السلام عليكم ورحمة الله وبركاته ..


الهيئة .. عباره .. من يوم كنا اطفال نرددها .. والخوف يملانا منها !!

هيئة الأمر بالمعروف .. والنهي عن المنكر ..
الكثير والكثير من الحديث يدور حولها .. مابين مؤيد .. وما بين معارض بشـده
كنت دائماً .. مع صف المؤيدين .. والمتحمسين لها .. ولازلت أؤيد لكن (نادراً) !!

مر علي موقف يوم كنت ابو 11 سنه .. كان كفيل .. بزرع عقده اسمها الهيئة
وببناء جدار كره .. يدوم للأبد ..

في ليلة عيـد .. كنت طفل صغير .. وعلى وقتها ما كانت الجوالات موجوده ..
فاضطريت انزل ادور أهلي بين مئات النساء ..
ويوقفني احد اعضاء الهيئة .. ويصرخ علي بأعلى صوته
وش عندك .. وش تسوي .. تغازل . .
وكلام كثير للحين ما اتذكره ..
موقف يخليك تخاف .. ويمكن تمرض نفسياً من بعده ..
ومع ذلك ظليت .. بعد ماوعيت وفهمت اكثر مع هالهيئه
والله يجزاهم خير .. والله يقووويهم .. و و وو .. وو

.
.
.
في مجتمعنا تعودنا .. أن من التحى .. وقصر الثوب .. دائماً على حق ..
وهالشي أعطاه سلطه وقوه .. ليست من حقه
تجد الابن .. ينهر .. ويأمر والديه .. ويمنعهم من بعض الامور
وكأنهم ابناءه .. والسبب اعفى لحيته وقصر ثوبه !!

تجدهم يعاملون معامله خاصه جداً في كل مكان ..

في الأونة الأخيره .. ظهرت فئة .. بنفس الشكل ..
ولكن عامة الشعب .. والحكومة ايضاً .. بدأت تصنفها كفئة ظاله !!
في الفتره الأخيره .. بدأت تعديلات في الهيئة وتغييرات ..
مما يعيني .. اعتدال اكثر في التعامل معها ..


من منا لا يفرح .. اذا علمنا أن الهيئة .. داهمت شقة دعاره
أو استراحه لتصنيع الخمور .. ؟؟

ولكن من منا لا يغصب .. اذا علم .. ان فلان تم الاعتداء عليه
أو فلانه .. تم القدح فيها وارهابها ..

أو فلان .. تعرض لكسور من ضرب الهيئة
فلان .. صودر جواله
فلان وفلان وفلانه ..

واخيراً سمعنا ان فلان مات تحت ضرب الهيئة ..
طيب القيت القبض عليه .. وعلى ماقلت بطريقة قانونيه سلمه بطريقة قانونيه
بأي حق تضربه ؟؟ ؟؟؟؟ ؟؟ ؟؟ ؟؟

من وقت طويل كنت محرم ومانع اهلي .. من الروحه للمقاهي ..
لأن فكرتي عنها .. اماكن مكشوفه ..
ومايدخلها الا شباب وصبايا وكلهم مش ولا !!

هذي فكرتي .. وضحكت على نفسي كثير .. خص اني شاب مانيب شايب !!

ويوم انطحن الحب اللي براسي وسمحت بهالشي ..
تخيل او تخيلي اي احد منكم يحصل له الموقف التالي ..

في الصباح .. ما بعد فتحت المحلات .. تروح انت وأمك واختك .. لهالقهوه
بترتاح شوي وبترتشف قليلاً من الكابتشينو :p

فجأه تلقى وجووه غريبه مكشره معصبه .. تفتح عليك الستاره
ترمق الموجودين بنظرات حارقه ومتفحصه تصك الستاره وتمشي !!

