02/07/2007, 04:26 AM
|
| زعيــم متألــق | | تاريخ التسجيل: 26/04/2005 المكان: مملكه الانسانية
مشاركات: 1,027
| |
مرااااااااااااحب
اما على طاري النشبات فهم كثار 
هذا انا مره في مؤتمر طبي بالرياض المهم كان فيه برنامج اسبوع صباحي ومسائي وكنا ساكنين في فندق المملكه
طلعت انا مع زملائي دكاتره وصيادله الساعه تقريبا ً 8 ونص نبي نتعشى بمطعم الفندق الا يشوفني احد جيرانا لما كنا ساكنين بالرياض
الزبده ان هذا الرجال نششششششبه من جد شوي الا يناديني دكتور بندر يا بندر دكتور بندر وانا مسوي نفسي كني ما أسمعه شوي الا ينشب فيني ويقولي غداك بكره عندنا انت والدكاتره اللي معك ومسوي نفسه يمون على الدكاتره ويسلم عليهم كنه يعرفهم من سنين ولززززززززم علينا الا نتغدا
عنده ونا مفهمه انا هنا جايين بمؤتمر شغل يعني واذا فضينا نمرك المهم شوي الا يترك اخوياه ويجي يقعد عندنا بالطاوله وكل زملائي الاطباء قاعدين يناظروني ...!!!!!!!!!!!!!
بصراحه نشبت مع ذا النشبه الين جت الساعه 10 تقريبا ً قلت له رح ظبط القهوه واحنا راح نجيك ....
المهم ما صدق خبر وطلع من الفندق ....وهذاك وجه الضيف ..!!
عاد اخوياي زملائي قايلين لي هذا الله يعين زوجته وعياله عليه
تصدقون عاد وربي شايفه ثاني يوم شكله يدور علي ....!!!
المهم قلت للزملاء لا انزلو واذا سأل عني قولو له سافر .....
المهم نزلو وقابلوووووه وقالو له دكتور بندر سافر الرجال صرف نفسه ومشى من عندهم ....
الحمد لله لك يارب افتكينا منه ...اوووووووف
لاعدمتكم
 |
>> كفو 
الوضع العادي
