( البرد قرب .. ومشب المجلس العام فتحناه .. تفضلوا ) - صفحة رقم 3 - نادي الهلال السعودي - شبكة الزعيم

(((أخلاق سامي))) · #31 28/10/2007, 06:32 PM

سلام ...........

ترى جمعت صور من منطقة الصمااااااااااان

وهذي الصور

وانتظر المزيييييييييييييد

(((أخلاق سامي))) · #32 28/10/2007, 06:42 PM

(((انواع الحطب))) .....

السلام عليكم ورحمة الله وبركاتة

ياما حلا شوف النشاما على الضو

ويجاذبـون السالفـه والقصـيـدة

في جال طعسً كف عنه المطرتـو

ريح الشمطري والخزامى تزيـدة

في ليلةً نصف الشهر مااحسن الجو

السمر يبرق صايـراً لـه وقيـدة

ودلال رسلاناً على الجـال ركـو

ريح البهار مع العويـدي فريـدة

واخيل من قبله بروقـاً مـع نـو

نسناسهـا خـلا حياتـي سعيـدة

جمعة قروماً مادخـل بينهـم بـو

علم المراجل كـل منهـم يجيـدة

مافيهم اللي قال يافـلان قـم سـو

اطلب وتلقـى كـل شيـاً تريـدة

تفرح اذا شفت الرجاجيـل فـزو

كلن على النوماس يسبـق حديـدة

هذا ولد عمـاً وهـذا ولـد خـو

وهـذا ولدخـالاً وهـذا عضيـدة

شوف النشاما يشرح اليال والجـو

ينسيك همـاً فـي خيالـك تعيـدة

لشاعر..على بن معطش البيشي

انواع الحطب ..

كثيره ولاكن المشهور والمتوفر منها كمايلي :

الأرطاء : ويتميز بعوده الخفيف وليس له قشره تذكر وسريع الإشتعال وقليل الدخان ويوجد في النفود عادتاً .

السمر : وهو من أفضل أنواع الحطب ويتميز ، بقشره دقيقه ولبقه بالعود ويميل الى الإحمرار إذا وضع على النار

دخانه خفيف وجمره حار جداً وقوي ، ويتميز بصعوبه التكسير لقوة عوده ... وأفضله سمر المدينه المنوره .

الغضى ويطلق عليه أحياناً الفضى :

يتميز بقلة دخانه وطيب رائحته وقوة جمره وقيل قديماً ( أحر من جمر الغضى ) يعني مضرب مثل ... ويوجد عادتاً

ويكثر في الاراضي المنبسطه والرمليه ، وأفضله غضى القصيم عنيزه .

الطلح : قشرته داكنه وسميكه يوجد عليها شوك صلب قليلاً وكثير الدخان أحياً .

السَـــلـَـم : عوده دقيق ويميل الى البياض خفيف وسريع الإشتعال وجمره متوسط الحراره والقوه .

الرمث والحمض :

وهي نوعان قريبه من بعضهما تتميز بدقت العود وصغر القشره لاكن الرمث يميل الى البياض والحمض الى الدكنه أكثر

وكلاهما خفيف وسريع الإشتعال مما يجعل بعض الناس يفضله أكثر من غيره .

القرض : وهو شبيه بالسمر لاكنه لا يرتفع كثيراً عن الأرض وينمو في الجبال والحرات وحطبه ثقيل جداً وصلب مما يجعل

تقطيعه وتكسيره بالفاس صعب يتميز بقوة جمره وطول بقائه حي .

وهناك أنواع أخرى من الحطب قليله الوجود ونادره مثل :

العجرم ويوجد منه القليل في الشمال وتحديداً في مركز العجرم قريباً من سكاكا ولاكنه لا يكاد يذكر في السوق

وكذالك الشوحط وهو مثل سابقه والعوسج ايضاً وغيرها .

