عزيزي اسطورة الملاعب بالنسبة لتحليل المباراة ماراح احلل ولاراح ازيد لان كلامك صحيح ولكن اسمحلي
ازيد نقطة بسيطة في جزئية تبديلات سامي اكبر خطأ اقترفه حبيبنا الكوتش سامي وهو اقحامه لياسر القحطاني
في المباراة والهلال مهزوم وياسر ماهو جاهز للمباراة وشكل عليه ضغط بالاضافة الى انه كابتن الفريق وممكن
تجي عكسية على نفسيه اللاعب بالاضافة الى انه ثقيل ومايصلح اقحامه في مثل هذا الوقت من المباراة وخصوصا
ان الهلال كان مهزوم من فريق مقفل تقفيل جبار واذا كان مصر كوتشنا على اقحام مهاجم كان الافضل ان يقحم
السالم لانه اخف واجهز من ياسر ويبغى يثبت نفسه واكيد عنده الاصرار انه يثبت نفسه في مباراة قوية زي
هذي ولو اني مااعتبره الا مهاجم عادي جدا ولكن الروح والاصرار على اثبات النفس يكون لها كلمة عليا على
المستوى احيانا واكبر دليل المحياني امام الغرافة عموما بالنسبة للتعاقدات لعلي اختلف معك قليلا واسمحلي اكتب
رأيي وافصله لك بالترتيب مع ذكر الاسباب :

اولا : التوقيع مع الجبرين لاعب الرائد نعم صحيح سعود كريري لاعب كبير ولكن الجبرين لاعب قادم
وواعد ويعطيك عشر سنين قدام افضل من لاعب ممتاز وقوي جدا وصلب ولكن مايعطيك اكثر من سنتين
خصوصا انه صرح انه يبي يجدد عقده لسنتين وهي اخر سنتين له في مشواره كلاعب فالافضل اخذ لاعب
اصغر وانشط ويعطيني عشر سنين احسن من اخذ لاعب ممتاز وصلب ولكنه كبير بالسن ولاراح يعطيني اكثر
من سنتين بالاضافة الى المبلغ فكريري يريد مبلغ فلكي مافيه لاعب سعودي او حتى عربي يستاهله بعكس
الجبرين ممكن مبلغه يكون اقل بكثير .

ثانيا : التوقيع مع مدافع محلي ممكن كعسيري الاتحاد ومشكلة الهلال في قلوب الدفاع سواء على مستوى
الفريق الاول او حتى الاولمبي هي بطء لاعبين قلوب الدفاع كلهم فالمسلم وهوان والدعيع والحافظ يعيبهم
البطء قبل كل شي وتذكر اسامه هوساوي لما كان يلعب معنا اكثر ماكان يميزه السرعه يقدر يطرد اي مهاجم
ويستخلص منه الكورة اهم ميزة لدى قلب الدفاع السرعة وهذي كانت مغطية على كثير عيوب لدى اسامه
عشان كذا اقولك نتعاقد مع عسيري لانه سريع صحيح يحتاج خبرة ولكن الاتحاد ماقصر فيه هذا موسمه الثاني
مع الاتحاد واتوقع اخذ خبرة مش بطالة .

ثالثا : التعاقد مع مدافع اجنبي بديل لكاستيلو ويفضل ان تكون بلده قريبة ههههه او ان يكون معتزل دوليا
اثق تماما بان كاستيلو لديه الكثير ولكن الي ذابحه كثرة سفراته كل شوي طاق تذكرة ورايح 18 ساعة
بالجو اكيد ماراح يأدي ماخذ الهلال نادي لياقة ماهو فريق يتدرب فيه ويطقطق عشان لااحتاجه منتخبه
يكون جاهز ولياقته عال العال .

رابعا : التوقيع مع حارس محلي ممكن اكون معك في هذي وممكن مااكون معك الرويلي حارس ممتاز
وكلنا نتمنى يجي الهلال ولكن عندك حارس مستواه مجهول واكاد اجزم انه افضل من السبيعي والسديري
من خلال رؤيتي للسبيعي الموسم المنصرم مع الاتفاق كان هو نكبتهم وجايب فيهم العيد ومن خلال رؤيتي
للسبيعي في التسخين الي يسبق مباراتنا مع النصر من ارض الملعب فهو ماصد ولا كورة في التسخين
فدام حراسة الهلال صارت حقل تجارب خلونا نجرب الشمري ان زان حياه الله وان مازان يصف جنب اخوياه
وبالنسبة لشراحيلي لااعلم هل مستواه ممتاز او الي بالي بالك كان مخلي مستواه ممتاز

خامسا : بالنسبة لالغاء عقد الكوري قبل لااقولكم الغوا عقده عشان مستواه اطالب بالغاء عقده عشان فعايله
ونرفزته المتكررة فلا يعقل لاعب كبير وخبرة بهذا السن كل شوي متمشكل مع لاعب ومتشنج ومتنرفز ويخلينا
نحط ايدينا على قلوبنا .

