13/12/2013, 11:26 PM
|
 | زعيــم متألــق | | تاريخ التسجيل: 01/06/2011 المكان: حبيبي تمهل وخذني إليك ـ فماعاد قلبي لبعد يطيق
مشاركات: 1,332
| |
أعتز كثيراً بالأستاذ أبو عمر ، وبمكانته الإعلامية ، وثقافته ، وصراحته وشجاعته ،
وبصرف النظر عن مسألة دخول رئيس النصر الأمير فيصل بن تركي للمستطيل الأخضر ، وبصرف النظر عن مسألة من الصادق ومن يحمل الحق في كلامه ، بعيدًا عن هذا كله ... !ليعذرني الجميع الأستاذ فهد الروقي أخطأ بحق رئيس نادي النصر من عدة أشياء :
1. لم يسلم عليه ابتداء .
2. لم يستأذن منه بطريقه لبقه ومقبوله في طرح ماعنده ..
3. لم يبارك له بفوز فريقه والتي من أجلها تداخل رئيس النادي في برنامج الكاس
الأمر الذي أساءني بحق وقهرني من جد وأحرقني وأستغرب من فهد الروقي كيف لهدرجة هاذي كيف مرت عليه ؟؟وترك لأناس أقل منه ثقافة ورجولة وكرما وشجاعة يتشمتون فيه ( وأنا أتلكم عن المتواجدين في برنامج المجلس من خليجيين ) : إنه جميع الإخوة الخليجيين بالمجلس كلهم سلموا على رئيس النصر ( السعودي) وهم مو سعوديين ، وباركوا له الفوز ، ويوووووم جا الدور على شقيقه السعودي فإذا هو يخاالف الجميع ( من غير سلام ولا استئذان ولا تبريك ) يدخل مباشرة ، ويزيد من الطين بله ويقول عنه تصرفك الغير جيد ؟؟؟ فطبيعي إنه بتكون ردة فعل لفعله ( وإن كنت لاأبررها ولاشك رئيس النصر أخطأ بعد ، فخطأ قابل خطأ ) فإيييش هذا ياجماااعة الخير ، تتركون للعجمي وخالد جاسم والعنبري وحمود سلطان وشلتهم يقعدون يتضحكون علينا كسعوديين ؟؟؟
ياأخي شوفوا كيف الأخ الإماراتي ذو الميول الهلالية الإعلامي أعتقد اسمه حسن : شوفوا كيف سلم على الأمير واستأذنه وكيف كانت مداخلته ؟؟ مع إنه مداخلته كانت ذكية جدا ، وكان فيها إسقاط صااارخ على نادي النصر ، ( لكن ماقدر رئيس النصر يسوي له شي ) لييييش ؟؟ لأنه أغلق عليه جميع الأبواب ، الرجال سلم عليه وبارك له ! فبالتالي مايقدر يسوي شي قدام المشاهدين والرأي العام ، لكن : وللأسف مداخلة الاخ فهد الروقي بالشكل هذا بدون سلام ولا تبريك !! مأاتوقع أحد يقبلها على نفسه ، وبعدين بالمناسبة عشان محد يفهمني خطأ : أنا يوم اقول يستأذن ويبارك له مو عشان سمو أمير أو شي من هالقبيل ،لا لا أبدا ، المقصود : كإسلوب متبع ومتعارف عليه ، ولأجل أنه يقبل منك انتقادك ومداخلتك ، أما أنك الباب للطاقة على طول تتداخل ، ولا تستأذن ولا تبارك له بالفوز !! وقدام الخليجيين يقول تعاملك الغير جيد !! بمجلس وبشكل مباشر يشاهدك الجميع ؟؟؟ ( وحتى لو كان كلامك حق وصحيح ، فما كل كلمة حق تقال ) فاأعتقد صعبة يتحملها أي واحد إلا اللهم شخص بمستوى إيمان أبو بكر وعمر ، أعيد وأكرر مو تبرير لخطأ رئيس النصر ، لكن من بدأ بالخطأ ؟؟
هو نفسه أخوي أبو عمر لو بيصيرله نفس الموقف هذا أتوقع مايقبلها نهائياً حتى لو كان قبيله على حق ..
أنا ممكن اجامل وأقول برافو عليك ياولد روق ومن هالكلمات اللي تمليها علي ميولي ، لكن الحق حق ،
أنا اقولها والله نصيحة للأخ فهد إن كان يقرأ هالكلام ، إن اقتنع و قبل به كان بها ، ماقبل به يستشير واحد مقرب له ويثق فيه ويعرض هالرأي هذا ويعطيه رأيه . وسلامتكم ..
|
34Likes
الوضع المتطور
