نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

The Danger · #43 17/11/2006, 08:40 PM

هلا وسهلا بـ ميسو ..
مسائك سكـّر

..

اذا والله كل موقف بتطيحين فيه ، بيخلينا نشوف مشاركاتك
اجل جعلك كل يوم تطيحين بموقف شين

.. !

تصدقين تصير لي زي هالمواقف .. بس تكون ( عاديّة ) لأنها تكون مع شلتي

، ومن باب الميانة .. فـ الوضع يكون أوكي !

أما ( يا شينها ) اذا صارت مع ناس ما تعرفهم ..
أول شي .. بيكون وجهي عبارة عن ( لوحة ) تجمّعت فيها كل ألوان القوس قزح

!

لو انا بمكانك وصار لي هالموقف مثلاً مع شخص ما اعرفه ..
اول شي بابتسم ابتسامة ( التسامح ) وبعدين باعطيه اللاب توب متأسفاً !
وباقوله معليش بس والله متعود دايماً اشيل اللاب توب معي على طول ..
وبعدها .. ما يشوف إلا ( غباري ) !

إقتباس


	ربما أتفلسف عليكم قليلاً ولكن إن لم تتحملوني أنتم يا أعضاء مجلسنا الموقر .. فمن يتحملني

تصدقين بعد هالجملة رحمتك خخخ
يا زين ( فلسفتك ) بس

إقتباس


	برمجة عقلك و أطراف جسدك على أمر معين له دور كبير في نجاحك أو فشلك وهذا يعتمد على نوع البرمجة إن كانت سلبية أو إيجابية ,,

الا على طاري برمجة العقل ..
انا كم مرة صارت لي حركة غبيّة

..
يكون الجوال بيدي ، واقعد ادور عليه بسرعة ، يعني يمكن 10 ثواني ..

وبعد 10 ثواني او اقل يعني .. اتذكر انه بيدي

!
الدبشة طول عمره دبشة

!!

آآآه يا راسي !

توني مخلص من مشروع في البرمجة .. ابي بندول يا نااااس

على طاري كلية الحاسب وغثى البرمجة ،
وانا امشي بالجامعة ، لقيت واحد كاتب على جدار احد الاسياب ، المهم مكتوب عليها :
" اللهم اجعلني اتخرج من كلية الحاسب وانا بكامل قواي العقلية والجسدية ! "

آمين يارب ..

تشااااو @