(( رفض أمير الوفاء والانسانية صاحب السمو الملكي الأمير تركي بن عبدالعزيز أن تكون نهاية النجم سعيد العويران كغيره من لاعبي الشباب الذي تم الاستغناء عنهم بصورة غير مقبولة فقرر سموه الكريم تقديم مكافأة شهرية تصرف لسعيد العويران مدى الحياة تقديراً لتاريخ ومكانة وخدمة العويران للمنتخب وناديه الشباب خلال مشواره الرياضي السابق وهذا التكريم الذي حظي به العويران من الأمير تركي بن عبدالعزيز هو أفضل مليون مرة.. من اقامة مباراة اعتزال تنتهي بنهايتها واذا كان الجميع يتفق على ان العويران هو اللاعب السعودي الاشهر بعد هدفه التاريخي في مرمى بلجيكا في كأس العالم 1994 فإنهم ايضا يتفقون على مكانة وموهبة ماجد عبدالله الذي يستحق تكريماً خاصاً ومماثلاً للتكريم الذي ناله سعيد العويران فماجد عبدالله ومنذ ان اعلن اعتزاله قبل اربع سنوات وهو يبحث عن اقامة حفل تكريم له وهو الشيء الذي لم يحدث ويبدو انه لن يرى النور فالأمل كل الأمل يا سمو الأمير ان يحظى النجم ماجد عبدالله بتكريم مماثل يعوضه عن حفل التكريم الغائب!! ))
السطور السابقة والتي بين الاقواس .. كتبها اليوم (سعود العبدالعزيز) الكاتب الرياضي الكبير !! ضمن مقاله في جريدة الجزيرة .. و مع اقتناعي التام ان سعود من فئة ( الشور شورك يا يبه والرأي رايك يا يبه) .. الا انه بسطوره تلك جعلني اتأمل وافكر كثيراً .. لماذا كتب (سعود) مثل هذا الكلام .. هل هي الشجاعة ام انه من (حر) ما يوجس كتب بدون شعور احاسيسه كمشجع نصراوي .. نعم (ماجد) الرمز الاصفر تمر عليه الايام تلو والايام وهو يركض في دعاية كوكا كولا دون اي مؤشر لتكريم او تقدير !!
هل وصل القهر لجماهير ماجد ان (يطروا) له عبر الصحف .. ويقولوا في اعمدتهم ( لله يامحسنين )!! ..
ألم نقل لكم من شهور بل من سنين ان ماجد ( راح وطي) !! ألم اكتب (مرمطوك وأي نجماً مرمطوا) !! .. عندما قلت هذا الكلام قبل سنة ونصف كانوا يقولون ( انت حاقد .. هذا عمك .. خلك في سامي احسن لك !! ) ... والان هاهم وعلى رؤوس الاشهاد يمدون ايديهم لكي يصرف لماجد راتب شهري مدى حياته !!!!!!!
ارسل ماجد الفاكس الشهير .. و(طر) لنفسه .. وفجأة خرج ماجد يقول ( كانت خدعة مني لكي افضح واكشف الصحافة الزرقاء !!) ياذهنك يابوعبدالله .. والحين من اللي انكشف .. ؟؟ .. لم تستطع ياماجد مصارحة جماهيرك بجحود الادارة النصراوية .. ورحت تلعب بورقة صحافة الهلال التي ابتدعها رمزكم !!
ماجد .. الذي قالوا عنه انه يدعم النصر بالملايين !!
ماجد .. الذي قالوا عنه انه كان يسدد رواتب اللاعبين!!
ماجد .. الذي ساهم في دفع اجور بعض الاجهزة الفنية !!
أصبح الان يتوسل عبر جماهيره .. ليحصل على تبرع او حفل تكريم .. !!
قالها ابو ثمامة .. ما يصح الا الصحيح .. و النصر بمن حضر ... وبلا ماجد بلاهم !!
ختاماً اتفق معك يا (سعود) هناك قاسم مشترك كبير جداً بين ماجد و سعيد .. ولكن ليس بالضرورة ان يتم التصرف مع ماجد كما تم مع سعيد ..
