كلنا نسمع أن الأدارة الموقرة تريد بيع الفرج والبيشي والسالم والمرشدي للشباب مقابل حسن معاذ فوالله اذا حدث ذالك فهي قمة المهزلة وضرب من الجنون والعب بمشاعر جماهير الزعيم الملكي فلا زلنا نتذكر صفقة الجيزاني والغامدي الفاشلة حيث فقدنا نجماً لازال يعطي بكل فن
فلدي رجاء من الله ثم الادارة أن لا تفرط باللاعبين وبالذات الفرج الذي اعتبره خسارة فادحة اذا انتقل من الهلال والذي يساوي مثل معاذ مليون كما ان معاذ لاعب جيد ولاكن ليس بذالك اللاعب النجم لعدم انضباطه وانفعالاته داخل المبارة فأسئلكم بالله لاتفرطون باالنجوم وبأمكانم جلب ظهير أيمن أجنبي أفضل من معاذ ولاتجعلون البلطان يضحك علينا وكلنا سمعنا تصريحه الاخير بالعربية وهذا يدل على ذكائه والسلام

وانا لاتسمع مايقال كله كلام في كلام ..ماتوقع الهلال يستغني عن 4 لاعبين عشان لاعب مافيها اي منطق وبعدين مافي امل الكوتش يفررط باللاعبين خاصه عندك بطولات كثيره ولازم تريح لاعبين وتعطي فرصه لاعبين يلعبون في ولي العهد وكله كلام واتركو المصادر والتمصدرر وخلونا نركز في مباراة العروبه والله لو الهلال يلعب لعبه زي امام الفتح مايوقف قدامك اي فريق والتركيز لافرق كبيره ولا صغيره ..

لا كارثه ولا شي

اعتقد ان اصحاب القرار في النادي لا يمكن ان يهدرو حقوق الهلال
واي اشياء يتم طرحها من قبل المفاوضين في الصفقه قابله للاخذ والرد

ويوسف السالم مستحيل يرجع لنادي الشباب
لان عنده مشكلة سابقة مع البلطان

ما ابي اقولك( اقول دزها ) لان واضح انك. على نياتك وهلالي صميم ، لكن الله يرضى عليك البيشي والمرشدي ، معقوله جدا، لكن الفرج والسالم مستحيله من الان اقولك ، لان ما عندك بديل بالمحور (لهرماش اذا بقى او كاستيلو )من بيلعب بجنب سعود كريري في حالة الاصابه، وايضا ما عندك لاعب وسط يسار يلعب كجناح في حالة اصابة العابد لاقدر الله او تبديله ، يعني مستحيل بالعقل يروح الفرج لان سامي لو يكره الفرج كره العمى لاقدر الله مستحيل يمشيه لان مصلحة الفريق تستوجب وجود لاعب جوكر (محور وظهير ولاعب وسط يسار وجناح يسار بعد) ، اما السالم فمن سابع المستحيلات يروح ولو مبارة وحده للشباب، لان سامي بداء يعتمد على اللعب بمهاجمين ، يعني في حالة اصابة لاقدر الله ولا ضغط مباريات ، يحتاجه اكثر واكثر لاتنسى الدوري طويل ، اسيا قادمه ، والهلال لازال ينافس على كاس ولي العهد غير نهاية الموسم كاس الملك ، يعني اصابة ياسر او ناصر لاقدر الله او ارهاق ، من بيلعب مهاجم لذاك تطمن اذا بيروح احد هو المرشدي والبيشي واكيد بيكون فوقهم مبلغ مالي للشباب .

معك حق والله الفرج لو يلعب مباره واحد في مركزه الاساسي راح تشوفه افضل لاعبين الوسط في سعوديه اللي يبي يشوف قدرات الفرج يشاهد موسم 2012 ويشاهد مباره الارجنتين كان موسم استثنائي بس تغير مركز قلل من قدراته

اشوف مرشدي والبيشي في حسن معاذ تبادل معقول

الشباب استفاد من الهلال والهلال العكس
الغنام .. مباره او مبارتين الى 3 بالموسم والباقي بدكه البدلاء او اصابه
عمر الغامدي فرط فيه الهلال وهو الاعب اللي لما يلعب يفني نفسه للهلال
الان يطلبون معاذ بالمرشدي والفرج والقرني
القرني : التفريط فيه جنون لاعب ممتاااااز يمتاز بالتسديد ولكن لما يعطى فرصه ليه ابيعه اعطيه اعاره مثلااااااااااااا
الفرج : غلط التفريط فيه يكفي ماشاء الله انطلاقته السريعه وانت مقبل على اكثر من بطوله
المرشدي التفريط فيه ليس بذاك الاهيمه لن يفيد
البيشي : هل تتوقع ان ينجح معاذ ؟!!هل الاعب ماعنده اصابات .. هل الاعب غير مزاجي .!!!!
الله يهديهم بس ومايفرطون بالنجووووم ..

صدقني المرشدي والسالم والبيشي والقرني بعد حسن معاذ يسواهم كلهم لان كل الي قلتهم انت مانت بحاجتهم ايد وحسن معاذ انت في امس الحاجه له

ياخوي ترا معاذ ماراح يعطيك جبه دفاعيه كاملة ، فحرام نعطيهم أكثر من ثلاث لاعبين على لاعب ،

وكمان القرني لا يريدونه
ويريدون بيع عقده

عجبي من هذه الاداره والمدرب الفاشل

اخوي مو كل ما تسمعه تصدقه
واذا على الحكي ترا حتى سمعنا ان حسن معاذ مكان سالم الدوسري !! نصدق مثلا ً!!
كل واحد منا له رأي
وبالاخير الجهاز الفني اقرب واعرف مننا باحتياجات الفريق
اذا كان علينا شي هو الدعاء لهم بالتوفيق باختيار الاعبين اللي يفيدون الفريق
اما مواضيعنا هنا مجرد فضفضة لا تضر ولا تنفع

اذا تبي تتعاقد معع حسن معاذ(اددفع فقط)غير كذا لامقايضةة ولاهم يحزنون...
بأذن الله سيعود هلالنا الى مكـانة الطبييعي..

القرني والبيشي والمرشدي اتوقع ان هذا الثلاثي مقابل حسن معاذ و وليد معقوله اما بالنسبه للسالم اتوقع انه من الخطا التفريط فيه وان حدث وفرط الهلال فيه فيجب احضار لاعب مهاجم غيره

معك حق والله الفرج لو يلعب مباره واحد في مركزه الاساسي راح تشوفه افضل لاعبين الوسط في سعوديه اللي يبي يشوف قدرات الفرج يشاهد موسم 2012 ويشاهد مباره الارجنتين كان موسم استثنائي بس تغير مركز قلل من قدراته

اشوف مرشدي والبيشي في حسن معاذ تبادل معقول