السلاام عليكم ،، جمعة مباركة

قبل لا تبدا مباراة الكلاسيكو ودي اعطيكم حبتين فلسفة من عندي الفلسفة هذي المو لو يمشي عليها اضمن له يفوز بال 5 <<< تمسسسك

اولا، يبدا بالتحضير النفسي وحل مشاكل اللاعبين سواء بين بعضهم او بين اللاعب والمدرب ،، يعني مانبي اجواء مكهربه. انا اشوف ان المباراة هذي بالذاااات ، على المو التركيز على الجانب الذهني اكثر من الفني من رايي. الفريق تكتيكيا ما عنده اي مشااااااكل اطلااااقا ، مشكلته هي ذهنية ومعنوية. واكبر دليل على ذلك هو مباراة السوبر ، يعني منهزم بالكامب نو ومنهزم من خيتافي وتلعب مباراة الاياب وتفوز بالطريقة هذي !!! شي يطمئنك على ان الفريق من الناحية التكتيكية ما عليه خوف، انا ما همني الفوز عليهم كثر ماهمني اللعب والتفاااهم والانسجام والروح القتالية.

ثانيا المو لازم يترك فلسفة اللعب ب 3 محاور ،، الا اذا كان يبي يلعب (مودريتش - خضيرة - الونسو) هذي ممتازه وانا ودي لو يبدا فيها المباراة. مع اني اتمنى تواجد كاكا ولكن كل مباراة ولها ضروفها.
مودريتش مثل ما الكل يعرف هو لاعب "جوكر" ،، وين ماتحطه ماشالله يلعب بالحالة هذي بيكون عندك محور دفاعي وهجومي بنفس الوقت. انا يعجبني في مودريتش هو من طينة اللاعبين اللي يعرف كيف يحتفظ بالكوره على اطول وقت ممكن + لاعب سريع ومهاري + يعرف يقطع الكوره من دون اخطاء ،، وهذا اللي نحتاجة في مثل هذه المبارايات.

ثالثا ، نجي للناحية التكتيكية (راعي طويلة)
كاسياس
مارسيلو - بيبي - راموس - اربيلوا (لو علي العب ايسيان)
الونسو - خضيرة - مودريتش
رونالدو - دي ماريا
بنزيما
اول ربع ساعه قففففل ملعبك ،، اللي يتابع لعب البرسا بيلاحظ انهم يندفعون على مرمى الخصم بشكل مجنون ،، والمشكله هم اذا سجلو في اول ربع ساعه فا الله يستر على فريقك ،، اذا مرت اول ربع ساعة تبدا تقدم خطوطك وتخليها متقاربه ،، بالعربي " احشرهم " ،، تبدا تلعب على المرتدات او الاحتفاظ بالكرة او ... " على حسب وضع المباراة " ،، ،، بالطريقة هذي الريال اتوقع راح يخطف هدف على اقل تقدير نظرا لسوء الحالة الدفاعية عند البرسا. ( وان شاءللله اكثر من هدف)
الشوط الثاني ، سواء منهزم او فايز ، هاجم على قد ماتقدر ، على اقل تقدير هاجم اول ربع ساعه وحاول تخطف هدف.
بعد الربع ساعه الاولى قفل ملعبك والعب على المرتدات. بعد مرور ربع ساعه ينزل (ايسيان مكان مودريتش) . واخر 20 دقيقة نزل (اوزيل مكان دي ماريا ) + (هيقواين مكان بنزيما)

واخيرا، نقطة مهممممممممة جدااااااااا ،، الريال دايم يعاني اذا تاخر بالمباراة ، اول ما يجي عليه قوول تشوفهم مرتبكين + متسرعين + مافيه تركيز وعلى مورينيو ايجاد حل للمشكلة هذي ، طبعا مو بس على المباراة هذي حتى للمستقبل

طبعا هذا رايي واللي حاب يعقب او عنده وجهة نظر ثانية ياليت يفيدنا ،،عذرا على الاطالة وبالتوفيق للريال