من غير شعوري

هييييييييييييييييييه عسى ماشر ياحيوااااااااااااان
بأي حق .. هالتصرف .. ؟؟

تكشف محارمي على اي اساس .. ؟؟
اذا عندك لحيه .. ؟؟
انا من الرياض
اذا انت تظن نفسك ملتزم
أنا أظن نفسي معقد
وغير تعقيدي ديني .. اللي تظن انك تدافع عنه
يخلي هالشي عندي فعل محرم ممكن يخليني اقتل
ويزيد انفعالي وصراخي
وسبي ........
.
.
.
.
أنا ملوم في هالتصرف ؟؟

ولا هذولي الهيئة عادي يحق لهم مالا يحق لغيرهم ؟؟

أبي أعرف بأي حق .. يفتحون الستاير .. ؟؟

يعني لو فرضنا فعلاً .. شاب وفتاه طالعين مع بعض بشكل غير شرعي
بأي حق افتح الستاره .. واشوف بنت الناس ؟؟

وش بيسوون ورى الستاره وبمكان عام ..
بمسكهم بالجرم المشهود يعني ؟؟

تراه مكااااااااان عااااااااااام .. ولا هي هوايه كشف محارم الناس ؟؟

ياخي بكل ادب .. بكل اخلاص وصدق نيه
بنادي من ورى هالستاره .. اطلع لي يافلان
وصلنا اليوم ان فالمقهى .. حالة مشبوهه ..
وحبينا نتأكد بكل هدوء .. بتعرف الرجال .. صح ولا خطأ ..
وبتكسب ثقته واحترااااااامه ..


.
.
.
موقف معاكس حصل لي مع رجال الامن في أحد الاسواق ..
طقوا علي الجلسه ..
لو تكرمت أخوي .. حنا ماندري اللي معك اهلك ولا لا
ولكن وصلتنا ملاحظات من احد الزباين
وياليت تتفضل بكل هدوء .. !!

ياخي إلى يومك ودي ارجع احب روؤسهم على حسن هالتعامل والمثاليه ..
على أنهم كانوا غلطانين .. والشخص اللي قدم ملاحظاته بانيها خطأ ..
لكن حسن التعامل خلاك تتقبل .. بكل رحابة صدر الخطأ ..

فإلى متى .. نشوف الهيئة .. تنتهج اسلوب القوة
وانا على حق .. وابن امه يتكلم علينا !

بنمد يدينا
بنسب
بنتهجم
بنرهب

حنا الهيئة !!


موضوع طلع من غير ترتيب .. ولكن يجب أن تؤخذ وقفه جاه
مع الهيئة .. فدورها مهم جداً وفعّال
وبنفس الوقت مدمر وهدام ..
من الظلم .. أن يستغل .. أعداء الهيئة .. واعداء مجتمعنا !!
اخطائها لإلغائها .. يجب .. أن تُضبط الهيئه ..
وأن يحدد دورها الايجابي .. لا تبتعد عنه فيما يُكثر من اخطائها





وعساكم ع القوة

11 سنه ويغازل مابعد بلغ الحلم ؟؟؟

لو صار عمره 20 سنه ويش بيسوي

ياخي الهيئه قصتهم قصه مع حقين الشراب

بمجرد مايعرفون انه سكران خلاص يعد امره انتها

انا شخصياً وقفت على مثل ذا الموقف

ويوم قلت لرجل الهيئه ترا عقوبة شارب الخمر 80 جلده تعزيراً موب تكسر ضلوع الرجال وتفقع وجه

صرخ في وجهي وقال لو مرحت شلت معه

الحل يا اخواني الاعزاء انشاء كليه تعليميه لهيئة الامر بالمعروف والنهي عن المنكر لان دوره لو صار بشكل سليم بيعود بالنفع على المجتمع

حديث عائشه رضي الله عنها عندما سئلت الرسول صلى الله عليه وسلم (( انهلك وفينا الصالحون))

وبني اسرائيل (( كانوا لايتناهون عن منكراً فعلوه))

الاصلاح واجب في المجتمع وهذا عمل هيئة الامر بالمعروف والنهي عن المنكر بس يجب ان تكون بشكلها السليم.

الله يهديك ..

ذكرتني بموقف..!!

أذكر مرة شرطي مرور كان يبي يحجر لنا عشان ولد عمي الصغير ما معه كرت العايلة الأصل.. ما كان معه

غير الصورة.. وكان الشرطي يكتب ورقة تسليم لمركز الشرطة... كلمته بالكلام الطيب.. ما نفع.. حاولت أفهمه أن الولد إذا أخذ

الأصل كيف بيمشون أهله برى البيت..!! بس برضه ما نفع..!!

بالأخير.. قلت له: طيب بنمشي المركز .. بس عطنا أسمك عشان نعرفك.. ناظر فيني وقال: وش تبي باسمي؟

قلت: من حقي أعرف اسم اللي حولني عشان أقدم شكوى..!! والمفروض يكون اسمك معلق..!!

