أرقام فلكيه في التعاقدات الهلالية
 

بسم الله الرحمن الرحيم

السلام عليكم ورحمة الله وبركاته

سامي الجابر 11 مليون و 3 سنوات !!!

هرماش حدود 7 مليون يورو!!! و ثلاث سنوات وفي النهايه آوت

العربي8.5 مليون يورو وفي النهايه آوت

الكوري يووو


أنا ضد هالصفقات العالية وخاصة المده العاليه

نهاية هالصفقات توهيقه ولكم في هرماش عبره

سامي 11 مليون يعني سنوياً3 مليون وسبع مئة ألف سنوياً

شهرياً راتبه تقريبا 306 آلاف ريال

أتمنى من الإدارة الهلالية التفكير في المبلغ جيداً

أتمنى عدم حذف الموضوع لأنه لايوجد فيه أي إسائه لأي شخص

لا لا تعلييييييييييييييق .

كومبواريه كان ١٢ مليون ريال في موسمين يعني اكثر من سامي

ياخي وش الي حارق رزك يستاهل ابن البلد

واحسن من ياخذه اجنبي ماعنده ولاء لنادي

وسامي ولدنا والله يوفقه مع الزعيم

لوكان مدرب اجنبي ماتكلمت يا الحبيب سامي يستاهل او تبيه يدرب مجاناً مثلاً

اخوي الاعبين يقبضون باليورو يعني 7 مليون لهرماش = 35 مليون ريال في ثلاث سنوات
بعدين عشان سامي مدرب وطني مايستاهل
قيرتس اخذ 1250000 في الشهر يعني راتب سامي ربع راتبه
يستاهل ابو عبدالله
الله يوفقه

الصفقات العاليه في اللاعب الاجنبي ماهي اشكاليه بس شرط انه يستاهلها

اما سامي فا اعتبرها حق من حقوقه دامه وقع رسميا لتدريب الهلال

فهمو مدرب مثله مثل غيره

سامي يستاهل والله يوفقه بااذن الله

غير هرماش والعربي عندك نيفيز كان برقم خيالي وبالأخير موسم ومشى

وإيمانا و مانقان وغيرهم من اللاعبين اللي ضيعنا ملايين لاتعد ولا تحصى عليهم

وبالأخير يختلفوا مع اللاعب المحلي على نص مليون ريال وهو يستاهلها

أتمنى نرجع لصفقات اللاعبين السابقة جيديين جدا وبأسعار معقولة في حينها

مثل كوماتشوا وطارق التايب وأليجا ليتانا وغيرهم

ويا زين الثبات والأستقرار لاصار عندك لاعبين أجانب إمكانيتهم عاليه وبسعر معقول ومايتغيرون

مو مثل حالنا الحين حسبي الله ونعم الوكيل كل موسم طقم لاعبين أجانب بمدربهم يروح والموسم اللي بعده طقم ثاني

وإن كان على عقد سامي الجابر يستاهل سامي فكره يساعدة ينجح بأي مكان ماشاء الله وبأي منصب

ماراح يحصلون مدرب يرضى بوضعنا الحالي وقلبه على الفريق مثل سامي

ومي أول مرة يقود سامي الهلال كمدرب سبق وصارت الموسم قبل اللي فات وبيض الوجة

بعد ما إدارتنا كالعاده أقالت المدرب مع بداية بطولة ولي العهد سامي أكمل البطولة كمدرب

بديناها مع النصر وما أنساها تعشيت بدري وولمة المخدة توقعت بننهزم على هالظروف اللي مر فيها الفريق

لكن إنتهى الشوط الأول 3/0 للهلال وضيعنا أكثر من اللي جبنا

ومن بعدها لعبنا بحسبة الإتحاد بشبابنا وعالنهائي ماقصروا

كانت لمسات سامي واضحة على الفريق سواء من ناحية التكتيك أو الروح المعنوية للفريق

ولو تتذكرون في الشوط الثاني أعطى الفرصة لسالم الدوسري ووثق بإمكانياته ويومها كان مولد النجم سالم بهدف رابع عالنصر

وجهة نظري إن شاء الله عودة سامي للتدريب هيا أول خطوات تصحيح التخبطات
لكن مو تجيب سامي عشان يكون شماعة أخطاء وسامي أساسا مايرضاها

أعطوا سامي كل الصلاحيات ووفروله ما يطلب من لاعبين ومساعدين ومعسكرات

ودخيلك يا أبو عبدالله على الله ثم عليك أنك تفكنا من المرشدي وخيرات والغنام والبيشي والزوري شلهم ولا احتياط الاحتياط

انت شكلك تبي الرخيص و كويس > نظام بو فيصل:confused::confused:

ليتك تغير اسمك من دكتور رياضيات
خله دكتور حقد وحسد
والله لو يعطون الذيب مليار في الشهر يستاهل الأسطورة ابوعبدالله
كم مرة رجعنا من الملعب للبيت وحنا رافعين رؤسنا
كم مرة بكى من قلبه للفريق
كم مرة احترق وحرث الملعب عشان هالجماهير

رح تغد بس ولا تنسى كاسين لبن العتش عشان تخمد ولا عاد تقوم

ياخي وش الي حارق رزك يستاهل ابن البلد

واحسن من ياخذه اجنبي ماعنده ولاء لنادي

وسامي ولدنا والله يوفقه مع الزعيم

سامي يستاهل والله يوفقه بااذن الله
صحيح مندس روح حبيبي منتداك ماعمرك تكلمت عن رواتب الأجانب جات على سامي اقول حبيبي العب بعيد
كنت متوقع من الأسفلين انهم يبحثون في كل شي في اي كلمه او هفوه من اي هلالي لكي يضخمون الشي والبلبله في الفريق بس انت زوتها حبتين انتظر اشوي حشا ما بعد يوقع شكلك ماقدرت تتحمل حارقك سامي
ما اقول الا الله يعطيك على قد نيتك

هههههه الشعب معصب

هذي مشكلتكم اللي يتكلم بالعقل مندس

لوني نصرواي وش يحدني على الكتابه هنا

الله يهديكم بس

لكن أنا اتكلم بشكل عام عن كل التعاقدات

تعاقدات فاشله ومبالغ في أسعارها


أنا ما تكلمت عن سامي لحاله حتى الكوري وهرماش وغيره أعزائي

يجب أن نتكلم بعقلانيه