يقولون , ليس عيبا ان تخطيء ولكن العيب كل العيب انك تستمر في الخطأ !!
انا ماأدري وين يبي يوصل فيصل , ولاأدري وين هي وجهته ؟؟؟؟؟؟؟؟؟
يتكلم عن عشقه وحبه للهلال <== شيء طيب وممتاز
ويتكلم عن ان الهلاليين يحاربونه <=== شي ماهو طيب ولاممتاز !!
كلامه عن اللي يتعرض له ( مُسبب ) وهذا بإعترافه , يعني انتقاده وتهجمه (( الغير مبرر )) لمن يعمل في النادي يُعتبر مخالفه ( يجب ان يُعاقب ) من يرتكبها , ومافيه اي شيء غريب او إستقصاد معاداه عليه إذا خصم من راتبه ويُعتبر هذا امر طبيعي جدا .
طيب ليش زعلان ؟؟؟؟ انت يافيصل مخطيء ويجب ان تتحمل وزر خطأك ولا تكابر
الحاجه الثانيه , فيصل يدري ان هالمقابله الصحفيه ماهي الاولى , وكلامه الغير مقبول عن من يعمل في الهلال ليس الاول واللي ناسي يتذكر بندر ابن محمد
طيب ليه يافيصل ياغالي ماأخذت العبره من اخطاء الماضي ؟؟؟؟؟
ليه يافيصل ماتعترف ان فيه من (( غرر )) فيك وفيه من دفعك للخطأ وليه ماتصير شجاع وتقول ( اللي انت تردده هالحين ) بأنك عاشق للهلال وبأنك محب للهلال وتقدم اعتذارك عن مامضى من اخطاء وان تتعهد لرجال الهلال بأن هذا الخطأ سيكون الاخير وستطوي صفحة مليئه بالغط وستُبدلها بصفحه كلها مخصصه لخدمة ( عشقك وحبك ) فقط لاغير ,
فيه حاجه مهمه ثانيه ,, فيصل ما ادري وش عنده مع الاعلام ومع نقل مشاكله مع الهلال للصحف وللتلفزيون ؟؟؟ يعني هو يتوقع انه بيلوي يد إدارة الهلال ويخليها تنفذ طلباته وتحب على خشمه وتقول اسكت الله يرحم والديك !!!!!!!!!!!!!!!!!
او انه يبي يضحك على جمهور الهلال ويُظهر نفسه في شكل المظلوم واللي الهلاليين تهجمو عليه وغلطو عليه ويحاربونه بدون سبب ؟؟؟
الغريب انه ما يدري ان جمهور الهلال ( يعرف يقرأ ) ويتابع التلفزيون ويتابع الاحداث , ويعرف انك يافيصل بدأت بالغلط وانك انت من هاجم والان جاك ( العقاب المفروض على ادارة الهلال ) , يعني الكل يتابع ان الهلال ينقصه الكثير من اللاعبين بسبب خدمتهم لوطنهم , ويعرف ان الفريق في حاجه لكل اللاعبين الموجودين ,,
يعني وبصريح العباره الهلال في حاجتك الان , واللي قاعد تسويه بيكون سبب في انهم يفضلون عليك ( اي شبل ) ,,,,
انا مع ادارة الهلال ومع اي قرار يتخذونه ضد فيصل فالمنطق يقول ان ادارة نادي كبير كالهلال , لايمكن ان تركع ( لمافيا الرياضه ) ولا يمكن ان تستسلم ابدا ,,
إذا لم يعتذر فيصل (وفي الاعلام كما هاجم الهلال) عن كل ما بدر منه من اخطاء ,
فأي قرار سيكون صائب ,(( تنسيق,,, طررررررد,,, تنازل ,تجمييييد )),الاهم عدم بقاء من اراد ان يهين الهلال بإسلوب رخيص جدا وبثمن بخس جدا جدا ( 40%) من الراتب كأن اللي جاه سابقا ما يعادل الاف اضعاف هالمبلغ!!!!!!!!!!!!!!!!!!!
