاااال انت شايف تنسيقك هاللي كنه وجه انتصار الشراااااح انا غاسلن يدي إن مواضيع ابوطلال احسن مافيها المضموون لكن تنسيق ماظنتي بنلقى << ياحبيلي اذا جيت ابنقد اقعد اشرشح الوااحد رح رد على مشاركتي اللى بموضوعك ياوجه عايشه الكيلاني . . ابوطلال بصراااحه موضوعك رائع وهذا اللي دائماً نراااه ونتطلعه من معاليكم بالنسبة لعلووم المرجلة فيه اختلاف كلي عن السابق والآن لايووجد اوجه مقارنة بينهم يجيك الوااحد يدخل المجلس وهو طاق الكاااب وإلا لابس برمودا مثلك يابوطلال لاتلومني ... حياتي كلها برى السعوديه ... يس يس حتى القهووة بدت تنقرض لأني ذااك اليوم كنت عند واااحدن من الشباب الله يستر عليه وماقصر الرجال لطعني عند بااااب بيتهم اكثر من ربع ساعة ويووم رجع قلت له وراااك لطعتني فيذا يمااال اللي منيب قايل .. قال هماني فاتح الباب اجل ورى ماتدخل لابعد ماقلطني جاب لي عصير لييييييييييييه شايفني شامي قاعد آكل كبة يمكنه حاقرك ....... عاد انت مستعجل إلا تبي تصير كبير .. تبي قهوه وشاهي .. احمد ربك ان ابوه مادخل عليكم وتسحتكم جميع من البيت يعني فيه حالات يمكن تعذره لأن أهله مو في البيت والرجال مايعرف يسووي قهووة لكن يصير هالشي بوجود أهله اعتقد إنها قوووية وإلا لا ياشيييييخ ابن بطاح هالله هالله عالعمووم أبوطلال تراااني جاااااي ابي اشتشت بموضوعك لأني دااااري إنك بتفتحه سبيل وجيييت ارحب فيك اكثر دوون الغووص بلب الموضوع الغووص <<< متعوب عليها هالكلمه وقوااااك الله أخوي ابوطلال عافاك ربي يالغالي موضوع مثل وجهك قدمته لنا وشاكرين لك حسن اصغائك للأعضاء وإعطاءهم حرية الرأي بمووضوعك وتعييييييييش الديموقراطية ولاهنت يابعدي ..

يامرحبمبم اخوي طلال ........ نورت الموضوع بحضورك يالزلابه ... كل يوم تزلب ازلب من اليوم اللى قبله .. يعني كلها كم سنه وتصير مجموعه زلايب في شخص واحد ...

الله لايحرمني حضورك ومرورك اللى مثل وجهي
دمت بود يالمروح ... ولاتبطي علينا يالقمبازي

===============================

إقتباس الرسالة الأصلية كتبت بواسطة ماجد مقبل هلا وغلا اخوي أبو طلال ورده هلابك ابو مقبل ... وغلا ............ صحيح بتحج السنادي ؟ وما شاء الله النعناع بدا مفعوله ههههههههههههههههههههههـ يازين النعناع واللى مسويه .... وعلى طاري النعناع ترى سالت لك شيخ عن حكم لبس السروال القصير تحت الإحرام وانت بالحج .. يقول مايجوز .. يعني لاتعاند اوكي الصدق موضوع خفيف لطيف مفيد منعش مقرمش حقيقة انا اشوف الإنسان لازم يكون وسط يعني لا افراط ولاتفريط لانه في ناس لو تلبس أي شي يشره كنه وده يشوفك مفصخ !! وفي ناس زوتدوها حبتين تلقاه لابس ولا شي وما عاد تدري هو عضو والا عضوة من تقصد .. خلك صريح شوي صدقوني الوسيطة أحلا حاجة يعني ثوبك الاصفر ذاك عادي انت شفتك لابسه ماشاء الله تبارك الله عليك طالع قمر 15 وما خرجت عن الأعراف والتقليد .. وبعدين وش فيهم الناس على الجنز الصدق انه اختراع حلو ولبس منتاز ولا يقدح في اخلاق الرجال اللي يقدح هو بنطلون طيحني واسحبني ورقصني ... وهلم جرا انت شايف ثوبي الأصفر ؟؟؟ متى ؟؟ هو من ناحيه قمر اوكيه مااختلفنا بس مو ذنبي اني حلو الله يستر من بنطلون طيحني .. الفكره براسي تسلم اخوي ابو طلال على ها الموضوع الجميل وسلم لي على عمك ابو محمد ونبيه يجي الاستراحة الجاية دمت بحفظ الله ورعايته ,,,

