ان شاء الله يعوض الهلال في البطولات القادمة ولكن المشكلة ان الاهداف جميعها اخطاء فادحة من اللاعبين واود دعم سلطان الدعيع رغم الخطأ الفادح وبالنسبة لياسر القحطاني اشوف انة لاقدم ولا اخر . والله يعين جماهير الزعيم علي الفقراوية .

هاااااااااردلك الخسارة
والحمد لله على كل حال
ومعوضين خير ان شاء الله

هاردلك الخسارة يازعماء بنظري مشكلة الهلال هي المجامله لبعض الاعبين الذين انتهو وماعندهم شي للهلال يقدمونه واتمنى نهاية الموسم تقديم خطاب شكر لهم وابعادهم ومنهم الغنام والمسلم وياسر القحطاني ومحمد الشلهوب وثانيا جلب مدرب حراس عالمي وتغيير مدير الفريق المفرج نريد واحد شديد يعرف كيف يتعامل مع الاعبين الهلال من جعله يخسر امس عدم وجود دكة بدلاء تغير نتيجة المباراة وثالثا الدعيع لاعب له مستقبل ولكن اتمنى عدم مشاركته اساسي في البطولة الاسيويه فالاعب محتاج وقت حتى يكون اساسي في المباريات القويه والمصيريه امس نحن من جعل النصر ياخذ البطولة واكثر لاعبينا باردين ماعدا الشمراني

السلام عليكم ورحمة الله وبركاته ومرحباً بالجميع
أولاً: تشكيلة الدفاع مناسبة ما عدا الشهراني مفروض بدلا منه سلطان البيشي لأن ياسر في الفترة الأخيرة قاعد يخبط ويرجع كور للخصوم وسامي ساكت على هذا الموضع ليه مدري
ثانياً لماذا يغير التشكيلة مفروض يلعب اثنان مهاجمين ليه الخمبقة ويلعب بواحد مع ذالك هو خائف من النصر يلعب مفروض يوسف السالم لاعب هداف ويجيد الكرات الهوائية ولم نستغل هذه النفطة دائماً مجامل ياسر القحطاني ياخي عط السالم فرصة خله يثبت وجوده انت ما اخذته من الاتفاق إلى وهو هداف ليه ما تعطيه فرصة وإلا سوف نعدم اللاعب مثل ما عدما المحياني جاء من الوحدة هذاف وكان مصيرة الدكة حتى غاب عن التهديف وبعدين نجي نلوم اللاعب ياسر أخذ حقة وزيادة

لذالك أقول يا سامي الجابر انت لاعب كبير ومعشوق الجماهير الهلالية ولاكن ما زلت تخبط أسوء مدربين جو الهلال وأخذو معه بطولة أقلها بطولة ولي العهد

يا سامي الهلال أكبر من الجميع ونريد هلالنا يعود يا سادة الهلال أولا ثم الهلال ثم الهلال

ولك الحب والتقدير

في الحقيقة .. يؤسفني دائما .. أن يكون لاعبو الهلال عندما يلعبون أمام النصر .. بلا روح ..
وكأنهم مستسلمون .. لا أعلم السر ..
بينما في المقابل .. لاعبو النصر .. روحهم عاليه .. ومعنويات مرتفعة ..
وكأنهم قوات الأمن الخاصة عندما يداهمون ارهابيين .. (تشبيه في الصميم) ..

باختصار .. لم يكن مرضي المستوى .. ولا الروح ..
وكنت واثقا من الخسارة .. وكنت متوقعا يكون سلطان الدعيع سببا في الخساره ..

الحمدلله على كل حال و القادم افضل باذن الله

مبروك للنصر وهاردلك للهلال وهذا حال الدنيا
يوم لك ويوم عليك
هدف النصر الاول يقهر
وان شاء الله القادم افضل
وكل شي خيرة

بالنسبه للتبديلات كلها خاطئه ... المفروض محمد الشلهوب بدل من سعود كريري ... يوسف السالم بدل نواف العابد ... وعبدالعزيز الدوسري بدل عبدالله الزوري.... أو الزج بياسر القحطاني مع انه م راح يفيد الفريق بس راح يستفيد الفريق منه في منطقة الجزاء.. يعني بالعربي التغيرات للكابتن سامي الجابر صفرمن عشره.. لأنه لم تأثر بالشي الايجابي للفريق

بالنسبه للتنظيم الدفاعي انا اشوف سلطان الدعيع أعطي اكبر من حجمه والمفروض في هـ المباراه يكون فيه لاعب خبير...

بالنسبه للسلبيات اللي دونتها هو ظهور لاعبين الهلال بحاله غريبه بالمباراه من ناحية التهيئة النفسيه ... بصريح العباره من شفت سامي الجابر يتضحك في المؤتمر الصحفي عرفت ان العيد جاي بالطريق...

بالنسبه لتقيمي للاعبين أنا اقول أن اللاعبين ماينلامون سوى نواف العابد اللي اغلب كوراته خاطئه ويكفي تسبب بالبلنتي.... وأتمنى هـ اللاعب ينزرع في الاحتياط عشان يحترم الشعار الي لابسه .... وأتمنى يلحقه ياسر القحطاني اللي كنا نطالب فيه يكون في التشكيله الاساسيه وليتنا م طالبنا...

أما بالنسبه لرؤيتي الخاصه عن المباراه ... قاهرني الجمهور الي طلع خسران ... لاإداره فنيه لديها الخبره الكافيه ولا لاعبين يتحملون المسئوليه واشوف نجم المباراه البرازيلي ديجاو بالاضافه لنيفيز اللي ماقصر واجتهد بالاضافه لسالم الدوسري اللي مكسب كبير للكوره السعوديه بالاضافه للزلزال الي ماقصر ... أما نواف العابد صفر على الشمال ادائه في مباراة الامس كأنه مو معجبه وضع الفريق ولاعب م يأدي المطلوب منه واللي مايبي الهلال يثق تماما ان الجمهور مايبيه .....

وبالتوفيق للهلال في قادم المحافل ... مع قهري وأسفي وعلامات الاستفاهم الي لاحظتها امس على اداء الفريق ... فريق بلا هويه ولاروح .... لو لاحظتو مدرب النصر كارينيو تجدون ان م عنده اداره فنيه يمشي بالبركه ويستطيع الهلال بمدرب مغمور هزيمته مثل مافعل الموسم المنصرم زلاتكو عندما لقنه درس يقرقع في قلبه لين اخذ الثأر من المدرب سامي اللي بصراحه م اشوفه مدرب يبيله وقت واتمنى م يكون مجاملته على حساب كيان بكبره لأن الهلال عنده جمهور عريض وسامي يبيله وقت يراجع حساباته عشان يمسك كيان مثل هذا ... انا كنت من الناس المطالبين بسامي والآن اقول ي سامي ارحل روح تدرب واخذ الخبره الكافيه وبيبان الزعيم مفتوحه لك

1-الحمد لله على كل حال للالله ماخذ ولله ما اعطى




2- سمعة من الجمهور ينتقدون بشدة ياسر الشهراني و العابد


3- ومن الاشياء اللي لاحظتها عدم الحضور الكامل لياسر القحطاني و كريري و العابدو بطء كاستيلو

المدرب فاشل. سامي فاشل ليس بمستوى فريق كبير كالهلال كفى مجاملة يا ابن مساعد ارحل انت وسامي فالكيان اولى بالتضحية