هلا والله وغلا أخوي الحبيب ياقاهرهم
ألحين أنا أفكر وأنا أقرا موضوعك
لو نفترض إنه أقيم لماجد حفل اعتزال بجد من يحضره
اللي أعمارهم من فوق الخمس وعشرين أتوقع إنهم نادرا ما يحضرون بالملعب ويكتفون بالتلفزيون لمتابعة المباريات ...
واللي من العشرين وتحت أتوقع غذا قالوا فيه اعتزال ماجد وش توقع يبي يقولون
يقولون من هو ماجد !!!! مانعرفه ...
مثل سعيد غراب والله العظيم إني ما أذكره ولا أذكر له مباريات مع إني أسمع فيه إنه لاعب كبير
فماجد في هذا الوقت أتوقع إنه غير معروف في أوساط الشباب على الأقل لا يعرفون مبارياته وأهدافه إلا من خلال السماع والقراءة عنه في المنتديات .
وهذا اللي أتوقع من خلاله طالب سعود عبدالعزيز أن يكرم بتقديم مكافأة مقطوعة لماجد لأن التكريم فات وقته ولا راح يجي أحد لحفل اعتزاله لأن جمهوره ألحين كل واحد ( بلش ) بعياله
لكن تبي العلم ماعقب فتح الحساب شيء طرارة على أصول وعيني عينك اللي قريناه اليوم أهون بكثير من سالفة الحساب .
أما عبد الرحمن بن سعود تغيرت توجهاته بالنسبة لماجد مليون درجة بعد ما كان ( ماجد أحمد عبدالله ) ويفتخر فيه وسالفة الريال اللي يرددها في كل حوار معه صار ماجد على قولته يشكك فيهم وانهم يبغون ياخذون فلوس الحفل ومن هالكلام اللي تعرفه .
وسعيد العويران بعد كان محبوب من قبل الأمير خالد بن سعد يوم كان يلعب ويقد مستوى مقنع على الأقل لدى الأمير وإن كان لا يقنعنا ولكن بعد أن انتهى كلاعب وأصبح لا يملك ما يقدمه للشباب نسى الأمير خدماته ولعبه طوال السنوات وبقاءه في الشباب وصار كما نقرأ في الصحف يلوحون بالاستغناء عنه
وجه الشبه ( كانوا مقربين لرئيس النادي وبعد أن انتهوا كلاعبين صاروا مزعول عليهم وفيه خلافات بينهم ) وش رايك ذهين ؟
تحياتي لك يامبدع
مانستغني والله عن موضوعاتك ياقاهرهم الله لا يبعدك عنا
الوضع العادي
