صباح الخيرااات،،

وهلا وسهلا بالجميع

__________________________________


التميميه


الله يحييك ويسلمك..

إقتباس الغبنه الصدقيه,, لاجتك من ناس تعزهم,,

أجل تهقين ان غبنتي تسذبيه بس الظاهر ان الغبنه غبنه من عزيز ولا من كريه!

إقتباس أما اللي أنت تحكي عنه,,وهالصنف من الحمدات,, تعودنا عليه,,في كل مكان,,

وانا وش اللي فاقعن مرارتي غير اننا تعودنا عليه وصرنا زي سعد نسمع وماعندنا مشكله

تشكراااتي لك

__________________________________


محبوبة الزعيم

الصراحه بعد هالعمر ما أدري وشلون أرد اذا قال لي أحد : حللت أهلن ووطنت مرحبن ، بس عموماً الله يسلمك ويحللك بأوطانك >>> صح تسذا ..

إقتباس بس الي دايم استغرب منه تلاقيهم حابكينها حبك ولو سألتهم سؤال مفاجىء يجاوبونك كأنه سدق بدون ما يخططون له

من ناحية يحبكون أنا أشهد انهم يحبكون لكن وش يبي يسوي التسذابون الاقوياء اذا سألهم رب العالمين ؟

إقتباس أتوقع اللي يسوي كذا يعاني من نقص وانعدام في الثقه أصلا

وبعضهم يكذب لانه يعلم ان اللي قدامه ما عندك أحد

إقتباس بس أنا عوندي نظرهـ صحيحه أكتشف فيها هالفئه

أجل تكفين أبرسل لك صور لخشة كم مسؤول ببلدنا وعلميني من منهم راعي سواااريخ

إقتباس لكن غبن شخص على شخص آخر أهون بكثير من الغبن على مجتمع بأكمله

جازت لي بالحيل جداً هالجمله


عفواً اختي ،، و تشكراااتي لك بس ورى هرجك تسذا مــااايع؟؟ سدق ما عندكم مكيفات بالبيت


__________________________________


المشاغب

اخوي قلبي هنا ! لا ويتغلى بعد!! ياحظ عيني

الله يسلمك ولا ندمت يابعدي..

إقتباس أخبارك بعد قلبي ريكي؟ والله فقدتك فقدة واسأل ولد مقبل

بخير يامال الخير وما تفقد عزيز ، بس ابومقبل يقول انك ماجبت خبري >>> التسذابون الضعفاء

إقتباس وش جبت لي هدية من تشيكيا؟

جبت لك فتوش يحبه قلبك وصوره ملونه لندفيد وهو يشرب موكا نص استواء

إقتباس الوالد صار يتشدد معي ويراقب مكالماتي وأكيد ما أبيه يعرف اني أكلم شايب

اخس ياعصفور لبنان !! ودي احلف ان ابوك يفرح لا شافك تكلم (الحمد لله فيه ناس يعطون وليدي وجه )

إقتباس الله يعين بس من هالوزارات اللي لاعبة بصحتنا .. وزارة الصحة ووزارة التجارة ... يكذبون علينا عيني عينك..!!

\

شفت وشلون والمشكله ما من عاقل يجرأ على قول تكذبون وتنصبون

إقتباس ونسى نفسه وهو يسوق وحسب نفسه يلعب درايفر ..

يعني تهقى لو ألعب ببرشلونه ممكن أصير ميسي وأفرفر بالامام والمذن حقين حارتنا

إقتباس لكن بعد فترة صرت أشوف ولد عمي مندمج مع الولد بالسواليف ..

ما ينلام ولد عمك الواحد اذا جلس فتره من العمر وهو يسمع التسذبه تلو التسذبه يبدأ يصدق أي شي !!

إقتباس أحس ردي أطول من الموضوع

والله يابعدي الظاهر من كثر ردودك وطولهن ماتقدر تصفط اللاب توب حقك

تشكراات ياصاحبي بس ترى بطني يوجعن وماقدرت أفهم وشي ا.هـ

__________________________________


آآي و ِل كوم باك أقين ان الله شاء وأراد

موضوعك حلوووو

والله النصابين كاثرين وفي كل مكان مو في السعوديه بس ,
انا سافرت مصر وفيه واحد مصري جالس يكذب علي وانا ماودي افشله ,
يعني مايعرف يكذب يقول ان المصريين اجمل نساء العالم :p

مشكور ع الموضوع يالهاوي

صهيل الخيل الازرق


الله يسلمك ..

إقتباس واول ماشفت عنوانك توقعتك تبينا نسوي اضراب ع النتجات بسبب غلا الاسعار

والله من قل ماسوينا اضراب

أهم شي لا تحمس وأنت تقرا العناوين

العفو وتشكرااتي لك


_______________________


الهنوووف


هلا بالواصله..

الله يسلمك خيتوو .. >>> يسمع بالسوري

إقتباس وبداخلك ودك تتفجر لان اصعب شي تحس الي قدامك يستجهلكـ

صدز أشين شي الوحد يستجهلك استجهال الناس ما ينبغي >>> أدفع 100 ألف بس أعرف منين جبتي هالكلمه

إقتباس بس احسن شي لما تظهر الحقيقه امام اعين التسذوب ويصير وجهه احمر

بس فيه نوع من التسذوبين اذا أنت كفشته وحجرت له يصير وجهك أحمر ويمكن خدودك بعد

إقتباس ولاتكثر غياب ترى بنبدا نرفع سجل الحضور

أجل الله لا يهينك من الحين سجلي عندك تراي ابتداءً من الاربعاء القادم و العشر أيام التي تليه غياااب


عوافي يالهنووف وتشكراات وااجد لك على حضورك وتواصلك

_______________________


abo_nasser

الله يسلمك..

وعليكم السلام تشكرات

_______________________


G o L d E s T


هلا وسهلا..

إقتباس تصدق أنه فيه واحد منهم رقى طلعة الغاط وهو بطريق مكة

أصدق ليش لأ

إقتباس بس هذولا تستمتع بصواريخهم أزين من القعده بدون سواليف

اللي يكذب علينا وكذبه ما يوذينا هذا دربه خضر، بلاااك من غيره


تشكرااات

_______________________


ابوريمان


هلا بالغالي ، الله يسلمك ويحفظك..

ويالله لك الحمد حنا بأتم صحة وعافيه..

إقتباس معقول يتكلم أحد معي شخصياً و مباشرة و يكذب و أدري إنه يكذب و أسكت ؟!

معقول الناس اللي حول كبار المسؤولين ويجالسونهم ويسمعون كذباتهم ، يقولون لهم كذبتم والذي رفع السماء بلاعمد !!

إقتباس نعم أحياناً في مجالس يتكلم واحد ( مسئول ) و يكذب و صعب يتكلم شخص معين خاصة في ظل وجود كبار في المجلس ساكتين له و معطينه جوه

مادام كذا ، أجل تعال يابعدي ووقف معنا في طابور السعداء


العفو ياغالي ولك خالص الشكر والتقدير على ذكرك أخاك في غيابه

_______________________


هلاليه@ميلانيه

هلا وسهلا ..

إقتباس وأنا ياما وياما ضحكت وسويت نفسي صدقت لناس كثييير لآسباب كثيرهـ ممكن أهمها أن هالشخص قريب لي وبشووفهـ كثير

أجل اسمحي لي فأنا أخالفك الرأي لو هو قريب لي واعتاد على التسذب علي فسألفعنـّه وأسطرنـّه فصديقك من صدقك لامن صدّقك..

إقتباس ولو سويت مشكلهـ معهـ بتصير سالفهـ وبتنقطع صلة الرحم بيننا ..!!

لاتخافين من أهم ميزات الشخص التسذوب انه لا يمكن يستغني عن الناس، وبالتالي لاقطع أرحام مع من يتساذبهم..


الله يعافيك ويسلمك وتشكرااتي لك


_______________________


بنت عبدالله &

هلا ...

إقتباس عاد في ناس يكذبون كذب عينك عينك

اللي تعود يكذب ويلقى ناس يصدقونه ما عاد تفرق معه ، ولو يقول عندي مسكن بانيه فوق الغيوم ، عاااادي


العفو تشكراتي لك ومرورك مقبول جداً

_______________________



راااجع ان شاء الله

هلا من أول وقديد،،


_____________________________


القيصر رهيب

من يوم تغير اسمك الاول حزين الرهيب وانت مستانس ماشاء الله عليك عساه دوم

تشكرااات

_____________________________



المشاكس

الله يسلمك ياغالي،،

إقتباس يا كثرهم .. المشكلة ما يخلصون ولا يتوبون ..

ما يخلصون ويتوبون ما دام فيه أوادم ماشيه معهم على الخط!

إقتباس واقول " وش اخبار ابو محمد .. الحمد لله على السلامة .. ويش من تركيا "

والله يا أنت منتاز بعد خله ينحرج أغديه يتوب
أجل من تركيا لأبها!! أخاف انه هبوط اضطراري

إقتباس وكل ما تكبر الشريحة المقصودة .. تطلع بفوائد اكبر ..

ما أظن فيه أكبر من مجتمع ومجمعون;)

الله يعافيك وتشكرااتي لك

_____________________________


nor alshams


الله يسلمك ويحفظك ،،

إقتباس الى متى وهم يكذبون ونحن نعلم ونقول صدقت ؟؟؟

اعتقد ان ذلك سيستمر الى أن يصفعنا أحدهم برغيف خبز مقطن ، حينها يصيبنا ما أصاب سعد
وعسى الله يسمع منك ويصلح حالنا وحال كل مغلوب..

الله يعافيك اختي ومشاركتك تكفي عن الاطراء


_____________________________


سمو الهلال الملكي

الأول الله يغفرله ويرحمه والتالي الله يوفقه للعمل الصالح..

وانا اخوك أحياناً يكون تأثير البرواز أكبر من الصوره، من شان هيك خلنا بشلة معاليهم وانت نازل


تشكرااتي لك

_____________________________



f*y*d


ياهلا بك اخوي فياض ،،

إقتباس كذبت كذبة حتى عشتهــأ,,,مالي لا أرى أنها كذبة..!!

كلام كبير

اي والله صدقت بعضهم يصدق كذبته ويبني عليها قرارات وهذه أم المشاكل

الله يعافيك ياغالي ومرورك أسعدني وطمنني( على الاقل تأكدت ان صدرك وسيع وما زعلت عقب صباحكم فياض)

_____________________________

رااااجع باذن الرحمن

السرا وقف عند ابومقبل وهو خابر وش نوحي هاليومين

تتصديقين أني كنت جنب باتستوتا يوم يجي حميد التسذوب بس تراه يتسذب لأن باتستوتا مكان موجود>>>تكفى يالي تحتسي صدق


مشكووره وسلميلي على سعد

ابومقبل & الفيروسه ، والله إنكم منتهين

بس قسم بالله مالكم حق !!

عجزت أشتغل ياجماعه ، سيبونن أخلص اللي عندي وأرجع

ما أدري وراكم شبيتوا تقل ِعجز؟!

إقتباس الرسالة الأصلية كتبت بواسطة !!هلالي الرس!! تتصديقين أني كنت جنب باتستوتا يوم يجي حميد التسذوب بس تراه يتسذب لأن باتستوتا مكان موجود>>>تكفى يالي تحتسي صدق مشكووره وسلميلي على سعد

وين يابعدي الله يرضى لي عليك ؟؟ أنت شاربن لبن!! أو شايفن متنقب وأدور بأسواق المجد!!

اعن ابو دارك لي 5 سنين بالمنتدى ما عمر أحد من الاعضاء خاطبنن على أني منيره!!

سامحك الله يارجل أخجلت كبريائي

_____________________


رااااجع للردود ان شاء الله بس عطوا الحر فرصه

إقتباس الرسالة الأصلية كتبت بواسطة alhawey وين يابعدي الله يرضى لي عليك ؟؟ أنت شاربن لبن!! أو شايفن متنقب وأدور بأسواق المجد!! اعن ابو دارك لي 5 سنين بالمنتدى ما عمر أحد من الاعضاء خاطبنن على أني منيره!! سامحك الله يارجل أخجلت كبريائي

هذي ضريبة انك حاط نكنيم بالانجليزي
ياباشا ارحم أصحاب القلوب الخفيفة :p :p <<---عاد انت افهمها
الا تلاحظ انت انه يتميلح على خفيف :p :p


<<<<=========منتظر ردك

وعليكم السلام ورحمة الله وبركاته ..

يالله حي الغالي الهاوي ..

الحمدلله على السلامه وسلامة دائمه ان شاء الله ..

إقتباس الرسالة الأصلية كتبت بواسطة alhawey بدأ يحلف ويقسم بالله أنه سبق وان كان لهم مخيم داخل البحر الأحمر!!، وتحدث عن أمه قائلاً بأنها كل يوم تروح لواشطن تتقهوى مع هلاري كلنتون وينتفون حواجبهم بالداون تاون ولا صارت الساعه احدعش بالليل ترجع للرياض!!..

اكبرفقشه ما تدخل الراس ..

إقتباس الرسالة الأصلية كتبت بواسطة alhawey سعد يستمع بإنصات تام لكل صاروخ يطلقه حمد ويقول له بعد كل سالفه قل والله؟! وبعدها لا يتردد حمد في قول قسم بالله العظيم!!

للاسف الشديد بعض الناس القسم والحلف عنده اسهل من شرب المويه ..

إقتباس الرسالة الأصلية كتبت بواسطة alhawey قمة الغبنه أن أحدهم يكذب عليك وأنت تعرف أنه كذابٌ أشر ورغم هذا تُجبر على قول صااادق الله لا يخلينا منك..

لااخفيك احد الشباب اللي عليه الشرهه والله كبير وبالاحرى والاجدر انه يكون قدوه

لغيره لكن للاسف لاتكاد تجلس معه الا لابد من الرخيص ! .. وزود على كذا يريد من

حووله يصدقه فيحلف ويقسم بالله وياليتها عاد تمشي الحال .. والله يقول اشياء

لاتدخل العقل ! ... من قصصه يقول /

مره خرجت لرحلة صيد وبعد التعب والمشقه وقفت عند احد الاشجار ..

ووجدت فيها طيراً .. يقول صوبت بندقيتي اليه لاصطاده !! ..

فرد علي مباشره قال / يامحمد لاتقتلني !! >> التسذوب اسمه محمد ..

يقول فتركته وذهبت !


تقبل مروري عزيزي الهاوي ..

والله يعطيك العافيه على هالموضوع وابوصيك قل لحمد ترى

البحر حر لايكشت فيه هاليومين ..

سلام ،