|
( البرد قرب .. ومشب المجلس العام فتحناه .. تفضلوا ) أهلاً بالجميع http://www.moq3.com/img/uploads/Ao459064.bmp ومبروك عليكم البرد :thumbup: وعسى الله يجيب المطر والخير :rolleyes: موضوعنا اليوم شعبي بحت , بس اتمنى الكل يشارك ولو بحرف :wink: فكرة الموضوع هي انه مثل ما انتم حاسين بان البرد قرب :stoned: وبدو الناس يجهزون مجالسهم ومشبهم وملاحقهم الشتويه يعني اللي ما شرا حطب انصحه لا يتاخر واللي ما فصّل وجار اقوله ( وش يحتري ) ؟:eek::d المهم ان الكل يعشق جلسات الظو والنار .. سواء كبير والا صغير .. رجلً ونساء . ومع شبت النار ودلال القهوه تحلى السواليف اكثر واكثر :wink: http://toraath./قهوة4.jpg ويبدأ الواحد يطلع من القصص والمواقف وهو ما يدري المهم ان الكل لا بد يكون عنده قصه قصيره وشعبيه ولو ما عنده يثقفنا باي قصه من مواقع القصص المشهوره :stoned: اهم شي تكون قصيره وحلوه ,, علشان الاعضاء ما يملون وهم يقرون عاد انا قلت يا رجل شب النار وجهز دلالك وافتح مجلسك لاعضاء الزعيم وخل نسمع سواليفهم وقصايدهم ويكون هذا المجلس اليومي لنا :yes: :thumbup: واتمنى ان يكون هو المرجع للقصه والقصيده الشعبيه القصيره المهم قربوا للنار وتقهووو .. خل ابي ابدأ معكم انا بقصة جزاء البقمي المشهوره :nono: http://toraath./cofee3.JPG بسم الله السالفه ومافيها فيه صديقين تجمعهم صداقه قويه وهم سلطان بن رباح ومحمد بن عقيل كبروا وتزوج سلطان وجاه ولد وسماه على خويه (محمد ) من زود مايغليه.. كانوا يحبون القنص ..في يوم من الايام طلعوا للصيد بالحالهم في وقت كان محمد يجهز الغداء كان سلطان ينظف السلاح وكان فيه طلقه في المخزنه مادرى عنها سلطان ضغط الزناد وثارث البندق وجت الطلقه في خويه محمد بالغلط -حسب رواية سلطان - ومات خويه وشاله وسلم نفسه ..وذكر ماحدث عن سبب موت خويه...لكن اهل سلطان لم يصدقوا الحكايه وبدأو يطلبون القصاص وتدخل العديد للوجاهه والأكتفاء بالديه لكي يتنازل اهل محمد حتى وصلت الديه 10 مليون !! ورفضوا إلا راس براس ..((وهو حق شرعي- لأنه لم يكن هناك شهود يثبتون لأهل محمد أن القتل خطأ...وظنوا أنه بسبب خلاف بينهما)) واخيرا صدر الحكم على سلطان بالقصاص .. وكتب الشاعر ((جــزاء البقمي)) قصيده يصف حال سلطان فيها : يافــــلاح .. الـــهم خيم بقلبي يا فلاح كيف تبغاني اسولف وانت خابرني عليل ويش قولك في عليل في حياته ماستراح تنتثر دمعة عيونه لاظلم الليل الطويل حالته لا ماتباعد حال "سلطان الرباح" بالخطاء راحت حياته والخطاء ماله مثيل كان ويـّــا صاحبه اثنين في ارضٍ براح يطردون الصيد دايم منصفح لين المقيل اجمعتهم صحبه الدنيا على جد ومزاح مايهابون الليالي والحمول اللي تميل ماقتل عامد ولكن ثور بليس السلاح بالخطاء ثار السلاح ووين يلقا له دليل وانعقد سجنه وربعه تنتظر فك الصراح والأكيد إنه سجين ومارضوا ربع القتيل هـــلّ دمعه يوم صلى ركعتين في الصباح في نهار الجمعه اللي من ثقيلٍ في ثقيل هلل وكبـر ونفسه تذكر اللي راح وراح كان في ربعه عزيز وذله الوقت الذليل لامحمد ولا تهاني ولا سعود ولا صلاح كلهم كانوا على باله وهمه في هديل طفلةٍ ماكملت عامين صايبها كساح وانثر دمعه وحاله من سبايبها نحيل حان تنفيذ القصاص وغطوا الراس بوشاح وجاك سيافه يشيل السيف ابو حدٍ صقيل وارتخى راسه وزاد الموقف الحامي صياح بين نوح وبين دمع وبين صيحات وعويل وارتفع صوت الحشود وزاد محمد وصاح يايبه تكفى دخيلك تستمع قول الدخيل يابيه وشلون نصبر وكيف نهجع بارتياح وانت من دنيا عيالك تاخذك بر الرحيل يامحمد هاك علمي واحفظه قبل المراح انتبه لخوانك وبالك عليهم لاتعيــــــــل الله الله في الصلاة والصيام والصلاح والله الله في امكم والله لكم بعدي كفيل وغمض عيونه ونفسه تطلب الله السماح رافع سبابته مظلـــــوم والله الوكيــــــــل وسل سياف الصفا سيفه وطقه ثم طاح راس المراجـــل وانتثر دمــه يسيـــــل غسلوه وكفنوه ثم فاح طيب السدر فـــاح وبالمصادف صار قبره جنب قبر ابن العقيل يافلاح الكارثه ماهي سوالف يافلاح خلني ساكت ودور غير هالقصه بديل وســـــلامتكم ,, عاد حنا نبي ندور غير هالقصة بديل .. واكيد البديل عندكم :yes: وكانه عني عندي قصصه كثيره وافضل من هذي بس ابي اقرأ منكم ولا تحرموننا :wink: اهم شي نارنا لا تطفى ودلالنا لا تفضى وبابنا لا يصك :d وحياكم الله s110s http://www.moq3.com/img/uploads/f8459062.bmp |
تفضلو قصة وأدعو ان الله ينزل الغيث أنا وأربــع بنات في البـر .... -------------------------------------------------------------------------------- البر وما أدراك ما البر ... فيه وناسه وفيه بعض الأحيان تعاسة ... في ربيع العام الماضي 1424 هـ أتفق الشباب في الاستراحة علي طلعت بر .. وقالو لي يابو شهد نبيك معنا فيها قلت والله ياجماعة الخير أشتريكم وأشتري أمخاواكم بس عندي شرطين صغاار .. قالو هات ما عندك يا ابو شهد قلت الأول أمي أبشاورها .. والثانية أبروح في سيارتي ولا أبي أحد معي ... قالو أفأ ليه قلت من غير ليه .. قالوا أبشر والوعد بكرة في ( أم أرقيبة ) الساعة 12 الظهر عشان ندخل الصمان بدري قبل تظلم العين .... شاورت أمي ولا مانعت .. حملت كل شي أشوفه في وجهي من عزبة وعدة وحطب .. صليت الفجر ومشيت وصلت أم أرقيبة قبلهم صليت الظهر والحمد لله مافيه أحد تخلف من العيال .. دخلنا الصمان ويازينة من صمان أرض خضراء ودفء وناسه .. جلسنا في أم أقرين ومشينا فيه الين مناخ .. قضينا في الصمان عشرة أيام راحة كنها ليلة .. وبعد عاشر يوم.. قلت للربع أنا أبمشي للديرة .. قالوا أن مشيت مشينا .. قلت هذا المقصد يوم أجيب سيارتي معي .. أنتم وسعوا الصدر وأنا أبقطع النفود يم ( القاعية ) ثم أتوجه يم الديرة .. قالو