|| رابطة عشاق فالنسيا ♥ الخفافيش ♥ 2011 / 2012 || - صفحة رقم 7 - نادي الهلال السعودي - شبكة الزعيم

أبو زاحـم · #91 20/07/2011, 08:22 PM

السلام عليكم

يامرحبا بأصدقاء الأمس واليوم،، اعذروني في البداية عن ابتعادي عن المشاركة في الفترة الماضية لظروف العمل لاشيء غيره صاحبكم يداوم صباح ومساء، مع أنني متابع مستمر للرابطة وللجهود الكبيرة التي يقوم بها الثنائي ابراهيم وعلي، وبالمناسبة أبارك لعلي رئاسته للرابطة وإن شاء الله تكون سنة جميلة للفريق مع أني ما أظن

عموماً الإدارة قامت بعدة تحسينات هذا الصيف، وهذا الأمر ما اعتدنا عليه خلال الأعوام الماضية، وهذا الشيء بالطبع يمنح المشجع شعور بالتفاؤل في الموسم المقبل بعد تحصين خط الدفاع المتهالك بالفرنسي عادل رامي على الأقل، وتحسين خط الوسط بالفراشة ابياتي، مع احباطي الشديد بعد ضياع فرصة التعاقد مع الفرنسي غاميرو الذي كنت انتظر انضمامه للفريق، ولا انسى أيضاً إقدام الإدارة على التخلص من نافارو، وليتهم لحقوه المنتهين الآخرين مادورو وديالبرت لكن للأسف موفقين هالآثنين

الحمد لله على كل حال

شكراً لجميع أعضاء الرابطة على الجهود اللي يبذلونها ، وبالأخص ابراهيم وعلي

والقطوع صاحب الأمنية أبو حميد

ع ـشقهــا هـلالـي · #92 21/07/2011, 02:34 AM

السلام عليكم

سوري ع القطعه من جد مشغوله ل خشمي حتى دخولي موب الي ماعلينا بعلق اول شي ع الماتش
للامانه ماشفته وراحت علي نومه واعتقد ان حتى فوزنا مايعطي مؤشر ان تعاقداتنا كويسه يعني
ماراح احكم ع مستوانا او ع الماتشات الا اذا انتهى المعسكر كله وراح احكم عليه باذن الله نجي
للخبر الجميل الي ترجمه اخونا امير الله يعطيه العافيه ..

ايمري طلع لنا ب اقلاعه جديده اجل امكانية خروج ماتا وبانيغا اول شي يوم قريت الخبر
مانصدمت متوقعه الشي صراحه لكن الي استغربت منه من هو ايمري يوم يطلع ويصرح
لايكون هو المسؤل عن الشؤون الماليه للفريق وانا مدري ؟
يعني موقعك مدرب وش منقزك ع ماتا وبانيغا وظروف ماليه ؟ مادري صراحه بس اعتقد
خلاص قبل قفل باب التعاقدات نقدر نقول بيباي ماتا اند بانيغـآ ويستمر التفريط بالنجوم

بالنسبه لخبر الفائض المالي ومدري ويش يعني بس هذا الي قدرنا نخفضه احس الارقام
نفس العام مانقص منها الا كم الف كنت متوقعه تخفيض اكثر بما اننا بعنا لاعبين لكن
احبطت لاحد يقول شي كويس والا مو كويس الا شي محبط توقعت ارقام اكثر الله يعين

ي الله سلام قبل لا انفجر اسب حتى الحكومه الاسبانيه

VALENCIANISTA · #93 21/07/2011, 07:29 AM

السلام عليكم

Y porque en R9 han dicho que se podria estar negociando con Gaby Milito o Pareja, para despistar?

راديو 9 : الخيار في مركز قلب الدفاع سـ يكون نيكو باريخا أو غابي ميليتو .

N.Gonzales al Standard Lieja segun R9

برضو راديو 9 : ناتشو غونزاليز قريب من الإنتقال إلى ستاندر لييج البلجيكي .

..

خيار قلب الدفاع أنا أتمنى باريخا و لو إن الأقرب أو بـ معنى أصح
الأسهل هو ميليتو لكن الأمل إن بروليو يضع باريخا كـ خيار أول
خصوصاً إنه يقدر يلعب سنتر أو ظهير ، و مستواه يتجاوز ميليتو بـ مراحل .
..

خبر ناتشو ، بـ الفوروتشي كثير طالبوا إستخدام ناتشو كـ إسم لـ التفاوض لـ جلب مانغالا
بما معناه الصفقه تصير ، ناتشو + مبلغ مالي والتعاقد مع مانغالا " المدافع الفرنسي "

بـ حيث يكون تعاقد وحيد أو يتعاقد النادي مع أحد الإسمين الآخرين + مانغالا لـ زيادة التعزيز الدفاعي
خصوصاً إن وضع إسم ناتشو بـ الصفقه ممكن يقلل المبلغ المطلوب من ستاندر لييج بـ شأنه .

