مرحباً بالجميع .. وعذراً على التأخير الخارج عن إرادتنا

لكن لم أتوقعها منكم يا مرتادي المجلس العام ... كل هذه إتهامات فيني ,, كنت أعتقد عندما أقوم بإنزال الموضوع سأجد من يخفف علي مصيبتي ,, و لكن صعقت عندما وجدت من يرغب أن يضع جهاز أشعة اكس وأن هنالك من يتهمني بالحرامية .. وآخر يخيفني بمرض متلازمة الخجل الذي قد يصيبني ,, وغير الذي يخشى على يوزره مني

لكن إن كان مشرفي واستشاريو المجلس العام يقفون ضدي وباتوا يخافون مني ,, فلا لوم على البقية




وشكر خاص لـــ ...SoMe OnE...لأنه قال :

إقتباس ربما لكل واحد منا حكاية مع امر النسيان والاعتياد على فعل امر معين .. فـ لا تقلقي ولا تنعتي نفسكـِ ( بـ السارقه )

البالون

يا هلا بصاحب المواضيع المميزة سواء في المجلس العام , أو في منتدى الجمهور الهلالي

إقتباس انا احـس انـه مـوضوع عـادي !! انك تسـويـن .. مثـل هـ الشيء .. وكثيرا ماتحصل

لك تحية خاصة مع some one لأنك حاولت تخفف من مصابي ,
وبالفعل كثيراً ما يحصل هذا الموقف مع الكثير من الناس ولنا في القصص التي سردها اخوتنا الكرام من الأعضاء في هذا الموضوع مثالاً على ذلك ,,

إقتباس بـس صـراحـة سـردك للقصـة و اخراجـك لـ فكـرة تنتمـي لقصـتك فـهـذا أقل مايقال عنـه (ابداع) .. مشكورة ميسوو ,,

البالون .. كل الشكر لك على تواجدك العطر في الموضوع , وعلى إشادتك التي تعني الكثير بالتأكيد





عاشق الفيلسوف 15

هلا و غلا فيك يا هامور الأسهم المتهور... ,,

إقتباس هلا وغلا بالماسه ، أما سالفة الفيوز ضاربه بسبب الأختبارات هذي على غيرنا أعتقد والله عند الله ضاربه عشان (( الجوف خخخخخخخخخخ)) :eek:

وش جوفه الله يهديك .. خلاص اخذنا مناعة من سوق الأسهم السعودي من أيام نكسة فبراير .. يرتفع المؤشر..ينخفض .. عادي ,, خله ياخذ راحته وده يلعب شوي ,, بس انتم الله يهديكم شغالين تحطيم فيه .. عشان كذا يعاندكم
ما يمديه يرتفع شوي وتبدون تعدلون إلا ينخفض وتروح والسيولة , وتتراكم الخساير ,,
خلنا ننتظر و نشوف وش تصير نهاية فيلم الأسهم السعودية

إقتباس على قولة البنت عادي ،، وتلقين بداخل نفسها تقول (( شين وقوي عين ))

الحمدالله إني ما طحت بوحدة غيرها

فهد .. شاكرة لك جداً تواجدك ومشاركتك في الموضوع ,, والله يعوض عليك وعلى جميع المسلمين خسايرهم



الكــلاسيكي

اهلين وسهلين بالمميز المبدع دوماً .. كلاسيكو المنتدى الإستشاري ..

إقتباس ؤ يؤ يؤ .. مش مسدأ << يعني مصدق بالمصري .. ان الماسه كاتبه موضوع ..

حتى انا مو مصدقة إني كاتبة الموضوع ,, كنت ناوية اكتب موضوع في عام 2007 إن الله أحيانا لكن أخليت بالإتفاقية والله يعيني على عواقبها ,,

إقتباس بس ماقلتي لنا كيف كان لون وجهك وانتي ترجعينه .. اتوقع وش اتوقع متاكد انه محمر ومطأطأه راسك

من ناحية لون وجهي .. صح إني كنت احس بحرارة تطلع من وجهي لكن ما كان عندي مراية اشوف وقتها وش كان لونه ..
.. ومطأطأة رأسي .. أكييييد لا ,, ما سويت شي خطأ عشان أطأطأه ,,

إقتباس اتفق معك اختي في تفسيرك لموقفك .. فالشخص اذا تبرمجت افعاله على شي خلاص تلقائياً يسويها .. وهذي الحاله وحسب قرائتي ان الانسان اذا استمر على فعل معين يخزن في المخ نفس الفعل وينفذ في نفس الوقت او في نفس المكان تلقائياً حتى وان نقص او تغير شي .. طبعا انا سردت بمفهومي ..