ما نقول شي خذ راحتك بس خل الكنود شغال وبرمج القاعية علي الماجلان والله يوفقك .. توادعت معهم ومشيت الظهر منهم ودخلت النفود مع العصر كل شي ماشي تمام إلا أن ريشة الكنود تعطلت .. قلت يالله دام الماجلان شغال الله الموفق مافيه غيرة .. من دخلت النفود والسماء تمطر ديم .. قلت في نفسي مافيه وقفة ولا نوم الآ في السيارة أن أضطريت له ,, قطعت النفود والحمد لله قبل نصف الليل بشوي .. بانت علي أنوار القاعية وكلش تمام بس أنا أبي تمير أو أم أرجوم ومنها إلي التنهات عشان أختصر المسافة .. بس الأمور ماجت علي الكيفي .. السماء مطر والأرض تمشي سيل .. قلت الأمر بيد الله .. وصلت ( الأعصل ) وادي شرق تمير عرفته من الطلح يوم كنا نصيد فيه .. الوادي يمشي مشي ضعيف والمطر وقف قلت هذي ساعتك يابوشهد شب على الدله والقدر .. الساعة قاربت الواحدة والنصف صباحا .. واليوم هذا هو يوم الخميس .. شبيت النار وبهرت الدلة وأشوف القبلة على مغيب النجوم برق حقوق قلت الله العالم هذا رزق ساقه الله علي هالديرة .. الله يعطيهم خيرة ويكفيهم شره وشر البرد اللي فيه .. الدنيا سكون وأنا جالس أشرب القهوة فاضت قريحتي على الشعر وقلت هالأبيات .. غاب القمر يا ناس والراس محتاس .... في وسط وادي كل أرضة حصاني لا جيت أنا أمشى فيه والموتر شاص .... قـام يتمايــل فوق رمـث حدانـــي شبيت ناري واعتلآ النار محماس .... لعل ضيفي شــم ناري وجانــي هبت جـنوب فوقها الـبرق رقـاص .... برق حـقوق أرتـفع لـي وبانـي وأنا أنشد هالقصيد وأتحري للخير من مطر وأرجي الله أنه يرزقنا من خيره .. سمعت سيارة تحن وهي في مكانها وأسمع صوت صياح وكنه صياح بنت أو ولد صغير قلت يمكن هذا بدو أو كشاته .. بس الصياح كنه أرتفع وأرتفع معه أزعاق وكن أحد يحاول يسكته بالقوة ...... الساعة قربت علي الثلاث الصبح .. وصوت السيارة ما أنقطع من الحنين .. جمعت العزبة وقلت يا ولد أروح أشوف وش القصة .. لأني خفت يكون أحد أمتعطل والبرق قرب علينا .. مشيت مع الوادي يم الحيرة أخر وادي الأعصل .. رفعت النور وأشوف سيارة يوكن حمراء وسط الوادي غاطس في الطين .. يوم شافني قربت منه طفاء النور وجلس في السيارة بدون أي طلب مساعدة .. السيارة أمظللة .. ضرب بوري وأشرت بالنور مافيه فايدة وكنه ما يبيني أساعدة .. قلت في نفسي علي هواك .. تركته ومشيت مطلع شمس يم التنهات .. بس قلبي ما طاوعني لأني أشوف البرق قرب وبرقه حقوق .. خفت أن صاب السحاب هالوادي أن تروح هالسيارة بما فيها من ناس .. رجعت يمه ونزلت وأصيح عليه يالغشيم أنزل نسحب السيارة اقبل السيل .. أنا بيني وبينه قرابت العشرين متر ... بس ألظاهر ما سمعني .. أشرت بيدي يم السماء وكنه فهم بس ما يبي ينزل من السيارة .. فتح الدريشة شوي وقلت له يا أبن الناس السيل في الطريق أما أنزل نسحب السيارة أو أبعد عنها لا تروح معها .. أنا قلت هالكلمة