أجود أنواع الحطب :

هناك من الناس من يفضل نوع وهناك من يفضل نوع أخر وهكذا وليس هناك رأي مستقر ففي المنطقه الجنوبيه مثلاً وخاصه

الشرقيه منها يفضلون الطلح والقرض والسمر وفي نجد والشمال والشرقيه تقريباً يتنافس السمر والارطاء والغضى على الأفضليه

لدى الناس وعموماً يفضل إختيار النوع على حسب الحاجه للحطب . والترتيب قد يتفاوت بين السمر والارطاء والغضى .

ولاكن الاقرب للجوده كما يلي :

1- السمر 2- الارطاء 3 - الغضى 4- الطلح 5- الســَلـَم 6- الرمث والحمض 7- القرض

كيف تعرف جودة الحطب :

جودة الحطب تحدد تقريباً بالأتي ..

1- تكون القشره يابسه ونقيه أي نظيفه من الخروق والنخور والرطوبه أو الخضره بحيث تنكسر في اليد أما إذا تبين عليها شي

مما ذكر أو تمشعت عند كسرها فهذا يدل على عدم جودته للنار . لانه سوف يكثر دخانه ولا يلهب بسرعه ويموت جمره أيضاً .

2- الحطب المشلق أو المشضّف أفضل من الاعواد الكامله والمستديره لانه يلهب بسرعه ويقل دخانه .

3- إذا كان الحطب به خروق ونخور صغيره دائريه الشكل ويظهر منها مايشبه البودره فهو غير جيدولا يصلح استخدامه

لكم بعض الصور

مطيع · #33 28/10/2007, 07:31 PM

مرور عابر

اشكر صاحب الفكرة

وادعو نفسي للاستمتاع والفائدة

ولما لا المشاركة ان جاد لي البال بشيء

البرفسور · #34 28/10/2007, 07:41 PM

حي الله كل من شارك وكل من اطلع على الموضوع

بقولكم قصة بداح العنقري

بداح العنقري كان من امراء ثرمداء ... وكان رجل تاجر ... وكانوا يجونه البدو كل سنه يشترون منه بالدين اغراضهم وحوائجهم وكان رجل آمين وخلوق وكريم وصاحب مروه وشهامه ... وكان يديّن اللي يشترون منه الي السنه اللي بعدها يجون يشترون منه ويعطونه فلوسه الاوله ....

وحدى السنين جاه احد خوياه يشتري منه وكانت معه بنته مزيونه .... المهم ان بداح رحب بهم واكرمهم واشتروا منه ورجعوا لديارهم بالباديه .... فقرر بداح الا ان يتزوج بنت صاحبه ...

وفعلن عقب مامشوا منه وبعد كم يوم من مشيهم .. ويوم هقا انهم وصلو ديارهم شد على فرسه ولحقهم ... ايام وليالي لاوالله الا هو واصلن عندهم .... فرح خويه بالحيل وهلا به واكرمه ... وثاني يوم قال بداح لخويه انا جايك طالب ايد بنتك هيا ... فقال ابرك الساعات وارخص لي اخذ راي البنت ... فراح الابو ونشد بنته وبداح يسمع حيث ان صوتهم كان مسموع .. وقالها يابنتي بداح العنقري جاي يطلبك حليلتن له وش تقولين ؟؟ قالت البنت : هذا حضري .. خيال تصفيح مايصلح لي ولا أصلح له ..... سمع بداح كلام البنت ... فجاء الابو مستحي وماتكلم .. قاله بداح ماله داعي الحيا والزواج قسمه ونصيب .. مير انت بيض الله وجهك وارخص لي هالليله ابي انام والصبح ابي امشي لاهلي...

المهم جاء الليل وعجز لا ينام بداح من القهر من اللي سمعه ان البنت ماتشوفه شي وانه ماهو شجاع ولا به خير .. فتمنى بس لو يجي موقف يقدر يثبت به وجوده ........

