#1  
قديم 17/09/2004, 02:59 AM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
Talking Back To School



اييييييييييييييييييييييييييييييييييييييييييييه ما نقول إلا BACK TO SCHOOL
طبعاً أول ما دخلت مدرستنا اللي هي مدرسة شبكة الزعيم وأنواع الزحمة وكل واحد يسلم على الثاني وكيف الحال وش الأخبار ؟؟ ووشلون الإجازة ؟؟ وين رحت ووين جيت ؟؟ والله يخزيهم رجعونا للدراسة (( ما كنا حبايب :p )) ومن هالكلام .. وشوي لين رن الجرس وتجمع الطلاب ووزعونا كل واحد وفصله ومكان فصله بالطابور .. ويلقي علينا المدير بندر بن ثامر الكلمة اللي مثل العادة ومثل كل سنة من يوم دخلت هالمدرسة وهي ما تغيرت << على هالكلمتين يبي يقضبونه ملفه مع بداية السنة .. اللي يا هلا والله فيكم في مدرستكم وإن شاء الله تكون هالسنة سنة خير علينا وعليكم وانكم تنجحون وتفكونا من وجيهكم اللي ملينا من بعضها (( حاولنا ننجحهم بس ماش كل واحد حالف انه ما ينجح ملزم انه يعيد السنة .. يقول وشوله أخسر دفاتر؟؟ دفاتر العام استمر فيها وتصير دفاتر هالسنة والله من زين الجيل :sad: )) المهم وزعونا حنا يا حقين المجلس العام على فصلين لأن ابو سليمان انتقل من مدرستنا وإلا كنا ثلاث فصول .. لحد يقولي وش صار على حقين الجمهور الهلالي (( ابو 3 << جحد انه منهم )) وإلا حقين الكرة العالمية وباقي المنتديات .. لأن التكلم في السياسة ممنوع .. وانا رجال ما احب الممنوع والخوض فيه .. المهم وزعونا على فصلين مجلس عام 1 ومجلس عام 2 .. طبعاً مجلس عام 1 رائد الفصل هو حبي تيماوي ومجلس عام 2 رائد الفصل هو البارق 2000 .. اول ما دخل حبي تيماوي على الفصل كان الشعب يسولف ولا دروا عنه وهو اللي يقول اسمع انت وياه تراني رجال ما احب اللعب .. تمشي معي تمام (( اكون معك شديد والهواء ضده )) تلعب بذيلك منا وإلا منا أوريك نجوم السماء بعز القايلة .. تسمع أن وياااااااه .. عاد الربع اخترشوا وسكتوا ولا تلكم ولا واحد منهم .. قال اسمع انت وياه كل واحد يالله ينزل شماغة والطاقية ويحطهم على الطاولة خل نبي نشوف شعر كل واحد منكم تسانه طويل والا قاص لي من هالقصات اللي مهيب لم سنع .. ويدور عليهم واحد واحد ويفتش على اظافرهم ويشوف اللي مضيع انه رجال ومطولها وحاط عليها مناكير وإلا شئ .. تعرفون هالزمن كل شئ جايز فيه .. المهم الرجال خرشهم وصفق كم واحد منهم مطول شعره وقاله بكره اسمع انت وياه لا تجون الا وشعركم محلقينه على نمرة 4 وهذا اقل شئ .. تبي تجيني مخفف منه شئ بسيط بجيب المكينه واشيله لك شيل .. قالهم اسمع انت وياه تراني ابي منكم هالدفاتر وكل واحد يجيبها .. سجل عندك انت وياااه .. لمواد العربي دفتر ابو 200 انجليزي ليش انجليزي لا تسأل انا كذا ابيه .. احد عنده اعتراض وإلا شئ !!؟؟!! .. وللمواد العلمية دفتر ابو 500 سلك ويكون مرسوم عليه هالعلامة ذي >> @ .. لو ما لقيت هالدفتر ما علي منك ارسمها انت او سوي اللي يعجبك بس اهم شئ تكون فيه .. ولمادة الرياضيات دفتر ابو 20 لان مهنا حصص ومنيب فاضي اشرح لكم كل واحد يجيب له مدرس خصوصي والا يدبر عمره .. ولمواد الدين دفتر ابو 200 وجه ووجه ..ولمادة العنقليزي دفتر ابو 80 مربعات .. زين انت ويااااه ؟؟ احد منكم عنده سؤال ؟؟ والا يبي يستفسر عن شئ ؟؟ بسرعه قبل لا اهون .. وبعدين ترى ما عندنا حصة رياضة هذي نبي نغيرها لحصة بلوت وكنكان زين انت وياااه.. ولا احد يجي يقولي طيب فصل مجلس عام 2 ما يطلب منهم استاذهم هالطلبات ومن هالكلام .. اللي عاجبه هالشئ حياه الله واللي مهوب عاجبه ينثبر ويبي يعجبه ان شاء الله غصب عنه .. واياني واياكم اسمع احد انه راح وكلم الادارة والا شئ لأقلب الموضوع خبيتي هنا .. وهو اللي يسحب الكرسي ويغط بسابع نومه ويقول خل اسمع حس واحد منكم والا صوته .. وكل من مر من حول هالفصل يقول ما شاء الله عليه هالفصل هادي .. ما يدري ان عندهم واحد تسنه ناااااااااااااار شاااااااااااااااابه (( ضو )) اللهم يا كافي .. وكله كوم (( وإلا نت << يا مصلك بس )) وفصل مجلس عام 2 كوم ثاني .. البارق مسيكين ما يدري وش يسوي ربي طيحه على هاك الفصل اللي كلهم مهابيل .. الإدارة مجمعه كل الطلاب الراسبين وحاطينهم بفصل لحالهم خوفا انهم يخربون الطلاب الجدد ويطيحونهم بالدخان والنحشه من المدرسة .. عاد هالفصل موجود فيه العمدة سهل 888 اللي له اربع سنين وهو متربع بهالفصل معيي يطلع منه ومعه الشايب الخبل ابو شوشه ريفيلينو اللي لاحق على الكتاتيب ومعهم بعد البرفسور والأزرق العالي والحاتمي وابو مها و بروق نجد وقرقاص و ...إلخ .. عاد البارق محتاس ولا يدري وش يسوي .. سهل نام من اول الإجازة وتوه يقووم عاد انواع النشااااط ثلاث شهور او اكثر كلها نوم ويقول لـ ريفيلينو أمداها تخلص بسرعه ياشيخ ما امداني اغمض عيني .. رد عليه الشايب مهوب منك من هاللي انت مسويه يوم انك ..... .. البارق يبي يهدي الشباب ويقولهم خلونا نتفاهم ونعرف وش لكم ووش علينا رد عليه البرفسور عليك الموتر والبنادق وعلينا العزبة والوعد الساحل قاله وش ساحلوووه يا بعدي حنا بذا عشان الدراسة خلونا نسنع امورنا .. قاله الحاتمي بعد ما مر من هنا شف كل ما عليك انك تزين هاك البراد الشاهي وعقبها نشوف حنا نبي نعطيك وجه وإلا لا ؟؟ قال البارق يا والله هالبلشه بها الطلاب .. مهوب لو اني جالسن بالخرخير ابرك لي من مقابل هالوجيه الودرة :sad: .. رد عليه بروق نجد وقال اقول طلع لا هنت دفتر التسجيل والورقة من هالمكتب اللي عندك اخبر العام حاطهن انا هنا هاتهن بسرعة نبي ناخذ لنا صكة بلوت قبل الفسحة .. قال البارق وش بلوتووووه .. يا ابن الحلال حنا بمدرسة محنب بإستراحتكم قال قرقاص وش تقول انت ؟؟ هاه تسني سمعتك تقول استراحتكم الزم حدودك شكلك ما تدري وش صار بالمدرس اللي قبلك .. قال البارق وش صاربوه ؟؟ قال الأزرق العالي وهو يشرب البايسون ابد بس ترقد بالمستشفى كم يوم وكم شهر بس .. قال البارق الله يستر الا يالربع ما ودكم بس نقلب الفصل جلسة احسن من الطاولات . وعشان تزين الاربعة بوه ؟؟ << اثره يبي يصرف الوضع .. المهم يوم جت الفسحة ونزلوا الشعب للمقصف .. كتب البارق الدفاتر اللي يبيهن وقال كل واحد واللي يبيه تسان ودوه يجيب دفتر مشكور وما قصر تسان ما ودوه بسلامتوه الزم ما علينا راحتكم .. طبعاً هالفصل قبل لا تدخله مرسوم (( ملكي )) على الباب هاك اللوحة اللي جمجمة (( الهلال الله يذكره بالخير )) وعظمتين .. وهذا اقل تعبير ..

