13/09/2012, 07:35 PM
|
| زعيــم مميــز | | تاريخ التسجيل: 22/02/2010 المكان: In the heart hilal
مشاركات: 10,363
| |
كيف اتخذ إجراء ضد جهة عملي ؟؟.... السالفة بالداخل الموضوع هو:: جابو نظام البصمة للحضور والانصراف في جهة عملي وهي (( بلدية إحدى المحافظات السعوديه)) المهم نظامهم إدارة المتابعة في البصمه يقولون بصم ومايحتاج تجي تشيك على حضورك لأن البصمة بمعنى كلامهم ماتغلط .. أمانة الرياض مطبقين نظام البصمة لكن كيف؟؟ تبصم وأول ماتدخل لمكتبك الخاص عندك يوزر خاص على كمبيوترك الشخصي حق البصمة علشان تشيك تشوف البصمة عطتك الاوكيه وإلا لا .. إذا ماعطتك الاوكيه على طول تذهب لإدارة المتابعة وتوريهم انك حاظر والبصمة لم تحضرك وكذا هم يعدلونها قدامك على طول لكن النظام في بلديتنا الموقره بصم وحظك ونصيبك بمعنى ان البصمة تعطيك اوكيه امامك ولكن في الحقيقة هي لم تعطيك الاوكيه يظهر لك علامة الـ((الصح)) لكن يخلف الله الدعوه ان البصمة مخبطة ولم تحضرك وزي ماقلتلكم النظام عندنا الواحد يبصم وما يدري هي حضرته وإلا لا ولا يوجد لدى كل موظف يوزر علشان يتأكد من حضوره وتسأل حقين البصمة يقولون مايحتاج تمر علينا كل يوم وتشيك خلاص البصمة ماتغلط وهذا كلامهم والله على ما أقول شهيد واخر الشهر ماتدري جاك انواع الحسميات من الراتب وتسألهم وش السالفه يقولك بكل وقاحة لقينا في البصمة عليك انواع الغيابات طيب من المفترض انهم يشعروني اذا البصمة لم تحضرني في نفس اليوم لكي اثبت لهم حضوري لكن لاحياة لمن تنادي لا يشعرونك ولا شي ولا يعطونك ايت خبر وزي ماقلتلكم اخر الشهر انواع الحسميات بسبة انواع الاغلاط اللي ترتكبها البصمة ...... وأنا زي ماقلتلكم أنا عارف أن إدارتنا طريقتها في التعامل مع الصمة غلط في غلط لكن المهم انا اللي ابغاه هو ان ارفع قضية عليهم ولكن ما أدري من الجهه المسؤلة عن هذي المواضيع وعن كيفية اجراءات رفع شكوى ...... ارجوكم الحل يا اخواني والله طيرو من راتبي نصفه ووقاحة وظلم بأم عينة تكوفون قلولي وش الاجراءات اللي اتبعها ......... وسلامتكم من كل شر |