المهم يوم اصبح الصبح مع الفجر .. يوم صاح الصياح .... الغزو الغزو .... اثاري قبيلة ,,,,,,, غازين وماخذين حلالهم .. فتفازعت القوم والحقوا الفضول وبداح قاعد ايتقهوى ماتحرك ابد (( لان الضيف مايلزمه شي )) فجته البنت هيا اللي كان يبيها تناظر له باحتقار وتقول حضري خيال نظره ..... حضري خيال نظره .... تعني انه بس مظهر ومحتقرته لانه مافزع مع القوم ...........

المهم وهم يلحقون الفضول واتشابك السيوف ويعجزون اهل الحلال لا يفكون حلالهم وهم يرجعون حول الضحى منكسرين وخايبين ولا ردوا شي .... وبهكاللحظات والناس والحريم كله طالعه تناظر الحال فقام بداح يوم شاف ان معازيبه انكسروا وقدام الكل والبنت تشوفه وركب فرسه وخذا رمحه وطنب يم ,,,,, يبي يرد الحلال لحاله ..... الناس استغربت والبنت اندهشت ... وهو يلحق ,,,,,, وادخل بينهم واذبح واذبح والبخيت اللي نجا .. وهو يرجع بالحلال حروة العصر لحاله ... وكانت الناس تستقبله كله .... واول ما اقبل يم الديره ومعه الحلال اركضت عليه هيا وقامت تهلهل مثل انه تعتذر منه وقابله الزواج به .... فركز رمحه عندها وقال :

الله أحـد يامـا غزيـنـا وجيـنـا
................................... وياما ركبنـا حاميـات المشاويـح
ويامـا علـى اكوارهـن اعتليـنـا
................................... وياما ركبناهن عصيـرن مراويـح
ويامـا تعاطـت بالهنـادي يديـنـا
................................... وياما كسبنا من حـلال المصاليـح
وراك تزهـد يريـش العيـن فينـا
................................... تقول خيال الحضر زين تصفيح ؟؟!!
الطيـب ماهـو بـس للضاعنيـنـا
................................... قسّم علـى كـل الوجيـه المفاليـح
البـدو واللـي بالحضـر نازلينـا
................................... كلن عطـاه الله مـن هبـت الريـح
يوم انجمر رمحي خذيـت السنينـا
................................... واودعت عنك الخيل صم(ن) مدابيح
هيا عطينـا الحـق .. هيـا عطينـا
................................... وان ماعطيتيـنـاه والله لا صـيـح
لاصيح صيحت من غدالـه جنينـا
................................... والا خلوجـن ضيعـوه السواريـح
ياعـود ريحانـن بعـرض البطينـا
................................... ومنين ماهب الهوا فـاح لـه ريـح
يابو نهيد(ن) تقل فنجان صينا
................................... والا كما بيضن للمشقا ذوابيح
لاخـوخ لا رمـان لاطلع تينـا
................................... ولا مشمش البصرة ولا هن تفافيـح

ويقولون عقب القصيده مشى وخلاها ماتزوجها فقامت هيا من زود القهر وحطت الرمح بصدرها وماتت قهر انها عييت عليه وهو عيا عليها

