عجبا وسوء كيلا - نادي الهلال السعودي - شبكة الزعيم

عبدالرحمن الدوسري · #1 04/11/2012, 06:47 PM

الحضور السيئ بسبب

اعلام الانديه الاخرى ضحك على :

اعلام الهلال الصحفيين
و جمهور الهلال في المنتدى والمدرجات

اصبح اعلام الانديه الاخرى يعمل الاتي :

1- يقولون مستوى الهلال مهزوز رغم ان النادي ترتيبه الاول في الدوري .. واصبح جمهور الهلال يردد في كل وقت وحين مثل مايقولون .. ( وحتى لو صحيح .. المفروض توقف مع الفريق .. لان اي هزيمه للهلال في الدوري .. قد تبعده عن المنافسه .. فيريدوا منكم .. هز فريقكم .. وتوتيره ..)

2- يقولون ايضا ان لاعبي الهلال المحليين خاصه منطقه الدفاع فاشل ( رغم ان الدفاع الهلالي ولج في مرماه اقل اهداف في الدوري الى الان كنسبه وتناسب مع عدد المباريات ) . يبيونكم تنسغنون عنهم ..وتهزوهم اكثر وتروح منهم الثقه .. ويجيك في كل مباراه 3 اهداف .

3- يقولون ادارة عبدالرحمن بن مساعد مثاليه .. يبونه يرد على كل من هب ودب .. اللي ينقص من قيمه الهلال ( ولا تنسوا من هب ودب ) ويبون رئيس الهلال يرد على من هب ودب .. في كل الجرايد والمنتديات والتويتر و والتلفزيون .. يعني يبون رئيس همه بس يرد ويدافع عن النادي .

4- يقولون ان جريتس افضل مدرب اتى به الهلال .. حتى يحطموا جميع المدربين الذين اتوا بعده .. مع العلم انهم تناسوا ان في عهد جريتس يوجد .. نيفيز .. ورادوي .. ويلي .. . ولي بينوج سو .. وعزيز .. والدعيع .. واحمد الفريدي ....جريتس اتى للهلال .. من بعد طيب الذكر كوزمين الانضباطي الصارم .. فكان الفريق جاهزا .. وتم تدعيمه بافضل لاعب مر على تاريخ الكره السعوديه ( نيفيز ) الذي اصبح وجوده في الفريق عامل طرب وفن والخمسات .. اتت في عهد نيفيز وحضر في جميعها .. الخمسات

5- نسوا ان كالديرون حقق الدوري بدون هزيمه وقبل انتهاء الدوري بثلاث جولات .. يعني سوى شي محد سواه ابد ابد .. وجريتس انهزم من الاتحاد والنصر وفاز عليهم بالخمسات .. واصبحوا يذكروه بكل حين .. حتى اصبح عقده الهلال هو المدرب .. رغم وجود مدربين اتوا بعد جريتس افضل منه .. ولكن لم يوجد لاعبين كنيفيز ورادوي ويلي ..

6- يقولون ان جمهور الهلال اكبر جمهور واكثر جمهور يؤثر على ناديه .. فاصبحتوا فقط ترددون نبي ونبي ونريد ونبغي وحط ابوك ورد ابوك ..ونسيتوا اهم شي الا وهو دعم وتشجيع الفريق .. ياجمهور الفصفص ..

7- يقولون ان موبايلي والراعي الرسمي .. لايدفع كثيرا .. لنادي الهلال .. 65 مليون ريال .. اكبر عقد في الشرق الاوسط .. غير المميزات .. 10 مليون ريال باقه موبايلي لكل عدد 200000 مشترك .. 3 مليون اي بطوله .. غير المميزات الاخرى .. يعني الهلال باخر السنه يطلع ب 80 مليون من موبايلي .. وانديتهم اكثر تحصله .. 35 مليون ريال .. حتى اصبح يردد الجمهور نبي عقد اكبر اتركوا موبايلي ... وفي الاخير ... يطلع لي مشجع ... هلالي ويكتب موضوع .. ويصور شريحه موبايلي وهو يحرقها .. ويلغي اشتراكه في باقه الزعيم .. عويحرض جمهور الزعيم على ذلك العمل .. ويرد عليه الجمهور ايه بالله صادق .. ويلغون اشتراكهم .. بباقه الزعيم ..

