المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى المجلس العام
   

منتدى المجلس العام لمناقشة المواضيع العامه التي لا تتعلق بالرياضة

إضافة رد
   
 
LinkBack أدوات الموضوع طريقة عرض الموضوع
  #1  
قديم 23/08/2007, 03:17 AM
شمعة المجلس العام
تاريخ التسجيل: 07/02/2005
المكان: ريــ العز ــاض
مشاركات: 2,686
وعليكم السلام ورحمة الله وبركاته

هلا والله وغلا اخوي الهاوووي .. والحمدلله على سلامتك ..
ومن طوول الغيباات جاب التسذباات ..

والله موضووعك في الصميم .. والقصه اللي ذكرتها تمثل نموذج من الواقع ..
صار الكذب مثل شربة الموويه .. يعني صغير ولا كبير يكذبون عادي ..
كأن الكذب حلال وفيه بعضهم بيزينها يقول امزح عليك ..

الكــذب ..

سمه لبعض اصحاب القرار في حل القضايا اللامنتهيه ..
سمه لبعض التجار في عرض بضائعهم ومدحها ..
سمه لبعض الاساتذه في طرح معلوومه غير صحيحه ..
سمه لبعض الطلاب في اختلاق الاعذار الواهيه ..
سمه لبعض المحللين في الأسهم في تحليلاتهم ..
سمه لبعض النساء والرجال في احاديثهم ..

وغيرهم الكثييير والكثيير ..

حرم الله الكذب في وذكره في كتابه وتوعد الكاذبين بالعذاب ..
قال تعالى : (( في قلوبهم مرض فزادهم الله مرضا ولهم عذاب أليم بما كانو يكذبون ))

والرسول صلى الله عليه وسلم جعل الكذب من صفات المنافقين ..
قال صلى الله عليه وسلم :
(اذا حدّث كذب وإذا وعد اخلف واذا أؤتمن خان ...)

اسئل الله ان يبعد الكذب والكذابين عنا ويجعلنا من اهل الصدق والصلاح ..

يعطيك العافيه اخوي الكريم .. موضووع جميل ورائع واسلوب خاص بالنكهه الهاويه ..

دمت بخيــر ..’’
اضافة رد مع اقتباس
  #2  
قديم 23/08/2007, 03:47 AM
زعيــم مميــز
تاريخ التسجيل: 05/05/2005
المكان: R ! y a d h
مشاركات: 2,831
يؤ يؤ يؤ يؤ يؤ شكلي طبيت في المحظوووور وانا ما ادري

بس يـ الهاوي تراي احسن من غيري ع الاقل انا قلت اسمك الحقيقي غيري يناديك بـ صيغة المؤنث خخخخخخخخـ


برايفت لـ فيو

تراي اتسذب اسمه موب عبدالرحمن ، انا بغيت اضرب مثال حي ع الموضوع ، يعني تراي اتسذب واحد في الزعيم <<<< بيتصفق من الهاوي

وانتي ما لقيتي توهقين الا هـ الضعيف الغلبان جرح يشكي بس ع امل ان او مقبل يكون محضر خير بيني انا واللي موب اسمه عبدالرحمن

برايفت لـ الغثا ع قولة ولد عم خال جد ابوك ابو ريمان <<< اختر صلة القرابه الصحيحه

انت بس تجي وتسبب مشكله وتطلع ترا بشكيك ع خالك


اخوي الهاوي مدري شقول بس يالله سلام

<<<<<<<< جاب العيد قبل ما يجي رمضان حتى
اضافة رد مع اقتباس
  #3  
قديم 23/08/2007, 04:19 AM
زعيــم مميــز
تاريخ التسجيل: 20/10/2006
المكان: ممـــلكــــــــة الزعمـــــاء
مشاركات: 1,732
يحييك ربي ياعمري
اضافة رد مع اقتباس
  #4  
قديم 25/08/2007, 09:51 AM
ناقد اجتماعي
تاريخ التسجيل: 05/12/2001
المكان: نيويورك - الولايات المتحدة الأمريكية
مشاركات: 2,053
صباح الخيرااات،،


