إقتباس الرسالة الأصلية كتبت بواسطة BOY NJD جزاكم الله خير ::: لجميع الاعضاء وعساكم على القوه ............ 7 7 7 خوينا ما عاد يكتب موضوع !!!!!!!!

ورى ماتروح تذاكر عندك اختبارات هالفتره .. !!


الا سؤال صريح .. تعتبرني علماني .. ؟؟

وشايف نفسك الحين تدافع عن الهيئة وعن الحق ؟؟

ولا الشغل شغل مبزره وزحمه وبس ؟!

إقتباس الرسالة الأصلية كتبت بواسطة sa3dola انا معاك اخوي في كل اللي قلته .... والمشكلة انه حتى لو اخطى عليك حق الهيئة وانت ماسويت شي راح تظل انت الغلطان حتى لو اشتكيت للملك عبدالله بكبره ليش ؟؟؟ ماادري

مو لهالدرجه .. (رسمياً) .. ولكن المشكله شعبياً ..

فيه ناس .. لو تقول فالهيئة أ ..

تصير علماني .. وحقير ومنحط وماتبي الهيئة وفيك وفيك وفيك وفيك

هذولي ناس يعملون .. مثلهم مثل غيرهم ..

اخطائهم .. لازم تنقد .. وتبرز عشان تتعدل ..

لو مانحبهم .. ماجبنا طاريهم ولا انتقدناهم ..

إقتباس الرسالة الأصلية كتبت بواسطة بنت فهد لا مو كلهم كذا وفي رجال امن همجيين انا وامي وخالتي وخالي كنا في المملكه انا وامي وخالتي رحنا للمملكة المرأه وقلنا لخالي اجلس بندخل شوي وبنجي قال خلاص انا باروح لستار بكس خالي كان يمشي هو عمره اللحين 21 سنه جاه الرجل الامن قال له وقف قال نعم تبي شي قال انت قحطاني قال لا دوسري قال وش تسوي تغاازل خالي انصعق قال وش هالكلام انا ولد حمايل ما اسوي كذا قال يالله اطلع مسكه مسكه قبيحه دق خالي على امي قال خلي بنتك تنزل تا خذني من برا رحت نز لت واخذته رقيت انا وياه قال الرجل الامن هذي اكيد اختك ولا خويتك خالي قال والله بنت اختي قال يالله روحو . شف بعض الرجال الامن همجيين

طيب وانا اخوك .. فيه رجال امن همجيين ..

وانتي الحين سردتي لنا سالفه ..

وهذولي احيان ماتكون لهم مؤهلات .. ولا شي . .

ويخطون ..

مثل ماموظف الوزاره يخطي .. وموظف الشركه يخطي

والوزير نفسه يغلط ..

والناس تتكلم وتنتقد .. وين الخطأ ..

رجال الحسبه .. هم اكثر ناس .. عليهم العين ...

وماهو معصومين من الخطأ ..

ولا هم فوق النقد ..


ابداً ..

إقتباس الرسالة الأصلية كتبت بواسطة هلاليه@ميلانيه كلام روووعهـ ,, من عضوو أرووووع

^
^
^
غزل صريح .. بعلم عليكم الهيئه

إقتباس الرسالة الأصلية كتبت بواسطة ايمن اليامي ثامرادي المشكلة ماهي على الهيئه فيهم والله ناس ورجال ماشالله تبارك الله عليهم المشكلة في اللي يجيك توه طلعت له شعره ولا ثنتين بلحيته ودخل الهئية وتلقاه هو راس المصيبه وهو اللي يجيب لهم المصايب ما له اي خبر بالحياة وماخذ الدين قوة وجبروت والمشكلة انه يدري (( الدين يسر وليس بعسر))

هذي فئه .. شوهت سمعت الهيئة كثير ..


لكن فيه ناس .. لهم باع طويل ..


ولحد الان .. يمارسون انواع الهمجيه .. وكثار ماهم شخص ولا اثنين ..

ياخي دامها وظيفه حكوميه ..

اخلي الواحد ياخذ له سنه سنه وكم شهر يدرس ..

ويتعلم .. يتثقف فالدين

ويتعلم كيف يتعامل مع الناس ..