بالنهاية اسف على الاطالة اخي الكريم والله ماندمت على شي الا على تفريطنا بااوزيا صحيح ماكان خرافي
لكنه كان ماسك خانة واصرف من هالموجودين كلهم ومتأقلم ومستانس وروحه حلوة واخطاءه قليلة جدا
بالاضافة الى انه كان يلعب بجهة غير جهته هو سنتر يسار (يستخدم رجله اليسرى )
ولكن لتشابه الادوار بينه وبين المرشدي كنا مضطرين نلعبه في الجهة اليمنى .

اخيرا تقبل مروري وشكرا لك على موضوعك الجميل والسلام خير ختام .

انا ارى ان سامي تعامل بشكل جيد مع المبارة

لكن خانه مستوى السديري بشكل اساسي والمسلم ايضا
ياسر خارج الجو العام للمبارة لذلك اتمنى اشراك السالم بدل عنه

نواف العابد انطفئ في الشوط الثاني

الحل ليس حط لاعب وشيل لاعب
الحل يجي بمعرفة الاسباب وكيفيه اصلاحها

تعال جيب الحافظ وتصير نفس المشكلة وينحرق كرته
ورجع المرشدي وشيله ورجع المسلم وشليه ورجع الحافظ و و و و

يجب اصلاح الخلال لدى اللاعبين وليس اقصائهم

الهلال لا يحتاج الا التوقيع مع حارس
الا اذا كان هذا الحارس راح يلعب اساسي والا بلاها
شخصيا اتمنى عودة شراحيلي

التوقيع مع كريري اتوقع صعب لان الاتحاد لا يتخلى عن لاعبيه وخصوصا
للهلال .. يجيك عضو شرف اتحادي ويتكفل بعقد كريري كامل مكمل

عمر هوساوي فاشل

كاستلو بدا يتأقلم

الكوري اشوفه ممتاز جدا

إقتباس الرسالة الأصلية كتبت بواسطة يوسف الثنيان 222 ع عندك حارس مستواه مجهول واكاد اجزم انه افضل من السبيعي والسديري من خلال رؤيتي للسبيعي الموسم المنصرم مع الاتفاق كان هو نكبتهم وجايب فيهم العيد ومن خلال رؤيتي للسبيعي في التسخين الي يسبق مباراتنا مع النصر من ارض الملعب فهو ماصد ولا كورة في التسخين فدام حراسة الهلال صارت حقل تجارب خلونا نجرب الشمري ان زان حياه الله وان مازان يصف جنب اخوياه وبالنسبة لشراحيلي لااعلم هل مستواه ممتاز او الي بالي بالك كان مخلي مستواه ممتاز .

قول تبي الشمري وخلصنا هههههههههه

كل الحراس ممكن يحرسو ولا ماكن وقع معهم الهلال
بالاخير الهلال مو من صالحه مايكون عنده حارس خامس معار
لنادي اخر

لازم يعير حراسه عشان مايكونو منقطعين

انا لو مكان الشمري اروح اعاره بعد اذن النادي
للاتفاق او النهضة او الفيصلي او اي نادي او حتى الاتحاد

اقسم بالله انكم كبرتوها وهي ماتحتاج كل هالكبر ...

ناخذها حبه حبه ..

الكوري ليش طايحين فيه يعني من زين اللي جنبه الحين ولا الاظهره الممتازه ..! بالعكس حاول يغطي اخطاء زملاءه اكثر من مره واللاعب هذا الصلاة على النبي ارتقاءاته ممتازه جدا ومن افضل اصحاب ضربات الراس بشهادة لي يونق " لاعب الهلال السابق " امس ماشفنا هدف بخطأ منه لكن الشكوى لله جمهور عاطفي مع الناس يمشون ...

والحكم ايضا على باقي الاجانب .. اذا تبغى تتغير للافضل لاتقولي الغي عقد ولا جيب لاعب .. اذا تبي تتحسن حط البيشي ظهير يمين والحافظ بجانب الكوري واحنا قلناها من قبل بداية الموسم اصلا ان الحافظ بيكون جنب الكوري لكن ماشفناها ولازم نشوفهم بجانب بعض .. ونرجع الشهراني يسار .. والسبيعي حارس وبتشوف كلامي صح ولا لا ..

كاستلو انا ماشفت احد يعدي منه امس نقلاته للكور صحيحه .. لكن تكتيك سامي نسبيا اخفى لاعبين الحور .. نفس ماقال خالد الشنيف سامي يطلب من لاعبين الدفاع والمحاور التقدم لنصف ملعب الخصم حتى يتم الضغط عليهم ومع هجمات النصر بالكرات الطولية تمر من فوق المدافعين والمحاور .. وصدقني لو تتفرج المباراه اعاده بتلاحظها عشان لا تقول عني شي مطبل او غيره ..


