إقتباس الرسالة الأصلية كتبت بواسطة الإخطبوط الأزرق هذا هو المدرب الذي ننتظره من وقت مضى المدرب الإنضباطي المدرب قوي الشخصيه المدرب الذي يعيد للفريق هيبته ..... المدرب قريب من اللاعبين ولكنه لا يجامل أحد على حساب النادي وهذا مانراه منه حسن العتيبي على العين والرأس ولا ننكر أنه خدم الهلال ولكن ذلك لا يعني الإنفلات وعصيان المدرب بمجرد وضعه على الدكه ..... كومبواريه سر إلى الأمام فأنت في الطريق الصحيح.

وخذ ب الاعتبار أيضاً ان حسن عصبي والملعب خير برهان

شوف يالغالي : انا سمعت بعض مما قاله حسن ولم أكمل ، ومع إحترامي لحسن لاأظن أن المدرب حضر من فرنسا لعمل المشاكل سواء مع حسن أو نواف العابد أو غيره ، ولكن حسن يريد تحوير الموضوع عن الأصل ، وهو أنه ( أي حسن ) مستواه سيئ ، وأخطائه كثيرة ومتكرره ، والمدرب أبعده لهذا السبب فقط لاغير ...

قدر الهلال انه تحت الضوء دوما ..

عزيز بالايام يغيب في النصر وشهيل ومعاذ في الشباب نفس الشئ .. لو هم في الزعيم قامت الدنيا ؟!

يبقى المدرب الصارم مطلوب بكل زمان ومكان

احمد العنزي يسلم فمك ياشيخ جبت المفيد اللي اقوله انا في اكثر من رد

حسن مستواه لا يؤهله حتى يكون احتياطي ويبي يفرض نفسه على المدرب
يفكر المدرب بينصاع لشخصيته على باله المدرب جديد ويقدر يسنعه . بس مانفعت

المدرب اكثر مايشغل باله ويهتم لامره ان يجد اللاعب الجاهز والمنظبط ومتى مالقى
هالمواصفات في حسن صدقوني راح يعطيه فرصه .. بس بعد اللي سواه حسن اعقتد
انه كتب نهايته بيده .

وانا اقول الله يديمك ويديم اسلوبك ولا يحرمنا منك .. بس العاطفة سارقتكم حبتين
مدرب متوسمين فيه خير ويبي انظباط وكلنا سمعنا اليوم وش قال في برنامج المرمى
بتقولي حسن حلف بالكلام اللي قاله لكن هل قال كل اللي حصل بينه وبين المدرب .

من الواضح ان المدرب صادق ومستحيل يطلع عيانا بيانا في تصريح نادر قدام جماهير
عريضه ويفتري بكلامه عن حسن .. والمصيبه ان الهلال وادارته التي اكتسبت ثقتنا
اصدرت بيان وطلع حسن شكك غالبيتكم فيه .

وابي اقول ملاحظه صغيره اتمنها تتقبلونها .. سمو رئيس النادي حينما وصلته مشكلة
حسن قال بالحرف الواحد هذي مشكلتك ياحسن مع المدرب وانت الوحيد اللي تقدر تحلها
وهنا اهني ابو فيصل على حنكته لانه ماتدخل في عمل جهازي فني نال ثقة الجميع .

عموما اعتذر ان ساءك تصرفي او ردي لكن بقولكم شي واحد فقط تذكروه جيدا في القادم
من الايام ... المدرب ستعرفون قيمته جيدا وتعرفون انه ضالة الهلال في القريب العاجل .

كان من المدرب اتعامل بي الشفافيه مع حسن لان حسن منظبط ومايغيب على اي تمرين بس الله يصلح الامور ان شاء الله

يعطيك العافية
اعتقد الشباب الله يهديهم شايلين علي حسن
ولايفرقون بين الانضباط والاحترام
اوكيه المدرب منضبط
ولااحد يكرة الانضباط
بس الاحترام مكمل للانضباط
لنقف مع الحق
واذا لم يقترن الانضباط بالاحترام
فلا خير في الانضباط
شكرآ لموضوعك الجميل
دمت بحير

مع تحفظي على موضوع حسن العتيبي !

إلآ أن مايفعله السيد كومبورايه .. هو الإحترآف .. والنظام ..

ربعك( اللاعبيـن ) مايعجبهم .. نظام الأحترآف .. ولا يعجبهم الصمت .. عشآن كذا يحبون اللق لق لق كثير لـ وسائل الإعلآم .. وهذآ خطأ ..!