من منكم يقدر يعرف القاسم المشترك
@@@@@@@@@@@
@@ تشويت مع الوجة ! @@
@@ يقولون ليش ماجد بالذات اللي حرصتم يقام له حفل اعتزال ..؟؟ ويقولون .. هناك لاعبين اخرين منهم عالميين لم يقام لهم حفل اعتزال !! .. ويقولون .. روحوا شوفوا لاعبين الهلال اللي ماتم تكريمهم الى الان .؟
انا اقول لكم ((ليش)) ؟؟
اولاً منذ ان اعتزل ماجد .. والنصر وماجد وجماهيره يلوحون باعتزال خرافي لم يسبق ان شاهد العالم مثيل له .. جولة في المملكة !! ومنتخبات عالمية !! واستراحتين وحدة للحريم ووحده للرجال <=== صار عرس !!!
كل هذة الوعود جعلت الجميع ينتظر هذا الكرنفال اللي لازال طور الاعداد (كما يقول ماجد) ..
هذة الوعود ايضا جعلت الجميع يتسأل : وعدك متى !!؟؟ .. حتى بعض الجماهير النصراوية ملت من موضوع الاعتزال وراحت تبرر تبريرات سخيفة .. ابرزها ( تكريم لاعبي الهلال) !!؟؟ بالرغم من ان لاعبي الهلال يكفيهم تكريم ما صعدوه من منصات وحققوه من بطورلات مع الزعيم .. اقول رغم هذا فقد اقيم مهرجان اعتزال لمن اراد ان يتم تكريمه .. وهناك من نجوم الفريق من رفضوا فكرة مباراة الاعتزال ..
لاعب واحد فقط هلالي طالب بالتكريم ولم يتم بعد .. وهو سعد مبارك .. ولكن هل سعد مبارك بشهرة ونجومية ماجد .. اذا كان الجواب (نعم) خلاص لا تكرمون ماجد .. واسفين على الازعاج .. واذا كنتم مصرين ان ماجد هو (افضل لاعب في مشارق الارض ومغاربها) طيب ليش مرمطوه ليش ما كرمتوه .. !!!!!
اما الاستشهاد بنجوم عالميين هو استشهاد خاطئ .. لان اللاعبين في اوروبا والدول المتقدمة كرويا يتم معاملتهم معاملة (غير) فهم محترفين ودخل اللاعب الواحد يفوق ميزانية نادي الهلال والنصر والاتحاد مجتمعة .. فلا مجال للفلسفة والمقارنة !!
زبدة القول .. اعتزال ماجد .. انتم من خلق له هالة اعلامية عجيبة .. لدرجة اننا توقعنا ان منتخب كوكب المريخ سيقابل منتخب كوكب المشتري وستقام المبارة في عطارد لضمان الحضور الجماهيري ..
انتم من عمل بهرجة ودعاية لوهم اسمه (مهرجان) خرافي .. وناديكم هو من خاطب الاتحاد الاسيوي لتكريم ماجد !! لان ماجد نجم قاري وليس سعودي .. وفي هذا جحود لقارة افريقيا بس ماعلينا منهم .. خلوا يجي عضو افريقي يدافع عن قارته !! هههههههه
@@ يقولون والعهدة على الراوي ان النجم الخلوق محيسن الجمعان الى اليوم يراجع بعض الدوائر الحكومية علشان يثبت ملكيته للاراضي التي اهداها له ابو ثمامة في حفل الاعتزال .. وبعض المصادر تشير الى ان ثلاث من المنقبين لقوا مصرعهم اثناء البحث عن تلك الاراضي في الربع الخالي
@@ الجائزة التي قدمها ابو ثمامة لسالم مروان شفاه الله .. كانت عبارة عن (مصحف شريف) .. هدية قيمة ولا يعادها اي شئ اخر .. ولكن انا متأكد ان سالم مروان كمسلم في منزله مالا يقل عن عشر مصاحف .. !!
