السلام عليكم ورحمة الله وبركاته
وشلونكم كلكم وان شاءالله كل اموركم تمام
كنت العب مع طفل يعني عمره بحدود الست سنوات وتخبرون براءة الاطفال في لعبهم وحركاتهم
حتى كلامهم وفاتكلمت على ابوه بشكل مزح ورد عليها قال انا احسن منك انا عندي ابوى
وانت ماعندك ابوى انا في هاللحظة خنقتني العبرة وقلت في نفسي اي والله فعلا انت احسن مني
عندك ابوك تقبل راسه ويده تمزح معه تشكي له تحس بعز وكبرياء يوم تشوفه يمشي قدامك
يوم يجي مجالس الرجال وانت معه كلن يقدرك ويحترمك لان ابوك معك اااااااااه بس ااااااااااه
ماعشت معه الابس 21سنة تصدقون كل انواع الفرح اللي كل شخص يفرح اذا كان ابوه معه انا ماعشتها
كنت اتمنى يوم التخرج يوم استلم الوثيقة وانظرله بكل فخر وعز بس التفت ولا شفته
كنت اتمنى يوم حفلة التخرج انه قدامي يستقبل المدعويين ويقولهم تفضلوا حياكم الله بس ماكان جنبي احد
كنت اتمنى يوم تعينت واستلمت اول راتب اجيب له هدية بس استلمت الراتب ولاشفته
كنت اتمنى يوم خطبت انه هواللي خطبلي
واقسى شيء يوم العرس تخيلوا هالموقف بالله وشلون تكون فرحته لو كان بجنبي
كنت اتمنى اغلى امنية عندي وهي يوم الله رزقني بنتي كنت ابي اشيله واقبل راسه ويده واقول خذ يايبه
هذى بنتك
تصدقون اني اغبط كل واحد عنده ابوى لان هاللحظات اذا ماعشتها مع ابوك صدقني ماله اي طعم
لان الانسان بهالحياة همه انه يشوق سعادته بعيون ابوه
الله لايحرمكم من ابائكم وامهاتكم
لان الحياة صعب ان تعيشها من دون ابوى
كلمة هالطفل فتحت جرررررروح كثيرة والله الحين الشيب ملا راسى من كثر هالتفاكير
يااااااارب انك ترحمه برحمتك وتغفرله
يايببببببببببببببببببببببببببببببببببببببببه يبه اذكر اخر كلمه قلتها لي يوم حطيت شماغك على راسك
قبل لاتسافر للرياض اللي ماعاااااااااد شفتك بعدها ولاعاد قلت يبه
قلتلي عشت ياولدي
يوم الجمعة17/6/1421 اخر طعم للفرح عندي
وتقبلوا تحياتي اخوكم
سليمان

موضوع يحمل في طياته الكثير من الحزن

رحم الله والدك واسكنه فسيح جناته

الوالدين نعمة من الله علينا لابد من شكره على تلك النعمه

حقيقة لايشعر بتلك النعمه الا من فقدها

اللهم احفظ والدينا واجمعنا بهم في جناتك جنات النعيم

هلا بالغالي سليمان

قلبت فيني المواجع وصدقني ماأحد يحس باللي تقوله غير اللي جرب
وقد تهون معاناتك لما تشوف معاناة اللي مصيبتهم اكبر!!
غيرك عاش 9 سنوات لم يكمل عقده الأول الا ويفجع برحيل والده وتكبر المصيبة بفقد الأم الحنون وهو في سن 16
تمنيت مثلك ان يكون والدي حاضرا في حفل تخرجي وتمنيت رؤيته لي وانا اتشرف بمصافحة أميرنا المحبوب سلمان وهو يقدم لي شهادة مرتبة الشرف وتمنيت ان تكون والدتي خلف التلفزيون تتابع الحفل! تمنيتهم مثلك في زواجي وفي قدوم مولودتي الأولى
تمنيتهم في اوقات واماكن كثيرة لكن هذا قضاء الله وقدره
ورغم هذا احس اني اعوض هذ الحنان اللي فقدته في بنتي الصغيرة اللي تذكرني بهم وكيف كان احساسهم تجاهي رحمة الله عليهم

وموضوعك اخوي سليمان فرصة لتذكير الأخوة والأخوات اللي معانا ببر والديهم والأحسان لهم والتذلل لهم فالوالدين نعمة لاتقدر بثمن وطريق للجنة وفيهما اجر كبير فالله الله بوالديكم

رحم الله والدك اخوي سليمان واسكنه فسيح جناته ورحم الله جميع موتى المسلمين وجمعنا بهم في مستقر رحمته في جنات النعيم.
وهذه قصيدة وجدتها باحد المواقع فحبيت انقلها لكم.

هذى القصيدة هديه لكل من له ام على قيد الحياة من الاعضاء وان يعطيها حقوقها التي نص القران الكريم عليهاقبل فوات الاوان (( وقل ربي ارحمهما كما ربياني صغيرا)) هذه الام ادخلها ابنها دار للرعايه بعد ما كبرت في السن حسب امر الزوجه ؟؟؟ اما انا الله يرحم امي ويغفر لها قولو امين

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

(وقل ربي ارحمهما كما ربياني صغيرا)

هلا والله اخوي سليمان


حرام عليك وربي خنقتني العبرة وانا اقراء كلامك
الله يرحم ابوك ويغفر ويسكنه الجنه وجميع موتانا وموتى المسلمين اللهم آمين ..!!
وكلنا بنمشي على هالدرب طال الاجل ام قصر ..!!
ايضا القصيدة اللي جابها قرقاص محزنه جدا ..!!

نسأل الله ان يجعلنا من البارين بوالدينا ..!!






عودا حميدا اخوي سليمان وان شاء الله معاد تغيب عن مجلسك يالغالي ..!!





.

الله ارحم الاموات من المسلمين يارب العالمين
قال تعالى ( ولاتقل لهما افٍ ولاتنهرهما وقل ربي ارحمهما كما ربياني صغيرا )

اااااااااااااه يا اخوي

كلامك فجر كومة احزااااااااااااااااااان
ونزلت دموووووعي

وكل ما حاولت ارد ما قدرت


شكرا لك

والله يغمده بواسع رحمته

فعلا كلمات رائعه

الله يرحم ابوك ويغفر له

ما أجملها من كلمات !!!!

أهنيك على برك به حتى بعد وفاته

الله يرحمه ويرحم جميع أموات المسلمين

هلا سليمان عاش من شافك من سمعنى قال هذا مسنتر بالمجلس


اخوى سليمان رحم الله موتانا وموتاكم واسكنهم فسيح جنتة