إضافة جميلة اخي كلاسيكو .. ,, ذكرتني بقصة ذكرتها لي احدى قريباتي ولا ادري إن كانت تدخل من ضمن هذا المفهوم , وهي أن هنالك فتى إذا عاد من المدرسة كان دائماً يرى أمه وقد فرشت سجادتها في نفس المكان يومياً وكانت تصلي ,, وكان هذا الأمر يتكرر يومياً ,, ولكن ذات يوم جاءمن مدرسته ورأى والدته تصلي في نفس المكان وتوجه على ما اذكر للمطبخ أو لداخل البيت وتفاجأ بأن رأى والدته هناك ,,
لا أدري إن كانت هذه القصة تدخل من ضمن المفهوم الذي تطرقت له ,, وهذا معناه بأن الصورة التي كان يرى فيها أمه في نفس المكان والزمان قد انطبعت في رأسه , فأصبح تلقائياً يراها حتى وإن لم تكن فيه ,,

إقتباس هذي كثير تحصل معانا .. مثلاً انا سيارتي اوتوماتيك .. ومبرمج كيف اسوق السياره .. بس مره اخذت سيارة ولد عمي عادي واول ماشغلت رحت ادور القير الاوتماتيك واحرك يديني في الهوا واللي جنبي ماسكين ضحك

..

,,

إقتباس عموماً ياليت كل يوم يصير لك موقف بس علشان نشوف مواضيعك اللي من خلال موقف افدتينا واسترسلتي في كلامك بكلام منطقي وجميل ..

أنزل موضوع أوكي .. لكن يصير لي موقف زي كذا مرة ثانية ..

كلاسيكو .. إضافاتك في الموضوع راائعة .. ويكفيني إنك طلعت استشاري وفي ولا اتهمتني بالسرقة
وين الأزرق العالي يتعلم منك
دمت أيضاً استشارياً رائعاً .. نشيطاً ذا لياقة عالية .. متواجد دائماً ,





صدى الامس

يا هلا وغلا بالقديم الجديد صدى الأمس ,, صاحب النكهة الخاصة والمميزة في مواضيعه والتي لا يتقنها غيره
وصاحب المرتبة الأولى في التحطيم والمزح الثقيل

إقتباس والله وطلعتي سروووقه !!

إذا كنت تعتبر اخذي للاب توب من غير قصد وإعادته بنفس الوقت قبل ما اطلع من القاعة سرقة .. أجل وش تقول على إلي يرجم صديقه وهو متعمد ببلكة .. قاتل مع سبق الإصرار والترصد ؟!

إقتباس اهلتس والفيروسه الزرقاء حنا مالنا دخل ؟؟ قالت من يتحملني غيركم !! الحين المنتدى يالله يالله يتحمل الاعضاء وهم عاقلين عاد وشلون نتحمل عضوه + سروقه !!!

مثل ما تحملوا .. عضو شايب + قاتل

إقتباس نختلف معتس بقوه !! اجل تسرقين وتقولين برمجة وما برمجة !! البرمجة شوفيها تحت المنتدى الاقتصادي .. في منتدى الكمبيوتر والانترنت

..

للأسف منتدى الكمبيوتر والإنترنت لا يستقبل الحالات البرمجية العقلية

إقتباس لا تخترعين اعذار !! وتجيبين امثله مالها سنع !! وش دخل كتابة رسالة بالجوال في سرقة لاب توب !! طيب انا بقولتس .. الحين يوم تكتبين الرسالة تكونين انتي مختارة هالشي .. وانتي بكامل قواك العقلية (( هذا اذا قلنا ان عندتس عقل )) وعلى هالاساس نفس الشئ يوم سرقتي اللاب توب كنتي انتي بنفستس مختارة هالشئ ;) !! شفتي شلون ..

ما شاء الله عليك تحليل منطقي من الدرجة الأولى .. ,, لكن ما راح اخليك تحجر لي وتثبت زوراً بأنني راغبة في السرقة
اسمع تحليلي لوجه الشبه بين الحالتين ,,
في حالة الرسايل الخاصة عقلي تبرمج على انني إذا هممت لكتابة رسالة فإن أصابعي ستتجه للأحرف دون عناء البحث عن الحرف فقد انطبع مكان كل حرف في رأسي وما على يدي سوى تنفيذ الأوامر الصادرة من عقلي
كما تبرمج على إنني في حالة أن هممت للخروج من القاعة أن يصدر الأمر ليدي كي تمتد على اللاب توب الذي يقبع بجانبي , ولكن ولله الحمد استطاع أن يستوعب أنه أخطأ في إصدار الأمر قبل الخروج من القاعة

إقتباس المشكلة اللي يبرمجها على شئ سلبي (( وجه يقول احد قال الماسه الزرقاء )) انا شفت ناس تسرق بس مثلتس ماشفت !! يالله المره هذي لاب توب المره الجاية الله يستر لا تقولين اخذت شنطة مهيب لي !!