الكلام موجه لجميع جماهير الملكي اللي كبروا الموضوع والله الموضوع اصغر من كذا والميدان بيننا


اعتذر عن الخطأ اذا كان موجود كتبت الرد بعجاله .. تحياتي

بتكلم بالمباراه القادمه

ضروري الشهراني يرجع يسار البيشي يمين

العابد مكانه الدكه بديله الفرج او عزوز

قلوب الدفاع ورطنا الكوري بكروته مومن زين مستواه لكن الدكه مافيها لاعبين يملون العين بمستواهم
أتوقع سامي بيحط المرشدي وسلطان الدعيع والله يستر ع هالخلطه ..

بالعكس الهلال سيطر على المباره ضد فريق يدافع ومتكتل ويلعب بالمرتدات
ياخوي المرتدات هزمت مدربين كبار وانديه عالميه
سامي تعامل بكل واقعيه مع المباره ويوم بدل سجل هدف حارسك هو الي نكبك في المباره واهداهم بلنتي

احتياجات الهلال اتمنى ان يتعاقد مع كريري للخبرته في الاسيويه + جلب رادوي لان بينه وبين العين مشكله رادوي يعطيك موسمين
اذا جبت هالمحورين دفاعك يظبط والكل يتذكر رادوي كان يوقف وسط انديه بالحاله فما بالك وكريري بجمبه

البطولات المحليه نحققها كل سنه والدوري باذن الله هلالي طموحنا الان في الاسيويه ويبي لها عمل ودفع ومال

المولد خيار مدافع متاح للهلال اتمنى مفاوضته وندفع لاتحاد مبلغ لانهم محتاجيين فلوس تمشي ناديهم

الهلال يفتقد للقائد ينظم الوسط مثل رادوي هرماش والله لايوجه ولاينظم ولاينبه الاعبين من فهاوتهم
وافتقد للمدافع ينظم الدفاع اخر قيادي جانا اوزيا

هات رادوي وكريري وقع معهم موسمين وجب مدافع الجيش القطري البرازيلي المجنس قطري ذاك قيادي درجه 1
ومدافع كبير

العوض ولا القطوعه يلعب السبيعي الين يرجع شراحيلي

دققو في العابد
تراه مزاااااااااااااااااااااااااجي

وذبح اللعب ولا يجري مدري الكابتينه لعبت فيه

الهلال يحتاج (ظهير ايمن الطائي عبدالرحمن الحسن ومحور القادسيه نايف هزازي) فقط لاعبين اثنين وتنحل جميع مشاكل الفريق بشرط عدم اختراع مراكز للاعبين .

اذا رجع كل لاعب لمركزه الأساسي راح يكون فيه تنظيم للفريق فقط يكون الزوري والشهراني يسار ويكون البريك والبقعاوي ومشعل الحوطي للظهير الأيمن وقلوب الدفاع المرشدي والدعيع ويكون المحور الفضل والقرني او المرشدي وهناك النجعي وفلاته الفرحان
الوسط الايسر الفرج والعابد الوسط الأيمن سالم وكعبي
صناعة اللعب نيفيز وعبدالكريم
الهجوم ياسر وناصر وعزوز والسالم
الحراسه السبيعي والشمري والسديري والواكد والصالح وأبو ملحه جميعهم جيد وشراحيلي سيعود نهاية الموسم
وانتهينا والفتره القادمه يكون اختيار الأجانب بشكل جيد شكرا لك

إقتباس الرسالة الأصلية كتبت بواسطة هــلإلْــيَ ، خـققَ] يآخي ترى السبيعي والسديري كلهم فاشلين الجمهور كله يطالب بالسبيعي وهم ناسين مباراتنا مع الاتفاق ووش سوى السبيعي الحراسه محتاجه شراحيلي وكفى الاشياء الي المفروض يسويها سامي في مبارياتنا القادمه 1 اعادة البيشي ضهير ايمن 2 اعادة الشهراني ضهير ايسر 3 اعادة المرشدي مع الكوري لان لاحظت الكوري منسجم مع المرشدي اكثر من اي واحد 4 عزوز الدوسري اساسي والعابد احتياط 5 الفرج محور على حساب هرماش ولا كاستيلو وبكذا صدقني بيكون الهلال انسجام وقوه افضل من هالمرحله

اعرف ان حتى السبيعي ماهو طموح للهلال
لكن اعطيه فرصه ممكن يكون افضل
ومشكور على المرور

الهلال عنده زخم من اللاعبين يبون الفرصة فقط من المدرب... ماعندنا إلا عقدة الحراسة والدفاع ، وهي محلولة ، عندنا السبيعي والشمري والواكد بمستويات جيدة
السديري يحتاج إراحة وسيعود بطلا، فمانبي تعاقدات وآخرتها الدكة !!! كم جبنا وركنا ونسقنا الادارة مبدعة في هذا ..؟
الدفاع عندنا الدعيع والحافظ وغيرهما بس يمنحون الثقة وسيكون الدفاع قويااا.
الكوري أأيد وبقوووة أن يمنح خروج نهائي لم يقدم شيئا بل نقطة ضعف.