الفيروسه الزرقاء · #35 28/10/2007, 08:18 PM

إقتباس

الرسالة الأصلية كتبت بواسطة البرفسور


	حي الله كل من شارك وكل من اطلع على الموضوع بقولكم قصة بداح العنقري بداح العنقري كان من امراء ثرمداء ... وكان رجل تاجر ... وكانوا يجونه البدو كل سنه يشترون منه بالدين اغراضهم وحوائجهم وكان رجل آمين وخلوق وكريم وصاحب مروه وشهامه ... وكان يديّن اللي يشترون منه الي السنه اللي بعدها يجون يشترون منه ويعطونه فلوسه الاوله .... وحدى السنين جاه احد خوياه يشتري منه وكانت معه بنته مزيونه .... المهم ان بداح رحب بهم واكرمهم واشتروا منه ورجعوا لديارهم بالباديه .... فقرر بداح الا ان يتزوج بنت صاحبه ... وفعلن عقب مامشوا منه وبعد كم يوم من مشيهم .. ويوم هقا انهم وصلو ديارهم شد على فرسه ولحقهم ... ايام وليالي لاوالله الا هو واصلن عندهم .... فرح خويه بالحيل وهلا به واكرمه ... وثاني يوم قال بداح لخويه انا جايك طالب ايد بنتك هيا ... فقال ابرك الساعات وارخص لي اخذ راي البنت ... فراح الابو ونشد بنته وبداح يسمع حيث ان صوتهم كان مسموع .. وقالها يابنتي بداح العنقري جاي يطلبك حليلتن له وش تقولين ؟؟ قالت البنت : هذا حضري .. خيال تصفيح مايصلح لي ولا أصلح له ..... سمع بداح كلام البنت ... فجاء الابو مستحي وماتكلم .. قاله بداح ماله داعي الحيا والزواج قسمه ونصيب .. مير انت بيض الله وجهك وارخص لي هالليله ابي انام والصبح ابي امشي لاهلي... المهم جاء الليل وعجز لا ينام بداح من القهر من اللي سمعه ان البنت ماتشوفه شي وانه ماهو شجاع ولا به خير .. فتمنى بس لو يجي موقف يقدر يثبت به وجوده ........ المهم يوم اصبح الصبح مع الفجر .. يوم صاح الصياح .... الغزو الغزو .... اثاري قبيلة ,,,,,,, غازين وماخذين حلالهم .. فتفازعت القوم والحقوا الفضول وبداح قاعد ايتقهوى ماتحرك ابد (( لان الضيف مايلزمه شي )) فجته البنت هيا اللي كان يبيها تناظر له باحتقار وتقول حضري خيال نظره ..... حضري خيال نظره .... تعني انه بس مظهر ومحتقرته لانه مافزع مع القوم ........... المهم وهم يلحقون الفضول واتشابك السيوف ويعجزون اهل الحلال لا يفكون حلالهم وهم يرجعون حول الضحى منكسرين وخايبين ولا ردوا شي .... وبهكاللحظات والناس والحريم كله طالعه تناظر الحال فقام بداح يوم شاف ان معازيبه انكسروا وقدام الكل والبنت تشوفه وركب فرسه وخذا رمحه وطنب يم ,,,,, يبي يرد الحلال لحاله ..... الناس استغربت والبنت اندهشت ... وهو يلحق ,,,,,, وادخل بينهم واذبح واذبح والبخيت اللي نجا .. وهو يرجع بالحلال حروة العصر لحاله ... وكانت الناس تستقبله كله .... واول ما اقبل يم الديره ومعه الحلال اركضت عليه هيا وقامت تهلهل مثل انه تعتذر منه وقابله الزواج به .... فركز رمحه عندها وقال : الله أحـد يامـا غزيـنـا وجيـنـا ................................... وياما ركبنـا حاميـات المشاويـح ويامـا علـى اكوارهـن اعتليـنـا ................................... وياما ركبناهن عصيـرن مراويـح ويامـا تعاطـت بالهنـادي يديـنـا ................................... وياما كسبنا من حـلال المصاليـح وراك تزهـد يريـش العيـن فينـا ................................... تقول خيال الحضر زين تصفيح ؟؟!! الطيـب ماهـو بـس للضاعنيـنـا ................................... قسّم علـى كـل الوجيـه المفاليـح البـدو واللـي بالحضـر نازلينـا ................................... كلن عطـاه الله مـن هبـت الريـح يوم انجمر رمحي خذيـت السنينـا ................................... واودعت عنك الخيل صم(ن) مدابيح هيا عطينـا الحـق .. هيـا عطينـا ................................... وان ماعطيتيـنـاه والله لا صـيـح لاصيح صيحت من غدالـه جنينـا ................................... والا خلوجـن ضيعـوه السواريـح ياعـود ريحانـن بعـرض البطينـا ................................... ومنين ماهب الهوا فـاح لـه ريـح يابو نهيد(ن) تقل فنجان صينا ................................... والا كما بيضن للمشقا ذوابيح لاخـوخ لا رمـان لاطلع تينـا ................................... ولا مشمش البصرة ولا هن تفافيـح ويقولون عقب القصيده مشى وخلاها ماتزوجها فقامت هيا من زود القهر وحطت الرمح بصدرها وماتت قهر انها عييت عليه وهو عيا عليها