عاد مدرسة البنات كان ودي اتكلم عنها بس هماه ممنوع الإختلاط عشان كذا ما دخلت المدرسة ؟؟؟ << شفتوا وش سلبيات منع الإختلاط اني ما كتبت عنهم وطلع الموضوع عنصري ومتحيز للرجال

سؤال ليش كل بداية سنة يطلع لنا بعض المدرسين بطلبات مهيب لم سنع ابد ؟؟ وهالحين بعضهم طاح بسالفة هالمذكرات تسنهم بدت تجيهم عدوى الدكاتره ومذكراتهم ..؟؟؟



اضافة رد مع اقتباس
  #2  
قديم 17/09/2004, 03:55 AM
عضو سابق بلجنة تطوير المجلس العام
تاريخ التسجيل: 10/02/2002
المكان: القصيم
مشاركات: 4,067
إقتباس
المدير بندر بن ثامر

أبسألك ألقاها من تلقائي نفسه ( أمحق تعبير ) ولا من ورقه


إقتباس
.. وانا رجال ما احب الممنوع والخوض فيه ..

يااااااااااربي

إقتباس
تلعب بذيلك منا وإلا منا أوريك نجوم السماء بعز القايلة .. تسمع أن وياااااااه ..

ترا من أين لك كل هذه القوه أخي حبي تيماوي

إقتباس

تسانه
طويل والا قاص لي من هالقصات اللي مهيب لم سنع ..

مدام قال تسانه أجل راحوا وطي

إقتباس
لمواد العربي دفتر ابو 200 انجليزي ليش انجليزي لا تسأل انا كذا ابيه ..

صح هو حررررررر

إقتباس
ولمادة الرياضيات دفتر ابو 20 لان مهنا حصص ومنيب فاضي اشرح لكم كل واحد يجيب له مدرس خصوصي والا يدبر عمره ..

:sad: :sad: دايم محطمينك يالرياضيات بس مصيرهم يعرفون قيمتك ويحطونك بالعلالي

إقتباس
بسرعه قبل لا اهون ..

سؤال ؟ وش يهون عنه!!!!!

إقتباس
البارق مسيكين

ليش يابروق شخصيتك ضعيفه مع إنك صديق الأستاذ حبي تيماوي

إقتباس
عاد هالفصل موجود فيه العمدة سهل 888 اللي له اربع سنين وهو متربع بهالفصل معيي يطلع منه

ليكون العريف

إقتباس
الشايب مهوب منك من هاللي انت مسويه يوم انك ..... ..

كمل فضايح عادي

إقتباس
يا بعدي حنا بذا عشان الدراسة خلونا نسنع امورنا ..

صح وراكم موسم حافل بالبطولات قصدى النجاحات

إقتباس
كتب البارق الدفاتر اللي يبيهن وقال كل واحد واللي يبيه تسان ودوه يجيب دفتر مشكور وما قصر تسان ما ودوه بسلامتوه الزم ما علينا راحتكم .

