هلا وعليكم السلام ورحمه الله وبركاته

مبرووك فك الحجزز
ها بشر عسا ارتحت هونيك
سجنهم فله

إقتباس تذكرت الشايب اللى صب له واحد شاب ( خكري )باليمين ومد الفنجال باليسار .. قاله الشايب : .. يسارك يمينك .. ويمينك يسارك .. قال : طيب تعرف تقول بطة بطتنا بطت بطن بطتكم ؟؟( قلها خمس مرات )

هههههههههههههههههههههههههههههههههههههههه
ههههههههههههههههههههههههههههههههه
الله يصلحك موتني ضحك الله مير يرحم الحال >>>كانها شايب

إقتباس واحد ثاني رايح عزاء .. وابوهم مصدوم وهو لابس جينز ومربص شعره بالجل ؟؟ ويقول .. بعد هو حمار مايشوف قبل مايقطع الشارع ؟؟<<<<<<< تراها نكته مهيب صدق

عسى مايجي احد يدخل ويشوفني على هالضحك

بيقول بنتنا اكيد انهبلت او انجنت

إقتباس وعلى طاري البنات ... عجوزي الغاليه تقول واكيد كلكم تعرفون هالشي وتقدرون تسالون من امهاتكم او من جداتكم : اول البنت اللى ماتزوجت ماتقعد مع حريم متزوجات ... تروح فوق .. تدخل غرفه ...... الحين ... البنت تسال الضيفه .. ماخبرتيلي عريس لي ياخاله ها ها ها ها <<< خير ؟!!

ايه صادق اول اذا انخطبت البنت وقالو لها استحت وطلعت لغرفتها
الحين تفتح تحقيق منهو وش اسمه وش وظيفته زين والا شين


اتفق معاكـ اخوي ابوطلال
المراجل والحرايم (يعني الحريم السنعات )
اندثرت وقليل تلاقي شاب ينشد به الظهررر وبالمقابل بنت سنعه
اصبح تفكيرهم سطحي بالمره
بالاول كان لما يكون عزيمه بالبيت البنت مع امها الحين تنزل بعد مايجون الضيوف
ونفس الشي للشاب تلاقي عزيمه بالبيت وهو طالع مع ربعه مايدري عن هوى داره

وبعد ماننسى ان الشياب ووالحريم بعد الكبار بالسن مبالغين شوي ويحبون يفشلووون
اتذكر وحده من قريباتي كانت مقصره شعرهاا شوي ومسكتها احد كبيرات السن وتهزيء فيها احراج مره
مشكله مايعرفون يتكلمون شوي شوي لازم العرب كلهم يسمعون

وبعضهم الله يهديهم مايعرف ان هالجيل غير اول يعني يلزمك بامور صعبه عليك او مهي واجبه يعني هم كانو يسوونها زمان يبون نسويها لو مو مقنعه

مثلا
مره من المريرات بس لاتضحكون علي
مو قل سناعه فيني لاوالله بس انا لما اصب قهوه خصوصا لما تكون ثقيله تعورني اليسار فاحيانا اتهور واصب باليمين اهم شي يديني ماعلي منهم
كنت اصب لخالتي قالت مدي باليمين بغيت اكب الفنجال وانحاش من القهر
يعني بالله وش تفرق اشربي وخلصنا
تدقيق مدري وش يبي


عودا حميدا ابوطلال وفارس (احسك تقول ذولا ماينقال لهم اسماء عيال)
مووضووع يشكل قضيه مهمه والله
خصوصا كيف تقبل انتقاد من هم اكبر منك
يعني البعض مايحب احد ينتقده فاحيانا تحصل مشاده كلاميه بين رجل كبير وشاب عشريني
بس مايمنع اني ضحكت ضحك

الله يحفظك خيوو ويخلي لك فارس وطلال وتشوفهم رجاجيل ينشد بهم الظهر

مراحب ابو طلال ..

مبروك الافراج ..

والله انك صادق ابو طلال هالشباب هالايام مايعرفون السنع وين

بس احنا البنات لازم نعرف غصب 24 ساعه بالبيت


ابو طلال دمت اخوي الصغير

يالله ان تحيي ابو طـلال يالله حي هالطله >> برايفت >> ( تدري ان مواضعيك تعجبني ؟ )

إقتباس مالكم بالطويله ...... واللى يدور تنسيق عندي ترى مهوب لاقي

ماشاء الله مواضيعك لها ردود بدون تنسيق اجل لو تنسق الظاهر يا ألحق على الصفحه الخامسه يا ما ألحق

إقتباس اسرع واحد يكتب موضوع ......... واسرع واحد يرد ..... واسرع واحد يوقف .. واسرع واحد يرفع عنه التوقيف

وأسرع واحد يدخل القلب > برايفت > ( ترا ما اجامل )

إقتباس شيبانا الله يخليهم لنا .. ويطول لنا بااعمارهم ... اول ماتدخل عليه يناظرك من فوق لتحت .. تقول يبي يخطبك ... واي مظهر خاطيء من وجهة نظره .. او تصرف غير محسوب .. تكون انت ( سالفة المجلس )

ذاك اليوم الجماعه وعماني مجتمعين في مشب عمي ومالنا من الشيطان طاري
والسوالف سياسيه ( راح فلان وجا فلان وصرح فلان ) طبعا السوالف ولاء للوطن
مادرينا إلا واحد من الجماعه ( ابو بسام ) داخل علينا بالجنز المحنقط تقول نبيل شعيل وهو محنقطها
( لو انه شباب 22 وجاي كان راس مالها ذبه من اكبر شايب تخليه يطلع من المجلس )
بس ابو بسام الله يرجه كبير وابو عيال ودايم مرسم بس هالمره خربهــا
يقول ذبحونا الورعان لطخوا ثيابنا بالحلويات والشوكولاته وثيابنا بيض نداريها مداراه
وتغيرت السالفه من سياسه لـ ذب وابو بسام يرد عليهم من باب المزح
بس فعلا هاللبس شي دخيل علينا يغير مجرى السوالف عند الشياب

إقتباس انا والله ماالوم بعض الشيبان من تصرفات شباب هالوقت .. مثلا ,,قل الدبره .. صب القهوه ... توجيب الضيف واحترامه ... الرد المناسب للي اكبر منك امام الضيوف

يوم كنت صغير ابو 12 الى 14 سنه كنت اذا غلطت في المجلس وقدام الضيوف احصل لي كم تهزيئه من الوالد الله يحفظه
مثل ( اذا صبيت القهوه ونسيت اقدم التمر أو اذا خلص الضيف فنجاله وسهيت اصب له مره ثانيه ومن هالامور )
لين صرت في المجلس اذا جونا ضيوف أو شي اركز في هالاشياء الي تهزئت منها على شان ما اتعودها

إقتباس مثلا واحد يصب قهوه باليمين ويمد الفنجال باليسار ؟؟ ويقول خذ !! حتى ( سم ) مايعرفها

هذي لو اسويها قدام ابوي والله لينزل العقال ويمحط فيني لين أعض الزوليه

إقتباس تذكرت الشايب اللى صب له واحد شاب ( خكري )باليمين ومد الفنجال باليسار .. قاله الشايب : .. يسارك يمينك .. ويمينك يسارك .. قال : طيب تعرف تقول بطة بطتنا بطت بطن بطتكم ؟؟( قلها خمس مرات )

ههههههههههههههههههههههههههههههههههههههههههههههههههههه
والله ضحكت من قلب

إقتباس بس فيه اللى اهم من هالامور بكثير .... امور المرجله والسنع ... هذي مايتعلمها من كمبيوتر .. ولا من دورات ... مايبخصها الا من فطره وحرص الوالدين من الصغر ... على غرس هالشي

انا اشهد انك صادق التربيه واهتمام الآباء بأطفالهم من الصغر بتعويدهم بمجالسه الرجال
حتى لو كان الولد ابو 9 سنين لأن سبحان الله سوالف الكبار تفتح عقلك على اشياء تفيدك بحياتك
وتعلمك اصول المرجله والتعامل بينهم وبين بعض مثل العزايم وصب القهوه و تقدير الضيف

إقتباس قال وش هالخاتم .. وهالثوب الاصفر الطويل ... وهالشعر اللى لاطسه زيت زيتون غادن تقول راس هندي ؟؟؟ قلت وش نسوي ياعم نبي نغير ونتشبب ... ( والله البلشه)

الوالد كان جالس مع جدتي دخلت عليهم لابس برمودا ايام الحر عاد كنت دايم ألعب كوره بالاستراحه
شافني قال وش هاللبس هذا مايلبسونه الرجاال اخاف بكرا تدخل علينا بشورت ومضله
طبعا يقولها من باب المزح والحرص على شان ما اتعود على اللبس هذا وأسحب على الثوب

إقتباس من هنا فكرت ... اني انزل موضوع ... عن القيم والأعراف والمراجل ... هل اندثرت او مازالت ؟؟ او قلت ... ننتظر اراء ومشاركة الجميع .... حتى البنات ....

من وجهت نظري اعتقد أن التمدن والحياه في المدينه واختلاط الثقافات والجنسيات والاعراف
أثر تأثير قوي بعاداتنا وقيمنا كشباب سعودي متأصل في الجزيره العربيه عكس اهل القرى
تجد عندهم العادات القديمه والمرجله وروح الحماس حتى عند الصغار لأن مجتمعهم نفس الطبقه
لا توجد عادات دخيله عليهم
فأعتقد انها قلّت في المدن الرئيسيه في المملكه ولكنها موجوده

إقتباس تقبلوا تحيات اخوكم الصغير ابو طلال

بيض الله وجهك يابوطلال فعلا مواضيعك دائما هادفه ومتميزه وتستحق القرائه والوقوف عندها طويلا

تقبل مروري ومداخلاتي وأعذرني اذا اخطيت بدون قصد

مراحب

أول شي اعترف شنو العملة السودة إللي مسويها علشان يوقفونك


أشوف إن نظرتك سلبية للجيل الحالي وكذلك أغلب الردود
العادات (الجيدة) إلى ألحين موجودة لكنها موب مثل أول
وإذا كان بعض الشباب ما يعرف يوجب ولا يتعامل مع الناس فالخطأ من الوالدين ولا يمكن نلومهم


عوافي

إقتباس اسرع واحد يكتب موضوع ......... واسرع واحد يرد ..... واسرع واحد يوقف .. واسرع واحد يرفع عنه التوقيف طلعت برائه

اهلين ابو طلال
عوودا حميدا
الحمدلله طلعت برائه بس مين محامي دفاعك الي طلعك

إقتباس بس فيه اللى اهم من هالامور بكثير .... امور المرجله والسنع ... هذي مايتعلمها من كمبيوتر .. ولا من دورات ... مايبخصها الا من فطره وحرص الوالدين من الصغر ... على غرس هالشي

للاسف بعض شبابنا ماعندهم وعي كافي بهالامور وماهمهم الا مواكبه الموضه

إقتباس من هنا فكرت ... اني انزل موضوع ... عن القيم والأعراف والمراجل ... هل اندثرت او مازالت ؟؟ او قلت ... ننتظر اراء ومشاركة الجميع .... حتى البنات ....

لا موجوده ولكنها قلت وللاهل الدور الاكبر في تعليم ابنائنا هالقيم اللي شارفت على الاندثار

إقتباس وعلى طاري البنات ... عجوزي الغاليه تقول واكيد كلكم تعرفون هالشي وتقدرون تسالون من امهاتكم او من جداتكم : اول البنت اللى ماتزوجت ماتقعد مع حريم متزوجات ... تروح فوق .. تدخل غرفه ...... الحين ... البنت تسال الضيفه .. ماخبرتيلي عريس لي ياخاله ها ها ها ها <<< خير ؟!!

خخخخخخخخخخخخخخخ
عموما البنات مايحبوا يجلسوا مع الحريم فتلاقيهم تجمعوا بغرفه لحالهم
برضك الحريم مواضيعهم مي حلوة وماغير كل وحده تتشكا من زوجها


تسلم ابو طلو عالموضوع الزريف

خخخخخخخخخ

أستحي أقرا موضوع واحد موقف

إقتباس انا والله ماالوم بعض الشيبان من تصرفات شباب هالوقت .. مثلا ,,قل الدبره .. صب القهوه ... توجيب الضيف واحترامه ... الرد المناسب للي اكبر منك امام الضيوف ...

بعضهم ما ألومهم ... ما قد شاف شي من علوم المرجلة من أبوه .. كيف تبيه يعرف ؟؟

إقتباس انا والله ماالوم بعض الشيبان من تصرفات شباب هالوقت .. مثلا ,,قل الدبره .. صب القهوه ... توجيب الضيف واحترامه ... الرد المناسب للي اكبر منك امام الضيوف ...

المووضوع مكرر ومنقوول من منتدى العالمي أتمنى من المشرفين
إنهم ينقلووون الموضوع لصيد الأنترنت

.
.
.
.
.
.
.
.
.
.
.
.
.
.
.

اهلن وسهلاً بك يالشين .. اخبارك يابوطلال عااامل آيييه يابني ؟؟ .. وحمدلله عالسلامه
وأخيراً طلعت من الحاير بكفالة ياخي ارحم أبووك هالمسيكين تعذب وهو يطامر من سجن
لسجن ومن مركز هيئة لمركز هيئة ياااخي متى تصير رجااال وتعقل انت


تصدق عااد لو إني من ابووك لأحطك بووسط كيس واتبرع فيك للجمعية الخيرية
لابعد جايني بمووضوع عن علووم المرجلة مابقى إلا هي ابوطلال يعلمني علووم المرجلة
وانا اللي قبل اسبووع زرته بالبيت ولاقدم لي ولاشي حتى كاان لابس قميص النووم يعني
يلمح لي اقلب وجهك ابي انااام

.
.

ابوطلال ماتحس إني شبيت علييك بالحتسي
يالله نبي ندخل بموضوعك هالتحييف على قوولة أخونا المعاصر أبو ناصر

إقتباس مالكم بالطويله ...... واللى يدور تنسيق عندي ترى مهوب لاقي ...

يارجاااال انت شايف تنسيقك هاللي كنه وجه انتصار الشراااااح انا غاسلن يدي إن
مواضيع ابوطلال احسن مافيها المضموون لكن تنسيق ماظنتي بنلقى << ياحبيلي اذا جيت
ابنقد اقعد اشرشح الوااحد


.
.
ابوطلال بصراااحه موضوعك رائع وهذا اللي دائماً نراااه ونتطلعه من معاليكم
بالنسبة لعلووم المرجلة فيه اختلاف كلي عن السابق والآن لايووجد اوجه مقارنة بينهم
يجيك الوااحد يدخل المجلس وهو طاق الكاااب وإلا لابس برمودا مثلك يابوطلال


حتى القهووة بدت تنقرض لأني ذااك اليوم كنت عند واااحدن من الشباب الله يستر عليه
وماقصر الرجال لطعني عند بااااب بيتهم اكثر من ربع ساعة ويووم رجع قلت له وراااك
لطعتني فيذا يمااال اللي منيب قايل .. قال هماني فاتح الباب اجل ورى ماتدخل
لابعد ماقلطني جاب لي عصير لييييييييييييه شايفني شامي قاعد آكل كبة

يعني فيه حالات يمكن تعذره لأن أهله مو في البيت والرجال مايعرف يسووي قهووة
لكن يصير هالشي بوجود أهله اعتقد إنها قوووية وإلا لا ياشيييييخ ابن بطاح


عالعمووم أبوطلال تراااني جاااااي ابي اشتشت بموضوعك لأني دااااري
إنك بتفتحه سبيل وجيييت ارحب فيك اكثر دوون الغووص بلب الموضوع



وقوااااك الله أخوي ابوطلال عافاك ربي يالغالي موضوع مثل وجهك
قدمته لنا وشاكرين لك حسن اصغائك للأعضاء وإعطاءهم حرية الرأي بمووضوعك
وتعييييييييش الديموقراطية

ولاهنت يابعدي ..

اول شي الحمد لله طلعت براءه

ونجي لموضوعك ,,

حلو الواحد يهتم بشكله ولبسه بس فيه أشياء ما تنفع لنا وشكلها ماله داعي مثل الجنزات المقطعه من

على الركب ومن زين الركبه يومه مطلعها

بس ما نظلمهم يمكن من كثر الإستخدام تقطع الجينز

اما صب القهوه هذي أكبر مشكله في حياتي

مره كان عندنا ضيوف وجيت مسويه ما حد قدي بصب قهوه الا وأمي تغمز لي وتأشر على القهوه كنت حاطه القهوه باليمين والفنجايل باليسار

ما قدرت اتدارك الموضوع من الإحراج جيت ابدل بغيت اجيب العيد وأخرتها حطيت الجمل بما حمل على الطاوله وحلفت ما اصب قهوه لأحد مره ثانيه

يعني الزبده خذ من الموضه ما يناسبنا وأترك الباقي

يعطيك العافيه على الموضوع ,,