إقتباس الرسالة الأصلية كتبت بواسطة ي و س ف الله بالخيريامن اقتبست رده انت وكاتب الموضوع بما انكم انتم بس اللي تفهمون في عالم كرة القدم تقدمو لتدريب الهلال انت مُساعد وكاتب الموضوع مدرب ولو رفضتكم إدارة الهلال فهي إداره ماتفهم كوره بس هاه ترا لازم تجيبون لنا كأس اسيا بما انكم تفهمون ولعبو الشلهوب وهو مصاب ولعبو الفريدي اللي يقتل هجمات الهلال بالمراوغه وكثرة الإحتفاض بالكره لين تُقطع منه وان نكبنا وقطعت الكره منه وارتدت وجاب منها الفريق المنافس أهداف ترا انا منيب مسؤل الغلط منكم انتم اللي لعبتوه وابشرو بعدها باللي يستقبلكم في المطار بالورود أكتفي بهذا القدر ولي عوده إذا مالزم الأمر ي و س ف

هدي اعصابك

ترى الشلهوب في مباراة اولسان على ما اتعقد ما كان مصاب

لكن !!!!

كومبارية بدت توضح لمساتة لى الفريق مع اني اتمنى ان الشلهوب او الفريدي واحد منهم يلعب مكان عبدالعزيز الدوسري الي اشوفة ان مستواه منخفض اخر 3 مباريات

اخوي طالما انت رجعت للمباراه اسمحلي بكلمه

الحين ما شوفت تكتيك المدرب الضغط على حامل الكوره اللي ما خلا لاعبين الشباب يعرفو يتصرفو ولا حتى مجرد تفكير !!!!!!!!

الهدف الاول جاء من خلال استمرار الضغط ارجع للهدف وشوفه

بالنسبه للهدف الثاني

الشباب عندهم مشكله بقلوب الدفاع والمدرب استغلها بلعب الكورات العاليه خلف المدافيعن

اذا الفتح سواها وبرودم ما اصلح المشكله ليه ما نستغلها شكرا لمدرب الفتح لاكتشاف نقطه ضعف الشباب

حتى جمهور الشباب اعترف بمشكله قلوب الدفاع

الهدف الاخير

ما شوف كم تمريره لين ما وصت ياسر !!!!!!!

اعتبر ما جبنا الهدف الثالث كان فوزنا 2-0 وبالمستوى

طيب انسيت عارضه سلمان الفرج نسيت عارضه ويسلي !!!!!!!!!!!!!!

كان انتهت 4-0


اختلف معك بموضوعك بامانه بس الشيء الوحيد ان الشلهوب ممكن نحتاجه باولسان

الفريدي خلاص رايح رايح ليه نلعبه !!!!!!!!!

نلعب الناس الي تنحرق من اجل الشعار وبس

صحيح كل واحد له وجهة نظر بالمدرب

انا اللي اشوفه بالهلال هناك ميزه وحيده فقط اللي هي الضغط على حامل الكره

لاكن مافيه لاهجمه متكتكه ولا غيره

يعني كومباريه حول لعب الهلال من المتعه والمهارات واللمسات الحلوه الى الطريقه الدفاااعيه والكوره الطويله

او تقريبا مشابهه للهجمات المرتده

والمشكله هالطريقه غير مضمونه مع الفريق القوي يعني الشباب والنصر وحتى الفريق الكوري مستوياتهم عاديه لاكن راح تصعب علينا بالنصف النهائي اذا تاهلنا انشالله

المشكلة في اختيار المدرب بغض النظر عن امكانيات الفريق لسبب بسيط ان انديتنا ومنها الهلال للأسف ليس لديها طاقم عمل وفريق استشارة فني ثابت يعرف الفريق ويوصي باختيار مدرب صاحب منهج فني يناسب الإمكانات الموجودة في النادي..

لذلك يجيك مدرب بدون خلفية عن الفريق حتى لو كان اسم كبير ويلعب على استراتيجيته والضحية نجوم ولاعبين مميزين يتم تهميشهم والاستغناء عنهم لانهم لا يوافقون خطة المدرب..

وبالأخير تتم إقالة المدرب بعد ان يكون الفريق خسر بعض أدواته القوية ونعيد الكرة من جديد.

الهلال بحاجة الى مجلس إدارة فني ثابت يرسم مستقبل الفريق ويدرك امكانيات اللاعبين وله راي في اختيار المدربين غير كذا
كل فترة يجينا مدرب يجرب بالفريق ويقضي على بعض اللاعبين واخرتها تتم إقالته بعد خراب مالطه

إقتباس الرسالة الأصلية كتبت بواسطة ابو فهد الهلالي . ياعزيزي الزوري والبيشي ماعندهم امكانيات كرويه .. مو القصد من مباراه امس الزوري ولا اوفر صحيح من ابتدا حياته الكرويه ولا يدافع كويس وبطيئ ؟؟ البيشي لاعب اقل من عادي دفاعي سيئ وهجومي سيئ الحل سهل جدا الشهراني ظهير ايمن والفرج ظهير ايسر بس

صراحة الله يعين الزوري
ودي اعرف كم هدف دخل الهلال من جهة الزوري مقارنة بالجهة اليمنى او العمق

وودي اعرف سبب اصرار مدربين كبار سواء بالمنتخب او النادي عليه...

يا انهم ما يفهمون اكثر من بعض الجماهير او ان الزوري مسوي عمل.

الزوري رغم هفواته من افضل ان لم يكن افضل ظهير ايسر في السعودية حتى لو ما هضمه بعض الجمهور

إقتباس الرسالة الأصلية كتبت بواسطة زعيّم آسيا والله اني اقرا انتقاداتكم واقول شكلي متابع مباراة ثانيه ..! اجل الزوري والبيشي سيئين ؟ هم نجوم المباراه امسس ..! فيه ناس تنتقد مجرد انتقاد فقط الله يصبرنا بس

اتمنى من بعض الجمهور ترك الانتقاد لمجرد الانتقاد وبس

كومبواريه مدرب جيد ويمتلك التكتيك المميز

يعيبه الاصرار على الشهراني في المنتصف والتاخر في التبديلات

الله يستر من المرحلة القادمة وبالتوفيق للزعيم

إقتباس الرسالة الأصلية كتبت بواسطة خالد بنو هلال الهلال بحاجة الى مجلس إدارة فني ثابت يرسم مستقبل الفريق ويدرك امكانيات اللاعبين وله راي في اختيار المدربين غير كذا كل فترة يجينا مدرب يجرب بالفريق ويقضي على بعض اللاعبين واخرتها تتم إقالته بعد خراب مالطه

والله يااخ خالد كلامك عين العقل هنا ..وكثير من الاعضاء وانا واحد منهم نادى بهذا المقترح ..بشرط البحث عن لجنه يتم اختيارها بحذر ومنهجيه عاليه لكي تكون لجنه مستشاره ...وحتى لو تم اختيار بعض اعضائها من مصر والعراق فهؤلاء يوجد لديهم محلليين رائعين جدا ... اما كيف طريقة الاختيار ...وكيف نقيم من هم الاكفاء لكي نستعين بهم ...هذه من اصعب الامور ..لكن هناك طريقه سبق واثبتت انها طريقه صحيحه بنسب كبيره ...وهي (( السؤال )) ...اذا لم تعرف تقيم ..استعن بالسؤال لتبحث على المتفق عليه ...
فمثلا عندما نسئل عدد من الصحفيين الرياضيين في مصر وعن اللاعبين في مصر من هو المحلل الجيد فسوف يتفقون على اسم ..مثل احنا يالسعوديين اتفقنا على ان خالد الشنيف محلل جيد وافضل المحللين السعوديين ..وهو في وجهة نظري صحيح ...

إقتباس الرسالة الأصلية كتبت بواسطة ابو فهد الهلالي . ياناس والله مايبيلها شيئ الشهراني ظهير ايمن والفرج ظهير ايسر .. تعبنا من التسليك للزوري والبيشي .. سرعه مافيه مهاره مافيه تغطيه دفاعيه مافيه ؟؟ الى متى كمبواريه مايقتنع ان الزوري والبيشي سيئين ويلعبون على البركه

الفرج بالأصل لاعب وسط متقدم , وكان مبدع جداً في هالمركز

ومشاركته في الوسط المتقدم أمام الشباب كانت أذكى خطوة من كمبواريه وكانت هي كلمة السر في الانتصار ,, وحتى لو ما شارك متقدم وجوده في الوسط مهم جداً لاعب خرافي بالتحركات وملء الفراغات والضغط على الخصم ولاعب مميز بالتمرير ليس من الذكاء إنك تقيده بخانة الظهير على الطرف وتبعده عن مناطق المناورة ..

بالنسبة للزوري مر على الهلال طابور طويل من المدربين بما فيهم سامي الخبير بالهلال ,,, كلهم أشركوه أساسي , يعني معقولة كلهم مايشوفون ولا يفهمون ؟!

البيشي عنده أخطاء وعنده مميزات ,,, وأنا عن نفسي أفضل منح فرصة لياسر الشهراني في خانته ,,, لكن في نفس الوقت أحترم رأي المدرب وأتوقع إن للبيشي امتيازات لا أدركها خصوصاً إن عطاءه ليس بذلك السوء ولم يكن ثغرة في مباراة الشباب ..

إقتباس الرسالة الأصلية كتبت بواسطة مجنون في حبك ياشلهوب موضوع ممتاز اهنيك عليه ولاتستغرب من اردود هم مثل كومباريه لايفهون شي في عالم كرة القدم اسلوبه مكشوف ولايناسب الهلال اجل الشلهوب والفريدي احتياط

اخوي انت الظاهر غير متابع للهلال بشكل كافي

الشلهوب كان يعاني من إصابة لذلك ما شارك ,, الفريدي كانت له مشكلة مع المدرب وملاحظات انضباطية في التمارين ,,, وفوق هذا وذاك الفريق نجح بشكل مذهل وفاز بنتيجة تعد الأكبر أمام الشباب منذ خمسة مواسم

اخي كاتب الموضوع ..

اختلف معك في تقييمك لعمل المدرب ,, والنتيجة تقف بصفي ,,, طبعاً أتكلم تحديداً عن لقاء الشباب

بل وحتى في لقاء أولسان الكوري

كمبواريه في مباراة الشباب سوى عمل تكتيكي رائع وحتى تغييراته كانت قمة في الذكاء

قوة الشباب كانت في الوسط المتقدم وفي ظهيري الجنب ,,, لذلك كان الضغط الأكبر على المحاور والأظهرة ,, وفشلهم في مواجهة أسلحة الشباب تعني خسارة المباراة

لذلك هو ابتكر فكرة رائعة لتدمير أسلحة الشباب ,, لعب بالفرج المعتاد على أدوار المحور في الوسط المتقدم ,, وأتاح له المجال في تبادل الأدوار مع هرماش ,, وهذا العمل جعل للهلال خط دفاع في منتصف ملعب الشباب وصعب من إمكانية التمرير لكوماتشو والرويلي وبالتالي أراح المحاور وأعطاهم الفرصة في تطويق كوماتشو وفي دعم الاظهرة بارتياح ,, وصنع حاجز أمام الدفاع يقلل من ارتباك المرشدي ومنانجان

أيضاً أشرك الكوري (الغير موفق في التهديف) كمهاجم ثاني لتميزه الحركي ,, وكان القصد من إشراكه معظم المباراة ومنذ البداية لكي يحد من تقدم الأظهرة , حيث أنه بطبيعته ذكي حركياً بمجرد تقدم أي من الظهيرين يسقط في الفراغ خلف الظهير , وهذا الأمر أزعج أظهرة الشباب كثيراً وجعلهم تائهين بين تغطية الفراغات خلفهم وبين دعم الهجوم ,,

أما تبديلاته فكانت ذكية حيث أنه وبعد استنزاف الفرج نجم المباراة الأول أخرجه خصوصاً مع تقدم الهلال بهدفين وأخرج معه عبدالعزيز الدوسري لاعب العمق وأشرك لاعبي وسط يلعبان على الأطراف لكي يقومان بدور مزدوج بين قيادة الهجمات المرتدة على الأطراف وبين دعم الأظهرة لضمان إقفال الأطراف خصوصاً بعد مشاركة تيجالي الباحث عن العرضيات على حساب لاعب العمق الرويلي

قسم بالله فيه ردود !!!

كثروا الفقراوية والاتحادية والطحالب بمنتدانا
@
ياحبيبي وين البيشي والزوري سيئين الزوري عليه شطحات
بس البيشي سيء ؟؟

وموضوعك غريب ياحبيبي كيف يدخل الشلهوب وهو مصاب والفريدي وهو بآآرد
تعال درب بدال عنوه اتحداك اذا مافاز الهلال واذا (لا شاء الله) خسر اتحداك اذا ماكان مستواه ممتاز


بس تحطيم بلاعبين

المدرب هو المسؤول عن نتائج الفريق

و عقده لمدة موسم يعني ما راح يطول

وان شاء الله يرجع لنا ابو عبدالله و يقود الفريق الى الافضل بأذن الله

إقتباس الرسالة الأصلية كتبت بواسطة مجنون في حبك ياشلهوب موضوع ممتاز اهنيك عليه ولاتستغرب من اردود هم مثل كومباريه لايفهون شي في عالم كرة القدم اسلوبه مكشوف ولايناسب الهلال اجل الشلهوب والفريدي احتياط

انت وكاتب الموضوع خارج السرب تغردون ما احد دراء عنكم لان خطتكم مكشوفه وواضحه