أخ بس لو إني مدرستهم

إقتباس
عاد مدرسة البنات كان ودي اتكلم عنها بس هماه ممنوع الإختلاط عشان كذا ما دخلت المدرسة ؟؟؟ << شفتوا وش سلبيات منع الإختلاط اني ما كتبت عنهم وطلع الموضوع عنصري ومتحيز للرجال

كان خليت أختك تكتب عنك

ألف شكررررررر لك أخوى صدى على هالموووووووضوع الرائع



اخر تعديل كان بواسطة » كـادي في يوم » 17/09/2004 عند الساعة » 06:11 AM
اضافة رد مع اقتباس
  #3  
قديم 17/09/2004, 04:20 AM
زعيــم مميــز
تاريخ التسجيل: 10/07/2004
المكان: فوق هام السحب
مشاركات: 5,009
يعطيك الف عافية يا صدى الامس ..... موضع شيق وجميل .... يا ليت تتحفنا بالمزيد .... تحياتي لك ...
اضافة رد مع اقتباس
  #4  
قديم 17/09/2004, 05:20 AM
مشرف سابق في منتدى المجلس العام
تاريخ التسجيل: 14/08/2000
المكان: london
مشاركات: 5,679

هههههههههههههههههههههههههههههههههههههههههههههههههههههههههه

انا اشهد هالرأس مافيه مخ

اقول عمي ..

ماعندكم ليلي <<------ راسب 7 سنوات


يعطيك العافيه دجة الامس على هيك موضوع
اضافة رد مع اقتباس
  #5  
قديم 17/09/2004, 06:54 AM
ميسو
تاريخ التسجيل: 22/06/2002
المكان: حيث أنا ..
مشاركات: 7,243
إقتباس
سهل نام من اول الإجازة وتوه يقووم عاد انواع النشااااط ثلاث شهور او اكثر كلها نوم ويقول لـ ريفيلينو أمداها تخلص بسرعه ياشيخ ما امداني اغمض عيني

ههههههههههههههههههه



إقتباس
رد عليه الشايب مهوب منك من هاللي انت مسويه يوم انك .....

يوم إنك , وشو

إقتباس
كتب البارق الدفاتر اللي يبيهن وقال كل واحد واللي يبيه تسان ودوه يجيب دفتر مشكور وما قصر تسان ما ودوه بسلامتوه الزم ما علينا راحتكم


وين فيو .. اشك إنها بتفهم تسان



مشكوووور صدى على الموضوع الرايق

اخر تعديل كان بواسطة » الماسه الزرقاء في يوم » 17/09/2004 عند الساعة » 07:46 AM السبب: في آخر عمري مدري صرت من أي ديرة أقول إيش بدل وشو ؟‍‍‍!
اضافة رد مع اقتباس
  #6  
قديم 17/09/2004, 12:47 PM
عضو غير عادي
تاريخ التسجيل: 14/03/2002
المكان: الـريـــــــــــاض
مشاركات: 10,107
الـحـاتـمــي ...



مــر مـــن هـــنـــــا ...


ويـقـول : أجل متوّهق بطلبات الدراسة و تبي سلف كالعادة يا صدى البارح !!

بس تستاهل كم مرّة قايلّك لا تطب جرير تراها غالية وخلك من ( كل شئ بريالين ) وأنت جاي ;)

بس ما تسمع الكلام
اضافة رد مع اقتباس
  #7  
قديم 17/09/2004, 01:32 PM
زعيــم مميــز
تاريخ التسجيل: 06/04/2004
المكان: جامعة كل الحلا وزين الصفاتي. مانلومك لو مدحت البرتقاله. منحرم من شوف لابست العباتي. شوفها ما كل مخلوقن يناله. لو تشوف بنات القصيم مفرعاتي. ان تحط البرتقاله في الزبالة
مشاركات: 1,913
اعضاء تطوير المجلس العاااااااااام متحااااااالفين مع بعض بس يردون على خويهم