هل قول الحقيقه يستوجب الاعتذار ؟؟؟
حتى وان كانت الحقيقه مره ولاتعجبنا فانها تظل حقيقه وتظل هي مطلب الجميع وخاصه الجماهير الرياضيه
فبدلا من تقديم الشكر لفيصل ليش انه كشف عده امور كانت تخفى علينا نرى العجب العجاب من كل انواع التهجم على شخص فيصل وحتى ان بعض الجماهير هداهم الله اخذ المساله وكانها مساله شخصيه بينه وبين فيصل بل وكأنه هو من سيدفع رواتب فيصل.
ياللاسف ان ينصب العداء لفيصل ليس كرها فيه بل حبا في من يعاديه
وياللاسف ان يطلب من فيصل الاعتذار بسبب قول الحقيقه وكأننا نعيد سيناريو فهد الهريفي مع ناديه النصر
اتمنى من اخواني الجماهير النظر لموضوع فيصل ابو اثنين بعيون لاتعرف فهد المصيبيح عندها وبالتأكيد ستتغير صوره فيصل للاحسن وسيجد بدلا من هذا الهجوم والغضب سيجد بالتأكيد القبول والرضاء والاشاده
الصراحة كلام سليم وجميل ,,,
----
لماذا يجب اعتذار فيصل ؟
----
يجب اعتذاره لما بدر منه من تكبير مشكلته للأعلام.
####
للأسف فيصل توقع ان تعتذر ادارة الهلال له ...
وهذا ليس فيصل فيوجد من كان وراء فيصل والذي جعل فيصل ان يتكلم وان يبوح مافي صدره للأعلام فلا اتوقع ان فيصل كان لوحده..
####
ياغالي نعم مايشرفنا وجود ( أي لاعب ) يكون ( لُعبه ) ويكون وسيله للاخرين للنيل من هلالنا , ولايشرفنا ان نرى من يرى نفسه فوق الاخرين , لا نريد تخلف ولانريد تراجع كل مانريده هو ان يكون النظام هو الهلال وان يكون العدل هو الهلال فلا تمييز ولاعنصريه ولاهم يحزنون , لاعبي الهلال مثل اولادنا نريد ان يكونو مثل بعض في حبنا لهم وفي عقابهم ان اخطاؤو ,,,
نعم المطلوب ممن يخطيء ان يعتذر , لا ان يُعتذر له , فيصل لابد وان يعتذر وللكل حتى الجماهير ,,,
@ .. هلا بالغالي البارق 2000 ,,,
لاشكر على واجب ياعزيزي , وفيصل كان ثمن بربسة وتظلمه وتباكيه ( بخس جدا ) للاسف , كلامه اعوج واسلوبه ملتوي وضع مثل هذا لايمكن السكوت عليه وان سكتنا فوالله انها اكبر الاخطاء , لاعب نسي دوره واخذ على عاتقه النيل من الهلاليين بدأها مع بندر ابن محمد وهاهو مستمر في خزعبلاته وفي طفوليته وفوق هذا يتباكى ويذرف الدموع ,,,,
@ .. هلا بمديرنا الغالي salman99999
لا ياغالي الحكمه اللي قلتها ماتنكتب هذي الله يسلمك لازم تكون على ارض الواقع لازم يتم العمل بها كتابتها مالها أي قيمه , نبي لاعبينا يتصفون بالحكمه لا بالعنجهيه , نريد لاعبينا وعندما يكون كلامهم ظلم ان يكون منطقي ومعقول وليس بالشكل الذي رأيناه , تباكي غير مبرر , هدف هذا التباكي قمة الدمار ( للنظام ) نعم الصمت حكمه ç يجب ان يطبقها اللاعب ,,,
@ .. هلا بخالد# ,,,
لا هذا اسلوبنا ماهو اسلوب جار القمر , حنا اذا شفنا الخطأ مانصفق له ولانفرح به ولايضحك علينا كائنا من كان , كلام فيصل غير منطقي تباكيه غير مبرر , تهجم على الهلال , رضي بأن يكون ( تبِعا ) للاخرين , يذرف دموع التماسيح الان !!!!!!!!!!!!!!!
ليه هو بدأ من الاساس ؟؟ ليه هو اخطأ من الاساس ؟؟ وليش هو بوعد ماأخطأ تهجم على من رفض خطأه ؟؟
ليه ماإقتنع بأن طريقته واسلوبه ماهو صح ؟؟ ليه هو يبي ( نظام خاااااص فيه ) من دون البقيه ؟؟ من حضرته ووش يبي؟؟ كلامه في الجرايد ماكان له اساس من الصجه هو فقط ردد كلام غيره يعني بصريح العباره هو رضى يكون ( مطيه ) وبعد هذا يتهم الناس بظلمه !!!!!!!!!!!!
شف ياغالي لافيصل ولا الف فيصل يهموننا إذا حنا نشوف انه اخطأ , كلامه ماعلينا منه وخله يقول اللي يبي !!
وبعدين أي حقيقه اللي تتكلم عنها انت ؟؟؟
تطبيق النظام هذي حقيقه فيصل يرفضها ويتباكى يوم طبقت عليه !! ليه ؟؟
الاحتراف هذا حقيقه فيصل يرفضه ويقول ان عوايدهم ماتسمح !! وهذي ضده ماهي معه !!
الخصم اللي حصل عليه يستحقه وهذا نظام وكان لازم انه يقبله , سالفة التباكي واسلوب المظاليم هذا هو اللي حنا خليناه لجار القمر ,
عندنا في الهلال فيه نظام يمشي على فيصل وعلى غير فيصل الخطأ ممكن نتجاوزه ( لكن بعد الاعتذار ) ماهو بتواصل الهجوم ( من هو فيصل علشان يصر ويضغط على الهلاليين بهالشكل )؟؟؟؟؟؟؟؟؟؟؟.
@ .. هلا بهلالي نجد ,,,,
ياغالي يقول الشيخ زايد الله يطول عمره , الرجال اذا تبي تعرفه زين , لاتطالع بكبر حجمه وإلا بزين ملابسه ,,
اذا تبي تعرف من أي انواع الرجال ( خله يتكلم ) وبعدين تحكم عليه , يعني قال وبصريح العباره ان الرجل باللي يحتويه عقله وينطق به لسانه , وهذي والله انها حكمه وحكمه كبيره جدا ,,,
فيصل نعرف انه لاعب ممتاز ونعرف ان الهلال في حاجته ونعرف انه يحب الهلال لكن كلامه ماهو منطقي واسلوبه ماهو عدل , نبيه بس ماهو بهالشكل !! نبيه يرجع ويشوف شغله ماهو شغل غيره , نبيه يهتم بالحظور ويهتم بالنظام , نبيه يبتعد عن نشر الغسيل في الصحف وفي الاعلام بشكل عام , مانبيه بوق علينا ,,,,
@ .. هلا بزعيم اسيا ,,,
نعم ياغالي الطلب بسيط جدا اعتذار عن بلبله عملها فيصل والاعتذار عن خطأ واضح جدا منه , الامر وبكل بساطه نظام يجب ان يطبقه فيصل ,,,
اللي وراء فيصل ماعنده سالفه ورطه وخلاه هو الضحيه وصدقني هو الخسران ,,,
@ .. هلا بفتى الدلم ,,,
نقرأ ونتابع ونفكر , غير هالكلام مافيه ,,,
انت الان تتكلم عن مهابة الحقيقه !! وانا اسألك ( وين الحقيقه اللي تتكلم عنها ) ؟؟؟؟؟
عطنا الله يسلمك نبذه عنها , لكن لاتكون صوره للي سمعناه من قبل , فالحقيقه السابقه ( مُظلِله ) وليست كما تتوقعها حقيقه بل هي ابعد ماتكون عنها !!!!!!!!!!
الاعتذار هو ليس لأن فيصل قال الصراحه , الاعتذار هو لأن فيصل ( تعدى حدوده ودوره كلاعب الى وصي او بوق او سلاح في يد من يريد ان يُهاجم الهلال ويربح الاموال من زيادة عدد المبيعات لديه , هنا نحن نطلب الاعتذار وهنا يجب ان يبديه فيصل او فليذهب حيث اتجاه الريح ولن نأسف عليه ,,,
اخوي مافيا الرياضه لم تفهمها كما يجب , ليس(( فيصل)) المقصود ,بل من وراء الكواليس هم من اقصد فلا تطلب الاعتذار لهم فهم لايستحقونه ابدا ابدا , وانت واعضاء منتدى الزعيم تكرمون ونجوم الهلال فوق ان نصفهم بهذا الوصف تأكد من ذلك ,,,
انا ما عني راي في الموضوع (موضوع فيصل)
انا مستغرب جدا من موقف (القائمين على منتدى جماهير الهلال)
بعد انتهاء / مقابلة فيصل البارحه وضعت موضوع حول راي
الجماهير فيما قال فيصل ومن هو مع ما قال او ضد ما قال
ومع انني طلبت من القائمين على المنتدى (عدم حذف الموضوع)
الا انني فوجئت وبكل اسف ان الموضوع (اقفل) بعد ثلاث مشاركات؟؟؟!!!!