ما اروعك يا ابو ثمامة .. ذهين والله ذهين
@ .. سعووووود العبدالعزييييز !!!!!!!! ( إلا هذي!!) , وش صار وش تغير في الدنيا , اجل إتخذ موقف مضاد لأبوخالد اوه قصدي ابوعبدالعزيز <=== ضعنا ماندري وش نقول ,مايصير وكيف نمشي الحكايه هذي !!!!
مستحيل ان سعود العبدالعزيز يترك كل هالتميز علشان ( شرهه ) تعطى لماجد , وإذا فعلا هو سوّاها اجل بيفرح عبدالسلام السبعان ( صار له ونيس ) ,,
وبعدين حنا سمعنا ان ماجد ( هامور )<=== ماهو السمكه هامور يعني (كبش فلوس ), وين راحت الفلوس , افااا الله يقطع شين التصرف
تصدق ياعزيزي اني من يوم سمعت عن الحساب في البنك وانا حاس ان الدعوى فيها ( طراره ) , وإلا لو اني من ماجد لأضحي بمهرجان الاعتزال اللي بيجلب لي ( الذل ) ,,,
@ .. اما القاسم المشترك ,, والله اني حاولت اعرف هالقاسم ولا توصلت إلا لــــ ( ع ,/, ش ),
@ .. تشويتاتك اللي مع الوجه ,,
هم من قال وهم من يسأل !!!! , ياغالي تصدق اني حجزت يوم 9 /9/1999 للرياض قبل خمس اشهر من الموعد علشان اضمن اني احضر ذاك اليوم المشهود اللي صجونا فيه واعلنو ان بيصير غير على وزنية تصبح على خير , لا ومخلي اجازتي السنويه في شهر (9) علشان اشوف هالمهرجان الحلم !!
وهالحين يقولون ليش الاهتمام بمهرجان الاعتزال هذا <==== عجبي !!
& . محيسن , يامسكين استعداد الين جاء الموسم واخرتها يعلنون اعتزاله , ويعطونه ( اراضي ) في الربع الخالي افاااا , وين حقوق الانسان؟؟
& .. ابوخالد اوه اقصد ابو عبدالعزيز <=== شوفو لنا حل ( عيت تمشي ), المهم هو ذكي وذكائه خارق لكن ماهو علينا ولاحتى على سالم مروان , لكن وش يقدر يسوي او وش يقدر يقول ؟؟؟
بالنسبه (لسعود العبدالعزيز) مااظنها شجاعه ( من متى عندهم جراءه بقول الحقيقه) ولكنها (حرق اعصاب) ان نجم كالعويران كرم هكذا تكريم وهم في نظرهم ماجد اعطى اضعاف مضعفه ولم يأتيه ربع تكريم العويران شىء اثار حفيظته وجعله يشطاط غيضا ,,,
والله ياابوهيا انا الى الان استغرب وين راحت هالتبرعات اللي فتحوا لها حساب (اسف طراره ) بالاضافه الى الدعائيات التي قام بها , هذا غير انه فيه اعضاء في منتديات ( يريدون ان يفدون ماجد بااباءهم وامهاتهم ) فمابالك بالمال
وش فيه طراره اكثر من كذا على مستوى منتديات مابقى الا نشوف فيه موضوع يطلب فيه كل واحد منهم يتبرع باقل شىء خمسه ريال (يكتب اسمه) في نفس الموضوع (والله ودهم يسون بس مستحين)
بالنسبه للقاسم المشترك (كلهم مهاجمين انتهوا في نفس الفتره) ,,,
بالنسبه لمحيسن الله يكون بعونه يخلي هالاراضي واحات تخدم على طرق القوافل المسافره بريا (هذا اذا عرف مكانها) وياقلب لاتحزن ,,,
ولكن أعتقد ان انديه في مكانة ومستوى النصر (امحق مكانه) لن يحصلوا ابدا ولا حتى في الاحلام على رجال في مكانة سمو الامير تركي بن عبدالعزيز والاسباب كما تعلمون واضحه ولاتحتاج الى تفكير ......
الى الجماهير الببغائيه ...... اريد ان تذكروا لي لفته (حنونه وابويه ) من قبل ادارة ناديكم على اي لاعب او اداري خدم النادي .... لن تجدوا ابدا
على فكره نسيت هذه النقطه وعدلت الموضوع من اجل كتابتها وهي قديمه ولكن (بقراطيسها ) .....
لاتعتقدوا ان جماهير النصر ايضا وفيه او مغلوب على امرها ولكن كل مافي الامر ان الطيور على اشكالها تقع فعندما فتح حساب ماجد في البنك قبل سنه وصل المبلغ بعد شهر كامل ....
(كم تتوقعون مبلغ خيالي وبعد شهر كامل ..... والله ياجماعه 5000 ريال لاوابشركم فيه كسور فوق الخمسة الاف ياميه او ميتين ) جماهيرهم وفيه جدا
بالنسبة لنجمهم اللي مرمطته الإدارة وهو مرمط جمهورة وزرفهم التبرعات علشان يثبت الصحافة الهلالية ويفضحها
فياليت الصحافة الهلالية تقوم بجمع المبالغ اللي دفعها محبي ماجد وماجد زرفهم فيها حتى يفضحون ماجد
ولكن الغريب سعود عبدالعزيز اللي رجع في نفس المقال وكرر كلمته الشهيرة ماجد لاعب القرن العالمي
وهي المقولة اللي توقعناها تنتهي خصوصا بعد رد ماجد المجحف يوم وفاة اخته
وايضا هل ترشيحة لناصر الأحمد بمعلق القرن كانت نتيجة ان ناصر الأحمد هو الوحيد بالعالم اللي جلس جمب اكبر محللي العالم وهو سعود العبد ... اضافة إلا انه كان له الشرف على التعليق في اعتزال رفيق درب ماجد
ولكن يبدو ان وجيهم مغسولة بمرق
ولكن هل صحيح ان محيسن الجمعان صرف البملغ اللي قدم له هدية من عضو شرف هلالي وهو 50 الف ريال في البحث عن هدية ابو ثمامة ههههههههه
ياليت لو توضح لنا الأمر يا ابو هيا
تصدق سبق واقترحت في موضوع سابق ان سامي يتبرع بنسبة 15% من قيمة عقده مع وولفز للمساهمة بتكريم ماجد .. هالكلام قديم على وقت احتراف سامي .. بس ما لقينا منهم الا الصدود حتى الفكرة ما اشادوا فيها
اما العبدالعزيز ومعلق القرن ما اقول الا وسع صدرك بس
والله مبغ ال 50000 ريال حق محيسن ممكن يكون راح بحث وتنقيب بس توني اسمعها منك هههههههههههههههه ابسأل وارد لك
بس يابو هيا شكلك غايب عن الساحه الرياضية من زمان ولا انتب داري وش اللى قاعد يصير الآن ,,,,
ابو هيا بالله جاوبني وينك عايش فيه هالمدة ,,, يعني للدرجه هذى ماتدري ,, والا العالم الله انك منقهر ومن زود الحرة كتبت هالموضوع بدون وعي !!
الحين الدنيا مرتجه ومخترشه والصحافة قايمة قاعده والمحطات الفضائية شيل وحط ومهاوش وطقاق على اللى ينقل الحدث !!!! وانت مدري وش اقول فيك يابو هيا ,,, والله لو غيرك كان علوم ثانية لكن انت ,,, ياخوك غريبه !!!!
الليـــــله لا تفوتك ,,,, النــــــصر × الحــــــزم ,,, نعععععععم الحزم ,,, مانتب مصدق بكيفك !!! شفها الليلة على الـ fox و CNN وESPN والفضائية السودانية والفضائية اليمنيه وهالهلمه كلللها,,, اذا تقولي ماعندك ( دش ) دبر عمرك ,, شفلك أقرب قهوة على طريق الحجاز ,, والا كانك تعرف واحد ولد نعمه المهم انت ابوها وسمها ,, ترى المباراة ومشفرة ,,, والله ولا المخابرات الأمريكية تفكها ,,, يعني رحتوا فيها ياراعين غصب واحد واثنين وانا معكم ,, بس اني مزبن عميري ابروح لزول يحبه قلبك ,, راعي المفولة اللى انت خابر ,,, ايه هو ما غيره عصمان ختم السر ,,, عنده ياطويل العمر تلفزيون مدردع زي فوله ,, لكنه يجيب قناة السودان وهي اللازم واالباقي الله يخلف ,,, بتقولي وش هالعلاقه اللى بينك وبينه ,, ابقولك المفوله حقت الشايب مأجرها عليه ,, يعني يلف ويدور ,, العب في حسبة قلابته وفوله واعثيلك في كمونيته واختمهالك في شوشته عفففوا إإإإإإىىى قصددددددي شكشوكته ,,, المهم الزول مهبوووول ماااااجد راجنا ولاجنا يقول هذا ولدنا وحقنا ,, وصور ماجد الى صحن الفول تلقاه فيه ,,, يعني جو رياضي على كيفك ,,,
ودك تجي الله يحييك ,, بس بكر شوي ,, ترا هالزوله بيترسونلك المحل على آخره يعني الحق على عمرك وخذ لك كرسي قدااام ,, والا بتقعد فيها,, خابرهم كبار ماشاء الله وشوش ,, يعني الا ياشايف ,,
وان عاد ماقدرت يابو هيا وصك عليك ابوك وقالك ودنا لعرس جيران عمة نسيب خوال جدتك لا يضيق صدرررك وانا اخوك ,,,,
ابو خالد ( الرمز ) متوعد ان مهرجان التكريم راح يكون في مناطق متعدده ( قالبها فريق هارلم وحنا ماندري ) ,,, يعني في تاريخ 9 / 9 / 9999 يبي يكرر هالحفل ويحطه في نادي الربيع اللي الظاهر انه في ضلم اللى حول الطايف (( يقول ابو خالد هناك أنفه .. وقريبه للاجواء اللى متعودين عليها نجوم النصر )) ,,,, وبعدين ياطويل العمر يبون يدحدرون على نادي الصقور واللى مادري وينه فيه طبعاوهذا في تاريخ 9 /9 /9999 ,, بتقول وش ذا نفس تاريخ الأول ,,اقولك لا وين رايح يالحبيب ,, جرك ابو خالد على خشمك ,, الأول بالميلادي والثاني بالهجري ياذكي ,, يقول ابو خالد لازم نكوش على ككككل التسعات الموجوده (( يعني راح فيها لد التسعات SALMAN99999) ,,,, عاد آخر شي يبون يختمونها مع نادي شعب حضرموت بعد التوأمة الجديدة ,,, وتنتهي سالفة ماجد ,, وتنتهي قصة الف ليله وليله وعلي بابا وسندباد وحتى بشااااار الى طلع ارواحنا وهو مالقى امه الله يغربله ,,,,,
## الغالى ياقاهرهم ياسامي والله ماعندي شئ اضيفه لموضوعك لكن محبة من لما تكتب دخلت وشاركت ,,,
## والله على قولتك طراره ..... اجل وين راح الحساب اللى فاتحه في البنك ... لم يتقدم احد ....
والله وأنا أخوك أنت ذكرت أن ما ذكر جعلك " تـتـأمـل وتـفكر كثيرا " .
ومـا الومـك حـتى أنا بعد ما قـريت مقالك أعلاه وأنا أهـوجـس وأفكر ...
إلى أن وصلت لشي أتوقع أن يسونه بعد فترة وهو بيع كوبونات تبرعات في المدارس وهذا المنتظر منهم الكوبونات راح تكون بفئات طبعا من ريال إلى خمس مائة وعليك الحساب وهذا اللي باقي . صبرك واتشوف كلامي بس لا تستغرب , والمشكلة أن كبيرهم بقولون عـنه رمز الكرة السعودية والمحنط الاسمراني يقولون عنه عميد اللاعبين وأخرتها هذا الجزء ...
وودي أهدي العميد أغنية بهذه المناسبة ومن خلال موضوعك يا بوهيا
أتمنى أن يتقبل مني أغنية راشد الماجد ويسمهعا زين ما زين ...
" خـلـهـم يـفـعـونك دامـهـم يعـجـبـونـك .... الـخ "
وإنشاء الله تحوز على رضاءه وأعجابه ....