الله يعطيك العافية على الموضوع
اضافة رد مع اقتباس
  #8  
قديم 17/09/2004, 01:48 PM
زعيــم فعــال
تاريخ التسجيل: 18/02/2004
المكان: سيدة الدنيا طيبة الطيبة
مشاركات: 299
أقول الحمدلله اني في مدرسة البنات وماني معاكم
عز الله طحت وشفت أنواع الرسوب وكان (بابا) خلاني في خبر كان

سؤال ليش كل بداية سنة يطلع لنا بعض المدرسين بطلبات مهيب لم سنع ابد ؟؟ وهالحين بعضهم طاح بسالفة هالمذكرات تسنهم بدت تجيهم عدوى الدكاتره ومذكراتهم ..
والله مدري ودهم يعجزونكم يالطلبة والمذكرات اظن تريحهم مدري عنكم يالجامعيين...........
اضافة رد مع اقتباس
  #9  
قديم 18/09/2004, 08:20 AM
مشرف سابق بمنتدى المجلس العام
تاريخ التسجيل: 02/12/2001
المكان: حيث الأمل
مشاركات: 5,600
موضوع جميل و شيق وفيه من "الذبات" الكثير .....

الله يخلي لنا الدراسة اللي رجعتك لنا ....
اضافة رد مع اقتباس
  #10  
قديم 18/09/2004, 10:03 AM
زعيــم نشيــط
تاريخ التسجيل: 02/05/2003
المكان: ما عادت خارطة العالم تعنيني ..!!
مشاركات: 646
رائع بمعنى الكلمة ،،

يعطيك العافيه صدى الأمس ،،

وعساك على القوة ،،

كل الود ،،
اضافة رد مع اقتباس
  #11  
قديم 19/09/2004, 01:53 AM
مشرف سابق في منتدى المجلس العام
تاريخ التسجيل: 17/12/2000
مشاركات: 8,956
إقتباس
عاد هالفصل موجود فيه العمدة سهل 888 اللي له اربع سنين وهو متربع بهالفصل معيي

انت ما تسمع كل ابو دايم بالاخبار يقولون ( وفي معيته )
يعني انتبه تراني ميهم ,, واتؤلي أوأف



عموماً ما لنا بالطويله انا انصح الماسه انها ما تعرف معني لا تسان ولا وشو
اللي جنبها عشر طعش علامة استفهام !!!!!!!!! << هذي تعجب

والبارق حبيب كلها كبسة قرع على شوية حمام بط مع مرقة دجاج ماء ويرضى
بس البلى بهذاك الي ما يبي الا بترول والله لو عندي تسان ابشر
ترانا طلبه ارفق علينا شوي لين انتخرج
<< الحمد لله انك ما تدرسنا >>> مصدق
اضافة رد مع اقتباس
  #12  
قديم 19/09/2004, 02:50 AM
الصورة الرمزية الخاصة بـ صدى الامس
عميد المجلس العام
وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
هلا كادي ..

إقتباس
أبسألك ألقاها من تلقائي نفسه ( أمحق تعبير ) ولا من ورقه

تبين الصدق ما أدري لأني كنت أسولف مع بعض الشباب بس الظاهر أنها من رأسه << والله من زين الأسلوب ..

إقتباس
يااااااااااربي

أنتي جربي مره بس تخوضين في الممنوع وشوفي وش اللي يبي يجيتس همن قولي ياربي ..

إقتباس
ترامن أين لك كل هذه القوه أخي حبي تيماوي

هالقوة يمكن أنه يشرب الحليب

إقتباس
دايم محطمينك يالرياضيات بس مصيرهم يعرفون قيمتك ويحطونك بالعلالي

ماظنتي والله .. وإلا من زين الرياضيات !! وشوله التعب س و ص وخرابيط مالها داعي .. ياخي رأس مالها آله حاسبه وقضينا على خير ..


