أرقام فلكيه في التعاقدات الهلالية - صفحة رقم 5 - نادي الهلال السعودي - شبكة الزعيم

ماجد . · #61 01/06/2013, 01:13 PM

والله مدري ايش اقول بس لاعب من نوع طقها والحقها صار ياخذ خمسة مليوون ويحسب نفسة نجم

يعني ساامي يستاهل هذا المبلغ

دكتور رياضيات · #62 01/06/2013, 11:50 PM

للأسف بعض الردود والله ردود أبو 15 سنه

اقرا الموضوع زين يا من تشارك في الرد قبل أن ترد

هدفي من الموضوع واضح

سامي لاعب فنان ممتاز ولا يحتاج كل هذا الإطراء مني

لكن عقود الهلال عالية جداً في استقطاب اللاعبين والمدربين في الفترة الأخيره والنتيجة بلا مستوى

أبو فيصل أسير الزعيم · #63 02/06/2013, 12:30 AM

سامي رجل مكافح
سامي رجل اشتغل على نفسه منذ ان كان لاعبا واداريا وثم مدربا
سامي رجل عقله يوزن بلد
سامي لديه تخطيط كبير
سامي يستاهل كل خير
والله أتمنى أني بربع عقليه سامي
انا متاكد تماما انه سامي كان حاسب لهذا اليوم من زمان
الرجل لديه طموح كبير ومن حصل شي يستاهله
سامي من اكثر اللاعبين اللي خدمو الهلال
وعلى وقته ماكان فيه احتراف وعقود مثل الحين يعني يستاهل ابو عبد الله اكثر من هالمبلغ ياما افرحنا
الا يستحق منا الدعم والمؤازره والدعاء له بالتوفيق
اخيرا شكرا لك

asheg25 · #64 02/06/2013, 12:35 AM

الرازق الله يستأهل ولد البلد مقسومة له الله يزيده ويعطينا عندما يأخذ الأجنبي عادي وعندما يأخذ أبن البلد كثير عجبي من أهل بلدي
في السعوديه بس زامر الحي لا يطرب

ابو الفهد aaa · #65 02/06/2013, 12:45 AM

[QUOTE=مجنون(6)عزيز;21324717]اي واحد يقول سامي يستاهل هالراتب
مجامل
مطبل
يحب العناد
الخ
سامي وش سوى علشان تقارنه بغيره
ماذبحنا الا الي يطبلون للشخص على الفاضي والمليان
انا لا احسد لكن هذا فعل جنوني لابعد حد
300 الف شهريا
الظاهر كان يدرب بوردو ولا مرسيليا وانا لا ادري
لحد يجي ويقول مندس
انا هلالي اكثر منكم[/QUOTE

ههههههههههههههههه

كاد المريب ان يقول خذوني

الا مندس ونص انت وصاحب الموضوع

ابو الفهد aaa · #66 02/06/2013, 12:48 AM

صاحب الموضوع مندس

ويوم انحشر الفقراوي قام يردد ردود ابو 15 سنه

هم كذا الفقراويه اذا انحشرو قامو ينضحون بما فيهم من كلام على قد عقولهم

لك الله يا سام 6 كم احرقت دماء

al-jouf · #67 02/06/2013, 02:48 AM

سامي ياخذ 11 مليون ولا اجنبي ياخذ 20 مليون ..

دكتور رياضيات · #68 02/06/2013, 06:13 AM

إقتباس

الرسالة الأصلية كتبت بواسطة ابو الفهد aaa


	صاحب الموضوع مندس ويوم انحشر الفقراوي قام يردد ردود ابو 15 سنه هم كذا الفقراويه اذا انحشرو قامو ينضحون بما فيهم من كلام على قد عقولهم لك الله يا سام 6 كم احرقت دماء

لن ارد عليك

يا صديقي

ADNANO · #69 02/06/2013, 08:13 AM

مالي خلق ارد, بس مجبور ارد

احترامي للكاتب, الموضوع يسد النفس

يعني سامي مو معاه طاقم؟؟؟ واللاعبين اللي قلت عنهم لايكون مشيوا مجااان
شنو خسرت قيمة عقودهم؟؟؟ بيعهم واعارتهم ترى بفلوس, والمدة المتبقية في عقد اللاعب يشتروها اذا بينتقل اللاعب>> للمعلومية!! يعني ال60 مليون اللي جابت لك الجلطه ماراحت كلها زي ماقلت , و ع فكرة بعد ترى في شي اسمه زيادة وتضخم في العقود, لاتقارن أول بألحين اذا انك تفهم كورة

متحمس وفاهم ماشاء الله عليك اكثر من الإدارة

f90 · #70 02/06/2013, 09:08 AM

هههههههه
والله ماعرفنا لكم
مره تطلبون لاعبين اجانب بمستويات عاليه
ومره تطلبون لاعبين رخيصين في عقودهم
ترا ماتجي ابد
مادام الادارة بتدفع نبي افضل اللاعبين
وحتى لو كان غالي الاهم يحقق لي الشيء المطلوب

دكتور رياضيات · #71 02/06/2013, 09:47 AM

إقتباس

الرسالة الأصلية كتبت بواسطة f90


	هههههههه والله ماعرفنا لكم مره تطلبون لاعبين اجانب بمستويات عاليه ومره تطلبون لاعبين رخيصين في عقودهم ترا ماتجي ابد مادام الادارة بتدفع نبي افضل اللاعبين وحتى لو كان غالي الاهم يحقق لي الشيء المطلوب

يا عزيزي لاعبينا اللي نجيبهم قيمهم عاليه وبالنهاية مستوى دون المأمول

هذا القصد من كلامي

قيمهم عالية جداً

مانقان كلّف الإدارة أكثر من 3 مليون يورو

الكوري فوق2.5 مليون يورو

مستوى أسوء من السيء

$سعود$ · #72 02/06/2013, 10:17 AM

وهو صادق مدرب في اول مره يدرب نص مليون شهريا
لوو انه محترف او خبره
يستاهل مليون مثل جيرتس وكومباريه

Abu Mish3L · #73 02/06/2013, 11:34 AM

معك في كل ماذكرت الا سامي

ياخي مستكثر على شخص مثله 11 مليون؟؟؟

ياخي على الاقل 11 مليون ماراح تطلع لبرا لابن البلد يستاهل وزيادة سامي