مع احترامي لموضوعك مافيه اي واقعيه وش اللي احرار وما احرار ياااخي هذا احتراف

مع الاسف العتيبي ع شان مستواه نازل يبي يبرر ياااخي انتبه لنفسك بعدين تعال لوم المدرب واكبر خطا سواه العتيبي انه خرج للاعلام وتكلم ياااخي احترم تاريخك والله عرفنا انك حارس كبير بس ياااخي احترم وجهة نظر المدرب

بصراحه اعجبني المدرب وتصرفه وهذا هو الاحتراف ياااخي لاعبين عالميين مدربينهم يعلنونها رسمي بالاعلام لو لاعب فيهم تمرد

ياحارسنا ياحسن العتيبي انتبه لنفسك وخل عينك لتطوير مستواك واترك عنك المدرب

والسلام

الفاشل حسن يريد يسوي شوشره قبل اسيا وهذه عاداته اما الي يلوم المدرب فهذا باقي امي في الرياضه . المفروض يقولون للمدرب هولاء لاعبين سعودين لا تضغط عليهم ترى ماهم مثل الاعبين الاجانب هولاء ياخذون الملاين لكي يسافروا ويسهروا لا تتعبهم في التمارين اجسامهم مترهل من لحم الحاشي والمندي خف عليهم . الجماهير انتبهوا القادم اسوء

ياعزيزي حسن العتيبي على حسب كلام المدرب رفض الاحتياط ورفض يقابل المدرب الا بحضور الامير عبدالرحمن أو نائبه وهذه النقطه قالها الجاسر وقالها العتيبي نفسه ونواف بن سعد، عرفت ليش زعل الحين، الاخ مايرغب في الاحتياط مع أن مستواه نازل وأنا متأكد في قرارة نفسه عارف انخفاض مستواه.. هذا شيء، الشيء الآخر بالنسبه للعابد هذا اللاعب ضرب بكلام المدرب عرض الحائط وتكرر الامر منه قبل هالمره وسبق أن حذره المدرب بتكرارها لكن الله يحييه وده يغير جو قال خل اغيب يومين ماله داعي اروح لعيادة النادي والمظحك المبكي أنه طالع بالبطاقة يعني (مندس) علشان مايعرف النادي، بعد كل هذا الله يهديك تجي وتقول يفتعل المشاكل.
اللي أشوفه أنا برأي المتواضع أن المواضيع اللي مثل هذي هي من يفتعل المشاكل بضرب الجمهور مع المدرب مع أن الوضع مو مستحمل هاليومين الفريق وراه مباراة مهمة جداً جداً الاسبوع القادم وظهرت في الفترة الاخيرة كل هذه التسريبات الاعلامية من مشاكل وغيرها في كل مشاركة للفريق في الآسيوية.. ياترى مالسبب؟؟
ملاحظة: الاختلاف في وجهات النظر لايفسد للود قضية
تحياتي

نريد انضباط مثل نادي الشباب مع البلطان وبرودوم .. شهيل وعيال عطيف وش صار لهم ؟؟ وهل تأثر نادي الشباب ؟؟

بالعكس الشباب تصدر الدوري بدون خسسارة وما زال يضرب بالـ 5 والـ 4 ..!!

هالوقت مو وقت استهتار الجمهور يريد آسيا وآسيا ماراح تجي بالاستهتار وعدم الانضباطية
جدية بالتمارين وروح وحماس وقتالية بالملعب

مشكلة لاعبينا تنطبق عليهم أغنية كاظم الساهر
دلع عيني دلع

المدرب له الحق بوضع قواعد العمل ومن يخالفها فليس الفريق بحاجته

حسن العتيبي حارس فاشل وأخطاءه كبيرة ومتعالي ومتكاسل , والسديري وشراحيلي أفضل منه بمراحل وأحق بتمثيل الفريق اساسيين , تعادل هجر وخسارة الفتح كان السبب الرئيسي فيها هو حسن العتيبي .

نواف العابد المدرب كان واضح لاعب غير ملتزم ببرنامجه العلاجي وهذا يكلف الفريق غيابات كثيرة على مدار الموسم ونواف لاعب موهوب وصغير في السن وإن شاء الله يتعلم من أخطائه .

كمبواريه مدرب منضبط جداً ومعروف عنه هذا حتى في باريس سان جرمان كان لايعرف كبيراً ولاصغيراً من يلتزم وينضبط ويقوم بكل ماهو مطلوب ويبذل الجهد له الاحقية بتمثيل الفريق .

اللي تابع الدوري الفرنسي انا متاكد انه يختلف تماما مع ما ذكرت بصراحة
واللي شاهد اللقاء في المرمى يطمئن اكثر من ناحية الالتزام والحزم وليس الصرامة
انا على العكس تماما كنت ارى كمبواريه لايملك شخصية قوية في الدوري الفرنسي
ولكن قد تكون ماموريته بشكل اسهل بكثير في فريق كالهلال مقارنة بنادي محترف فعليا ك PSG
لما يضمه من لاعبين دوليين من مختلف اندية العالم بل يصنف فريقه دون 19عاما من افضل الفرق
على مستوى العالم ويتفوق على مدارس كبيرة جدا ك جوفينتس وبرشلونه واياكس من حكم متابعة