الان احد الاخوة طرح نفس الموضوع وبدا كل واحد من محبي الزعيم
يبدي وجهة نظره ورايه في الموضوع (ولم الحظ من القائمين على المنتدى
حذف الموضوع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!
اعتقد ان موقفي شبيه الى حد ما بموضوع فيصل
يعني انا (ما اقول شي)
وغيري (يقول على راحته)
حسافه والله // لن اطلب من القائمين على المنتدى الاعتذار لي
بل انا اعتذر لهم (المهم ما يزعلون من ازرق الازرق)
اما موضوع فيصل على صح او المصيبيح على خطا
هذا شي انتم ممكن (تعرفونه من خبرتكم)
كم نجم // سطع في ناديه وكان قد سبق له التمرين مع صغار الهلال//
ومن المسئوووووووووووووول ومين قاله (ما تصلح فمان الله)؟؟؟!!!!
وبس
حبيب البي..
الغالي اخوي العوام..
قضية فيصل قضيه غامضه وشائكه واكبر من اننا نلملم بأطراف القضيه..
وللتوضيح كلمة ((اداره)) تعود على اكثر من شخص داخل النادي منها المشرف والمدير والمدرب والمترجم وعلى سبيل المثال حصلت قضايا عده لنجوم من العيار الثقيل والسبب كان مترجم ولكن محسوب على الإداره..
قضية فيصل لم يكتمل النصاب فيها ففيها ( فيصل)...والناقل(الجريده)..اما الثالث..(؟؟)
ويبقى المشاهد لهذه القضيه مثل الأخرس بالزفه..ومايدري مين يصدق...
تناول فيصل مايسمى با( المسعد )..وهذا بحد ذاته قضيه..ولكن ربما لايملك من القوه التي يمتلكها غيره..
فيصل نجم لم تعطه الإداره مرتبة النجم الكبير..ولم تعطه مرتبة النجم المهمش..واخذت عليه هفوات..تعتبر بسيطه قياسا بما قام به الثنيان اوسامي....ويجب ان لاتجرنا العاطفه..وان نعترف بما قام به هذين النجمين ولكن للحق...والحق يقال.( من يقدر يحط راسه براس الثنيان او سامي ) ولو تجراء اعتل شنب الى انه يتصادم معهم كان راحت فيها ( ارقاب)...
وغير هذا ليه مايتفضل علينا (المظلوم)..ويبري ساحته؟؟؟
تعاملنا مع قضية سامي من باب التعاطف وقدر سامي ذلك لأنه نجم كبير وتلقى الغلطه باعتذار وواكب كل هذا متابعه اعلاميه كبيره..وينطبق الحال على يوسف...
ولكن وبما ان اكثر الهلاليين لايرغبون بـ ابواثنين...فقد نصبوا انفسهم قضاه ضد فيصل..ومحاميين للـ (المظلوم)..
اعرف ان كل كلامي السابقي يقابله رفض مطلق من اكثرقارئيه...ولكن دعونا نتذكر ان اي واحد يجب ان يقوم اخيه اذا كان في دائرة الخطاء...وان يعينه اذا كان في محيط الظلم..
قليل من التروي وقليل من الحكمه ..تظهر لنا نتائج مزعجه جدا..
يخليك ربي
طبعا انت ماشاركت في الموضوع برأيك وكل ماقلته هو انتقاد لإدارة الموقع !!!
عموما حياك الله
@ .. هلا .. ابو رشا ,,,
حبيب البي انت والكلام اللي تقوله ,,,
اخوي انا ذكرت كلمة ( إداره ) قاصد ومتعمد لأن فيصل ضيع الهدف وضيع الخصم وضيع المدخال والمخراج , ((خصم وتشدد , اسلوب اداري خارج النادي , نظام , احتراف , ارثر , المصيبيح , رئيس النادي , المسعد ,)) كل هذه الامور تخص الاداره ولها علاقه مباشره مع مشكلة فيصل ولهذا انا ذكرت الاداره ,,
اخوي ابو رشا انت قلت حاجه غايه في الاهميه وهي :
إقتباس
فيصل نجم لم تعطه الإداره مرتبة النجم الكبير..ولم تعطه مرتبة النجم المهمش..واخذت عليه هفوات..تعتبر بسيطه قياسا بما قام به الثنيان اوسامي....ويجب ان لاتجرنا العاطفه..وان نعترف بما قام به هذين النجمين ولكن للحق...والحق يقال.( من يقدر يحط راسه براس الثنيان او سامي ) ولو تجراء اعتل شنب الى انه يتصادم معهم كان راحت فيها ( ارقاب)...
عزيزي الاداره لاتملك ان تعطي ( مرتبة النجم ) لأحد هذه المرتبه يحصل عليها اللاعب بنفسه ويثبتها بثبات مستواه ونجوميته , وفيصل يفتقد لهذا الامر , فيصل لاعب يملك موهبه لااحد ينكر هذا الامر , ولكنه لم يُظهرها بالشكل المطلوب , فهو دائم الغياب , نجوميته ( عندنا ) في النادي فقط اما في المنتخب فلم يحجز لنفسه مكان ولم يُثبت نجوميته بالشكل الذي حصل عليه يوسف او سامي ( رموز الكره السعوديه ) وطلب مساواة فيصل بهذين اللاعبين غير صحيحه وغير عادله , فيوسف ورغم اخطاؤه إلا انه نجم ( فرض ) نفسه ليس على الهلاليين فقط بل على الكره الاسيويه وكذلك سامي اما فيصل فلم يصل لما وصلو له ابدا ابدا , ربما يكون غيابه المستمر سببا وربما يكون انه ( قيّم ) نفسه بأكثر مما تستحق وأخذ يطلب ان يُعامل مثل من ذكرت وهذا خطأ كبير جدا جدا ,
بالنسبه لعدم الرغبه في فيصل , فأنا واحد كنت ضد ماحصل لفيصل في الفتره الرئاسيه للامير بندر ابن محمد وكنت ضد حكاية التنسيق والمشاكل التي حدثت , وكنت اقول ان الامر لابد وان يُوجد له حل وان عقابه لهذا السبب فقط غير عادل وكنت اقول انه يجب ان ( تتغاضى الاداره ) عن هذا الامر وهذا ماحصل , اما في هذه المشكله فأرى ان فيصل تجاوز حد المنطق ولم يستفد من اخطاء الماضي مما يعني انه ( اخذ الامر كعاده ) يفتعل المشكله وسيعود مثل ماحدث في الماضي وهذا الامر إن تم فهو خطير جدا وسيُشعرنا بخلل لن يكون مجال الاصلاح فيه متاح ,
عزيزي كان لدى فيصل فرصه كبيره وهي ان يتقدم بإعتذار بعد ان شاهد ردود الافعال من المقابله الصحفيه , ولكن فيصل اخذته العزه واخذ يزيد اشعال النار ومن الظلم ان نطلب من (( المظلوم )) ان يتغاضى عن كل شيء <== اخي للنفس حق,,
@ .. هلا بمشعل ,,,
ياغالي انا حطيت عنوان الموضوع بوش تبي يافيصل <== يعني اطلب منه يحدد
والله ياغالي انها مشكله , فيصل مايدري وش وجهته ولايدري هو رايح وين , شاف له ناس ( تطبخ ) وقال ابي اعاونكم وهو مايعرف شيء اسمه طبخ , ياليته يروق ويعرف الامور بالشكل المطلوب , ويعلنها و ( يعتذر ) ويتعهد وبيلقانا (( ضد )) الاداره إذا ما لقت له حل , اما انه يغلط ويستمر في الغلط فهذي كبيره بحق الهلال والهلاليين كلللللهم .
@ .. هلا باليامي 2001 ,,,
هههههههههههههههه وش السالفه ؟؟
السالفه ياغالي مستعصيه وحلها صعب , وشرحها اصعب من الصعب <== فهمت شيء