___________________________



ماجد مقبل

هلا وغلا باخو قلبي ،،

إقتباس
عندنا في الحارة حمد كبير وعلى مستوى دولي

انا ما اعرف الا واحد بحارتكم وأكيد هو

إقتباس
خاصة البجيحين منهم لانه من الممكن انه يفاجئك بسؤال في غفلة منك لكي يتأكد انك متابع زين

صدز قلة أدب!! يتسذب ويختبر

إقتباس
وبصراحة انا من السعداء بس مو بقوة مثل خوينا سعد

بحالنا هذا ، كلنا سعداء يابعدي لا تختشتي من قول ذلك!!

إقتباس
واعتقد ان الاحساس بالنقص هو سبب هذا العمل وهذا الشطحان ..

أو كما قلت مسبقاً ، الاحساس بأن ماقدامك أحد يغريك للتسذب;)


الله يسلمك يابعدي وأنا دوماً بقربك بس رحم الله والديك ما أبي فش فاش

نسيت أبشرك ترى المعده عادت لوضعها الطبيعي وبامكاني الاستمتاع ببطل موكا باااارد;)

___________________________


سيمو


هلا وغلا بسليمان >>> الآن صدز سليمان يدلعونه سيمو ؟؟ أخبره السلمي

إقتباس
خصوصـاً بعضهمـ يقهـركـ إذا غـالي وتحـبه ..!!

يارجل الغالي زلاته على قلبي زي العسل بلاك باللي مالك خلقه ويسذب ونصدقه

إقتباس
الأشكال كثير ماتوجد في بعض المسؤلين خصوصـاً إذا كان هناكـ مشكلة

صدقت وهذا هو لب الموضوع

الله يسلمك يابعديوتشكرااتي جداً لك

___________________________


جرح يشكي

هلا وغلا باخوي شاكر والله مير يسلمك ويحفظك

إقتباس
اخوي عبدالرحمن

ايوه ؟ كمـّل ؟؟

وش فيه أخوك عبدالرحمن ؟ عسى مهوب مريض ولا منحوت؟؟ >> بسم الله على وجناته

>>> أحسن واحد يكب العشا أنت

___________________________



دلع-20

الله يسلمك ويحفظك ،،

إقتباس
بس اللي يقهر انك تجبر تكون على نياتك وصحيَح وتدري انه يكذب وهنا الغبن

وانا وشي اللي باطن تسبدي وانا أخوك غير السطر اللي كتبتيه! مير الشكوى لله مابنا ولابهم حيله!!

إقتباس
اقلــها اذا رحت لماكدونالدز (صناعه وطنيه 100% ) واحنا ندري وش صناعتها وموطنها بس الصح الزايد يخلينا نصف طابور ونشتري

اذا عرفنا من هو وكيل ماكدونالدز أكيد بنصدق انه وطني لا والمنتجات كلها من الغاط!!

عوافي اختي وتشكراااتي لمشاركتك

___________________________


الفيروسه الزرقاء


الله يحييك ، هلا ومرحباً 6000 بالفيروسه

إقتباس
يـ أخي فيه علاقه طرديه بينك وبين الدراسه ..! ماشاء الله اول ماقربت تبتدئي جيت لـ المجلس

أقول ياشين التلميح بعد

إقتباس
المهم عساك أنبسطت فـ إجازتك ..

اي والله انبسطت وتفسقنت بالانبساط ، بسم الله علي وماشاء الله علي ويا الله لك الحمد


إقتباس
الله يـ الدنيا اتذكر من اول أمي تقولنا " اللي يكذب ربي يحطه بـ النار " ، إيييه زمن أول تحول

لا أخفيك اني قريت هالجمله كذا مره وحاس ان فيها شي خطأ وخطأ مهوب سهل بس منب قادر أحدد موقعه

عموماً صدقتي

إقتباس
الارانب للاسف منتشره بكثره خصوصاً هنا بـ العالم الافتراضي

!! كلام كبير ذا فيروسه وش السالفه؟؟ عالم افتراضي وحركات ، شكلك حذفتي ترمين وحنا ولا حنا دارين!!

