يالله كم انا فرح هذا اليوم
طلعت القدرات و الحمدلله جبت الدرجه الي ابيها و مصطانص جداً
لذلك سوف اسوف عليكم و اهذري بما ان فيه طاقه فيني و كذا
المهم نبدا بحكاية تعرفي بشيخ المجلس و حبيب الكل و الاخ الاكبر للجميع
الهلالي دائماً ( ماجد مقبل )
< يا ليت فيه قلب اخضر
كنت توني اعرف ان فيه قسم عام في الشبكة بحكم ان وقتي كله كان في قسم ترافينا و العياذ بالله
درعمت هنا و قعدت اطقطق يمين و يسار و كذا و اذب على فلان و اعلق على علان
و كنت ابي شغله بسيطه و راسلت ماجد مقبل بحكم انه هو كان الوحيد المتصل من بين 4 مشرفين
و رد علي باسلوب شخص شآيب و فآهم في الحيآه < كأني بغيت اجيب العيد
المهم رساله ورا رساله فأغرمت بهذا الشخص لدرجة اني رحت انبش ماضيه ( مواضيعه القديمه )
و اعجبني اسلوبه و صرت من كل فتره لفتره اراسله و تعرفت عليه حبه حبه لكن ما اضفته على المسن ولا كلمته جوال مع الاسف حدنا تويتر
اذكر اني بثر لدرجه اني ارسله عادي احط ايميلي بالتوقيع ، يرد علي ايه ثمن اقوله يعني موب ممنوع < سماجة ورع عمره 7 سنين
ثمن فتحت موضوع الجن ذاك الي سبب قروشة و زعزعه في الاعضاء الين صكوه و قعدت اسولف مع ماجد احاول اشبكه علشان يرجع يفتح الموضوع لكن يصرفلي مخارج
انا اشهد انه ما قصر معي في شيء ابو مقبل الله يخليه ذخر للمجلس و زواره
و بث هذا الي اذكره بخصوص مآجد
نجي للثآني الغآيب المختفي ( ذآيب )
بداية صداقتي بهالانسان الخورافي العجيب كانت في موضوع قصيدة مدح لجميع القبآيل و انا اقتبست البيتين بخصوص قبيلتي و قلت صح لسان الشاعر و كذا و هو شافها و راسلني و يقول ولد عمي و كذا قعدنا نسوف رسآيل الين ما زهقنا و اضافني ايميل و حركآت و سوالف الى يومك القريب آخر مره كلمته قبل شهرين تقريباً ما صرت اخش مسن كان عندي رقمه لكن مدري وين رآح ، المهم تعلقت بهالانسان بشكل كبير لدرجة اني يومياً لازم اكلمه
و ينصحني دائماً و كذا حسيت انه اخو بالنسبة لي والله ما اقدر اوفي حقه الشيخ ذآيب
اذككر كان يطقطق علي لانه يعرف فوتشوب و انا لا يقولي يا إمعه
هذا ما يحضرني حالياً و انا اكتب جاني ارهاق بسببكم
الله يكون بعونك يا سلطان ما هذا انا كم سطر و تبققت عيوني ، ما شاء الله عليك
استمرر استمرر واصل لاتنسحب
< ترى كل ذا نتج عن فضآوه و فرحه بدرجة القدرات
27Likes
.. وربي اشتقت له واشتقت لأيامه مع الاعضاء 
ـهههـ اتقول متفقين عليه 
.. واولهم هذااا صاحب الموضوع .. (
( المشاغب )
.. ما يمر يوم الا وحد متوقف 
, ابوطلال
, ليوميسي > بالانجليزي 
, القيصر رهيب , كل الفن الهلالي , القاضي ,وليد القحطاني , كان هنا ... وغيرهم وغيرهم .. )
اللي انا اولهم طبعا 
الوضع المتطور
