إقتباس الرسالة الأصلية كتبت بواسطة عـــ الزعيم ـــاشق

لا بارك الله بالصحف المدريديه حسبي الله عليها بس

مادام الاونلي ون موجود طز بالصحافة ومافي خوف على الفريق

إقتباس الرسالة الأصلية كتبت بواسطة عـــ الزعيم ـــاشق

احرررررررررررررق

مهمة مهمة مهمة هالصورة وين و كيف ومتى ما تشوفها فهي مهمة !

إقتباس الرسالة الأصلية كتبت بواسطة ظــل الــزعــيــم... ما شاء الله عليك ما يمديني حتى اعقب على نقطة كل ما جيت بعقب على شي القى الرد باخر الكلام تبا لك * على فكرة بما انه مالك بالتحليل و يقولون انك بس تسولف (( اقول انت احد الاشخاص الكثر بهالرابطة اللي بعد مباريات الريال مو بس اقرأ تحليله ..لا, اخلي اللي عندي يقرأ تحليلك واقوله استمتع ياحبيبي استمتع )) و لكن ( عودا على بدء ) < تحس اني بمحاضرة على هالكلمة بالنسبة لي اتمنى استمرار المو على وجود البنز و كاكا اساسي في المباراة الكبيرة و خاصة ( التكتيكية اللي ما يسمح فيها الخطأ ) لان المباريات السابقة كان المو يبدأ بـ هقوايين (( ويجيب العيد كالعادة )) فالمو يضطر اضطرارا مضطرا انه يعزز له بوسط او يدف البنز بجنبه و لا يطلعه لأنه ما قدم شي من التكتيك المطلوب منه فهو يكون محتاج مهاجم حاليا و لا يبي يخسر تبديل بانه يطلع مهاجم وهو محتاج الهجوم ! .,, فلذلك لو طبق هالشي على البنز بانه يخليه اساسي ( غالبا نسبة النكبة بتقل ) فهالشي يخلي المو يستمر على التكتيك المخطط له ويبدل التبديلات اللي متوقعها.,, اما وجود كاكا اساسي , ( حتى لو الزلابه هقوايين مهاجم ) هالشي ما يخوف تكتيكيا لأن كلاعب لديه الحلول أو يصنعها بنفسه ( مدرب داخل الملعب ! ) وايضا هالشي يعني ان وجود اوزيل او مودي او دي ماريا احتياط < < فالبنسبه لـ هالثلاثي غالبا لديه الحلول ايضا . اللي اقصده انه متى ما خليت كاكا اساسي و اعتمدت بالخطه عليه راح يعطي افضل من انك تدخل احتياطي وافضل من تعتمد عليه اساسي من لاعبين الوسط . المهم ان اهم شي نفوز على الفضائيين و سلام < بلا تحليل بلا سواليفك تكفى اضيف نقطة وهي تشكلية المباراة اللي اتمنااها كاسياس مارس راموس بيبي اربيلوا ايسيان الونسو مودي اوزيل ديماريا الدون ^ وين اللي يسولف عن كاكا و البنز اساسيين تو ؟؟ بس هذي المباراة استثنائية فـ يبيلها شي استثنائي وهب خاااص (( انا قلت وهب بس وشولوه تظلل يا ملقوف ؟!! وهب انا ذاك العضو اللي اهدا صورة فنيلة الونسو اللي عندي لك < لعنبو هالهدية اللي صورة لا تسأل وش جاب هالعضوية بس قسم(ن) انك احسن محلل عالمي ))

المسابقه متى تنزل ؟؟
وجمعه مباركه للجميع

إقتباس الرسالة الأصلية كتبت بواسطة وهب الريس يعني إنت لخمتني حبتين بكلامك ... مش قصدي الإطراء فصدقني ... تميزك هو من جعلني بهذه الصورة في نظرك ... أقصد الخاص إللي في آخر ردك ... وخاصة الهديه ياملكي ... أوافقك الرأي في بقاء البنز وكاكا ... اساسيين في لقاء البرشه ... لعوامل فنيه بحته من اهمها ... كاكا لديه الأسست الذي يخلق المساحه والتقدم ... للمهاجم حتى وإن كان ... المهاجم محاصر كاكا يلهم اي مهاجم لكي يتقدم ويسجل ... السبب سحر اسست كاكا لا يشبهه أحد ... ( كاكا قد يخترع لك أسست خيالي ... وهو لاعب يصنع الأسست الذي يدور في ذهنك كمشجع لكرة القدم ) ... !! لكان هل كاكاجسدياً يستطيع ... يجاري وسط البرشه السريع ... في الضغط على حامل الكره ... هذه النقطه فقط هي التي سنتوقف عندها ... لان المو في مباراة البرشه ... يريد ساتر دفاعي وأطراف ... سريعة في الإنطلاق ... وجود ( ماريا وإيسيان ) نبصم عليه في حال فكر مثل مانتوقع ... ( مهاراة كاكا تسعفه إذا كان في حاله لبدنيه رائعة ) ...!! كاكا لو لعب أمام البرشه ... فسيكون لمدت 60 دقيقه ... أو 70 إن كان النتيجة تصب لصالحنا ... مشاركة ( أوزيل ) بديل عنه وارده ... او على العكس تماماً ... اوزيل أساسي لانه مرتاح ... ممكن يؤدي دقائق أكثر من السابق ... من ناحية الدورين المزدوجين الهجومي والدفاعي ... !! أما بخصوص البنز فصدقني ... عودته لم تكن من باب صغير ... عاد من الأبطال بأهداف ... في فرق كلها أبطال ... وبطريقة تجعل المو ينحرج تماماً ... فالبنز بهذا الأدء والتهديف ... يجعل المو لا يفكر في هقواين ... ( لكن عنصر المفاجأة لدا المو موجود ) ... لكن نقول للمو ليس في هذه المباراة بالذات ... وإن حصل فهو أمر غير مستغرب من مدربك ... !! كاسياس الكدش ... راموس ... بيبي ... آربيلوآ ألنسوا ........ خضيرة كريس ..... كاكا ... ماريا البنز المو غربل البرشه بهذه التشكيلة ... طبعاً بالشخصية الهجومية ... وكل مفاهيمها في كرة القدم ... التفكير في الهجوم والبناء والأسست والتهديف ... في ذهن كل لاعب يجعل لاعبيك تلقائياً في ملعب البرشه يلعبون وينتشرون بطريقة رائعة ... تفوقنا عليهم هجومياً وجعلناهم في جحورهم بمحورين ... بثلاث محاور أكلنا خابور قوي في مباراة سابقة ... !! لكن نجاح الثلاث محاور ... في رأيي ومشاهدتي للفريق ... يتطلب وجود ( إيسيان ) ... طبعاً الكلام هذا مبني ... على طريقة المو الماضية في اللعب ... مباراة السيتي كمثال لأانه ... فريق قريب من وسط البرشه من ناحية القوه ... متى سجل السيتي بعد خروج الساتر ... إيسيان سهل الإختراق من العمق ... نحن لانريد تشافي ينطلق بهذا الشكل المخيف ... !! وأنا معجب بالمثلث الذي وضعته في التشكيلة التي وضعتها ... ( إيسيان ... ألنسوا ... لوكا ) ... والجميل ان الكل بات يطمئنا أمام البرشه ... من كل اللاعبين عكس السنوات السابقة ... والكامب نو كذلك ما إن أرجل لاعبين تقف فيها إلا اصبح ملعبنا ... وتتم فيه شرشحة البرشه تحت أنغام برشا برشا برشا ... !! شكراً من أعماق القلب لك ياغالي ... وين الهديه يا ألنسوا يا محور الرابطة ... لك ولا تكفي ولا تفي

حياك يا غالي

اوافقك الراي من ناحية ان كاكا ماراح يلعب اكثر من 60 - 70 دقيقة و بالعكس اشوف يحتاج اقل من 60 دقيقة بمستوى عالي عشان يسوي (( شي كبيييييير ))

وانا مؤيد انه ما يكمل لاهو و لا اوزيل , لأن ماعندي مشكلة ولا خوف بكلا الحالتين اذا الاعبين توووب يكون واحد منهم بديل للاخر ,.. و لكن في الحسم أفضل كاكا ! كاكا اذا بدأ يحسم يبدأ الرعب عند الخصم يعرف ان كاكا ما راح يوقف ..!

كاكا ركض 2007 ولا وقف الا على منصة الابطال


اما نقطة الاطراف ( اللي محددة باحمر ) هذي لحالها ديماريا و ديماريا فقط

شف هالمقطع محتفظ فيه من زمااان (( لقطة من مباراة فوزنا بالكأس )) و على ما اذكر كان بالدقائق الاخيره , واذكر ذاك الموسم مانلعب معهم الا بطرد

اذا لاعب يعطينا سبرنت بعد كل هالجهد بالمباراة و بعد كل هالدقائق وعرف ان الكورة خطره و مع لاعب خطير .. و مع ذلك لا استسلام!

ما اقول الا ما شاء الله تبارك الله < < ترا مهب منه الطرد من خشمه غطا عليه الرؤيه قبل يوصل للاعب

السلاام عليكم ،، جمعة مباركة

قبل لا تبدا مباراة الكلاسيكو ودي اعطيكم حبتين فلسفة من عندي الفلسفة هذي المو لو يمشي عليها اضمن له يفوز بال 5 <<< تمسسسك

اولا، يبدا بالتحضير النفسي وحل مشاكل اللاعبين سواء بين بعضهم او بين اللاعب والمدرب ،، يعني مانبي اجواء مكهربه. انا اشوف ان المباراة هذي بالذاااات ، على المو التركيز على الجانب الذهني اكثر من الفني من رايي. الفريق تكتيكيا ما عنده اي مشااااااكل اطلااااقا ، مشكلته هي ذهنية ومعنوية. واكبر دليل على ذلك هو مباراة السوبر ، يعني منهزم بالكامب نو ومنهزم من خيتافي وتلعب مباراة الاياب وتفوز بالطريقة هذي !!! شي يطمئنك على ان الفريق من الناحية التكتيكية ما عليه خوف، انا ما همني الفوز عليهم كثر ماهمني اللعب والتفاااهم والانسجام والروح القتالية.

ثانيا المو لازم يترك فلسفة اللعب ب 3 محاور ،، الا اذا كان يبي يلعب (مودريتش - خضيرة - الونسو) هذي ممتازه وانا ودي لو يبدا فيها المباراة. مع اني اتمنى تواجد كاكا ولكن كل مباراة ولها ضروفها.
مودريتش مثل ما الكل يعرف هو لاعب "جوكر" ،، وين ماتحطه ماشالله يلعب بالحالة هذي بيكون عندك محور دفاعي وهجومي بنفس الوقت. انا يعجبني في مودريتش هو من طينة اللاعبين اللي يعرف كيف يحتفظ بالكوره على اطول وقت ممكن + لاعب سريع ومهاري + يعرف يقطع الكوره من دون اخطاء ،، وهذا اللي نحتاجة في مثل هذه المبارايات.

ثالثا ، نجي للناحية التكتيكية (راعي طويلة)
كاسياس
مارسيلو - بيبي - راموس - اربيلوا (لو علي العب ايسيان)
الونسو - خضيرة - مودريتش
رونالدو - دي ماريا
بنزيما
اول ربع ساعه قففففل ملعبك ،، اللي يتابع لعب البرسا بيلاحظ انهم يندفعون على مرمى الخصم بشكل مجنون ،، والمشكله هم اذا سجلو في اول ربع ساعه فا الله يستر على فريقك ،، اذا مرت اول ربع ساعة تبدا تقدم خطوطك وتخليها متقاربه ،، بالعربي " احشرهم " ،، تبدا تلعب على المرتدات او الاحتفاظ بالكرة او ... " على حسب وضع المباراة " ،، ،، بالطريقة هذي الريال اتوقع راح يخطف هدف على اقل تقدير نظرا لسوء الحالة الدفاعية عند البرسا. ( وان شاءللله اكثر من هدف)
الشوط الثاني ، سواء منهزم او فايز ، هاجم على قد ماتقدر ، على اقل تقدير هاجم اول ربع ساعه وحاول تخطف هدف.
بعد الربع ساعه الاولى قفل ملعبك والعب على المرتدات. بعد مرور ربع ساعه ينزل (ايسيان مكان مودريتش) . واخر 20 دقيقة نزل (اوزيل مكان دي ماريا ) + (هيقواين مكان بنزيما)

واخيرا، نقطة مهممممممممة جدااااااااا ،، الريال دايم يعاني اذا تاخر بالمباراة ، اول ما يجي عليه قوول تشوفهم مرتبكين + متسرعين + مافيه تركيز وعلى مورينيو ايجاد حل للمشكلة هذي ، طبعا مو بس على المباراة هذي حتى للمستقبل

طبعا هذا رايي واللي حاب يعقب او عنده وجهة نظر ثانية ياليت يفيدنا ،،عذرا على الاطالة وبالتوفيق للريال

إقتباس الرسالة الأصلية كتبت بواسطة ظــل الــزعــيــم... حياك يا غالي اوافقك الراي من ناحية ان كاكا ماراح يلعب اكثر من 60 - 70 دقيقة و بالعكس اشوف يحتاج اقل من 60 دقيقة بمستوى عالي عشان يسوي (( شي كبيييييير )) وانا مؤيد انه ما يكمل لاهو و لا اوزيل , لأن ماعندي مشكلة ولا خوف بكلا الحالتين اذا الاعبين توووب يكون واحد منهم بديل للاخر ,.. و لكن في الحسم أفضل كاكا ! كاكا اذا بدأ يحسم يبدأ الرعب عند الخصم يعرف ان كاكا ما راح يوقف ..! كاكا ركض 2007 ولا وقف الا على منصة الابطال اما نقطة الاطراف ( اللي محددة باحمر ) هذي لحالها ديماريا و ديماريا فقط شف هالمقطع محتفظ فيه من زمااان (( لقطة من مباراة فوزنا بالكأس )) و على ما اذكر كان بالدقائق الاخيره , واذكر ذاك الموسم مانلعب معهم الا بطرد اذا لاعب يعطينا سبرنت بعد كل هالجهد بالمباراة و بعد كل هالدقائق وعرف ان الكورة خطره و مع لاعب خطير .. و مع ذلك لا استسلام! ما اقول الا ما شاء الله تبارك الله < < ترا مهب منه الطرد من خشمه غطا عليه الرؤيه قبل يوصل للاعب

انا استغرب منك ياوهب .. مادري وش فيك على الرقم 5 .. ادري الهرجه انو يقلص الفارق الى 5 نقاط لكن انت تبيها 5 اهداف بعد .. عشان نرد الدين !! بس ياخي التمني بي بلاش وانا اخوك وخلي الصاع صاعين زي مايقولو وبأذن الله في ارضهم ترجع خمستهم ويصير احنا افضل انو في ملعبهم ردينا الدين لكن انا والله ودي بي اكثر احس انو 5 قليل مع الفرص والظروف الى تسمح لنا بأكثر .. وبالنسبه للتشكيله راح تكون مثل السيتي وماراح يتغير شي وبالنسبه للتفاصيل والله ياعندي هرج ياكثره لكن مع ضغط الدراسه مايمدي الواحد يكتب لكن اليوم جمعه واليوم اختبار واخلص واصلي واجي اكتب التفاصيل وافضى لكم مع اللونق ويك إند المهم هذي التشكيله من الان واتروكوكم من الصحف الخبر اليقين عندي بأذن الله ..

كاسياس

مارسيلو - راموس - بيبي - اربيلوا

ايسيان - الونسو - خظيرا

كرستيانو - بن زيما - دي ماريا

والتفاصيل بعد الدوام اللحين باقي ساعه على الدوام وماحركت .. فمان الله وجمعه مباركه

الواحد بالرابطه صار يكتب بالورد وبعدين ينسخه بالرد من كثر التعلق