كل هـ الأخبار حصلتها بـ الفوروتشي

VALENCIANISTA · #94 21/07/2011, 07:46 AM

يعطيك العافيه يا أمير
..
ميس ماله داعي العصبيه

الخبر وكلام إيمري معناه إن النادي ممكن يبيع ماتا أوو بانيغا حسب الظروف
طبعاً هو سُئِل عن هـ الشيء وجاوب " إذا أجبرتنا المشاكل الماليه ، وصلنا عرض لا يمكن مقاومته بـ نبيع " .
أنا هنا ما يهمني كلام إيمري مطلقاً و الأهم منه كلام لورنتي بـ خصوص ماتا يوم قال لا يمكن بيعه بـ أي سعر .
مسألة خروج بانيغا من عدمها هي اللي فعلاً ما فيه أحد متيقّن منها لـ أن النادي قال مبلغ حلو بـ نبيع !
الكلام هذا مايعني خلاص بكره بـ نشوفه مطقّم بـ شعار فريق ثاني ، لأ ! يعني إن إحتمالية إستمراره نفس إحتمالية مغادرته .
أنا طبعاً ضد خروجه مهما كانت الأسباب لكن لو خرج بـ مبلغ ممتاز بـ يساعدنا بـ تعزيز الدفاع بـ الذات .
لا تنسين طبعاً وجود باريخو الحين و لو إن اللي مايتسماش مشترط بند إعادة شراء خلال الموسمين القادمه
إقتصادياً النادي فيه تحسن كبير الحمدلله ، لذلك حتى لو طلع بانيغا الحين و باريخو خلال الموسمين الجايه ماهنا خوف
وقتها إن شاء الله يكون النادي عنده قدرة " مادياً " على التعاقد مع من هم أفضل من بانيغا وباريخو
لذلك لا تتسرعين الحين و نشوف نهاية الميركاتو وش تصير ، مع إني متيقن من بقاء ماتا على الأقل بـ إذن الله .

VALENCIANISTA · #95 21/07/2011, 07:57 AM

وش تبين أكثر ياميس ؟

هذا بانيغا بـ شحمه و لحمه يقول فـ التويتر
أنا سعيد جداً ، و باقٍ في فالنسيا !

Twitter

VALENCIANISTA · #96 21/07/2011, 08:13 AM

ماتا إنضم إلى المجموعة

وصل خوان ماتا إلى غلانكفورت لـ يلتحق بـ تدريبات الفريق خلال المعسكر الإعدادي
لـ الموسم القادم وسـ يدخل التدريبات إعتباراً من غدٍ الخميس .

* الخبر بـ تاريخ أمس

VALENCIANISTA · #97 21/07/2011, 11:22 AM

* تنويه

وصلتني رساله من الإشراف بـ خصوص عنوان الرابطه لهـ الموسم
يطلبون منّا تحديد عنوان نهائي لـ الرابطه يستمر حتى نهاية الموسم
نستمر على هذا ؟ أو نعدل ؟ ياليت الكل يعطينا رأيه قبل يوم الأحد

ץάмύйτ έмέя · #98 21/07/2011, 11:28 AM

السـلام عليكم ورحمة الله وبركاته
اعذروني على الابتعاد في الفتره الي راحت ولكن كنت مسافر ويمكن طول الفتره الجايه ما اقدر ادخـل
المهم بعلق على كم نقطه

إقتباس


	راديو 9 : الخيار في مركز قلب الدفاع سـ يكون نيكو باريخا أو غابي ميليتو .

راديو 9 مصادره قويه وباذن الله يكـون المدافع باريخـا

إقتباس


	بالنسبه لخبر الفائض المالي ومدري ويش يعني بس هذا الي قدرنا نخفضه احس الارقام نفس العام

بالعكس فيه تحسـن كبير
العام الماضي كان في الميـزاينه عجـز بـ 70 مليـون
اما المـوسم هـذا فيه فائض

إقتباس


	الخبر وكلام إيمري معناه إن النادي ممكن يبيع ماتا أوو بانيغا حسب الظروف طبعاً هو سُئِل عن هـ الشيء وجاوب

اصلا بعض المـواقع مخليه العنوان لـ الاثاره فقط
ولو تقراء كلام ايمري في السـوبر بتعرف
يقول الاهم حاليا ان ماتا باقي معنا واذا النادي محتاج بيبيعه
كلام عقلاني جـدا

طبعا ماتا مستحيل ينتقل هـ الموسم حتى لو يجي عرض بـ 35 مليـون
اما بانيغا ممكن يطلع على حسب العرض الي بيجيـه

إقتباس


	أنا طبعاً ضد خروجه مهما كانت الأسباب لكن لو خرج بـ مبلغ ممتاز بـ يساعدنا بـ تعزيز الدفاع بـ الذات . لا تنسين طبعاً وجود باريخو الحين و لو إن اللي مايتسماش مشترط بند إعادة شراء خلال الموسمين القادمه إقتصادياً النادي فيه تحسن كبير الحمدلله ، لذلك حتى لو طلع بانيغا الحين و باريخو خلال الموسمين الجايه ماهنا خوف وقتها إن شاء الله يكون النادي عنده قدرة " مادياً " على التعاقد مع من هم أفضل من بانيغا وباريخو لذلك لا تتسرعين الحين و نشوف نهاية الميركاتو وش تصير ، مع إني متيقن من بقاء ماتا على الأقل بـ إذن الله .

ليتك ريس من زمان
اول مره تقول كلام صـح

ץάмύйτ έмέя · #99 21/07/2011, 11:46 AM

ايمري
يستقبـل ماتا
في النمسا

وصول من اجـل
البقــاء

VALENCIANISTA · #100 21/07/2011, 11:51 AM

إقتباس

الرسالة الأصلية كتبت بواسطة هـ 9 ــلالـ 20 ــي


	السـلام عليكم ورحمة الله وبركاته اعذروني على الابتعاد في الفتره الي راحت ولكن كنت مسافر ويمكن طول الفتره الجايه ما اقدر ادخـل

و عليكم السلام ورحمة الله وبركاته
شف يا إبراهيم ، إجازتك بدون راتب ترى ، يعني دبر نفسك مالي شغل فيك

لكن هذا ما يعني إنك ماتشارك ، ترى بدمّر مستقبلك لو سحبت

إقتباس

الرسالة الأصلية كتبت بواسطة هـ 9 ــلالـ 20 ــي


	راديو 9 مصادره قويه وباذن الله يكـون المدافع باريخـا

أذكره هو اللي أكّد صفقة بياتي قبل الجميع ؟ صح ؟

على فكره ، الفوروتشي يعجبني كثييير بـ التنظيم اللي فيه

إقتباس

الرسالة الأصلية كتبت بواسطة هـ 9 ــلالـ 20 ــي


	بالعكس العام الماضي كان في الميـزاينه عجـز بـ 70 مليـون اما المـوسم هـذا فيه فائض

هنا الكلام ، متحفظ على بعض ما يسويه لورنتي أحياناً
لكن فعلاً نعمه من الله وجوده كـ رئيس

إقتباس

الرسالة الأصلية كتبت بواسطة هـ 9 ــلالـ 20 ــي


	ليتك ريس من زمان اول مره تقول كلام صـح

أعجبك

فيه حاجة بـ ردك وسعت صدري ، وش تتوقع ؟

..

فيه تقرير منزله الرسمي عن تمديد مدة القرض على النادي
يـ اليوم أو بكره بترجمه وأنزله كاملاً إن شاء الله إلاّ في حالة
سبقني إبراهيم و نزلها < مايلمح أبد خخخخخخخ

ץάмύйτ έмέя · #101 21/07/2011, 12:13 PM

إقتباس


	شف يا إبراهيم ، إجازتك بدون راتب ترى ، يعني دبر نفسك مالي شغل فيك لكن هذا ما يعني إنك ماتشارك ، ترى بدمّر مستقبلك لو سحبت

الله يستر اذا فيها تدمير مستقبل
والله هـ الايام مافيه اجمل منها ، اجواء خرافيه وطلعات وماقدر ادخل الا في اوقات قليله جدا
لكن ابشر باذن الله ادخل يوميا

إقتباس


	أذكره هو اللي أكّد صفقة بياتي قبل الجميع ؟ صح ؟ على فكره ، الفوروتشي يعجبني كثييير بـ التنظيم اللي فيه

ايه هو اول من اكد الصفقه
والفوروتشي يعجبني غصبن عني لانه هو المنتدى الوحيد الصاحي لـ فالنسيا في اسبانيا

إقتباس


	هنا الكلام ، متحفظ على بعض ما يسويه لورنتي أحياناً لكن فعلاً نعمه من الله وجوده كـ رئيس

الى الان لورينتي ماسوا اي شي يخلي الواحد يتحفظ على تصرفاته
اذا باع ماتا هـ الصيف معك حق والكل بيقول انه مخطىء

إقتباس


	أعجبك فيه حاجة بـ ردك وسعت صدري ، وش تتوقع ؟

خلك كذا دايم عشان ما اقلب عليـك

الا وش الي وسع صدرك !؟

إقتباس


	فيه تقرير منزله الرسمي عن تمديد مدة القرض على النادي يـ اليوم أو بكره بترجمه وأنزله كاملاً إن شاء الله إلاّ في حالة سبقني إبراهيم و نزلها < مايلمح أبد خخخخخخخ

ما اتوقع انه مهـم لان هـ الخبر ترجمته مرتين في فتره سابقه
كان المفروض النادي يسـدد 240 مليون لـ بانكاخا في شهر 7 ولكن جاء الشهر والنادي مايقدر يسدد واتفقوا الطرفين على التمديد سنـه
طبعا النادي راهـن ارض المستايا والبنك مايبغى ياخذها لانها ماتوصل حتى لـ 200 مليـون