ولا الصياح يوم طلع من السيارة .. فتح الباب ولا وش أشوف أربع بنات في عمر أقل من 25 سنه ولا رجال معهم ولا سواق .. يوم شفتهن قلت أجلسن في السيارة .. يا حيلة الله حضي وجا بني للغربلة .. سحبت السلسلة من صندوق الموتر وأخذت واير الونش معي وطبيت في الطين الين وصلت سيارتهم ربطت السلسلة في اليوكن والونش وقلت لها أسمعيني سيارتكم مافيها دبل وتماتيك يعني أذا سحبتك لا تلفين يمين ولآ يسار .. قالت أبشر .. سحبتها ونقطع الواير ورجع علي سيارتي وكسر قزازة الموتر القدامية ودخل علي وسط الغمارة بس فكني الله منه .. نزلت وهن أنزلن وطبن في الطين خايفات علي من السلسلة والواير .. قلت سلامات ما صار الآ الخير .. شبيت النار وقلت لهن أجلسن حولها ولا عليكم من شي الآ شي واحد أنكم تسكتون هالي تصيح لأني ما أقدر أسوي شي وفيه أحد عندي يون أو يصيح .. قالن ما عليك تامر أمر .. وأنا أحاول أركب البكرة في موترهم الآ والسواقة طابة معي في الطين قلت يا بنت الناس استريحي ما عليك من شي أذا أحتجتك ناديتك قالت عيب علينا حنا بنات أرجال ... أنت ما قصرت أتعبناك ودمرنا سيارتك .. قلت أبد ما عليك الغريب للغريب نسيب .. وأنا أحاول اربط السيارة والسواقة بعيدة عني شوي قلت هالقصيدة بيني وبين نفسي .. أوا هني اللي علي النـفد نايـم ... أمجاور نار الدفا من غضاها قناص أو كشـات فوقـه عـزايم ... ربعـه يدلـونه الي هو نـواها تركت أنا الصمان والجوغـايم ... قاصـد أبي الديرة قلبي نواها لقيت أنا المزيون والقلب صايم ... عن الحرام اللي أبعد هواهـا .. ربطنا السيارة وقلت لها هالمرة لا تركبين في السيارة لأني أخاف الواير ينقطع عكس .. بس خلي الموتر فاضي وثبتي الدرقسون وتركيه .. أنا الحين أمركب البكرة والبكرة تزود القوة .. السماء أمطرت والبرق فوق الرأس وأنا أتوكل على الله وأسحبه والحمد لله طلع ومن يوم طلع وركبن في موترهن والبرد يطيح علينا .. وأنا صرت في حوسة .. القزازة مكسورة والبرد دخل علي في الغمارة .. بس الحمد لله أن السحاب عنا جنوب شوي ولا طول المطر .. كل أجهزتي راحت من ماجلان وكنود وغيرة من المطر والطين بس الحمد لله أن الجماعة أطلعوا .. قلتلهن الحين طلعتو وقولولي القصة قالن حنا كاشتين مع أهلنا في شعيب (الشوكي) ورحنا أنتمشي بالسيارة نحسب الدعوى تمشي وضعنا ولا درينا الا وحنا في هالشعيب من العصر أمس .. قلت أورطنا .. قالت السواقة ليه .. قلت الله يستر ما يكون الشوكي ماشي قوي من ها لسحابة .. لكن مافي اليد حيلة مشينا .. قلت أنتم وين من الشوكي .. قالن ما ندري حنا في الشوكي وبس .. قلت حولكم شي غريب شي يلفت البال قالت اللي تصيح أيه حولن ( غار عليه باب مفكوك ) قلت بس عرفته مشينا .. المسافة ماهي بعيدة لكن المصيبة طين وسيل والسواقة أعليمية والموتر تماتيك .. وصلنا الشوكي علي طلعت الشمس والحمد لله يمشي ومشيه ردي يعني الواحد