اخواني / اخواتي الزعماء

السلام عليكم ورحمة الله وبركااته

ماحب اكثر من المقدمات لكن بصراحه زعيمنا يفتقد للروح وللقائد الدفاعي الجيد

انا مع الاداره في كل ماتسعى له لكن نحن في زمن من يبي البطولات يدفع مهرها

كلنا نتذكر تعالي ادارة الهلال وكيف خسرنا افضل محور وافضل ظهير ايمن مرا علي السعوديه

ما أريد أن أصل إليه وبإختصار هو

كم ندفع للمحترفين الاجانب ولمدة موسمين أو ثلاثه

بالتاكيد لو نحسبها مع العمولات والرواتب نجد ان اغلبهم يتجاوز ال خمس ملايين سنوي

وتكون فائدتهم قليله عدا رادوي وولي ونيفيز فهم افادوا الفريق

الزبده

جيبوا اسامه هوساوي ابن البلد اولى بفلوسنا

وجددوا للفريدي

ولو تطلب الامر تدخل من الشرفيين ودفع الفروقات عن الاداره

وكافي تقتير اكثر من اللازم

لاعبينا ونبيهم وهم أولي من هرماش ومانغان والكوري بالدراهم

وتأكدوا راح ترجع روح الهلال للاعبين إذا وجدوا لهم حوافز مستقبليه

ألآن كل اللاعبين بلا طموح لانه بعد كم سنه ماراح يعطى عقد مناسب

لاتقولون مايستاهلون او انه اسلوبهم خطأ

ياخي بالعقل لو انا او اي واحد منكم مكانهم راح يسوي مثلهم واكثر

في سبيل اخذ اكبر مبلغ لعقده

كم لاعب قبلهم الان بلا دخل او احواله ماتسر

كلامك سليم ويستاهلون الزيادة

منين ياحسرة مافيش فلوس ياحبيبي مافيش فلوس

ترا هي كوره قدم الي يقدم مستوى يوازي م يطالب فيه من مقدم عقد راح يحصله
سواء من ناديه او نادي ثاني ام تقولي نعطيه المحلي ولا نعطيه الاجنبي بحجة ابن
البلد اولى ؟ كلام عاطفي وغير منطقي ولا يمت لكورة القدم بصله .
سواء اجنبي او محلي لا يعطى الا المبلغ الي يستحقه مقارنه بمستواه
وثاني شي لا تقارن لاعب لعب في دوريات اوربيه بلاعب في الدوري السعودي
ما يستلمه اللاعبين السعودين الان غير منطقي مقارنة بما يقدمه من مستوى
و اداء ومردود فني مفيد للفريق .
اذا لاعب يقدم له عرض ب 5 مليون سنوياً ولا يعتبر هذا حافز ؟
غير المكافأه في حالة الفوز ببطولات لا تعتبر حافز التي تصل الى ربع مليون لكل لاعب في بعض الاحيان ؟
هل المطلوب نقدم لهم 10 مليون عشان يحسون ويقدمون مستوى ؟

مشكورين حبايبي ع المرور الرائع


واسعدتني تعليقاتكم

وبصراحه ليت بيدي اسجل ١١ لاعب اجانب وارتاح


بس للاسف النظام مايسمح الا ب ٤

لذلك ندفع للاعبينا المميزين قبل ينتقلون لغيرنا

لان المميز في هالزمن قليل

ومن حصل شي يستاهله بس انا اعطي ابن البلد خمسه مليون

ولا اعطي الاجنبي 4 مليون

لان ابن البلد اولى بفلوسي اذا كان مستواه يقارب او موازي للاجنبي

ولابذمتكم وش يفرق هرماش عن القرني


احترم جميع الاراء لكن الاجانب بس ٤ ويبي لنا مميزين معهم

باقي ٧ لاعبين لازم يكونون مميزين
ومثل ماقالوا ان ماطاعك الزمن ولا طعه

ان مادفعنا دفعت بقيت الانديه وفرغت نادينا من نجومه

ساعتها وش يفيد الندم

كلامك عاطفي ولا يستند الا اي وجهة نظر فنيه


اذا بأدفع في لاعب اجنبي 6 ملايين او 7 ملايين للموسم ويفيدني

أفضل ما ادفعه في واحد حتى مدرب اندرلخت قال عنه لا يمتلك اساسيات كرة القدم


واتوقع ان الكل انكشف له مستوى هوساوي في البطوله الآسيويه




الفريدي لاتعليق ...!!

اتفق مع الاخ اللي قال ان كلامك عاطفي
بالمبلغ اللي يطلبه هوساوي والفريدي نجيب لاعبين مميزين جداً ان احسنا الاختيار وبنفس مدة العقد علاوة على ان الاجنبي في كل الاحوال هو محترف فعلياً وملتزم فنياً ويبقى حسن الاختيار هو الفيصل
لو الفريدي او هوساوي يستاهلون هالمبلغ لطالبنا بذلك اما ان نعطيهم حتى لايأخذهااجنبي فهذا كلام عاطفي

إقتباس ياخي بالعقل لو انا او اي واحد منكم مكانهم راح يسوي مثلهم واكثر في سبيل اخذ اكبر مبلغ لعقده

شوف يالغلا
اذا يبون عقود كبيره يقدمون
او خلهم يروحون ويجون بدالهم ابناء النادي
من جد زي اول يوم كانت المدرسه تخرج لنا من يعشق الهلال وليس الفلوس
يالغلا والله لو هم قدمو شي واثبتو انهم يستاهلون راح اول من يقف معهم احنا الجماهير
لكن اليس المباريات والبطولات المهمه هي من تحدد مستوى والاعب
وكم يستاهل ومع الاسف لاعبينا مع كل اختبار كبير يخفقون
مو بس ع مستوى البطوله الاسيويه عندك كاس الملك مافيه اسهل منها
وحتى نهائي ماوصلناه الا مره واحده
ثم الادهاء خروجهم المريركل سنه بهزيمه او تعادل مع الاتحاد والاهلي
والادهاء الخروج المتكرر من الاسيويه وبمستويات تفشل
نعم المكتوب والقدر هذا شي موجود وعلينا اننا نؤمن به
لكن ع الاقل قدم وكون ند قوي فانت تلعب قدام رجل مثلك
بل ممكن بالروح والعزيمه تتفوق عليه وان فاقك مهريا
اما كذا لامستوى ولانتيجه والله مايستاهلون
وانا لو لاعب والله اني استحي اطالب بمبالغ خياليه
وانا مع اول اختبار حقيقي لمستوايه وقدراتي اخفق وبامتياز
ع قد العطاء ياخذون هذا اللي نبي من الاداره
او تخليهم يروحون ونضحي بالبطولات سنه سنتين
لحد مايجي لنا جيل تشرب حب الهلال من صغره
ومن اكاديميه

:r

إقتباس الرسالة الأصلية كتبت بواسطة سعوديه والهلال ناديه شوف يالغلا اذا يبون عقود كبيره يقدمون او خلهم يروحون ويجون بدالهم ابناء النادي من جد زي اول يوم كانت المدرسه تخرج لنا من يعشق الهلال وليس الفلوس يالغلا والله لو هم قدمو شي واثبتو انهم يستاهلون راح اول من يقف معهم احنا الجماهير لكن اليس المباريات والبطولات المهمه هي من تحدد مستوى والاعب وكم يستاهل ومع الاسف لاعبينا مع كل اختبار كبير يخفقون مو بس ع مستوى البطوله الاسيويه عندك كاس الملك مافيه اسهل منها وحتى نهائي ماوصلناه الا مره واحده ثم الادهاء خروجهم المريركل سنه بهزيمه او تعادل مع الاتحاد والاهلي والادهاء الخروج المتكرر من الاسيويه وبمستويات تفشل نعم المكتوب والقدر هذا شي موجود وعلينا اننا نؤمن به لكن ع الاقل قدم وكون ند قوي فانت تلعب قدام رجل مثلك بل ممكن بالروح والعزيمه تتفوق عليه وان فاقك مهريا اما كذا لامستوى ولانتيجه والله مايستاهلون وانا لو لاعب والله اني استحي اطالب بمبالغ خياليه وانا مع اول اختبار حقيقي لمستوايه وقدراتي اخفق وبامتياز ع قد العطاء ياخذون هذا اللي نبي من الاداره او تخليهم يروحون ونضحي بالبطولات سنه سنتين لحد مايجي لنا جيل تشرب حب الهلال من صغره ومن اكاديميه

قلتي كل الكلام اللي كان ع لساني انا معك في كل كلمه قلتيها
يسلموووووووووو