في الاخير موبايلي بتلغي اشتراكها مع نادي الهلال ... ومعاد فيه امل احد يوقع مع الهلال .. لو بـ 30 مليون .. لان موبايلي .. ماطلعت من الهلال .. الا علشانها خسرانه .. ومافيه احد بيرعاك علشانه خسران .. طبعا .. وذلك لان جمهور الهلال .. اشتراكاته قليله في باقه الزعيم بعد مالغوها الشباب اللي فوق ..

الاعلام المضاد .. مايهمه فقط هو زعزعه الهلال .. ووضع فاصل بين ادارة الهلال والجمهور .. واكيد مثلكم عارف وخابر .. ماذا قراه في المنتديات والتويتر ومايكتب في اعلام الانديه الاخرى وانهم يحيكون للهلال من داخل النادي في التدريبات وقلب الجمهور من ملعب الهلال وسب اللاعبين والاداره .. وزرع التشكيك فيهم .. ومايوجد في المنتديات .. هذا اللاعب فاشل هذا المدرب فاشل .. هذه الادارة فاشله .. لاتحضروا الملعب لين يغيروا فكرهم .

وماكان للانتقاد .. وحريه الراي .. الحل ابدا ..

فحريه الرأي ( كل واحد يقول اللي يبيه .. ولا هو مجال تخصصه ) والانتقاد ( عكس النصح .. فالنصح ان توجه وتنصح اخيك بالسر وليس العلن .. ) .. لا توجد في القران ولا السنه ولا في اجماع العلماء ..

فقد اتى بها الغرب .. كحرب بارده على الدول العربيه .. حتى تسبب زعزعه في دولها .. الذي منهجه القران والسنه .. ولكن اصبح منهج الكل الان .. الديموقراطيه .. وحريه الراي.. التي لم ينزل الله بها من سلطان .. لانهم تناسوا الاسلام والقران والسنه .. فاصبحت الدول العربيه والاسلاميه خاصه .. في حروب داخليه بينها ...

--------------------------------------

الصوت الهلالي بفئته الاعلاميه والجمهوريه .. اصبح همه الانتقاد .. والنصح .. وذكر العيوب .. والتقليل .. من اللاعبين .. والادارة والمدرب .. اصبح كله كله كله منتقد .. فاين التشجيع .. ليه المدرجات خاليه ..

وان الذي ينتقد هو الذي يشجع وغيره لا ... مطبل ..

يعني .. من سنه 1406 الى الان .. وانا مطبل لنادي الهلال .. طول عمري اشجعه ولا افكر انتقده الا مره او مرتين .. بالسنه

بس جمهور 2012 اصبح الانتقاد همه.. اصبح كل الجمهور منتقد .. لان الانتقاد .. انك تشجع من قلبك .. ولا تحضر الملعب لان الفريق لا يؤدي ...

اصلا الفريق مايؤدي كويس ... علشان جمهور الهلال .. في المدرجات مايعجبه العجب .. يسبون .. الزوري .. والمرشدي .. ونامي .. واحمد الفريدي.. وغيره .. مع انهم يلعبون في نادي يشجعونه ..

--------------------------------------

عجبا وسوء كيلا ...

اذا اللاعب مو كويس شجعه وادعمه .. لين ينتقل من الهلال او يعتزل او يصبح مستواه جيد

مو تسبه وكل الوقت تنتقد علشان يطلع ..

وين عايشين فيه ..

--------------------------------------

كثير من علماء تطوير النفس والذات والموارد البشريه .. ينصحون بالتشجيع .. والتحفيز .. وذكر محاسن الشخص .. وذكر مميزاته .. حتى يطورها ويرتقي فيها .. ويصبح واثق من نفسه ..

ابي اعرف من وين جابوا ان الانتقاد والتحطيم يصلح الشي .. او يطور من مستواه ... ترا الانتقاد .. اللي تسووونه مو نصح فالنصيحه غير عن هذا النصيحه من شروطها اصلا ان تكون في السر لا في العلن ..

النصيحة في الملأ (العلن) فضيحة

وما أجمل قول الإمام الشافعي:
تَغَمَّدَني بنُصْحِــكَ فــي انفـــِرادِي
وجَنِّبْنِــي النصيحــةَ فِــي الجَمَاعةْ
فـإنَّ النُّصْــحَ بَيـْـن النــاسِ نـــوعٌ
مــن التـَّوْبيخ لا أَرْضَى اســتِمَـاعَه