قال: طيب مو مشكلة بأعطيك أسمي بعد شوي..!!

والله يا أخوي أننا ما قعدنا غير 5 دقايق أو أقل .. إلا وقال خلاص روحوا الله يستر عليكم..!!

--------------------

القصد من كلامي.. أنه بما أن عضو الهيئة أخطأ عليك.. فيمديك تروح تشتكي عليه.. وراح تاخذ حقك عند الهيئة أنفسهم.

أما أنك تسكت عن حقك وتعمم هالتصرف على الهيئة فاسمح لي أقول أنك غلطان..!!

ليش ما نترك عنا السلبية؟ ونحاول نأخذ حقوقنا بتقديم الشكوى لرؤساء من يسيء التصرف بدل التشكي في منتديات

الإنترنت؟

----------------------------------------------------

ومثلما ذكرت لنا موقف عن الهيئة .. سأذكر أنا موقف شخصي لي معهم:

أتذكر قبل سنوات قريبة .. في أحد أسواق الرياض .. أتى لي عضو هيئة وسلم علي.. رديت عليه السلام بكل ثقة

لأني لم أرتكب أي شي ;)

بعدها سألني بابتسامة عن غرضي من مجيئي للسوق.. فأخبرته..!! ثم كلمني عن شعري الطويل قليلاً.. فأخبرته أن شعري كامل

وليس فيه أي قصة أو قزع..!! وأريته إياه..!!

وبعد أن رآه اعتذر بكل لباقة.. وشكرني وقال لي كلاماً أعتز به وأحتفظ فيه لنفسي

هذا الموقف الذي حصل لي.. ولو حصل لي العكس.. لما عممت على جميع رجال الهيئة.. لأني أيضاً لم أعمم عليهم لتصرف هذا الشخص

الطيب معي ولم أصفهم كلهم بالطيبين..!!

وأزيدك من الشعر بيت أخوي: أنا والكثير ممن أعرف.. دائماً نذهب إلى الأسواق والمجمعات.. ومع ذلك لا تحدث لنا أي مواقف مع الهيئة!!

لماذا لا تحدث المواقف إلا مع بعض الأشخاص؟!! ولماذا يضع المرء نفسه في موضع شبهه؟!!!

الرسول صلى الله عليه وسلم وهو الرسول المعصوم كان هو وزوجته في المسجد.. ومع ذلك أخبر الصحابيين الذين شاهداهما بأنها زوجته.. حتى

لا يوسوس لهما الشيطان..!! فما بالنا نحن؟ نقع في أماكن الشبهة ونلوم الهيئة إن شكّت بنا...!!


أما بالنسبة للشاب المتوفى.. فلننتظر نتائج التحقيق وستكشف الحقيقة إن شاء الله..!!!

وإن شاء الله نرى براءة رجال الحسبة قريباً.. ونرى معها اعتذارات البعض على الإساءة لهم من غير تثبت..!!


تقبل تحياتي...!!

^
^
^
حبيبي مو كل الناس (فاضيه)

او تحب الطلايب ..


ما كل من اخطأ عليك بتروح تشتكيه ..

وش بيبدي الشكاوي .. ؟؟


بتشتكي رجل المرور


ورجال الهيئه


وموظفي الدوائر الحكوميه

وموظفي الشركات

حتى القنوات على كذا بتشتكيها ..


حبيبي .. واجب .. على المسؤولين عن مثل هالجهات الحساسه

محاسبة من يخطئ منهم ..

ويجب على كل من ينتسب للهيئه بالذات مراعاة الله في كل تصرف

مو كل من اخطأ بنروح نشتكيه !!!

ولمعلوميتك لوقت قريب .. الشكوى ضد الهيئه غير مقبوله ابداً !!!!!!


وحالياً الصحف والمنتديات .. هي بوابة لإيصال اصوات الناس للمسؤلين

عدلت ردك واستشهدت باشياء كثيره ..

وكأنك ترميني بأمور .. معينه .. وتشبهني فيها

لمعلوميتك .. ماأطب مكان مثل سوق او غيره الا وأسرتي معي
وحتى بثوب وشماغ .. ودون ما أجلب الهيئة لي
ومواقفي معهم قليله جداً جداً


لكن يكفيني موقفي يوم كنت ابو 11 سنه .. كـ تعليق او رد على اضافاتك الاخيره ..

وشاكر لك مرورك



اخوي اكشخ واحد صادق في كلامك

ومالنا غنى عن الهيئه

لكن اذا قامت بعملها على الوجه الامثل

وخافوا الله في كل تصرف ..

اخوي ثامرادي..يجب أن تعرف إنه ممنوع انتقاد الهيئة..! والا انت علماني..!تقبل تحياتي..

^
^
هههههههههههههههههههههههههههههههههههههههه الله يرررررررجك


انا اعرف هالشي .. واعرف ان من يخالفك .. بيصفك باسوء الصفات

ان ناقشت واحد متطرف .. وليبرالي .. وصفك بالمتخلف والمعقد

وان انتقدت شي .. على شخص اخذ صبغة الاسلام ..

فانت علماني .. وفاجر .. وفيك وفيك وفيك

ياعالم وين عقول الاوادم ؟؟

انا مسلم .. اصلي واصوووووم

من حقي اخذ اللي يعجبني .. ويوافق قناعتي ..

ما كل من التحى .. يمشيني على كيفه

ولا كل من ظن نفسه متعلم ومتنوّر .. على كيفه ينتقدني .. ويقلل من مكانتي وعقليتي

أنا لليوم أسمع مواقف مع الهيئة بس الحمدلله ما قد كلموني

بس ممكن الكلام هذا يكون صدق وممكن يكون نصب

الله يعز رجال الحسبه لكل مافيه خير للامه ... والهيئه ايجابياتهم اكثر بكثير من سلبياتهم

بعدين هي جهاز حكومي مثلها مثل الاجهزه الاخرى فيها من يغلط .. بس مانظهر السلبيات ونكبرها وننسى ايجابياتها الكثيره ..

هذي وجهت نظري ياليت تتقبلها بصدر رحب .

إقتباس الرسالة الأصلية كتبت بواسطة ابو طاقيه الله يعز رجال الحسبه لكل مافيه خير للامه ... والهيئه ايجابياتهم اكثر بكثير من سلبياتهم بعدين هي جهاز حكومي مثلها مثل الاجهزه الاخرى فيها من يغلط .. بس مانظهر السلبيات ونكبرها وننسى ايجابياتها الكثيره .. هذي وجهت نظري ياليت تتقبلها بصدر رحب .

هذا الكلام

إقتباس الرسالة الأصلية كتبت بواسطة ثامرادي ^ ^ ^ حبيبي مو كل الناس (فاضيه) او تحب الطلايب .. ما كل من اخطأ عليك بتروح تشتكيه .. وش بيبدي الشكاوي .. ؟؟ بتشتكي رجل المرور ورجال الهيئه وموظفي الدوائر الحكوميه وموظفي الشركات حتى القنوات على كذا بتشتكيها .. حبيبي .. واجب .. على المسؤولين عن مثل هالجهات الحساسه محاسبة من يخطئ منهم .. ويجب على كل من ينتسب للهيئه بالذات مراعاة الله في كل تصرف مو كل من اخطأ بنروح نشتكيه !!! ولمعلوميتك لوقت قريب .. الشكوى ضد الهيئه غير مقبوله ابداً !!!!!! وحالياً الصحف والمنتديات .. هي بوابة لإيصال اصوات الناس للمسؤلين عدلت ردك واستشهدت باشياء كثيره .. وكأنك ترميني بأمور .. معينه .. وتشبهني فيها لمعلوميتك .. ماأطب مكان مثل سوق او غيره الا وأسرتي معي وحتى بثوب وشماغ .. ودون ما أجلب الهيئة لي ومواقفي معهم قليله جداً جداً لكن يكفيني موقفي يوم كنت ابو 11 سنه .. كـ تعليق او رد على اضافاتك الاخيره .. وشاكر لك مرورك اخوي اكشخ واحد صادق في كلامك ومالنا غنى عن الهيئه لكن اذا قامت بعملها على الوجه الامثل وخافوا الله في كل تصرف ..

اخوي

كيف تبي المسئولين يعرفون الاخطاء اللي تصير

اخطى عليك واحد روح اشتكه بدال انك تشتكي لنا في النت

يعني احنا اللي بنساعدك والله غريبه ؟؟؟

إقتباس حبيبي .. واجب .. على المسؤولين عن مثل هالجهات الحساسه محاسبة من يخطئ منهم .. ويجب على كل من ينتسب للهيئه بالذات مراعاة الله في كل تصرف مو كل من اخطأ بنروح نشتكيه !!!