إقتباس
سؤال ؟ وش يهون عنه!!!!!

أنتي لاتأخذين نص الكلام وتقولين وش يهون عنه ؟؟ خوذي كل الكلام يامال الصلاح إن شاء الله ..
احد منكم عنده سؤال ؟؟ والا يبي يستفسر عن شئ ؟؟ بسرعه قبل لا اهون .. << هذا هو النص الكامل .. والضمير [[ اهون ]] يعود على ما سبق وهو السؤال أو الإستفسار عن شئ !! هاه وضح الكلام ؟؟
<<< أشوى أنك ما تدرس لغة عربية وإلا كان علوم ;) ..

إقتباس
ليكون العريف

لا النقيب

إقتباس
أخ بس لو إني مدرستهم

وهذي أحد فوائد الإختلاط << ياعالم وش جايه ذا على الإختلاط !!

إقتباس
كان خليت أختك تكتب عنك

ما عندنا بنات يكشفون ويحتسون مع رجاجيل << أحد الشياب اللي فاهم النت خطأ ..

تحياتي لتس ..

هلا هلالي وان جار الزمن ..
شاكر لك يالغالي .. ومشكور على المرور ..

هلا كايدهم ..

إقتباس
انا اشهد هالرأس مافيه مخ

تصدق واجد اللي يقولون لي كذا ؟؟ الحين هي سبه وإلا مدحه

إقتباس
اقول عمي ..

ماعندكم ليلي <<------ راسب 7 سنوات

يالغالي لو ما عندنا نخليه يصير عندنا .. كم كايدهم عندنا ؟؟ << كم مره قلت عندنا في هالسطر اللي عندنا

وبالنسبة لليلي حياك الله .. وترى دوامنا يبدأ من الساعة 8 بالليل إلى الساعة 1 .. وترانا في مجمع أبو هيثم ..

تحياتي لك يالغالي ..

هلا الماسه الزرقاء ..

إقتباس
يوم إنك , وشو

ياخي صدق أن البنات ملاقيف !! هالحين كادي تسأل تقول كمل فضايح وهذي بعد تقول يوم إنك وشو ؟؟ يا شين البنات ولقافتهن .. بس صدز من قال تبي ترفع ضغط الحرمه لا تكملها السالفة ..

إقتباس
وين فيو .. اشك إنها بتفهم تسان

عادي ترى أكثر ما كثر الله الناطقين باللغة القصمنجية

تحياتي لتس << وإذا ما فهمتيها لا انتي ولا فيو خلي كادي تشرح لتس انتي وياها ..

هلا الحاتمي ..

إقتباس
ويـقـول : أجل متوّهق بطلبات الدراسة و تبي سلف كالعادة يا صدى البارح !!

يا كثر ما تقول .. وعلى كثره ماله سنع << أبد مهوب متصفق ..
يا بعدي أي طلبات دراسة وأي خرابيط .. هالأمور تركناها من زماااااااااااااااان
بس السلف ما يمنع

إقتباس
بس تستاهل كم مرّة قايلّك لا تطب جرير تراها غالية وخلك من ( كل شئ بريالين ) وأنت جاي

بس ما تسمع الكلام

بس تبي الصدق والله لا ابو ريالين ينفع ولا شئ .. الرخيص مخيس

تحياتي لك .. وكثر من مرورك بس لا تقول شئ ..



هلا max666 ..

إقتباس
اعضاء تطوير المجلس العاااااااااام متحااااااالفين مع بعض بس يردون على خويهم

يالغالي لا تحالف ولا هم يحزنون .. كل مافي المسألة أنهم شافوا الموضوع وجاز لهم وردوا !! وبعدين نظريات التحالف وما التحالف والخرابيط هذي شلها من رأسك .. ترى هالأشياء مهيب في الزعيم .. وحتى لو وجدت تلقاها بشكل بسيط جداً وفي عينات بسيطة جداً .. وبعدين ترى مهوب كل من جاء ونزل موضوع في منتدى فيه 100 مليون عضو لازم يردون عليه !! ياخي الناس أذواق .. وناس ترد على مواضيع من نظرها الشخصي أنها تستاهل الرد;) .. وناس ترد لمجرد الرد عشان زيادة عدد المشاركات ;) .. وناس ما همها إلا التخريب ;) والتشكيك ;) في هذا وذاك ;) .. وناس كافه خيرها ;) وشرها ;) ..
وبعدين أعضاء تطوير المجلس العام بينهم تحالف وما أنكر هالشئ بس وش هالتحالف ؟؟!! التحالف هذا من أجل شئ واحد هو تطوير المجلس العام بكل الطرق والأشكال .. وهذا الشئ واضح في المسمى اللي تحت يوزر كل واحد منهم .. هاه فهمت وش التحالف اللي بيننا !! مهوب مسألة ردود وخرابيط !! وياليت نكبر على هالتفكير هذا .. تحالف وما أدري وشو !!

تحياتي لك ..

هلا هوايا ..

إقتباس
أقول الحمدلله اني في مدرسة البنات وماني معاكم
عز الله طحت وشفت أنواع الرسوب وكان (بابا) خلاني في خبر كان

ليه كذا بس ليه ؟؟ ياخي وش فيها العالم مأخذه فكره شينة على الرسوب !!؟؟!! الرسوب ما فيه أي شئ بالعكس أساس كل نجاح هو الفشل <<< هذي حجتنا يالداجين .. وبعدين دائما العباقرة لازم يمرون بمراحل فشل ورسوب .. يعني عندك أنا أقرب مثال .. صحيح أن لي 6 سنين وأنا ودي أخلص الإبتدائية ولا قدرت بس مهوب معناها أني فاشل

إقتباس
والله مدري ودهم يعجزونكم يالطلبة والمذكرات اظن تريحهم مدري عنكم يالجامعيين...........

شغل الدراسة خلصناااااااااااااااااااه من زمااااااااااااااااااااااااااااااااان لا طلبة ولا جامعيين

تحياتي لتس ..

هلا والله القاضي .. يالله انك تحييه .. منور الموضوع يا خلفهم كلهم ..

إقتباس
موضوع جميل و شيق وفيه من "الذبات" الكثير .....

يكفي أنه جاز لك يا بعدي وشكلي بسوي حفل إعتزال بسرعه قبل لا يطيح المستوى وتروح هالشهادة من القاضي <<< ابوووووووووووووووووك يالنفاااااااااااااق

إقتباس
الله يخلي لنا الدراسة اللي رجعتك لنا ....

ويخليك لنا يا أديب المجلس العام .. ولا يحرمنا منك ولا من باقي الأعضاء اللي مثلك وشرواك ..

تحياتي لك ,.,

هلا الدبلوماسي ..

الأروع هو تواصلكم يالغالي .. وما نحن بدونكم إلا كشجر دون ماء وإنسان بلا هواء وكجسد بلا قلب <<< بالله من هو الدبلوماسي الحين

تحياتي لك ..

هلا سهل 888 .. هلا بالعمده

إلا صدز وش أخبار البرفسور يقولون مدهر بالساحل

إقتباس
انت ما تسمع كل ابو دايم بالاخبار يقولون ( وفي معيته )
يعني انتبه تراني ميهم ,, واتؤلي أوأف

هو أنتاااااااااااااااااااا .. الله يخرب بيت شيطان سعادتكم ..

