بالنسبه للتبديلات كلها خاطئه ... المفروض محمد الشلهوب بدل من سعود كريري ... يوسف السالم بدل نواف العابد ... وعبدالعزيز الدوسري بدل عبدالله الزوري.... أو الزج بياسر القحطاني مع انه م راح يفيد الفريق بس راح يستفيد الفريق منه في منطقة الجزاء.. يعني بالعربي التغيرات للكابتن سامي الجابر صفرمن عشره.. لأنه لم تأثر بالشي الايجابي للفريق

بالنسبه للتنظيم الدفاعي انا اشوف سلطان الدعيع أعطي اكبر من حجمه والمفروض في هـ المباراه يكون فيه لاعب خبير...

بالنسبه للسلبيات اللي دونتها هو ظهور لاعبين الهلال بحاله غريبه بالمباراه من ناحية التهيئة النفسيه ... بصريح العباره من شفت سامي الجابر يتضحك في المؤتمر الصحفي عرفت ان العيد جاي بالطريق...

بالنسبه لتقيمي للاعبين أنا اقول أن اللاعبين ماينلامون سوى نواف العابد اللي اغلب كوراته خاطئه ويكفي تسبب بالبلنتي.... وأتمنى هـ اللاعب ينزرع في الاحتياط عشان يحترم الشعار الي لابسه .... وأتمنى يلحقه ياسر القحطاني اللي كنا نطالب فيه يكون في التشكيله الاساسيه وليتنا م طالبنا...

أما بالنسبه لرؤيتي الخاصه عن المباراه ... قاهرني الجمهور الي طلع خسران ... لاإداره فنيه لديها الخبره الكافيه ولا لاعبين يتحملون المسئوليه واشوف نجم المباراه البرازيلي ديجاو بالاضافه لنيفيز اللي ماقصر واجتهد بالاضافه لسالم الدوسري اللي مكسب كبير للكوره السعوديه بالاضافه للزلزال الي ماقصر ... أما نواف العابد صفر على الشمال ادائه في مباراة الامس كأنه مو معجبه وضع الفريق ولاعب م يأدي المطلوب منه واللي مايبي الهلال يثق تماما ان الجمهور مايبيه .....

وبالتوفيق للهلال في قادم المحافل ... مع قهري وأسفي وعلامات الاستفاهم الي لاحظتها امس على اداء الفريق ... فريق بلا هويه ولاروح .... لو لاحظتو مدرب النصر كارينيو تجدون ان م عنده اداره فنيه يمشي بالبركه ويستطيع الهلال بمدرب مغمور هزيمته مثل مافعل الموسم المنصرم زلاتكو عندما لقنه درس يقرقع في قلبه لين اخذ الثأر من المدرب سامي اللي بصراحه م اشوفه مدرب يبيله وقت واتمنى م يكون مجاملته على حساب كيان بكبره لأن الهلال عنده جمهور عريض وسامي يبيله وقت يراجع حساباته عشان يمسك كيان مثل هذا ... انا كنت من الناس المطالبين بسامي والآن اقول ي سامي ارحل روح تدرب واخذ الخبره الكافيه وبيبان الزعيم مفتوحه لك