|
قناعات كومبآريه هل تُسقط حلم الملايين ؟!
.
.
مساءكم زعامه ملكيه :smilie47:
الهلال يمتلك خط وسط رهيب ومخيف لجميع الاندية الاسيوية ، فكيف بخط وسط يتواجد فيه( الفريدي والشلهوب والعابد وعزوز وسالم )..!
مشكلة كومباريه بشكل رئيسي في منهجية خططه ، والله يعتمد فيها على عنصر السرعه فقط .!!
لو تلاحظون يعتمد على لاعبين اطراف فقط ، وقط الكورة والحقها ، سلامات !!
والله يالتكتيك هذا انه بيجيب بالهلال العيد والسبب قناعات هالكومباريه ، الكورة فكر قبل ما تكون فقط جهد ، تحتاج الى اللاعب اللي يفكر وينظم الهجمات الهلاليه ( الفريدي - الشلهوب ) ، والى اعتماد على خلخلة الدفاعات والاختراق من العمق ( العمق يعتبر النقطة الاضعف في الفريق الكوري ) ولا يجيد هالاسلوب الا لاعبين بخامة الفريدي والشلهوب والعابد ،.
صدقوني بنودع الاسيوية ( لا قدر الله ) لو اعتمدنا على مسألة الجهد والركض وحده ، فالكوريين انشط واسرع واخف من لاعبيننا ، وهالشي اللي موب عارف يحسبه الداهيه كومباريه ، فيجي بخطط تعتمد عل السرعه امام اندية ثقيلة في دورينا ويروح يبي يطبقها عل الفريق الكوري وكأنه ما يعرف بآن السرعه يتفوقون علينا بها بمراحل ، ولكن نستطيع ضربهم من العمق وخلخلة الدفاعات خصوصا ان العمق الدفاعي هو اكبر نقاط الضعف في الفريق الكوري كما ذكرت ،.
ومن ثم بهذا التكتيك يجهد لاعبين امامهم موسم طويل جدا وبدون تلك الفائدة المؤثرة على الفريق ، فهم بهذه الطريقه معرضون للاجهاد وتعب العضلات ، وعدم تقديم المآمول منهم بالاسيوية ، وقبل كل شي ركض على غير سنع !!
شباب ارجعوا شوفوا مباراة الامس ومباراة النصر بتركيز بغض النظر عن الثلاث نقاط ، مباراة الامس جاء فوزنا من تسديدة من هرماش من كوره ميته ومحد توقع انه يسدد ، والهدف الثاني من خطأ بدائي جدا من دفاع الشباب لانه كان يحاول الهجوم لتعديل النتيجه ، والهدف الثالث من تسلل على القناص ، كخطط في الملعب مافي شي الا تكثيف دفاعي لمنع الشمراني من التسجيل وغيره لا شيء ، ومباراة النصر سلمها لنا مدربهم بتغيرات حمقاء جدا ، ( من الاخر ) لا يوجد له بصمه بالفريق ، وليكن بمعلومنا ان الفريق الكوري راح يدافع في مباراته ضدنا وما راح يفتح الملعب ، وراح يستفيد من سرعته لخطف هدف يقتل به كل الطموحات .!!
اتمنى محد يقول ليه تكتب عن الهلال وتنتقد الان والوقت موب وقت نقد ، ركز في كلامي وراح تعرف بين ثناياه اني اتآمل بحل السلبيات لقلقي الكبير من مباراة اولسان ، واللي يستطيع المدرب وحده بآن يتنازل عن قناعات ربما تؤهلنا للدور القادم ،.
شطحة : ياليت سآمي مدربا للهلال ( يعرف امكانيات اللاعبين - يعرف يوظفهم - يعرف اسلوب اللعب بالمنطقة - يعرف الخصوم - قريب من اللاعبين - واهم نقطة : يحترق لاجل الشعار وليس لاجل الدفاع عن قناعاته )
 | 