السلام عليكم ورحمة الله وبركاته
وشلونكم كلكم وان شاءالله كل اموركم تمام
كنت العب مع طفل يعني عمره بحدود الست سنوات وتخبرون براءة الاطفال في لعبهم وحركاتهم
حتى كلامهم وفاتكلمت على ابوه بشكل مزح ورد عليها قال انا احسن منك انا عندي ابوى
وانت ماعندك ابوى انا في هاللحظة خنقتني العبرة وقلت في نفسي اي والله فعلا انت احسن مني
عندك ابوك تقبل راسه ويده تمزح معه تشكي له تحس بعز وكبرياء يوم تشوفه يمشي قدامك
يوم يجي مجالس الرجال وانت معه كلن يقدرك ويحترمك لان ابوك معك اااااااااه بس ااااااااااه
ماعشت معه الابس 21سنة تصدقون كل انواع الفرح اللي كل شخص يفرح اذا كان ابوه معه انا ماعشتها
كنت اتمنى يوم التخرج يوم استلم الوثيقة وانظرله بكل فخر وعز بس التفت ولا شفته
كنت اتمنى يوم حفلة التخرج انه قدامي يستقبل المدعويين ويقولهم تفضلوا حياكم الله بس ماكان جنبي احد
كنت اتمنى يوم تعينت واستلمت اول راتب اجيب له هدية بس استلمت الراتب ولاشفته
كنت اتمنى يوم خطبت انه هواللي خطبلي
واقسى شيء يوم العرس تخيلوا هالموقف بالله وشلون تكون فرحته لو كان بجنبي
كنت اتمنى اغلى امنية عندي وهي يوم الله رزقني بنتي كنت ابي اشيله واقبل راسه ويده واقول خذ يايبه
هذى بنتك
تصدقون اني اغبط كل واحد عنده ابوى لان هاللحظات اذا ماعشتها مع ابوك صدقني ماله اي طعم
لان الانسان بهالحياة همه انه يشوق سعادته بعيون ابوه
الله لايحرمكم من ابائكم وامهاتكم
لان الحياة صعب ان تعيشها من دون ابوى
كلمة هالطفل فتحت جرررررروح كثيرة والله الحين الشيب ملا راسى من كثر هالتفاكير
يااااااارب انك ترحمه برحمتك وتغفرله
يايببببببببببببببببببببببببببببببببببببببببه يبه اذكر اخر كلمه قلتها لي يوم حطيت شماغك على راسك
قبل لاتسافر للرياض اللي ماعاااااااااد شفتك بعدها ولاعاد قلت يبه
قلتلي عشت ياولدي
يوم الجمعة17/6/1421 اخر طعم للفرح عندي
وتقبلوا تحياتي اخوكم
سليمان