الحين صرت سارقة حتى وأنا رجعت لها شنطة اللاب توب بنفس اللحظة ,, ,, أجل لو إني اخذتها جد وطلعت من القاعة ورحت لبيتنا وش بتسوي فيني يا قاتل ,,


صدى .. وجودك في الموضوع دائماً يتخذ منحى وإتجاه آخر عن بقية الردود وله بالتأكيد طعم خاص .
. شكراً جزيلاً على تواجدك على الرغم من إتهاماتك وتحطيمك






عائدة للبقية بإذن الله ..

عُدنا إليكم ..






فرصه ضايعه

هلاااا وغلااااا بفروووصة الغالية .... فرصة أسعد من السعيدة أشوف لك رد على موضوعي

إقتباس هلا ميسو تو مانور منتدانا ......

المنتدى منور بوجودك يالغلا

إقتباس الظاهر من شاركت بالمنتدى اول موضوع لك اقراه:razz:

أجل زين إني اخليت بإتفاقية عام 2007 عشان تقرين لي موضوع ,,
وإن شاء الله يكون أعجبك

إقتباس ذكرتيني بقصه مدري من قاصها المهم مفادها أن وحده شرت لها فيشار وكانت عند السينما أو في المطار مدري نسيت تقول قعدت اقلب بأوراقي إلا الولد اللي جمبي بكل ثقه يمد يده على فيشاري وياخذ له كم حبه ... تقول أنا استغربت من تصرفه بس مشيتها وكل شوي مايستحي يدخل يده ويشاركني فيه .... إلى ان بقت قطعه وحده عاد في ذا اللحظه عطيته عين قصدي تراك طولتها ..... ويخلي اللي فيه ويتركني ويوم جت بتمشي قعدت تجمع بأغراضها إلا تلقى فيشارها ماتحرك اثرها من اليوم هي اللي تشارك الطفل مسيكين بحقه ولا بعد ودها تهوشه ولا قال لها شي بالعكس عطاها حتى أخر شي:sad: .... عاد هي تفشلت فشيله ماتدري وين تحط وجهها فيه عاد في الاخير مدري وش صار سالفه وذكرتها وقلتها

إيييه ذكرت هالسالفة .. أذكر إني قريتها عام 2002 في منتديات مدمي الشباك <<<< ذاكرة فولاذية,
لكن من جد فشيلة بقوة

إقتباس معطينا كتاب من ضمن اللي فيه ((( لو شعرت بملل خيّل لنفسك انك بتروح لرحله واتصل على الخطوط واحجز لك رحله على مدينه انت تتمنى زيارتها وخطط لسفرتك وكلش وبعدين انهي المكالمه وبكذا بتنبسط كنك زرت ذا الدوله لأنك استفسرت عنها وعرفت وش فيها ووش مافيها)))

إلا بتحمس زيادة إني اروح لها الدولة وبصير افكر فيها كثير ,, وبينقطع قلبي أكثر إني ما قدرت اروح لها وفيها كل هذا , وبتسيء حالتي النفسية لما اشوف إني غير قادرة على القيام بمثل تلك الأمور :sad:

لكن لو اتصلت وكان غرضي مو اتخيل إني بسافر ,, لكن زيادة ثقافة ومعلومات عمّا تحتوية تلك البلاد ,, فهنا بكون حصلت الهدف إلي أبيه من هذي المكالمة حقيقة لا خيال وبكون أبعدت الملل الذي اجتاحني, ,,

إقتباس يعطيك العافيه ماستنا وأن شاء الله ماكون طلعت عن الموضوع الأساسي

الله يعطيك إنتِ ألف عاااافية يالغلا على إضافاتك الجميلة وتفاعلك الرائع مع الموضوع والذي اسعدني كثيراً بلا شك

وكالعادة لى عودة للبقية من الأخوة والأخوات الكرام

إقتباس وعلى حد علمي لا يوجد في المجلس العام نساءٌ قد ظهر الشيب على شعورهن وخطت التجاعيد على وجوههن

انتي متأكدة



على العموم ماصارالاكل خير بس لاتتعودينها

حبيت اسلم عليك من دون اي تعليق

تحياتي وانااخوك

ابودانه