^

جبتها على الجرح يا صديقي .. مودريتش ما اشوف له الدور الفاعل في التشكيلة مدري ما يناسب الريال او المو واضعه في مكان غلط ؟؟؟

لكن هذا اول موسم له نصبر عليه وان شاء الله تنفجر طاقاته مع الملكي

بالنسبة لدفاع مدريد اذا ما رجع راموس الى قلب الدفاع صدقوني بتتفتح شوارع في الدفاع في الادوار المتقدمة للابطال .. فاران مدافع جيد ولكن ماهو افضل من راموس

صرنا ناكل اهداف بالهبل من بعد ما ترك راموس خانته وراح للظهير الايمن .. متاكد مع رجوع كوينتراو او مارسيلو راح يرجع السيرخو لقلب الدفاع مباشرة وراح يرجع تنظيم دفاعنا

اتوقع من الظلم الحكم على الكرواتي !!!

كلي ثقه بان عنده الكثير ليقدمه للملكي

فقط اتمنى لو يلعبه مورينيو خلف المهاجمين ياخذ حريه اكبر .

بعد عودة اربيلوا بانتظار عودة الكدش وكوينتراو التنظيم الدفاعي انضرب من بعد غيابهم

بالتوفيق للملكي

بالنسسسبه لـ أيكر كآسيآس !

ليش مستوآه مرّه فوووق وبآلقمّه بعد .. ومرره تحت بس مو بآلحظيظ ؟؟!!

أيكر رمز من رموز النآدي .. مآتوقع خروجه أبدآً .. بس ليش هذآ المستوى الغريب !!

بالنسبه لـ مودريتش !

صدقوني مع الأنسجآم بتشوفون وسط رهيييييب .. مآعلينآ سوى الصببرر ^_^

أول موسم لـ مورينيو .. جآب الكآس .. ثآني موسم مع ( الأنسجآم ) جآب الدوري وبأرقآم خيآليه .. وأردفه بـ السوبر

الصبر ثم الصبر ي ملوك :$

إقتباس الرسالة الأصلية كتبت بواسطة R e b a l مانشستر يونايتد؛ قلب دفاعهم الثالث والرابع / إيفانز سمولنغ وجهة نظر قد تكون خاطئة / صحيحة

أتفق معك تماما،

الحصول على العاشرة لا يعني 22 لاعبا بنفس المستوى ويكاد يستحيل أن تجد لاعبا

بمستوى راموس وبيبي يرضى أن يكون بديلا وعلى هذا القياس يستمر الموضوع ،،

وألاحظ البعض تناسى أن الريال آخر نسختين فصله عن النهائي كرت حكم في الأولى وفي الثانية ركلات ترجيح !!

اي ان الفريق متكامل لتحقيق العاشرة ينقصه قليل من التوفيق في الهجوم فقط،،

مباراة أو مباراتان تحدث فيها أخطاء دفاعية لا تمحي قوة الملوك في هذا الخط بالذات

بالنسبة لي لو اردت اختيار لاعب واحد فقط لاخترت شفاينشتايغر او دي روسي او لاعب من هذه الطينة لتكامل الفريق

فالمحور الثاني مع الونسو دائما ما يكون اما عقيما هجوميا كخضيرة او مختفي دفاعيا مثل لوكا حاليا * ايسيان يبشر بخير بهالمركز

*** كاليخون شعلة نشاط وحماس رائع جدا هذا اللاعب

تمتع لاعبوا الفريق مع جين مارك



تمتع لاعبوا ريال ريال مدريد بـ تجربتهم للقيادة على حلبة جراما المذهلة , تشابي ألونسو - ألبيول - كاليخون - بيبي - ناتشو - موراتا وأغلب لاعبين الفريق الأول أتيحت لهم الفرصة للتمتع مع جين مارك سائق الفريق الرياضي لـ شركة أودي , قال المدافع البرتغالي : "كانت تجربة مدهشة وكان شيئاً فريداً" وأيضاً زميله ألبيول قال : "هذا مذهل , تجربة لا تنسى".











RealMadrid

السلام عليكم ،، اخباركم ياحلوين ؟
انا قاعد اقرا الردود لبعض الاخوان وانا مستغرب والله ،، طبعا قبل لا ابدا كلامي كل واحد وله وجهة نظر وانا احترمها والله بس ودي اعقب عليها ...

اولا: ابتكلم عن مورينيو اللي احس وكانه بدا مايهمه الفريق كثر اول. احس انه صار في بعض الاوقات هو من يسبب المشاكل بالفريق " احس ترا " يعني مرات يطلع بتصريحات قوية على اللاعبين ،، ياخي اذا شايف عليهم غلط خل التزبيد بينك وبينهم. بهذي الطريقة انت تخلي اللاعب يبدا بالحقد والعصبية وهذا اكييييد بياثر على مستواه الفني وعلاقته مع اللاعبين.
والشي الثاني اللي ودي اتكلم فيه عن المو هو تثبيه لخطة واحدة بسسسسس !! طبعا قد تكلمت فيها قبل بس والله شي يقهر. صحيح ان الواحد لازم يثبت تشكيلة معينه عشان الانسجام وما الى ذلك بس ياخي نوع بالخطط شوي ،، لا تخلي الفرق المنافسه لك تعرف طريقتك وتعرف كيف توقفك جد والله انا استغرب هالشي من المو. انت بفريق عندك لاعبين تقدر تعدل وتبدل في اماكنهم مثل ماتحب + نجوووم على مستوى عالي. يعني مرات الريال يلعب مع منافس ضعيف او متوسط وتلقاه يلعب بنفس الطريقة اللي يلعبها مع فريق قوي يعني المفروض ينوع اللعب ،، مره يلعب 4-4-2 ومره العب 4-1-2-3 ومره العب 4-2-1-3 ،، كلهم تقدر تلعب بنفس التشكيلة تقريبا بس بالطريقة هذي فريقك يبدا يتعود على اكثر من طريقة لعب.

ثانيا: فيه بعض الاخوان دايم يتكلمون عن هجوم الريال ،، ومن كلامهم تحس انه هزازي والشمراني بالهجوم. صحيح هيقواين صاير يضيع فرص ومستواه بعيييد كل البعد عن المستوى اللي كنا نعرفه عن هيقواين ،، ولكن الواحد لازم يصبر. اذا على كذا ،، اذا كل واحد تبي تمسكه الباب اول ماينزل مستواه اجل والله ماراح تلقى اي لاعب بفريقك. واما بالنسبة للبنز ،، فانا من وجهة نظري ان مستواه عادي وصحيح انه حاله من حال هيقواين ،، بس بنزيما يقدم مستوى كويس ويسجل في بعض المبارايات. وغير انه يسجل ،، يصنع فرص وله دور تكتيكي عالي ،، هو ومودريتش الوحيدين اللي بالريال اللي يعرفون كيف يحتفظون بالكوره.

ولا تنسون ترا الارهاق لاعب لعبته بالفريق ،، والدليل انه الحين اي لمسة يتعرض لها اي لاعب تجيه اصابه. وانا اشوف ان الجهاز الفني هو المسؤول الاول عن المشكله هذي ،، وبعدها يجي المو اللي المفروض انه يريح اللاعبين اكثر وقت ممكن .

وبالنسبة لمودريتش ،، ابيكم تتذكرون بنزيما اول ما جا للريال كيف كان وضعه ؟ خضيرة ؟ الونسو ؟ مارسيلو قبل لا يتطور مستواه ؟؟
اللي ابي اوصله هو ان اللاعبين كلهم بدايتهم سيئة كانت ،، ولكن المو زرع فيهم الثقه وحسسهم ان كل واحد له مسؤولية كبيره بالفريق. اما بالنسبة لمودريتش ،، لو تلاحظون في طريقة لعبه ،، تحس وكانه مو واثق ،، احس انه قامط من اللي معه باختصار ،، اللي يتابع مودريتش ايام توتنهام بيعرف اللي اقصده...
وانا عندي ثقة عميا ان مودريتش بيكون واحد من اهم العناصر الرئيسية في تحقيق الالقاب هذا الموسم " ان شاءلله"

ادري اني طولت ،، اعذرونا

دفاع الريال ممتاز راموس وبيبي من أفضل مدافعي العالم لكن المشكلة الحقيقية

تكمن في المنطقة مابين المحاور وقلوب الدفاع , نحتاج محور سريع في الحركة
يقطع الكرة بدون أخطاء ويجيد الإحتفاظ بها تحت الضغط تماما مثل لاعب البايرن جوستافو .

محاورنا كلهم ثقيلين بالحركة وبطيئين جدا , ديارا كان ممكن يسوي شيء لكن عقليته للأسف دمرته .

الآن ربما نأمل بايسيان لو يعطي فقط نصف مستواه أيام عزه في تشيلسي

بيغير مفهوم المحور عندنا .

إقتباس الرسالة الأصلية كتبت بواسطة MJNT دفاع الريال ممتاز راموس وبيبي من أفضل مدافعي العالم لكن المشكلة الحقيقية تكمن في المنطقة مابين المحاور وقلوب الدفاع , نحتاج محور سريع في الحركة يقطع الكرة بدون أخطاء ويجيد الإحتفاظ بها تحت الضغط تماما مثل لاعب البايرن جوستافو . محاورنا كلهم ثقيلين بالحركة وبطيئين جدا , ديارا كان ممكن يسوي شيء لكن عقليته للأسف دمرته . الآن ربما نأمل بايسيان لو يعطي فقط نصف مستواه أيام عزه في تشيلسي بيغير مفهوم المحور عندنا .

كلام سليم 100% هاذي احدى مشاكل الريال

المحور السريع يريح المدافعين ويكون ساتر امامهم عكس لما تلعب بمحور بطيئ

يكون في ضغط على المدافعين

**

اخوي عبدالله مورينيو بالشوط الثاني غير التشكيلة ولعب 442 لكن صعب من بداية
المباراة يغير تشكيلته وطريقته هو يلعب وحسب ظروف المباراة يغير الخطه لكن
من البدايه ما اتوقع مورينيو يسويها .