حبيبي كيف تبيهم يعرفون ان اللي تحتهم اخطى؟؟

اجل حسب تفكيرك اذا اخطى عليك واحد دوس بحوض بطنه؟؟؟

إقتباس موضوع طلع من غير ترتيب .. ولكن يجب أن تؤخذ وقفه جاه مع الهيئة .. فدورها مهم جداً وفعّال وبنفس الوقت مدمر وهدام .. من الظلم .. أن يستغل .. أعداء الهيئة .. واعداء مجتمعنا !! اخطائها لإلغائها .. يجب .. أن تُضبط الهيئه .. وأن يحدد دورها الايجابي .. لا تبتعد عنه فيما يُكثر من اخطائها

انا بعلق على الكلام اللي باللون الاحمر

انت للاسف اتبعتهم في طريقتهم

اخي يمكن اللي صار لك حاله فرديه

ومن الجهل ان يحكم الشخص على (( مجموعة )) من خلال خطأ فردي قام به فرد من افراد المجموعه

وبس

أخوي الله يهديك

انا ما راح اعلق الأخوان ما قصروا


استغفر الله

الهيئة هيئة رضي من رضي وأبى من أبى <---- وش عندك يالأخ خخخخ

ألاحظ في هالايام كثرة المواضيع اللي تنزل وفيها من اللوم على الهيئة الكثير الكثير ..

خلاص خلهم يقفلون وشوف من اللي بيحمي أهلك بالسوق من الشباب الطايش ولا مصانع الخمور ولا المروجين لها ..

موب كل من صارت له سالفه مع الهيئة قام وسدحها هنا وحط عليها شوي بهارات ..

دمتمـ والله يحمي رجال الهيئة ويقويهم ..

باك


قالها نايف بن عبدالعزيز حفظه الله : (( لن تزول الهيئة حتى تزول الدولة )) و هذا رد لجميع من يطالب بإزلتها

إقتباس موب كل من صارت له سالفه مع الهيئة قام وسدحها هنا وحط عليها شوي بهارات ..

ههههههههه >>> قويه
كفيتي ووفيتي

^
تحياتي "لك"...

شوف اخوي شي طبيعي ان كل انسان بتلاقي عليه اخطاً والهيئة بشر مهوب معصومين عن الخطأ

انا معك انهم بعض الاحيان تصرفاتهم تجي بهمجيه شوي بس والله ان ايجابيااتهم لا تعد ولا تحصى

بعدين سبحان الله اذا الواحد من الهيئة كلمك بسلووب وانت داخل سوق وماسويت شي وكنت حاط ببالك انك ترقم وتغاازل

اكيد رااح تستحي من كلامه الحلوو ونصيحته الحلووه وبتقول ياولد استح على وجهك وبتطلع

لكن انه يجيك يمد يده اليمين يسلم عليك ويده اليساار تلاقيها جواء جيبك هذا اللي صدق يفقع المراره

على العموم والله لو بنقعد نمدح منى لبكره في الهيئة مارااح نوفيهم حقهم

بس حبيت اعقب على رد المشاغب

إقتباس القصد من كلامي.. أنه بما أن عضو الهيئة أخطأ عليك.. فيمديك تروح تشتكي عليه.. وراح تاخذ حقك عند الهيئة أنفسهم

سلطان المشكله انهم مايعطونك اسماهم ومعضم هالي في المداهماات هم متطوعين ومهوب اعضاء في الهيئة

انا بقولك سالفه نقل من وااحد ثقه صاايره لحد اقربااه المقربين بعد

هذا يطويل العمر عوود عمره خمسين وفيها توه متزوج بنت وهو ساكن بديره وجاي الريااض

ومستااجر شقه وشي طبيعي انه اخر الليل بيجي هو ومرته للشقه يحلف بالله انه اول مادخلو الشقه

الا الباب اللي شوي وبيتكسر فتح الباب وخذ طق فيه اقسم بالله انهم طقوه طق لين بغو يكسروونه

وفي الاخير وليومك هذا وهو يتردد على قسم الهيئة يبي اسماهم الي داهموه وللحين رئيس القسم راافض يعطيهم الاسماء

وقسم بالله ان السالفه صدق واني مازوت فيها كلمه وحده

ونرجع ونقوول مالنا غناء عن الهيئة يكفي انك تحط اهلك بالسووق وبالك مرتاااح