إقتباس
عكس لما الشخص يكون قبالك تعرف انه كذاب من لهجة كلامه ومن حركات عيونه اما بـ النت ماتعرف تفرق

ياحبي لحقين النت وتسذبهم أقلها اذا مل الواحد من فقشاتهم يضغط " ايقاف التشغيل" وينتهي الموضوع بلاك من اللي اعادة التشغيل عندهم تدهر

إقتباس
ليش ماحضرتي والله يااستاذه امي توفت ..!

لا حول ولا قوة الا بالله!! بالجامعه يعني مهيب بزر وتذبح أمها عشان تعيد اختبار!!

بس اعادتها لنفس النصبه تدل على البنت على الفطره ومهيب ملكعه، الله يكفينا شر الملكعون هم اللي يُبـلش بهم..

إقتباس
لو انا فـ مكان هـ الاستاذه بطالب ان البنت تجيب شهادة وفاة

شوي شوي يا أبلى مش للدرقادي

إقتباس
اصعب شي لما تكون صادق بس اللي حولك يكذبونك لأنك صغير واللي ضدك كبير وفاهم وعاقل

اي والله انك صادزه والله من مره ومره ورطت اخواني اللي أصغر من وعشت احساسهم

إقتباس
واللي قاهرني كنت حافظه الادلة بـ قرص مرن

قااااضين!! أدله وحفظ وقرص مرن!! والله من قل ماحلفت بوجودك

إقتباس
وحسيت أني السبب لاني دعيت عليه بـ دعوه

ايه طيب الصراحه صدقت ان دعوتك لخبطت كيانها

إقتباس
الشاطر هو اللي يوقف فـ وجهم وينصحهم ويعلمهم بأنهم زودوها مثل ماصلح سعد بـ حمد يوم عرف شخصيته

والله الحاصل هاليومين ان الشاطر اللي يقول "صدقتم ورب البيت" ومن بكرا هو وعياله مصيفين بباريس وخداماتهم بتركيا

أما اللي يرجي الآخره فعز الله انه يبي يوقف بوجيههم


الله يسلمك يالفيروسهوتشكراات بالحيل

>>> أرجوك استري علي ولاتنشرين القرص المرن اللي به اسمي بليييز ازهايومغيمس أنا مقبل على زواج لا تهدمين عشتي!!

________________________________-


رااااجع باذن الله،،
اضافة رد مع اقتباس
  #5  
قديم 25/08/2007, 12:51 PM
زعيــم مميــز
تاريخ التسجيل: 17/03/2002
المكان: الرياض
مشاركات: 2,196
هلا والله الهاوي

الحمد الله على السلامه

الله يهديك اكتب عربي فصحى مره ثانيه اهون

كل ماقريت العنوان ماافهم واقفل الصفحه
ولا اقرا البدايه ولا افهم واقفل

لا وبيني وبينك قعدت احلل
قلت يمكن قالبها الغبن البلدي والجبن الوردي
بس ابشرك عرفت ان الغبن = القهر صح؟ لايطلع غلط كمان!


نجي للموضوع بعد مافهمناه
دايما تصير احيانا شخص يقولك سالفه مثلا
بعد بفتره يقولها ويغير فيها ويألف
بس صعبه تقولو!
انا عني اسكت واسوي نفسي اول مره اسمع السالفه واصدق
احس حرام اذا احرجته
بيكرهني
ممكن تبين له انو خلاص لاتزودها بس بطريقه غير مباشره
لاتخليه يحلف وانت تدري انو بكاش

في موضوعك حالة حمد اعتقد حاله مستعصيه وميؤس منها
مرض زي ماقال ماجد

شرايك برقم مشاركاتي طقم مع تاريخ التسجيل
ماحخربو انت اخر رد ختامها مسك


تحياتي

>>> الرمزين هذولا وين راحو
اضافة رد مع اقتباس
  #6  
قديم 25/08/2007, 04:38 PM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
إقتباس
الرسالة الأصلية كتبت بواسطة تغريد



بس ابشرك عرفت ان الغبن = القهر صح؟ لايطلع غلط كمان!



أستأذن صاحب الموضوع ،،،

تغريد بما أن الرد لك حول كلمة " الغبن " اسمحي لي بمداخلة ،،،

جرى عرفاً أن معنى ( الغبن ) القهر ، و في الحقيقة هي لا تعني القهر بدقة ، و إن فهمها أكثر الناس اليوم هكذا .

أتمنى أن تعودي إلى شرح الآية في سورة التغابن و التي ورد فيها " ذلك يوم التغابن " ، كما و تأملي حديثه عليه الصلاة و السلام " نعمتان ( مغبون ) فيهما كثير من الناس الصحة و الفراغ " أو كما قال صلى الله عليه و سلم ، و لو كانت الكلمة تعني القهر تماماً لكان سياق حديث من لا ينطق عن الهوى " نعمتان ( مقهور ) فيهما كثير من الناس .. " و هذا في نظري الشخصي لا يستقيم .

كذلك أحد المعاجم اللغوية قد يكون مفيداً لتوضيح معنى الكلمة الدقيق .

أعود للموضوع و أقول عرفاً معناها القهر ، و لكن هناك مثل شائع هنا في نجد و ربما في غيرها " الحي يحييك و الميت يزيدك غبن " و لو دققت في المثل لعرفت أن كلمة غبن لا تعني القهر تماماً فكيف يزيدني من مات قهراً ؟!

و لكن متى ما وجدت المعنى الدقيق فحتى هذا المثل سيستقيم معه .

لك تحيتي و مرة أخرى الحمدلله على سلامة العودة .
اضافة رد مع اقتباس
  #7  
قديم 25/08/2007, 08:46 PM
زعيــم متألــق
تاريخ التسجيل: 14/07/2007
المكان: عريس البحر الاحمر
مشاركات: 1,224
عزيزي الهاوي ,,
ما عندي شيء اضيفه ..
بس اعجبني كلام واحد من الاخوان ..
الا وهو " المشاكس "
حسيت فيه هالادمي حبوب ... ولطيف .. وبصراحة مشاركته زادت الموضوع نور
احب اشكره من كل قلبي ..

واخيرا ..
شكرا لك ياللي اسمك مهوب عبدالرحمن ابد

*************************************************************************

نجي للرد اللي خلاني ارد ..
ابو ريمان ..
" من لم يشكر الناس ... لم يشكر الله "
وعشان اكون صريح ..
تراني ما اقرا لك رد ..
الا واروح اقرا كتاب من الكتب اللي قريتها ..
اما بسبب رغبة بالمشاركة برأي ..
او بسبب تغييرك مفاهيم براسي تغير نظرتي للكتاب .. واذا قرأته اجد فيه معاني اكبر مما وجدت في القراءة الاولى ..
لذلك ... شكرا لك ..


إقتباس
الرسالة الأصلية كتبت بواسطة abu_riman

تغريد بما أن الرد لك حول كلمة " الغبن " اسمحي لي بمداخلة ،،،


جرى عرفاً أن معنى ( الغبن ) القهر ، و في الحقيقة هي لا تعني القهر بدقة ، و إن فهمها أكثر الناس اليوم هكذا .



أتمنى أن تعودي إلى شرح الآية في سورة التغابن و التي ورد فيها " ذلك يوم التغابن " ، كما و تأملي حديثه عليه الصلاة و السلام " نعمتان ( مغبون ) فيهما كثير من الناس الصحة و الفراغ " أو كما قال صلى الله عليه و سلم ، و لو كانت الكلمة تعني القهر تماماً لكان سياق حديث من لا ينطق عن الهوى " نعمتان ( مقهور ) فيهما كثير من الناس .. " و هذا في نظري الشخصي لا يستقيم .



كذلك أحد المعاجم اللغوية قد يكون مفيداً لتوضيح معنى الكلمة الدقيق .



أعود للموضوع و أقول عرفاً معناها القهر ، و لكن هناك مثل شائع هنا في نجد و ربما في غيرها " الحي يحييك و الميت يزيدك غبن " و لو دققت في المثل لعرفت أن كلمة غبن لا تعني القهر تماماً فكيف يزيدني من مات قهراً ؟!



و لكن متى ما وجدت المعنى الدقيق فحتى هذا المثل سيستقيم معه .



لك تحيتي و مرة أخرى الحمدلله على سلامة العودة .



ابو ريمان ..

ليس هناك اختلاف كبير بين العامية والفصحى في معنى كلمة " غبن " ..



بحثت في اقرب كتاب تفسير لدي ..

وهو كتاب " زبدة التفسير من فتح القدير "

لــ " د . محمد سليمان عبد الله الاشقر "
صادر عن دار المؤيد ..
الطبعة الثانية ..
وهو مختصر من " فتح القدير الجامع بين فنّي الدراية والرواية من علم التفسير "
للامام الشوكاني ..
في صفحة " 746 "
ذكر في تفسير سورة التغابن ..
في توضيح معنى كلمة " التغابن "
" يغبن فيه بعض اهل المحشر بعضا , فيغبن فيه اهل الحق اهل الباطل , ولا غبن اعظم من غبن اهل الجنة اهل النار , فكأن اهل النار استبدلوا الشر بالخير والجيد بالرديء والنعيم بالعذاب , واهل الجنة علىى العكس من ذلك , يقال : غبنت فلانا اذا بايعته او شاريته فكان النقص عليه فالمغبون من غبن أهله ومنازله في الجنة "
ا . هـ .







اما المعنى العامي ..

<<< بما انه عامي راح اتكلم بالعامي

فاشوف انه ما ابتعد كثير عن معنى الفصحى ..
وتوسع المعنى كثير ..
حتى صار يستخدم احيانا للتعبير عن " القهر " ..







بالنسبة للمثل اللي ذكرته ..

" الحي يحييك والميت يزيدك غبن "

مدري والله وش قصته ..
لكن اللي اعرفه ان الميت المقصود في المثل ليس من فارق الحياة ..
المقصود هو الشخص البارد الثقيل اللي مايتحرك من اول مرة ولا يفهم على الطاير ..
والعكس .. الحي هو الشخص اللي دمه حار .. يعرف وش تبي تقول قبل ما تتكلم ..
يفهمها ع السريع ..






فالاول يشعرك بالغبن والقهر ..
والثاني .. من المؤكد انه لا يحييك لانك حي اصلا
ولكن .. يشعرك بالارتياح والرضى عنه ..

هذا اللي اعرفه انا عن المثل ..



شكرا لك ابو ريمان مرة اخرى ..

واعتذر لاخي الهاوي

اخر تعديل كان بواسطة » المـشـاكـس في يوم » 25/08/2007 عند الساعة » 09:42 PM السبب: توضيح بسيط .. وتعديل للاخطاء الاملائية ... ياكثرها : )
اضافة رد مع اقتباس
  #8  
قديم 28/08/2007, 09:35 PM
عضو استشاري سابق للمجلس العام
تاريخ التسجيل: 25/05/2005
مشاركات: 4,560

.. عودة

إقتباس
الرسالة الأصلية كتبت بواسطة alhawey

هلا وغلا بسليمان >>> الآن صدز سليمان يدلعونه سيمو ؟؟ أخبره السلمي



هلا فيكـ الهاوي ,,

بالنسـبة للأسمـ .. فأتوقـع موب صحيح أن سيمو هو أسم تصغير أو تدليـع للأسم

سليمان .. فـ السلمي هو أقربـ أسم لمن يريدون أستسهال مختصر لأسم سليمان ..!

أما سيمو .. فأخترته .. كـ تذكير لصديق لي كان من المحبين لي ..

ولكن الأيام جعلته يذهب وهذا ما خلاني أضـع أسمه وفاءً له ..!

؛؛

الهاويـ .. كم أنت رائـع ..!

دمتـ بخير ,,

سليماانـ
اضافة رد مع اقتباس
  #9  
قديم 25/08/2007, 06:44 PM
الصورة الرمزية الخاصة بـ ڪـيــف الـζــآل ؟
زعيــم مميــز
تاريخ التسجيل: 03/11/2005
مشاركات: 5,652
يعطيك العافية ..
اضافة رد مع اقتباس
  #10  
قديم 29/08/2007, 09:19 AM
ناقد اجتماعي
تاريخ التسجيل: 05/12/2001
المكان: نيويورك - الولايات المتحدة الأمريكية
مشاركات: 2,053
f*y*d


هلا وغلا بفياض نوبتن ثانيه

إقتباس
هذي ضريبة انك حاط نكنيم بالانجليزي

أنا مسجل من زمان الصمت وذيك الفتره كانت الموضه انجليزي

إقتباس
الا تلاحظ انت انه يتميلح على خفيف

ألا ياحبي له بعد زي العسل

إقتباس
<<<<=========منتظر ردك

والله كان ودي بس علمتك بموضوعك وش وضعي


تشكراات ياصديقي الجديد

____________________________


العنا

هلا وغلا ، ياخي أنت حالتك مثل حالة الكسوف! ما تطلع واااجد لكن اذا طلعت تصير حديث المجتمع

إقتباس
فمان الكريم دحيم

حافظك ربي ودحيم ، دحومي، الدحمي ، دحمان ، رحموني كله تدل على اسم شخص مناااب أعرفه يا عاشق الذكرى

تشكرااتي لك

____________________________


هلاليه سنعه


هلا والله وسهلا بالسنعه، والله يسلمك ويحفظك،،

إقتباس
الكــذب ..

سمه لبعض اصحاب القرار في حل القضايا اللامنتهيه ..


اي والله سمه وعلامه فارقه وطريقة مثلى لعشيم المساكين!!

صراحه جاز لي جداً ربطك لها مع "القضايا اللامنتهيه"

إقتباس
سمه لبعض المحللين في الأسهم في تحليلاتهم ..

قصدك الدمى التي يستخدمها اللصوص لتشتيت أموال الضعوف!!


إقتباس
حرم الله الكذب في وذكره في كتابه وتوعد الكاذبين بالعذاب ..
قال تعالى : (( في قلوبهم مرض فزادهم الله مرضا ولهم عذاب أليم بما كانو يكذبون ))

والرسول صلى الله عليه وسلم جعل الكذب من صفات المنافقين ..
قال صلى الله عليه وسلم :
(اذا حدّث كذب وإذا وعد اخلف واذا أؤتمن خان ...)


صدق الله العظيم ، وصدق رسوله الكريم.

الله يرضى عليك يالسنعه، الظاهر هذا الرد الوحيد بالموضوع كله اللي ذكرنا بعظم حرمة الكذب..


عوافي اختي وتشكرااتي على مشاركتك


____________________________


جرح يشكي

هلا وغلا باخوي شاكر نوبتن ثانيه


إقتباس
بس يـ الهاوي تراي احسن من غيري ع الاقل انا قلت اسمك الحقيقي غيري يناديك بـ صيغة المؤنث


والله بهذي صدقت

بس ولـــــو


إقتباس
تراي اتسذب اسمه موب عبدالرحمن ، انا بغيت اضرب مثال حي ع الموضوع ، يعني تراي اتسذب واحد في الزعيم

يامبدع حلوه منك تطبيق مثال حي على شين التسذب وخطورة نتائجه

إقتباس
اخوي الهاوي مدري شقول بس يالله سلام

وش دعوى اخوي شاكر ؟؟، افاا عليك بس !! لا تقول لاشي يابعدي بس أعطي الحر فرصه ان ما وزعت على الاعضاء كروكي بيتكم ما أكون سامي

تشكرااتي لك يالفضيحه

____________________________


هلالي وان اعتزل سامي

إقتباس
يحييك ربي ياعمري

ومن قال يحيا يابعد قلبي

تشكراات


____________________________


ابرجع عقيبين قريّب
اضافة رد مع اقتباس
  #11  
قديم 26/08/2007, 01:41 AM
الصورة الرمزية الخاصة بـ البالون
زعيــم مميــز
تاريخ التسجيل: 11/08/2005
المكان: داجّ
مشاركات: 4,501
هلا بصديقي

واللـه اليـوم كنـا معزوميـن بـ عزيمـه ..

قال واحـد مشـهوور بـ صـواريخـه : الساعة عشـر تمـام رح يطفـى الكهـرب


قلنا ليـه : قال .. رح يسـووون صيـانـه و لازم يطفـون الكهـرب على كـل البيـوت ..

قال واحـد : لو يبـون يطفـونـه بـ النهـار .. عـاد ألحس وجهه ..

السـاعة عشـر و نـص طلـع من البيـت أخـاف أنه طلـع عشـان ما يتشـووت

ومن فقشاتـه :

أن أخـوه مـره من المـرات طـلع البـر ..

طبعـا وهم قـاعديـن هو أهلـه الا جيـت ذاك الثعبـان الطويـل العـريـض

و يركبـون السيـارة و يلحقهـم .. وطلع معـاهم إلا الشـارع العـام ..

و قطعوا الإشـارة وضيعـوه و الا كـان ناويهـم





معليش طولت بس ودي اسولف ..
أشكرك عبدالرحمـن و بانتظار الكثيـر منك !!
اضافة رد مع اقتباس
  #12  
قديم 26/08/2007, 09:28 AM
ناقد اجتماعي
تاريخ التسجيل: 05/12/2001
المكان: نيويورك - الولايات المتحدة الأمريكية
مشاركات: 2,053
صباح الخيرات،،

اعذروني ياجماعه على التأخير ، والله اني طرأ علي شغل ماعملت له حساب


______________________


هـــ الشماسية ــلالي

الله يسلمك ويحفظك،،

والله انك جعلتني أستحي بكلامك الجميل ، وعساي أستاهل ربعه..

تسلم يابعدي والشكر لك على مشاركتك، وترى لي بالنبقيه أصول ( القاف تكتب ولا تنطق )


______________________



Mr.Goal

إقتباس
:............ عندك واحد سعد وصلحوووووه

رد بالصميم

تسلم يابعدي وتشكراات على تواجدك

______________________


هامور البورصه

الله يسلمك ، ولا ندمت يالغالي..

إقتباس
وتلااقيه يكذب وراابي مع خوااته كل ماقاالهم كذبه صدقووه ويحسب النااس كلهم دلووخ بيمشيها


اللي فهتمه من كلامك ان البنات دلوخ!!

شكلك ماتحترم حقوق المرأه

عليكم به يالحريم >>> يقال اني ورطتك

إقتباس
امبسط واخليه على رااحته عشاان لين قفا استلمنااه ضحك وقعدنا نعلق على شطحااته


نفس الخطه المستخدمه عندي ، يكذب ربع ساعه ونقعد نحش به 3 ساعات

إقتباس
قالي والله جايني هديه من مكه قلت من مكه قال ايه والله

الله يرجه هذي ملعوبه،، أجل من مكه!!


الله يعافيك يالهامور وسعت صدري بسالفة مكه، ولك تشكرااتي،،

______________________


الكلاسيكي

هلا وغلا يابعدي والله مير يسلمك ويحفظك..

وش هالزين ماشاء الله على البركه الاشراف ، بس انتبه ترى المشرف مايحلق شنبه

إقتباس
والحين طاحوا بـ وربي !

وربي !!

الظاهر ما يقولها الا الكيــــوت يعني حلف دلع

إقتباس
وللأسف ان حتى الاطفال الحين صاروا بكّاشين ..

يارجال البزران قلوبهم بيضاء وما ينشره عليهم، مع أنه من الواجب تربيتهم على الصدق وعدم التكثير من التسذب

إقتباس
وانا اتوقع ان المجتمع احد الاسباب

أكيد يابعدي، ولو كنا نقول للكذاب لحظه وئف حدك! كان ماشفنا طوال الشوارب يكذبون عيني عينك!!!


الله يعافيك يابعدي وتشكراات جداً على تواصلك وحضورك مع الجميع


______________________


غلاهم وماخذه حلاهم


الله يسلمك تشكراات


______________________


نـــ 15 ـــمر


أما متعب ها هنا !! غير معقول البته!!

هلا وغلا أسفرت وأنورت ..

الله يسلمك ويوفقك ومادامك مريت علي أكيد اختبارك عدى على خير

إقتباس
ترى عادي تدق وتسكر

ولا يهمك أرسل لك حبتين call me

إقتباس
ان كان قصدك ورى موضوعك شي فانا وصلت له

وصعبه ارد هنيا

خلاص رد علي بشارع الاحساء


تشكرااات بالحيل تصدق من فوائد سفرتي عرفت وش معنى تشاو

تشـــــــاو >>> مستانس انه يعرف

______________________


ميخالف أروح وارجع بعد قريب ان شاء الله

طيب شكراًً قداً

رااجع،،
اضافة رد مع اقتباس
  #13  
قديم 26/08/2007, 10:26 AM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
نعم المشاكس ،،،

لا يوجد فرق و لكن ما هو معنى الغبن في الفصحى ؟! هل هو القهر ؟!
في ردي أشرت إلى أنه حتى في المثل لو ( دققنا ) في المعنى لما استقام مع القهر تماماً و لكنه يستقيم مع معنى الغبن أو التغابن في الفصحى ، و هذا يعني أننا حتى في لهجتنا العامية نستخدم كلمة واحدة لخدمة معنيين غير متطابقين تماماً .
اضافة رد مع اقتباس
  #14  
قديم 27/08/2007, 12:27 PM
زعيــم مميــز
تاريخ التسجيل: 05/07/2001
المكان: الرياض
مشاركات: 5,074
^
^
^

الهنوف يستغفلك و ليس يستجهلك الله يعينك على العنا !!
اضافة رد مع اقتباس
  #15  
قديم 27/08/2007, 07:48 PM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,542
إقتباس
الرسالة الأصلية كتبت بواسطة abu_riman
^

إقتباس
الرسالة الأصلية كتبت بواسطة abu_riman
^
^

الهنوف يستغفلك و ليس يستجهلك الله يعينك على العنا !!


والله على بالي هالكلمه بس مدري شاكه انهاا الي اقصد
بس مدامك قلتها فهي اكيد انها الي اقصد يامحللنا
كل المفردات جبتها وجلست احللها وارجعها للفعل علشان يسهل علي بس استصعبتهاا شوي صارت كلها ماتناسب

مثل استغفلك اتوقع جايه من الغفله ومعروف ان الغفله تجي احيانا عند بعض الديار بمعنى اني مشغولة عنه يعني انك مو معاه اصلا مدري تصلح
الا استغفلك ماخذوه من الغفله ؟؟؟؟؟؟؟؟

ترى شبكت كل الخطووط ياصبر الي يحلل ويفصل
تعقيد


طيب لاتعلم العنا
اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:48 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube