ترى النصر ما لعب بأجانب ومع ذلك انهزم الهلال بسهوله .. اجل لو يجيبون اجانب على اعلى مستوى كان انتهت بخمسه للنصر !!!
الشق اكبر من الرقعة والهلال محتاج نجوم من المنتخب يدعمون الفريق اضافه الى اجانب صح في الخانات الضرورية ,,, قلنا من زمان ترى الدفاع راح ينكب الفريق ومع ذلك اعتمدوا على سياسة رفع الروح المعنوية والنتيجة كانت هي نفسها اللي كل سنه

إقتباس الرسالة الأصلية كتبت بواسطة الكرة الهجومية ترى النصر ما لعب بأجانب ومع ذلك انهزم الهلال بسهوله .. اجل لو يجيبون اجانب على اعلى مستوى كان انتهت بخمسه للنصر !!! الشق اكبر من الرقعة والهلال محتاج نجوم من المنتخب يدعمون الفريق اضافه الى اجانب صح في الخانات الضرورية ,,, قلنا من زمان ترى الدفاع راح ينكب الفريق ومع ذلك اعتمدوا على سياسة رفع الروح المعنوية والنتيجة كانت هي نفسها اللي كل سنه

أصلا أجانب النصر وجودهم كعدمهم، بل إن النصر لعب أفضل بدونهم، ولو لعب النصر بأجانب في اللقاء السابق أنا أجزم بأن النصر سيخرج خاسرا، عبء كبير في الفريق والجماهير النصراوية غير راضية عنهم، والشئ المضحك من فيصل بن تركي يوم يقول لسامي فزنا عليكم بدون أجانب وربي فطست على العقلية ذكرني بالبزارين اللي يلعبون في الحارة ويقولون لبعض هيه حره فزنا عليكم ههههههههه
المهم مجموعة أخطاء هي اللي هزمت الهلال وليس النصر لأنه ما قدم شئ كبير حتى يقال هزم الهلال ، الهلال هزم نفسه وفي آخر دقيقة من المباراة وبخطئ فردي.وأهم شئ إن الهلال يعااني من فراغ إداري كبير يؤثر في أي فريق والتأهيل النفسي أهم من معسكرات قصيرة غير نافعة كما حصل ...وبالتوفيق لزعيمنا

إقتباس الرسالة الأصلية كتبت بواسطة يوسف الثنيان 222 عزيزي اسطورة الملاعب بالنسبة لتحليل المباراة ماراح احلل ولاراح ازيد لان كلامك صحيح ولكن اسمحلي ازيد نقطة بسيطة في جزئية تبديلات سامي اكبر خطأ اقترفه حبيبنا الكوتش سامي وهو اقحامه لياسر القحطاني في المباراة والهلال مهزوم وياسر ماهو جاهز للمباراة وشكل عليه ضغط بالاضافة الى انه كابتن الفريق وممكن تجي عكسية على نفسيه اللاعب بالاضافة الى انه ثقيل ومايصلح اقحامه في مثل هذا الوقت من المباراة وخصوصا ان الهلال كان مهزوم من فريق مقفل تقفيل جبار واذا كان مصر كوتشنا على اقحام مهاجم كان الافضل ان يقحم السالم لانه اخف واجهز من ياسر ويبغى يثبت نفسه واكيد عنده الاصرار انه يثبت نفسه في مباراة قوية زي هذي ولو اني مااعتبره الا مهاجم عادي جدا ولكن الروح والاصرار على اثبات النفس يكون لها كلمة عليا على المستوى احيانا واكبر دليل المحياني امام الغرافة عموما بالنسبة للتعاقدات لعلي اختلف معك قليلا واسمحلي اكتب رأيي وافصله لك بالترتيب مع ذكر الاسباب : اولا : التوقيع مع الجبرين لاعب الرائد نعم صحيح سعود كريري لاعب كبير ولكن الجبرين لاعب قادم وواعد ويعطيك عشر سنين قدام افضل من لاعب ممتاز وقوي جدا وصلب ولكن مايعطيك اكثر من سنتين خصوصا انه صرح انه يبي يجدد عقده لسنتين وهي اخر سنتين له في مشواره كلاعب فالافضل اخذ لاعب اصغر وانشط ويعطيني عشر سنين احسن من اخذ لاعب ممتاز وصلب ولكنه كبير بالسن ولاراح يعطيني اكثر من سنتين بالاضافة الى المبلغ فكريري يريد مبلغ فلكي مافيه لاعب سعودي او حتى عربي يستاهله بعكس الجبرين ممكن مبلغه يكون اقل بكثير . ثانيا : التوقيع مع مدافع محلي ممكن كعسيري الاتحاد ومشكلة الهلال في قلوب الدفاع سواء على مستوى الفريق الاول او حتى الاولمبي هي بطء لاعبين قلوب الدفاع كلهم فالمسلم وهوان والدعيع والحافظ يعيبهم البطء قبل كل شي وتذكر اسامه هوساوي لما كان يلعب معنا اكثر ماكان يميزه السرعه يقدر يطرد اي مهاجم ويستخلص منه الكورة اهم ميزة لدى قلب الدفاع السرعة وهذي كانت مغطية على كثير عيوب لدى اسامه عشان كذا اقولك نتعاقد مع عسيري لانه سريع صحيح يحتاج خبرة ولكن الاتحاد ماقصر فيه هذا موسمه الثاني مع الاتحاد واتوقع اخذ خبرة مش بطالة . ثالثا : التعاقد مع مدافع اجنبي بديل لكاستيلو ويفضل ان تكون بلده قريبة ههههه او ان يكون معتزل دوليا اثق تماما بان كاستيلو لديه الكثير ولكن الي ذابحه كثرة سفراته كل شوي طاق تذكرة ورايح 18 ساعة بالجو اكيد ماراح يأدي ماخذ الهلال نادي لياقة ماهو فريق يتدرب فيه ويطقطق عشان لااحتاجه منتخبه يكون جاهز ولياقته عال العال . رابعا : التوقيع مع حارس محلي ممكن اكون معك في هذي وممكن مااكون معك الرويلي حارس ممتاز وكلنا نتمنى يجي الهلال ولكن عندك حارس مستواه مجهول واكاد اجزم انه افضل من السبيعي والسديري من خلال رؤيتي للسبيعي الموسم المنصرم مع الاتفاق كان هو نكبتهم وجايب فيهم العيد ومن خلال رؤيتي للسبيعي في التسخين الي يسبق مباراتنا مع النصر من ارض الملعب فهو ماصد ولا كورة في التسخين فدام حراسة الهلال صارت حقل تجارب خلونا نجرب الشمري ان زان حياه الله وان مازان يصف جنب اخوياه وبالنسبة لشراحيلي لااعلم هل مستواه ممتاز او الي بالي بالك كان مخلي مستواه ممتاز خامسا : بالنسبة لالغاء عقد الكوري قبل لااقولكم الغوا عقده عشان مستواه اطالب بالغاء عقده عشان فعايله ونرفزته المتكررة فلا يعقل لاعب كبير وخبرة بهذا السن كل شوي متمشكل مع لاعب ومتشنج ومتنرفز ويخلينا نحط ايدينا على قلوبنا . بالنهاية اسف على الاطالة اخي الكريم والله ماندمت على شي الا على تفريطنا بااوزيا صحيح ماكان خرافي لكنه كان ماسك خانة واصرف من هالموجودين كلهم ومتأقلم ومستانس وروحه حلوة واخطاءه قليلة جدا بالاضافة الى انه كان يلعب بجهة غير جهته هو سنتر يسار (يستخدم رجله اليسرى ) ولكن لتشابه الادوار بينه وبين المرشدي كنا مضطرين نلعبه في الجهة اليمنى . اخيرا تقبل مروري وشكرا لك على موضوعك الجميل والسلام خير ختام .

ماشاء الله عليك ردك عن موضوع
احترم وجهة نظرك وفيها الكثير من الصحه
شكرا على مرورك

إقتباس الرسالة الأصلية كتبت بواسطة هلآل ~ حاليا قبل الانتقالات الشتوية 1- حط السبيعي حارس لانه باسوأ الاحوال ماراح يسوي الي سواه السديري 2 - ( عبدالله الحافظ ) !! لاعب جايك من اوروبا وممتاز حرااااام تنزله اولومبي وتحط المسلم والمرشدي 3 - اعادة الشهراني ظهير ايسر ورجع البيشي يمين 4 - عبدالله عطيف يجب اعطاءه فررصه ياعالم نجم منتخب الشباب وينه ؟ بالانتقالات الشتوية : ياطويل العمر 1 - التعاقد مع سعود كريري كمحور بدال عديم الفائدة والثقيل (كاستيلو) 2 - الغاء عقد كاستيلو والتعاقد مع جناح ايسر مثل مواصفات ويلهامسون مكان العابد 3 - اذا الكوري استمر على مستواه الاقل من عادي الغاء عقده وجلب مدافع آسيوي ممتاز والاهم هو عمل سامي على ( تنظيم ) الدفاع وتكتيك ممتاز له مو معقوله نجران دفاعه منظم ويعرف يقفل احسن مننا والنصر افضل دفاع على مدافع بحريني ومحمد عيد !

مشكور ياغالي على مرورك الكريم
..

في الهلال لاعبين مميزين بس للآن ما اعطوا الفرصه

ياليت يجربهم المدرب بدل الأخطاء اللي بالجمله نشوفها في كل مباراة

بيني وبينكم ترا السبيعي أخو السديري يعني كل واحد أردى من الثاني ، صحيح أنه مَ نكذب يعني شراحيلي عنده أخطاء بس أنه أحسن منهم بكثيير وأتمنى عودته ، بس الشمري وما أدراك ما الشمري ليه كذا ؟ ليش ما تعطونه فرصه يعني يَ ليل مطولك بس ، كاستيلو على هوان على السديري على العابد صراحةة يعني مدري وش اقول ، أنا صراحةة أستغرب من الكوتش سامي يقول أنه يعالج في الدفاع وهو يلعب بنفس التشكيلةة في كل مباراةة !!!! أتمنى فرمتت لاعبين الهلال وأتمنى أنهم يلعبون بروووح زي لاعبين النصصر ..