هلابك والله ابو مقبل .. حضورك ومرورك وشاهيك المنعنع هو الاجمل ...
ويبلغ سلامك يالغالي .. ومااتوقع يجي .. لانه مهو مخلي احد .. خصوصا اصحاب الشوش ( بالي بالك )


وحياك الله صقيقي ... وكن بالجوار

============================

إقتباس الرسالة الأصلية كتبت بواسطة هلاليه أنا ";7170552]اول شي الحمد لله طلعت براءه :d [COLOR="red الله يبارك فيك اختي ... شكرا [/COLOR] ونجي لموضوعك ,, خليك مرتاحه موضوعي هو اللى يجيك لحد عندك ياهانم حلو الواحد يهتم بشكله ولبسه بس فيه أشياء ما تنفع لنا وشكلها ماله داعي مثل الجنزات المقطعه من على الركب ومن زين الركبه يومه مطلعها كل واحد يتكلم عن نفسه .. بليز يعني من غير تجريح بس ما نظلمهم يمكن من كثر الإستخدام تقطع الجينز اما صب القهوه هذي أكبر مشكله في حياتي مره كان عندنا ضيوف وجيت مسويه ما حد قدي بصب قهوه الا وأمي تغمز لي وتأشر على القهوه كنت حاطه القهوه باليمين والفنجايل باليسار ما قدرت اتدارك الموضوع من الإحراج جيت ابدل بغيت اجيب العيد وأخرتها حطيت الجمل بما حمل على الطاوله وحلفت ما اصب قهوه لأحد مره ثانيه يعني الزبده خذ من الموضه ما يناسبنا وأترك الباقي خذ منها المناسب والمعقول واللى يتماشي مع ديننا وقيمنا وعاداتنا .. يعطيك العافيه على الموضوع ,,

الله يعافيك ويسلمك على حضورك ومرورك الرائع .. ودمتي

============================

إقتباس الرسالة الأصلية كتبت بواسطة الكــلاسيكي هلا بالغالي ابو طلال .. الحمد لله ع السلامه بعد الافراج .. هلابك والله عادل ... الله يسلمك ؟.. عقبال مانزورك بالحاير ومن ناحية موضوعك اوافقك الرأي .. شباب الحين مو مثل شباب اول .. طبعا مو الكل .. لكن الاغلبيه .. لكن لابد اننا نشيد ببعض ايجابيات شباب هالوقت .. فيه ايجابيات انهم صاروا متفتحين وفاهمين امور كثيره ومطورين انفسهم بالامور الحديثه .. حتى وان استخدمها البعض استخدام خاطئ .. مميزين في مجالهم واذكياء فيها .. الأمور الحديثه طبعا .. اما المراجل .. فهي لشباب اول .. وبعض شباب الحين .. اللي الشنب يوقف عليه الصقر مثلي .. امداه يطلع بيومين ؟؟ اخبرك زالط الشنب مع اللحيه مع الحواجب !! وفيه شياب الله يهديهم مايصلح لهم شي ابد .. كل شي يستنكره وينتقده .. حتى لو شافوا واحد مسمي بنته "الماس " قالوا وش له << ياحبي لها اختي .. الله يخليلكم الماس ... بس وش هالاسم !! اجل بكرا نسمع عن ولد اسمه بترول ؟!! القيم هل اندثرت او مازالت وقلت..؟؟ ماتوقع انها اندثرت .. لكن ممكن قلت مع عوامل التعريه .. قلت .. واتمنى انها ترجع زي أول وبزياده ان شالله ابو طلال .. الف شكر على الطرح الجميل .. وتقبل فائق احترامي .. دمت بخير

هلابك اخوي عادل .. وشكرا لك حضورك ومرورك الرائع
ودمت بود
================================================= من هنا

للحديث بقية ... واقف عند هذه الحد ..........

وبنتظار تفاعل باقي الاعضاء الكرام .. واراءهم ...

بس بصراحه عاد وش رايكم بتنسيقي ؟؟ لعبت فيكم بالالوان .. مره احمر .. ومره كحلي .. بصراحه متعب التنسيق وووف خلني اخذ نفس