يقدر يمشي فيه .. يوم قربت من أهلهم قلت لهم أهلكم باقي عليهم قرابة 500 متر الله يوفقكم .. أنا بروح مع درب ثاني سبحان الله الواحد يخاف من الظن لا قدر الله .. قالت السواقة ما قصرت الله يعفيك بس أبي رقم جوالك قلت لية قالت بس .. وأقوم وأعطيها أياه وأنتفارق .. أنا من التعب والجوع وقفت في وحدة من الشعيبات وجلست أشب علي فطوري مع طلعت الشمس .. ما دريت الآ والجيوب والصوالين اللي جاية يمي .. وقفو ونزلوا خمسة شباب وقالو لي أنت من طلع اليوكن قلت نعم .. قالو أمش معنا قلت وين قالو هناك تعرف .. ركبوني معهم .. وفيه وأحد منهم جمع أغراضي وساق سيارتي الين وصلنا .. نزلوني ثم دخلوني في وحدة من الخيام فيها شايب عليه أثار الخوف .. قال يا ولدي أنت من طلع بناتي وبنت أخوي قلت نعم .. قال وين قلت في المكان الفلاني .. قال يعني هن صادقات قلت نعم .. قال وأنت موتر أندمر من السحب والبرد قلت نعم .. قال وش تبي المكافأة قلت أبي سلآمتك بس .. قال لا .. أنت مثلك في هالديرة قليل .. قلت لا بل كثير قال تقولي لا من أنت يا لوح علشان تقولي لا .. مسك الدلة وظربني بها علي راسي ( وأنا أقوم من النوم وأتعوذ من الشيطان وأنقلب علي جنبي الثاني وأنام ) <!-- / message --><!-- sig --> __________________ |
تسلم يا الغالي و الله البرد جاء و قربت طلعت الصمان و الحركات الحلوه المهم منتدانا يبيله طلعه خاصه خخخخخخخخخخخخخخ تقبل مروري |
:: السلام عليكم ورحمة الله .. :: البروفسور الله يعطيك العافية موضوع جداً رائع :thumbup:.. يستحق التثبيت :whacko:.. تسجيل حضور وحجز مكان لي وهو زاوية المشب :pleased:.. لي عودة باذن الله اذا برد الجو بالليل :stoned:.. :: شكراً البروفسور .. :: في امان الله .. |
نحن عندنا مطر :D >>>>>>>>> يا مرحبا ومسهله موضوعك رائع يا خوية ... البرد قرب ... ولازم نحن نتزهب ... حق طلعت البر ... امس الصراحه الجو عندنا يجنن مطر و برد >>> بفتح الباء والراء برد يعني ثلج يعني جو رهيييييييييييييييييب والله امس اتخبر الاهل ... نبى نطلع للبر ... والسيح ... يقولون نتريا الاجازة ... الحين دوامات ... شكرا لك وعلى موضوعك الروعه والقصة الحلوة ... تحياتي لك |
:eek: كح كح كح ياخي انتم القديمين تسببون حساسية للأعضاء الجدد:laugh::laugh: هلا وغلا اخوي البرفسور s13s ومنور ياعم والحمد لله خلصت البيات الصيفي :d <<< شكلك ما تطلع الا في الشتاء :pleased: والله موضوع جميل ويبعث الدفء وابشر بالسوالف والقصص التراثية السنعه :d لي عودة ان شاء الله :wink: |
يعني ننزل الحطيبات من فوق الملحق؟؟ عاد انا ما اعرف اقعد عند ضو ابد على قولة القايل: تبي تعرف البثر حطه عند ضو المهم اني اشعللها واصرف الدخنه عني لاني اذا جلست على طول الدخنه من صوبي والدخان مايجيي الا للمماليح ومراوح الشفط اتوقع انا الاحتمال الثاني ولي رجعه ان شاء الله |
