[align=center]((الجزء الرابع عشر))
ماقبــــــــــــــل الاخيــر


خرج أحمد من المنزل...
ضاقت به الدنيا (( يا كثر ما تضيق به المسيكين .. والله يا انا متسلط عليه))...
فكر وفكر وفكر...
هام على وجهه حتى حل المساء...
اتصل بعادل..
ذهب الى منزله.. وشرح له الوضع ...

عادل: طيب يالذيب.. وش بتسوي هالحين ؟؟؟
أحمد: والله مدري .. يا عادل انت أكثر واحد عارف وش كثر ابي ريم..
عادل: ....
أحمد: والله أحبها يا عادل..
عادل: أدري.. والله أدري يا أحمد..
أحمد: طيب والحل؟!..
عادل: والله مدري يا أحمد.. بس أهلك ما تركو لك مجال..
أحمد: يعني وشلون !!
عادل: يعني مالك الا انك تختار.. ياريم يا أهلك..

كان الأختيار صعبا..
خيارين احلاهما مر..
خرج أحمد من بيت عادل...
فكر وفكر وفكر...
بعد كل ما مر به .. يستحيل ان يختار فراق ريم..
وجاء في ذهنه أن أهله لن يطول غضبهم .. وستعود المياه لمجاريها بعد مده..
لذلك قرر..
قرر الزواج من ريم .. وتحمل النتائج..
عاد إلى المنزل .. واتصل بريم..

ريم : اهلين أحمد..
أحمد: هلا قلبي..
ريم: هاه حبيبي.. وش أخبارك اليوم ؟؟..
أحمد: ....
ريم: وش فيك أحمد؟؟..
أحمد: ريم ... أنا فاتحت أهلي بالموضوع اليوم....
ريم: والله !!! .. طيب هاه وش صار..
أحمد: ... والله مدري وش اقول لك ...

انقبض قلب ريم...

ريم: ليه .. وش صار ؟؟
أحمد: ....
ريم: تكلم يا أحمد ارجوك..
أحمد: ياريم اهلي رفضو..

ساد الصمت على المكالمه...
أردف احمد...

أحمد: ريم..
ريم: نعم..
أحمد: ريم أنا قررت أتقدم لك واللي يصير يصير...
ريم: لا...
أحمد: ايش !!
ريم: لا يا أحمد ...
أحمد: ...
ريم: اذا اهلك رافضيني خلاص..
أحمد: وشلون يعني خلاص..!!!

سالت الدموع من عيني ريم...

ريم: يعني خلاص يا أحمد.. كل واحد مننا بطريق..
أحمد: حرام عليك ياريم !!! انتي عارفه كيف أحبك ..
ريم: ....
أحمد: ياريم أهلي بيزعلون صح .. بس اخرتهم بيرضون ..
ريم: وممكن ما يرضون..
أحمد: ساعتها لكل حادث حديث..
ريم: أحمد مستحيل أسمح بالمشاكل بينك وبين أهلك.. وبعدين انا مابي افرض نفسي على أحد..
أحمد: ياريم انا اللي مستحيل أعيش بدونك..!!!

لملمت ريم دموعها.. واستعادت كبريائها..

ريم: لا يا أحمد.. بتعيش.. بتحزن شوي وتنسى ..
أحمد: ريم حرام عليك .. (( قالها وبكى))..
ريم: معليش يا أحمد.. بس سامحني..
أحمد: ....
ريم: فمان الله.. (( قالتها وأقفلت الخط))..

ما اوصيكم بالردووود
[/align]