تجننننننننننننننننننننننننن القصة جد والله تجننننننننننننننننننننننننن

أحسن خلها تموت من القهر وراها رفضته

، لأ وقوية وجه بعد تروح له وتبيه يتدخل في الحرب

الحين بسألك يـ البرفسور حضري خيال نظره وش معناها

، لازم لازم تترجم لي

.

جد حمستني اجيب قصة شعبيه

، ودي اجيب قصة يابنات المدارس ليتني عندكم سواق

بس سويت سيرش ولاحصلت عنها شي

، ماعليه بسأل واشوف وان مالقيت بصرف النظر عنها وادور لك شي سنع

كم عندي من برفسور

-----> صه بس لايكبر رأسه

.

# عجبتني هـ الصورة وقلت احطها لكم ،،
مكان القهوجي صدى

سي يا

فيّو

البرفسور · #36 28/10/2007, 09:19 PM

إقتباس


	الحين بسألك يـ البرفسور حضري خيال نظره وش معناها

هي مو خيال بل خيّــال ( بشد الياء )

يعي يركب الخيل للشكل بس لكن هو اساسا مو خيال .. وهذا بنظرها

وبعدين اخر مره اترجم لك

وخلي عنك التناحه

وفتحي الفضاوه اللي بدميجتك

إقتباس


	جد حمستني اجيب قصة شعبيه

انا معك الى السنه الجايه

بس اهم شي تنزل هالقصه اللي مثل بيض الصعو

G o L d E s T · #37 28/10/2007, 11:08 PM

يا زين شبة الضوء بالبر مع قصص الجن

تصير موسوس وكل شوي تلتفت وراك تخاف يجيك جني منا ولا منا

متابع لسواليف البقية

واذا تذكرت قصة جيت أسدحها

هلاليه كووول22 · #38 29/10/2007, 02:00 AM

هلا البرفسور منور
موضوع روووعه
ومن ناحية البرد و الشتا ماظني يجينا شتا
فصل واحد طول السنه

متابعه لسواليف مشب المجلس

غلاهم وماخذه حلاهم · #39 29/10/2007, 06:26 AM

يازين التطعيس والبر
برب ولي عوده باذن الله

الـمـشـاغـب · #40 29/10/2007, 07:59 AM

باكـ يا بروفيسووووور

وربي موضوووعك وردودك رهيييييييييييييييبة خصوصاً قصة بداح مدري بطاح

أحس أن الحضر غاروا من قصص البدو المبالغ فيها وقاموا ألفوا لهم هالفيلم الهندي ــههههههههــ

أجل رد الغزاة لوحده ما شاء الله عليه هالخيال نظرة؟

والله لو أنه سوبر ماريو عاد

لا وكله كوووم .. ويوم وضحى تنحر نفسها كوووم ثاني

قصة بداح مدري بطاح مدري سداح يا ليت لو حطوها قصة فيلم هندي بتكون قصة رومانسية وأكشن حيييل

الشاهد : أن فييه الكثييييير من هالقصص مبالغ فيها بقووة وفيها من البهارات الشيء الكثير الله يعفى عنا وعن

شيباننا

يعني استمتع ولكن خذ وخل

عندي مشاركة عن عجوز شمطاء

بس ما عندي تفاصيل كثيرة عنها بالوقت الحالي .. بأحاول أبحث عنها .. ولكن الآن بأضع لها فاصل إعلاني

هالعجوز الشمطاء كانت تكره أنها بنت .. كان طموحها تكون رجال حتى تصير شيخ يامر وينهى في القبيلة

المهم أن العجوز الشمطاء صارت تحقد على كل الرجال .. و كانت استغلالية .. فكانت في كل فترة ترتبط

بشخص حتى تصل إلى هدفها ..

فما تلبث أن تنتهي منه حتى تحط بديلاً عنه شخصاً أكثر قربة من شيخ القبيلة ..!!

واصلت سعيها وعبثها رغم استنكار الكثير من أفراد ووجهاء القبيلة لما يحصل .. (فهي قد تجاوزت البسوس في

تحرشاتها وصناعة المشاكل بين أفراد القبيلة بسبب قلبها المريض ) .. إلا أن تلك الاستنكارات كانت بلا جدوى ..!!

أخيراً بدأت تقترب العجوز الشمطاء في الانتهاء من مخططها ...

فماذا يحدث بعد ذلك ؟ هل ستنتصر هذه العجوز أم تخذل؟

وهل سيقف فرسان القبيلة مكتوفي الأيدي .. أم أنهم سيخالفون أوامر الشيخ ويطردونها من القبيلة ؟

هذا ما سنعرفه في الحلقة القادمة

---------

عذراً على التقديم بهذه الصورة .. هي مجرد دعاية وإعلان للقصة .. عشان كذا كتبت هكذا .. لكن القصة الأصلية أول

ما أوصل لها إن شاء الله أسدحها بكلام أهل الجنوب لأنها حدثت في الجنوب

---------

ملاحظة : أعتذر للأخت العزيزة : الفيروسة الزرقاء على الرد السابق إن كان زعلها .. وقد قمت بحذف الرد السابق

لأني طيب وحنوووون وما أحب أزعل أحد خصوصاً الاستشاريين

عبـدالمحسـن · #41 29/10/2007, 09:12 AM

هـلا واللـه بالبـروفسـور
منـور إنـت ومـوضـوعـكـ التحفـه

حـلاه البـرد فـي الطلعـات
اللـه اللـه بالطلعـات يالأعضـاء
مـب كـل واحـد مـاسـكـ لـه زاويـه بالبيـت وقـاعـد ومتلحـف

خلـوكـم رجـال

هـذي كـم صـوره لشعيـب الشـوكـي..أشهـر مكـان يـرتـاده النـاس بكثـره..لا يجينـي واحـد يقـول مستحيـل عنـدنـا بالسعـوديـه..همـن ألحقـه بعمـود كهـرب

إنـت إطلـع وشـف

أتمنـى أن أكـون وفقـت فـي الإختيـار

تحيـاتـي بـروفسـور

hilalemooot · #42 29/10/2007, 09:32 AM

السلام عليكم

ماشاء الله عليك موضوع في وقته

سواليف البرّ واجد .. و العلوم واجد .. طلعنا هالاسبوع طلعة نتطقس عن الاجواء .. كانت يوم خميس و كان الجو بالديرة خياااالي .. كلموني العيال واخذنا عزبتنا وغدانا وطلعنا .. وتكينا بس للاسف عجّت ورجعنا

تخيلوا أكلنا رز بتراب

ان شاء الله هالاسبوع في طلعة .. ان طلعت بصّور لكم كم صووورة

تراني طقيت خيمتي هنا بعد اذن صاحب الموضوع

حياكم الله

فـ مان الله ,.,.,

البرفسور · #43 29/10/2007, 10:10 AM

8

8

8

8

8

حياك الله يابعدي
وحي الله الجميع

واليوم بقولكم قصة مطلق الجربا ومعركة لينه
لكن قبل كل شي تقهوو ترى الدله جديدة ومسمارها ناطع

معركة لينه هي من المعارك القديمه واللي على دور مطلق الجربا "العيط" والفارس راضي بن جدي فبما ان المعركه هذي هي نهاية الفارس نومان الحسيني الظفيري خلونا نسرد قصة نومان الحسني حتى نصل لمعركة لينه حتى تكون المناسبه مفهومه مع العلم ان قصة نومان من اروع القصص واكثرها تشويقا مع العلم ان اكثر الكتب جمعت المعركتين في معركه واحده وقد قرات في كثير من المنتديات "امور ماله داعي" مع العلم ان معركة المعاهده بين نومان وراضي كانت قبل حب نومان لزوجة بن عريعر ومعركة لينه بعد قصة حبهم وهي السبب في المعركه "حتى تكون القصه مفهومه اكثر" نومان الحسيني فارس اشتهر بالشجاعه والوسامه وهو من قبيلة الظفير الشماليه ولكن بما ان حياته مع العريعر من شيوخ بني خالد فكانت لهجته قد تكون جنوبيه نوعا ما حتى ان راضي بن جدي وصفه باحد المعارك بالجنوبي المهم بعد ان اصبح نومان من رجال بن عريعر اعطاه بن عريعر فرس ورمح فكان قديما عند اهل الباديه "يزبرقون" الرمح ويسمونوه المشنشل ومن اكثر مايحطون عليه اللي هو ريش النعام وكان يوجد هناك اناس متخصصين لفعل هالشي اللي هو حبك الريش على الرمح واغلب ماتسويه النساء المهم ان نومان سأل بعض شباب الخوالد قال تعرفون مره تحط الريش على الرمح قالو: راعية اكالبيت راح يمه وصوت لراعية البيت وطلعت اكالبنت المزيونه قال وش عندك يارجل قال نومان سمعت انكم تحطون الريش على الرمح قالت بس بشرط قال شرطك قالت البنت انا زوجة بن عريعر "وطبعا بن عريعر كان لوه اكثر من زوجه " المهم قالت شرطي انك "تخضب" الريش بالدم يعني تصبغوه قال نومان انا ماحطيت هالريش الا لهالشي يقولون فاكنت هذه هي البدايه لوقوع زوجة بن عريعر بحب نومان ونومان كذلك المهم حصلت للعريعر معركه مع شمر وكان من ضمن فريس شمر راضي بن جدي المهم تطاردو نومان الحسيني وراضي بن جدي وانعزلو عن الفريس ودلو يتطاردون ماواحد قدر على واحد اصبحو متكافئين فكان سبب الطراد عليلهم ذود من البل والكل منهم عيا لايعطي الثاني قال راضي عندي الحل يامار بجنبهم جبل يقال لوه الابرق وهو يحد راضي الابل على الجبل وهن ينقسمن قال راضي : "قسمهن ابرقهن يالجنوبي تخيّر" المهم تعاهدو راضي ونومان ماواحد يغزي على الثاني " يوم رجعو لبيت بن عريعر اعجب بن عريعر بشجاعة نومان قالوا الحاظرين ــ وكان نومان غايب ــ ياطويل العمر نومان ماهو شجاع مار هذي فرسوه "حشور" بمعنى انه هي اللي ترمي بوه على الفرسان سمع هم نومان قال :