هلااا والله وغلاااا هلااا بـ اللي يجدد إشتراكه كل 6 شهور هههههههههههههههه البرفسور .. وش أخبارك :rolleyes:! مانيب قايله أني فاقدتك:d نجي لـ موضوعك يـ الدوب :cool: . إقتباس:
إقتباس:
إييييييييه وش كنا نقول ! يحطون الكبريت ع النار وطخ طخ انواع الاصوات تطلع من النار والنيران تتطاير " الاخيره مشها :d: " فـ تقوم بـ صراخ وتقول بـ صوت عالي من المتسبب في هذا العمل الإجرامي :mad:. إقتباس:
مابي اسولف واقول قصص لان ماعندي إلا قصص عن الجن هههههههههههههههههه، ابي اصير طقاقه :d واغني ، شف بعد كل قصة نغني :thumbup:علشان تصير في إثاره وإنتعاش ههههههههههههههههه إقتباس:
النار لا تخاف عليها ، بـ زود حطب كل ماطفت بس ياخوفي تدخن النار وأكتمكم :d والدلال ماعليها خوف ، عندك القهوجي صدى ممتاز ماراح يخليها فاضيه ابداً ابداً :d:d:d. والباب ماراح يتسكر :( لأن اصلاً باب المجلس مخلوع مافضينا نصلحه ونركب جديد :d لاتخاف انت بس عطنا قصة يـ جدو s13s. ثانكس البرفسور :cool: ،، فيّو |
8 8 8 8 8 8 العضوه اعلاه من تراث مجلسنا الموقر :d إقتباس:
لكن غنى يتماشى مع جو موضوعنا التراثي يعني يابالربابه والا هيجنه :d .... فقط :wink: اما دي جي .. ما نبي :laugh: إقتباس:
إقتباس:
|
هلالي مدريدي 10 لا تطول علينا ,, شكل قصتك ما لها مثيل :thumbup: عجل :rolleyes: راكان _20_ إقتباس:
nor alshams اخجلتني بردك وانا بانتظار مشاركتك والف شكر dal3_uae إقتباس:
عطيني الاحداثيه بس :d:d تشكرات ولا تحرميننا من اي قصه تراثية ماجد مقبل إقتباس:
إقتباس:
<<<<<<<<<<< من وين طلع ذا :d حضور طاغي بالنسبة للحطيبات انا اليوم الرابع لي اللي عقب الاخير اشب ضوي :d <<<<< شايبك واستريح :d وتراني انتظر رجعتك وقصتك اللي احس انها بترجعنا لايام الثلاثينات :d |
@ يا زينكم وزين مجلسكم وشبت النار والعلوم الطيبه ... والله إنكم ( تنومسون ) وترفعون الرأس .. @ على الأقل الواحد يرتاح شوي من الحش والقذف بـ ( المفرج ) و ( الياس ) .. @ تحيتي برفسور أفندي وعلى ما فرحتنا بشبة الظو كدرت صدورنا السالفة والقصيدة ... |
إقتباس:
تيماوي بزاااااتو :eek: الله يذكرك بالخير خيو والله اني دايم احش بك عند بعض الناس :d <<<< اكيد عرفته :thumbup: بس احشبك بالخير <<<<< ايه هين :d إقتباس:
ادخل اقرأ اخر الاخبار والتطورات واطلع :thumbup: لان لو كتبت يمكن من ثاني رد يوقف يوزري :d:d وبعدين ياخي ما غيرت الــ @ ؟؟ :d والله ياهي قديمه .. :laugh: سبحان الله كل واحد وله بصمه خاصه :whacko: =========================== وحماس الاعضاء يبيلها قصه ثانيه وقصتنا اليوم مشهوووره والاغلبيه يعرفها بس اهم شي حمسونا تكفون والاعضاء اللي مواعديننا يرجعون اتمنى انهم ما يتأخرون :wink: نرجع للقصه ... قربوا تدفوا http://www.alwaha.com/img/data/thumbnails/4/nar.gif اكيد سمعتوا بقصة الذيب والشاة واللي ما سمعها يتفضل اضطر رجل لمفارقة زوجته كرها بعد زواج لم يدم طويلا وبضغط من والده وأخوته بعد خلاف بين قبيلته وقبيلة الزوجه,وقد كان الرجل يحب زوجته وهي كذلك تبادله نفس الحب...لكن الظروف التي مر بها الزوجان اجبرتهما على الفراق. وبعد مضي ثلاثة اشهر على فراق الزوج لزوجته دفعه الشوق ذات ليلة لزيارتها عند اهلها وعند الاقتراب من المنازل قلد عواء الذيب ثلاث مرات فعرفت صوته وخرجت له خفيه وبعد اللقاء الشرعي الزوجي عاد الرجل لقبيلته وشاء الله ان تحمل الزوجه من جراء اللقاء وقد حاولت المرأه اخفاء هذا الحمل طمعا منها في عودة المياه الى مجاريها وعودة العلاقه الطيبه بين القبيلتين...ولكن بعد ان مضت مده من الزمن و تبين الحمل أضطرت المرأه الى مصارحة اهلها بالحقيقه وأن الذي في بطنها ليس سفاحا ... ولكن بعض اهلها لم يصدقو روايتها بانها حامل من زوجها وقد دفعتهم هذه الشكوك الى قيام اخيها بالأرسال في طلب الزوج . ولكي لا يكون السؤال مباشرا مما قد يؤدي الى فضيحه... أنشد الأخ هذين البيتين :- ياذيب ياللي تالي الليـل أعويت …… ثلاث عوياتٍ على ســـاق وصلاب سايلك بالله عقبــها ويش سويت …… يوم الثريا راوست والقمـر غاب فرد عليه الزوج وبسرعه بديهه أهل الباديه قائلا أنا اشهد اني عقب جوعي تعشيت …… واخذت شاة الذيب من بين الاطناب على النقى والا الردى مـاتهقويت …… أدّور ، حلالي يـاعريبين الانساب وسلامتكم |
هلا وغلا بالبرفسور موضوع زين مع بداية البرد وتذكر الناسي :) <= من بينسى تكسير العظام المهم قلت خلني اشارك في قصه يقولك هذا ياطويل العمر والسلامه صب القهوه والا ماني مكمل السالفه <= هماه يقول سالفه يتشرط بكيفه ,,, فيه شايب من الشياب جو لمه ناس يبون فلوس ( مسترفده)<= اللي ماعرف معناها مشروحه بالاتي :) : يعني يطلبون اعانه بسبب الحاجه او دية ميت او او او المهم ان الشايب هذا ملكع ويدري ان اللي جايين يبون فلوس نصابين يبون يعرسون فيها وهم من جماعته فكان يعد ثلاثين الف ريال فاول ماشافهم حطها وراء ظهره رماها بين الثوب والفنيله حقته المهم قال للي جاينه والله اني على ظهري ثلاثين الف ريال الشياب فهمو قصده انها دين عليه والا هالشايب من مكره ودهائه يحلف ان اللي على ظهره ثلاثين الف ريال :) واقولكم الشياب ماهم صاحين لبغوها واسفين كانا طولنا عليكم وقرب الطفايه ياولد <= تو مازنت السواليف لولاه غالي |
الله البرد يا ملحه يا اخي احلى ما في البرد انا نسنتر في البر واحلى ما في البرد ان كلي هلالي يطلع للبر ويجي يقولنا وش سوى وينزل صورهم مشكوووور على الموضوع كأنه جاني لفحت برااد :d |
فكرة رايعة ومتميزة وإن شاء الله تجد الطفاعل من الاعضا والاعضات |
| الوقت المعتمد في المنتدى بتوقيت جرينتش +3.
الوقت الان » 07:25 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd