السلام عليكم ورحمة الله وبركاته

كيفكوووون

دعوني أعطيكم نبذه بسيطة عن نفسي وتاريخي العائلي << لزوم تفهموا الموضوع ترى

أنا شخص مولود في المملكة العربية السعودية وعائلتي موجوده هنا من أكثر من 40 سنة وكل اخواني واخواتي مولودين هنا وأكلنا من خيرات هذا البلد وتنفسنا هوائها وشربنا من مائها .. وجميع مراحلي الدراسية كانت هنا .. لا وكمان جبت الأول على الفصل في جميع المراحل .. !!

نحن كأجانب ( أو كغير سعوديين لإني لا أحب كلمة أجنبي اطلاقا ) ملزومين بأن نجدد اقاماتنا كل سنتين وبعد جهد جهيد وحركات نص كم وفيتامينات وهرمونات ولعب تحت المكاتب ومبالغ تتعدى ال 5000 ريال ..!! ويمكن الى هنا أنا ما عندي مشكلة مع الحكومة السعودية اطلاقا ... لكن هذا كله المفروض يطبق على القادمين الى السعودية والعاملين فيها لفترات قصيرة .. أما أن يطبق هذا النظام على الجميع فظلم وجور كبير !!

تخيلوا اني لازم أجدد اقامتي زيي زي الشخص اللي ماله يومين هنا .. وهذا وانا عايش طول عمري هنا !!

في كل دول العالم تعطى الاقامة الدائمة أو الجنسية لمن يولد في نفس البلد الا في السعودية .. لماذا .. لا أعلم !! انا ما قلت أبي جنسية لإني أصلا مخطط ع الألمانية .. بس ع الأقل عطوني اقامة دائمة .. او ع الاقل اقامة لمدة 10 سنوات ..

أما اني أرجع وأتبهذل كل سنة عشان تأشيرة الخروج والعودة .. وكل سنتين عشان الاقامة فهذا ضربا من الجنون لدرجة اني أصبحت أفكر أن أغادر مملكتهم السعودية للأبد

لا واللي يغبن كمان انهم مطلعين نظام جديد يقول ان اللي فوق 21 سنة لازم يكون لهم كفيلهم الخاص !! بالله أنا طالب .. من بيكفلني .. وكيف تبوني اغير مهنتي من طالب لعامل أو سائق تاكسي

عاد تخيلوا أغير مهنتي من طالب ل سائق خاص .. وبعد كم سنة أحولها من سائق خاص لاستشاري جراحة قلب .... شئ مضحك والله

أعطوني آرائكم