قالوا حشور وقلت سوو سواتي
ارخو لهن ياكاربين المصاريـع

قلايعي عشر وهـن مقفياتـي
"بالنافعي"قطعت روس المداريع

اليا رضى مضنون عيني شفاتي
نازوع للذلان ضرابـة الريـع

النافعي اللي هو سيفه والمقصود بمضنون عيني هي "زوجة بن عريعر" "وليس بن عريعر كما ذكر بن منديل في كتابه" المهم ان نومان زاد حبه لزوجة بن عريعر يقولون فكان يجيه من ورى بن عريعر بن عريعر دري بالامر فكان اكثر من مره اذا جلس بالمجلس يشم نفس ريح زوجته مع نومان "على حسب عطورهم بذاك الوقت اذا كان عندهم " فكان بن عريعر مايدري وش يسوي فشاف مالوه الا انوه يحط نومان بوجه احد القبايل حتى تقتله فغزى بوه على مطير ولاقتلوه وغزى بوه على عتيبه ولاقتلوه وغزى بوه على اغلب قبايل نجد ولم يقتل ولما تشاور مع كبار السن ومستشاريه قالو مالك الا انك تغزي بوه على شمر فكانت شمر نازله على "لينه" بقيادة الشيخ مطلق الجربا ومعوه راضي بن جدي من شيوخ عبده ولينه اغلب شباب المضايف يعرفونه لكن للي مايعرفه هي تبعد عن حايل حوالي 300 الى 400 كيلو شمال دون رفحاء المهم قررو ا يغزون شمر يوم دري نومان حاول انه يرفض وقال ياطويل العمر انا وراضي بيننا عهد ولا اقدر ابوق قال بن عريعر ان الله اشاء الا اغزي شمر وكان حجة بن عريعر ان لينه من املاكه ويريد استعادته من شمر المهم يو جاء الصبح وننو يمشون تاخر نومان ويقولون انه كان يودع معشوقته المهم مشو على شمر ويوم جو قبل لينه بالليل هم ينامون والوعد على انهم الصبح يصبحون شمر اما نومان ماقدر ينام فمن ضمن ماقال:

ياسابقـي ليلـة قربنـا للينـه * ياواهجٍ بالصدر لو عنه تدريـن
لو حط لك ذوب العسل ماتبينـه * حيثك على حوض المنايا بتردين

يسهج قطاتك كل شلفـا سنينـه * عساك منها ياجـوادي تعتقيـن
حمرا لنومان الحسيني ضنينـه * تسوى مطارد تالي النوم بالعين

وانا عليها دون ربعـي رهينـه * انطح شبا المقبل وافك المخليـن
لعيون من يزهى وشامه جبينـه * "اللي هرج لي ليلة الغزو ماشين"

ويقال انه بالبيت الاخير يقصد زوجة بن عريعر كذلك فصبحو شمر بالصباح وصارت معركة لينه "اللي انهزم به بن عريعر " وقتل به نومان الحسيني واللي قتلوه هو الفارس راضي بن جدي فرحم الله الجميع راضي بن جدي من الويبار من عبده من شمر فارس لايشق له غبار ولكننا مقصرين بحقه واللحين اذا طلعتو من عند بقعاء تجيكم على يدكم اليمين قرى من ضمنها البراك والشعلانيه وغيره فالشعلانيه حصلت به معركه بين شمر والروله وقتل به راضي بن جدي سبعه من الشعالين من شيوخ الروله وسميت باسمهم

وسلامتكم

الكلاسيكي · #44 29/10/2007, 01:19 PM

هلا وغلا فيك اخوي البروفيسور ..

ماشاء الله موضوع جميل .. وتفاعل رائع ,, وهرجه حلوه
واللي زاد الموضوع جميل قصصك وتشريف ابو اسامه (تيماوي) (قلب لك )

يازين البر بس .. ويازين البرد يلوموني فيه .. (قلب للبرد)

بس مابعد جاء البرد .. الاسبوع الماضي في المحاضره كان برد وطفشنا في المحاضره
المشكله التحكم مركزي مو عندما .. عاد قال الدكتور المره الجايه جيبو جاكيتات ..
ولما جاء اليوم طفو المكيفات صيانه الساعه 9:30 .. والله بغينا نهج من الحر ,, يابرد ياحر مره !

بروفيسورنا .. الف شكر لك على هيك موضوع ..

لاعدمنا حضورك المغبر ..

تقبل فائق احترامي ,,
دمت بخير ..

البرفسور · #45 29/10/2007, 01:41 PM

8

8

8

8

الف شكر للجميع
واللي زاد الموضوع جمال تشريفك وتشريف جميع الاعضاء لنا
ونطمح في الموضوع المزيد من القصص والسوالف .. وانتظرونا