إقتباس
عموماً ما لنا بالطويله انا انصح الماسه انها ما تعرف معني لا تسان ولا وشو
اللي جنبها عشر طعش علامة استفهام !!!!!!!!! << هذي تعجب

وأنت صادز << توهقوا

إقتباس
والبارق حبيب كلها كبسة قرع على شوية حمام بط مع مرقة دجاج ماء ويرضى

اما كبسة قررررررررررررررررررررع لا تطري القرع تراه خرمان الحين وحنا تونا بأول الأسبوع وش يبي يصبروه لين الويكند ويروح لم البدائع .. لأن يقولون من تالي قوات الأمن متشدده بالنسبة للقرع

إقتباس
بس البلى بهذاك الي ما يبي الا بترول والله لو عندي تسان ابشر

هين هذاك نشبه صدز << ابد مهوب متوقف .. هذاك يالله قليب بترول << اما قليب وبترول ما تجي وإلا ..

إقتباس
ترانا طلبه ارفق علينا شوي لين انتخرج
<< الحمد لله انك ما تدرسنا >>> مصدق

وأنا أقوله صادز الحمد لله أني منيب أدرسكم ;) لأنكم ولله لك الحمد والشكر بكامل العافية والله يديمها علينا وعليكم ;) وكل مسلم يارب ..

تحياتي لك ,.,
اضافة رد مع اقتباس
  #13  
قديم 19/09/2004, 08:43 PM
زعيــم متألــق
تاريخ التسجيل: 15/09/2002
المكان: الرياض
مشاركات: 1,458
إقتباس

رد عليه بروق نجد وقال اقول طلع لا هنت دفتر التسجيل والورقة من هالمكتب اللي عندك اخبر العام حاطهن انا هنا هاتهن بسرعة نبي ناخذ لنا صكة بلوت قبل الفسحة ..

هههههههههه قسم بالله ما اعرف العب بلوووووت :p
تقدر تعلمن ياصدى الامس


ولك تؤبرني شو مهضوم انتا



الصراحة ياخوي موضوع رائع بمعنى الكلمة
وياليت تكثر لنا من هالمواضيع

انا عندي سوعال
ياخوي انت وراه ماتنشاف الا بالمناسبات



تحياتي لـ إلك كلياتك
اخوك بروق نجد
اضافة رد مع اقتباس
  #14  
قديم 20/09/2004, 10:57 AM
كاتب مميز بالمجلس العام
تاريخ التسجيل: 03/06/2003
المكان: نفس المكان
مشاركات: 1,444
هلا بالصدى ،، وموضوع رائع الى أبعد مدى

إقتباس
وانا رجال ما احب الممنوع والخوض فيه

واضح انك ما تحب الممنوع بس تحب الخوض فيه

إقتباس
ويكون مرسوم عليه هالعلامة ذي >> @

شوي وتصير هذي العلامه ماركة مسجلة باسم حبي تيماوي :p

إقتباس
عاد مدرسة البنات كان ودي اتكلم عنها بس هماه ممنوع الإختلاط عشان كذا ما دخلت المدرسة ؟؟؟

الموضوع كله كوم وهماه كوم
اضافة رد مع اقتباس
  #15  
قديم 21/09/2004, 12:38 AM
مشرف سابق بمنتدى المجلس العام
تاريخ التسجيل: 06/01/2001
المكان: w w w . a l z a e e m . n e t
مشاركات: 6,596
[ALIGN=CENTER]
يالله كلكم بصوت واحد : انا أحب مدرستي..

<--- أنواع الخف بالعالم وإلا الصدق لا الطالب ولا المدرس يحبها ..

وما تلاحظ من تالي إنك آخذ عليّ كثير ..يعني بادي تمون واجد (( وإلا وا أب ))..؟!!

ما تدري إن المسألة كلها ضغطة زر ..بس من أبو حميد ماهوب مني ..

موضوع شيق وجميل ولو فصفصته كان يبي لي رد طول موضوع اللي أطول من طريق الدوادمي - عفيف ..


تحياتي لك ..وللبرفسور اللي ما بلغه سهل السلام

[/ALIGN]
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:11 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube