سوووري صدى تأخرت بالرد عليك والسبب في الزحمه اللي عند بوابة المدعسه

إقتباس حاولنا ننجحهم بس ماش كل واحد حالف انه ما ينجح ملزم انه يعيد السنة .. يقول وشوله أخسر دفاتر؟؟ دفاتر العام استمر فيها وتصير دفاتر هالسنة والله من زين الجيل

هذولاء أكييييييييد بنو قصمنج ياأخي فيهم بخل موب طبيعي

إقتباس طبعاً مجلس عام 1 رائد الفصل هو حبي تيماوي ومجلس عام 2 رائد الفصل هو البارق 2000

أفا ياحبي صرت رائد أنت والبارق أرجعوا لهلال ---> فهمت غلط
أقول شنو رائد قل مربي الفصل

إقتباس دخل حبي تيماوي على الفصل كان الشعب يسولف ولا دروا عنه وهو اللي يقول اسمع انت وياه تراني رجال ما احب اللعب .. تمشي معي تمام (( اكون معك شديد والهواء ضده )) تلعب بذيلك منا وإلا منا أوريك نجوم السماء بعز القايلة .. تسمع أن وياااااااه .. عاد الربع اخترشوا وسكتوا ولا تلكم ولا واحد منهم .. قال اسمع انت وياه كل واحد يالله ينزل شماغة والطاقية ويحطهم على الطاولة خل نبي نشوف شعر كل واحد منكم تسانه طويل والا قاص لي من هالقصات اللي مهيب لم سنع .. ويدور عليهم واحد واحد ويفتش على اظافرهم ويشوف اللي مضيع انه رجال ومطولها وحاط عليها مناكير وإلا شئ .. تعرفون هالزمن كل شئ جايز فيه .. المهم الرجال خرشهم وصفق كم واحد منهم مطول شعره وقاله بكره اسمع انت وياه لا تجون الا وشعركم محلقينه على نمرة 4 وهذا اقل شئ .. تبي تجيني مخفف منه شئ بسيط بجيب المكينه واشيله لك شيل .. قالهم اسمع انت وياه تراني ابي منكم هالدفاتر وكل واحد يجيبها .. سجل عندك انت وياااه .. لمواد العربي دفتر ابو 200 انجليزي ليش انجليزي لا تسأل انا كذا ابيه .. احد عنده اعتراض وإلا شئ !!؟؟!! .. وللمواد العلمية دفتر ابو 500 سلك ويكون مرسوم عليه هالعلامة ذي >> @ .. لو ما لقيت هالدفتر ما علي منك ارسمها انت او سوي اللي يعجبك بس اهم شئ تكون فيه .. ولمادة الرياضيات دفتر ابو 20 لان مهنا حصص ومنيب فاضي اشرح لكم كل واحد يجيب له مدرس خصوصي والا يدبر عمره .. ولمواد الدين دفتر ابو 200 وجه ووجه ..ولمادة العنقليزي دفتر ابو 80 مربعات .. زين انت ويااااه ؟؟ احد منكم عنده سؤال ؟؟ والا يبي يستفسر عن شئ ؟؟ بسرعه قبل لا اهون .. وبعدين ترى ما عندنا حصة رياضة هذي نبي نغيرها لحصة بلوت وكنكان زين انت وياااه.. ولا احد يجي يقولي طيب فصل مجلس عام 2 ما يطلب منهم استاذهم هالطلبات ومن هالكلام .. اللي عاجبه هالشئ حياه الله واللي مهوب عاجبه ينثبر ويبي يعجبه ان شاء الله غصب عنه .. واياني واياكم اسمع احد انه راح وكلم الادارة والا شئ لأقلب الموضوع خبيتي هنا .. وهو اللي يسحب الكرسي ويغط بسابع نومه ويقول خل اسمع حس واحد منكم والا صوته .. وكل من مر من حول هالفصل يقول ما شاء الله عليه هالفصل هادي .. ما يدري ان عندهم واحد تسنه ناااااااااااااار شاااااااااااااااابه (( ضو )) اللهم يا كافي .. وكله كوم (( وإلا نت << يا مصلك بس ))

لوووووووووووووووووول
أقول صدى متعوب على كلمة تلكم !! ليكون بس حبي قلب الفصل مصارعه وطلع حرته بالطلاب ولكمهم
وأخس يالشديد ياحبي شي ليتك تدرس فصل مجلس 2 -->> أبد ماتبي الشر لطلاب ذاك الفصل

على فكره وش معنى كنكان من أي قاموس جبتها

إقتباس وفصل مجلس عام 2 كوم ثاني .. البارق مسيكين ما يدري وش يسوي ربي طيحه على هاك الفصل اللي كلهم مهابيل .. الإدارة مجمعه كل الطلاب الراسبين وحاطينهم بفصل لحالهم خوفا انهم يخربون الطلاب الجدد ويطيحونهم بالدخان والنحشه من المدرسة .. عاد هالفصل موجود فيه العمدة سهل 888 اللي له اربع سنين وهو متربع بهالفصل معيي يطلع منه ومعه الشايب الخبل ابو شوشه ريفيلينو اللي لاحق على الكتاتيب ومعهم بعد البرفسور والأزرق العالي والحاتمي وابو مها و بروق نجد وقرقاص و ...إلخ .. عاد البارق محتاس ولا يدري وش يسوي ..

أي والله مسكين بروووق 2000 حظه شييين ودك من يجيب حبي يسنعهم ويضبطهم ونشيل البارق ونحطه عند الجدد
والا اقول ليش نحطه عند الجدد اخاف ياخذون راحتهم ويتفلتون لازم نصلح أستنساخ من حبي تيماوي

إقتباس سهل نام من اول الإجازة وتوه يقووم عاد انواع النشااااط ثلاث شهور او اكثر كلها نوم ويقول لـ ريفيلينو أمداها تخلص بسرعه ياشيخ ما امداني اغمض عيني .. رد عليه الشايب مهوب منك من هاللي انت مسويه يوم انك ..... ..

يابخته نام 3 شهور .. هب عليه --> ماراح يناام خير شر خخخخخخخخخ
صدى يوم أنه وشو !! -->> يالقفها هالبنت
ياأخي أبي أعرف الشايب ريفيلينو وش قال لمديري

إقتباس البارق يبي يهدي الشباب ويقولهم خلونا نتفاهم ونعرف وش لكم ووش علينا رد عليه البرفسور عليك الموتر والبنادق وعلينا العزبة والوعد الساحل قاله وش ساحلوووه يا بعدي حنا بذا عشان الدراسة خلونا نسنع امورنا ..

ههههههه دااج البرفسور
شلون أحنا بذا المفروض تقول أحنا هنيا علشان الدراسه -->> متعوووبه على كلمة هنيا

إقتباس عاد مدرسة البنات كان ودي اتكلم عنها بس هماه ممنوع الإختلاط عشان كذا ما دخلت المدرسة ؟؟؟ << شفتوا وش سلبيات منع الإختلاط اني ما كتبت عنهم وطلع الموضوع عنصري ومتحيز للرجال

خطييييييييييييييييييير .. لا يهمك ياصدى قمت بالواجب وأكثر جبت لك أحوال مدرستنا -->> صايره مراقبه مثلك

طبعاً عقب ماشاهدنا بشاشات التلفاز الكلمة التي ألقاها بندر بن ثامر مشى طابورنا --> ماعندهم إلا فصل واحد كل بنات منتدياتنا فيه موب مثلكم عز .. أكثر من فصل

ومربية فصلنا --> مصرة على مربيه
المملكه .. دخلت الفصل إلا وتشوف الدنيا حايسه فوق حدر بأول الصف امل وبنت الزعيم وعاشقه وأسيرة الهلال جالسات يلعبون لعبة الحروف [ أسم حيوان ، جماد ، أنسان ، بلاد .. إلخ ] وتطالع بالصف اللي بعده إلا وتلقى كادي باسطه بسطت خضاار حاطه أنواع وأشكال من الكراث والجرجير ومعها اماراتيه تسالها وتقول شنو هذا ليش تأكلونه
وأماالماسه الزرقاء وأسيرة الاحلام ونجمة جالسين يتناقشون بقضيه وتحمسوا بالنقاش الا وتقوم عليهم اسيرة الزعيم وتقول اسكتوا ماخليتوني اركز بترتيب المواضيع اللجنة
أما كيفي وهلاليه موووت كل وحده تفكر وش تحط عضو الاولى بحزر فزر والثانيه بكرسي الإعتراف وقمر الهلال ومجد وهوايا كل وحده تتكلم عن المكياج وأخر صيحات الموضه

وشافت المملكه كل وحده لاهيه وماهم منتبهين لها تقوم وتصرخ وتصبخ بالباب .. لين ماطارت عيونهن وفكو خششهن
تقول اسمعوا علم يصالكن ويتعداكن اللي اشوفها تسولف والا تأكل والا تلعب موب أحسن لها وقت الجد جد يالله طلعوا دفتر وقلم وأكتبوا الطلبات
دفتر أبو 40 لمادة التاريخ ودفتر 100 لجغرافيا ولا تنسون اهم شي دفتر الخرائط ودفتر أبو 500 وجه ووجه لمادة الشعر إلا وتقوم تنط بحلقها كادي وتقول ماعندنا هالماده ولا أبي ادرسها من زين الشعر .. عاد عصبت المملكة وصارت عيونها حمر وانكتب على عيونها قف ولا تتحرك --> وش جاب الجاب !
المهم صرخت صرخه من شدة صرختها السقف اهتز .. وربكم ستر ولا طاح عليهن قالت لها ليش ماتبين تدرسينها هذا شعر أجداد أجدادك لازم تدرسينه وغصبن عنس بعد وبرسبس تسع سنين علشان تفهمينه زين سامعه والا لا ! انثبرت كادي ولا تكلمت وقالت ليتني ماقلت لها
قامت المملكه وقالت الله يقلعس ماخليتيني اكمل طيرتي الطلبات من رآسي يالشينه وبعد مضي وقت طويل تذكرت المملكة وقالت أخيراً جت .. سجلوا يالله لا تطير

دفتره ابو 200 للمواد العربيه ودفتر ابو 80 للمواد الدينيه وبسسس قامت كيفي وقالت أبلة ممكن سؤال ! قلت هاتي ماعندس ولا تكثرين هرج كيفي تتكلم وكلها خوف وقالت لها ماراح ندرس انجليزي
قالت وش عنجليزيه مافيه إلا عرربي وبس .. وجت كادي وقالت طيب وحبيبي الرياضيات
عصبت المملكة وطاشت وقالت ووووع مابعد استخفينا ندرس صاد وسين ماافيه ماراح تدرسون الا شعر وعربي وجغرافيا ودين وتاريخ رضيتوا والا مارضيتوا ماهوب بكيفكن واياني إياكم اشوفكن ماحليتوا الواجبات أو تنقلونها من بعضكن .. وبعدين يالشينات أبي كل وحده تجي متحممه وتحط مزيل العرق ترى ريحتكن فاحت ومكيفات ماهناش

والله شديدة المملكه تخوف .. وهذي أبرز الأحداث التي حدثت في اليوم الأول من مدعستنا



الفيروسه الزرقاء

مشكور صدى على الموضوع


بالنسبة لمدعستنا


أختي الفيروسة وين موقعك بالضبط ( ناوية على شر )
وبعدين فصل ماقيه رياضيات وأحياء و كيمياء أنا ما أدرس فيه أبد ( علم ياصلك و يتعداك و قولي لرائدة الفصل أنا ما ني مداومة إلا إذا نفذتوا طلباتي ( ماحد فاقدك )

إقتباس وقمر الهلال ومجد وهوايا كل وحده تتكلم عن المكياج وأخر صيحات الموضه

أما هذي مت عليها من الضحك ( بلاك ماتعرفيني ) الموضة مخليتها لأهلها هي و البوية اللي على الوجيه ( فيني جمال رباني >> ايه هين >> ) أنا كلميني عن الجوالات و السيارات وأدوات السباكة غيره ما أنفع فيه أبداً



أختكم