ويعرف وش وظيفة بالاساس ..

بعدين اعينهم ..

شاكر لك حضورك

إقتباس الرسالة الأصلية كتبت بواسطة abo sager ثامرادي.. حذرتك قبل كذا.. خخخخخخخخخخ.. وتحمل انت النتايج.. أنا والله تعبت قبلك.. بس صرت اشوف ان الصمت أفضل.. من باب "ومن لم يستطع فبقلبه" اللهم صلي وسلم على رسول الله..

ياشيخ والله اررررررررهاب


تصدق .. قريت الرد قبل الاسم وفهمته غلط

قلت هذا واحد حذرني بالردود ومانتبهت له

وياويلي بيعلن علي الحرب .. وياخوفي يعتبرها جهاد بعد !!


الله يعيييييييييين وانا اخوك ..

بعض الناس .. يقب في وجهك .. من أبسط كلمه تقولها .. كنت غلط او صح

وهذا دليل ضعف حجته وقناعته

الشخص المقتنع .. بافكاره ..

دائماً يحاورك فيها بثقه .. ويناقشك فيها بهدوء ..


مايصارخ عليك !!.. وينهي النقاش قبل بدايته ..

إقتباس الرسالة الأصلية كتبت بواسطة ثامرادي مايصارخ عليك !!.. وينهي النقاش قبل بدايته ..

فيه مثل (عندنا) يقول: "خذوهم بالصوت.. يغلبونكم"

للأسف صار هذا حال النقاشات اليوم..

صارت "الاختلاف في الرأي يفسد للود قضية!!!!!"

واذا انت لا توافقني في الرأي صرت علماني..

يجب أن تغمض عينك.. وتسد آذانك.. وما تقول إلا "صح"..!!!

الكل للأسف تعصب لرأيه.. ويا ويلك تخالفه..

تحياتي لك أخوي ثامرادي

^^
باقي ينضم لكم ملك الإنترنت وتكمل الجلسة

^
^
^
متى طلعت من حجز الهيئة :p


وحيا الله ملك الانترنت


لكن لا يكون علماني والعياذ بالله


ويابو صقر .. تعودنا .. على هالنوع .. لكن لا بد تتغير

واللي بهالعقليات تراهم مثل الاطفال

لو خذتهم بهدوء واقنعتهم .. بطريقة معينه ..

زي البزر لين قلت له ياشاطر .. علمني من اللي فعل كذا واعطيك حلاوه ..

تلقاه يتجاوب معك ..

خذهم على قد عقولهم ويتجاوبون معك <<<<<<<<<واللي بيعصب يعصب !!

إقتباس فجأه تلقى وجووه غريبه مكشره معصبه .. تفتح عليك الستاره ترمق الموجودين بنظرات حارقه ومتفحصه تصك الستاره وتمشي !! من غير شعوري هييييييييييييييييييه عسى ماشر ياحيوااااااااااااان بأي حق .. هالتصرف .. ؟؟ تكشف محارمي على اي اساس .. ؟؟ اذا عندك لحيه .. ؟؟ انا من الرياض اذا انت تظن نفسك ملتزم أنا أظن نفسي معقد وغير تعقيدي ديني .. اللي تظن انك تدافع عنه يخلي هالشي عندي فعل محرم ممكن يخليني اقتل ويزيد انفعالي وصراخي وسبي ........ . . . . أنا ملوم في هالتصرف ؟؟ ولا هذولي الهيئة عادي يحق لهم مالا يحق لغيرهم ؟؟ أبي أعرف بأي حق .. يفتحون الستاير .. ؟؟

والله ماتنلااااااااام

شي يرفع الضغط

انا معكم الهيئه احيانا يتجاوزون حدودهم
فمثلا انا مايقهرني الا لما يدخلون بالمحل وكله نساء ويزاحمونهم واصلا
محارمنا جالسين برى >>يعني ولا رجال بالمحل غيرالبائع <<< لان المحل مزدحم بالنساء >>........
بس الله يهديهم نضل نقول ان دورهم مهم والله يوفقهم ..........

ياخوي الهيئة فيها ناس قتلة ومتخلفين
الله يبعدهم عنا بس

للأسف كثير منهم همج وبدون اي عقل يفكرون كيف يتصرفون

انا ما أنكر ان لهم دور فعال في درء المفاسد لكن اسلوب مجموعة منهم تخليك تنهبل منهم

واحد مع زوجته ضربوه ضرب قالو انها مو زوجته وهي توها طالعة في يوم زواجهم رايحين للفندق ولو ماجا ابو العروس واهلها كان الى الحين خايس في السجن

انا يوم كان عمري 13 سنة ماشي مع اهلي في السوق لكن تأخرت عنهم شوي اناظر في محل ألعاب بشوف وش اللعبة المعروضة ومشيت وراهم المهم اللي حصل جاني واحد لاهو من الهيئة ولا شي واحد ملقوف متين ومستعد اقول اسمه يعرفه اخوي juve1897 لأنه في نفس الحارة اللي ساكنين فيها في الخبر اول وعلى طول ضربني ضرب وجت امي تقول وش فيك عليه وش مسوي لك والشرطة ماقصرو كانو قريبين ومسكو الرجال واعتداء على قاصر بالضرب دون وجه حق وما أدري وش صار عقبها والرجال اشوفه بعد الموضوع وده يخنقني وابشركم مرة وانا طالع من المسجد اعتدى على بالضرب ولو اهل الخير شافوه كان ما افتكيت منه وهالمرة رحت اشتكي مع الوالد وجا ابوه وطلعوه بتعهد انه مايمر في شارعنا ولا يصلي بمسجدنا وبعدين نقلو ولا أدري عنه وين راح لكن هو من اعفى لحيته وقصر ثوبه


في سوق الثقبة رحت بشتري لوازم العيد ليلة رمضان انا ما قد شفت هيئة هناك الا ذاك اليوم جيت بدخل الا يمسكني رجل الهيئة وين رايح ههااااع؟ يخوي بتشري لي شمغ وطاقية ومدري وشو قال ومالقيت الا الحين تشتري؟ المحل كله حرييم يافاسق الله يهديه

واحد ثاني يحرم ويحلل وصاير مفتي الله يهديه وعندهم جماعة لهم في الكويت اظن يوم مدري وش اللي صار وعرف الأبو وطلع من نفس القبيلة قال له انت ضيفنا وتغدى معنا وراح ويوم جو بنات الرجال تعرفون في الكويت البنت وولد عمها مثل الاخوان وجت سلمت عليه وهو فاق خخخخخخخخخـ لكن لما صار واحد ثاني بدا يتهجم عليه بكلام الله لايقوله


فليش تحلل لنفسك وتحرم لغيرك؟

إقتباس تعرفون في الكويت البنت وولد عمها مثل الاخوان

هذي في اي مسلسل شايفها ؟؟؟

شعب الكويت ما يفرق عن شعب المملكه

كل حريمهم يلبسن الحجاب الا الشيعه

جرح يشكي انا بنت عم لي كويتية الجنسية وابوها هناك ومثل ماقلت لك تسلم علي مثل اخوها وعشان كذا ماطبيت بيتهم كثير

إقتباس كل حريمهم يلبسن الحجاب الا الشيعه

هذي الي ماصدقت فيها

اخوي اسمح لي اقول لكـ انك تبكش واستح تقول مثل هذا الكلام وترا مايجوز ...


والله انا مانيب مطوع ولاكن الحمدلله ماحب ان الفاحشه تشيع ..


اخوي ترا مايكره الهيئه الا واحد ماسكينه بدعاره والا شي موب زين ...

وليش ماتتكلمون على المباحث والا الطوارئ والا الشرطه والا الشي اللي تبع طوال العمر تسكتون كانكم ماتشوفون..

الله يعز الرجال العظماء والله اول من سيندم على اقالت الهيئه انتم يامن تنتقدونهم
لن الله يمهل ولا يهمل والله لولا الله ثم هذولي الصقور لراحو فيها نسائنا من الذئاب
وكل من قل كلام على رجال الهيئه سيسئل عنه يوم القيامه اعتقد ان ما نسمعه
عن رجال الهيئه كذب بنسبه 90%
بعدين انت تقول 11 سنه فقط فوالله اني اعرف واحد في المتوسطه والله انه يكلم بنات
واكثر من وحده