|| رابطة عشاق فالنسيا ♥ الخفافيش ♥ 2011 / 2012 || - صفحة رقم 6 - نادي الهلال السعودي - شبكة الزعيم

VALENCIANISTA · #76 19/07/2011, 09:52 AM

كذا يا إبراهيم

VALENCIANISTA · #77 19/07/2011, 09:54 AM

صحيح ، ترى إبراهيم مسافر يعني دخوله بـ يقل ، وأنا برضو جاني شغل ومسافر حالياً
شدوا حيلكم مهوب لازم نكون موجودين

مباراة فريقكم الخايس اليوم الساعه 7.30 بـ توقيت السعوديه على الجزيره +2
مهوب أكيد طبعاً لـ أنها أمس كانت +6

الزبده فرفروا بـ المشفره

VALENCIANISTA · #78 19/07/2011, 11:45 AM

حسب آخر الأخبار إن الثلاثي أعلاه أساسي اليوم ، طبعاً مهوب أكيد
لكن حسب ما هو متوقع فالصحف ، نقول إن شاء الله أبي أشوف بياتي

ميلاني للابد · #79 19/07/2011, 06:47 PM

الف مبروك افتتاح الرابطة

وان شاء الله موسم تتحقق فيه طموحات الفريق

N.ROOY · #80 19/07/2011, 11:20 PM

فاز الفريق اليوم يانايمين

2-0 بياتي وادوريز , ادوريز صنع الاول براسه
وجاب الثاني براسه خخخخ

تشكيلة الشوط الاول : Diego Alves, Bruno, Maduro, Rami, Topal, Jonas, Soldado, Jordi Alba, Pablo Hernández, Pardo y Bernat.

تشكيلة الشوط الثاني : Guaita, Albelda, Feghouli, Aduriz, Nacho, Piatti, Dealbert, Ricardo Costa, Portu, Mathieu y Miguel.

ناتشو موجود ولا انلغى عقده ويتضح بالمقطع تظييعه لهجمة الله يعميه

الملخص

ويتضح لكم طبعا ان المعلق حفله

وعلي هذي باذن الله آخر زبرقة بتشوفها في حياتك خخخخخ قاعد ساعة عشان
اكتب رد

PRINCE-VCF · #81 20/07/2011, 05:15 AM

^

^

مبروووك الفوز يانا رآحت علي نومه هههههاي

VALENCIANISTA · #82 20/07/2011, 07:17 AM

الفائض 330 ألف يورو

إجتماع إدارة النادي أمس أفضى إلى الإعلان عن الحسابات المالية لـ الموسم 2010-2011 .
فالنسيا أنهى الموسم الثاني على التوالي بـ أرباح مع فائض في الميزانيه بلغ 330.000 ألف يورو .
كما أكّد المجلس تخفيض الديون من 550 مليون يورو إلى 370 مليون يورو بـ إجمالي 170 مليون يورو .
في الإجتماع العام لـ المساهمين والذي سـ يتحدد موعده عن طريق إدارة النادي سـ يتم الموافقه على هذه الأرقام
كما سـ يتم تحديد ميزانية موسم 2011-2012 والتي سـ تكون بـ حدود 110 مليون يورو .

VALENCIANISTA · #83 20/07/2011, 07:23 AM

السلام عليكم
مبروك الفوز و جميل إن بياتي يسجل ، هدفه حلو ، بياتي و رامي قدموا مستوى حلو فالوقت اللي لعبوه
ألفيس نهائياً ما جاه أي إختبار لذلك خل ينثبر خخخ ، فيغولي تحركاته كويسه ومع زيادة المباريات بـ يتطور أكثر
أدوريز كـ العاده الكرات الهوائية لعبته و إن شاء الله نشوف هـ المستوى فالموسم الجاي مايوقف على الوديات
باردو من النظره الأولى باين إنه كديش لكن يجي منه

نقول أول مباراة مع الفريق الأول وبـ يتحسن خخخخ
عموماً ، مباراة أولى ، فوز مايتسجل فيك و لو إنها وديه بس كويس

المستوى مع الوقت يتحسن إن شاء الله
لا هنتم جميع ، محمد مهوب على كيفك خخخخخخخخخخ
صحيح ، ترى الخبر اللي فوق ، شعار فريقكم القديم

VALENCIANISTA · #84 20/07/2011, 09:48 AM

بياتي : سعيد ، لكن علينا مواصلة العمل

بياتي كان اللاعب الأبرز في المباراة الودية أمام آيندهوفن وتوّج آداءه بـ تسجيله أول أهدافه مع اللوس تشي
وقال عن المباراة " أنا سعيد جداً ، والهدف كان جميلاً ، لكن لا زال علينا مواصلة العمل وتصحيح الأخطاء
فـ الفوز لا يعني أننا الآن وصلنا إلى 100% فـ هي مباراة ودية و الفوز ليس ضرورياً بها " .

VALENCIANISTA · #85 20/07/2011, 11:02 AM

خوسيه أوروتيا سـ يقدم 4 ملايين لـ أدوريز

الرئيس الجديد لـ أتليتك بلباو " خوسيه أوروتيا " عاد وأكّد أن أدوريز لا زال أحد أهدافه وسـ يقدم 4 ملايين يورو لـ فالنسيا من أجل التعاقد معه .
أدوريز سبق و صرح بـ خصوص مستقبله مع النادي وقال " لا زلت في فالنسيا وهذه هي رغبتي " الإستمرار " و لم يصلني أي عرض لـ الإنتقال حتى الآن
وكل ما أعرفه هو أن النادي سعيد بـ تواجدي ، كما أنا سعيد بـ ذلك " .

PRINCE-VCF · #86 20/07/2011, 03:19 PM

^

^

ماأييد خروجه سراحه حتى لو فيه بديل

لاكن نبي واحد يكون عاش اجواء فالنسيا

يكون متأقلم واعتقد انه راح يثمر في هالموسم

VALENCIANISTA · #87 20/07/2011, 04:10 PM

هلا أمير
حالياً النادي أعتقد ماعنده أي نيه لـ بيع أدوريز إلاّ في حالة رغبته هو بـ الخروج فقط
الموسم الجاي ورانا 3 بطولات وصعبة يعتمد على " سولدادو و جوناس " فـ الهجوم
لما تشوف جدول الفريق 45 مباراة مباراة على أقل تقدير يعني 2 ما يكفون نهائياً
خروج أدوريز كان ممكن لو نجح النادي فالتوقيع مع غاميرو وهذا اللي ماحصل للأسف
من هـ المنطلق

أتوقع الموسم الجاي بـ يكون هجومنا " سولدادو ، جوناس ، أدوريز "
هم الثلاثه القادرين على اللعب في مركز رأس الحربه والباقين يلعبون عـ الأجنحه

..

محمد ، فيصل ، هيثم ، ميس ، والباقين ترى الوضع سيء ما ينفع كذا ماوصلنا حتى 100 رد

مالنا غناة عنكم ، شاركوا الله يعافيكم
عمر ترى حتى وأنت مسافر شارك عادي ترى

VALENCIANISTA · #88 20/07/2011, 04:59 PM

Emery: «Necesidades econَmicas pueden hacer que Mata no esté» - Valencia CF

^

خبر مهم بـ خصوص ماتا ، لعلك تجرب تترجمه يا أمير و إن خفت تطلع الترجمه غلط عادي ماعليك من أحد
أصحح لك الخطأ و لا من شاف و لا من دري

، كنت بترجمه أنا بس فيني نوم

PRINCE-VCF · #89 20/07/2011, 05:43 PM

>>اول تتجربه لي لاحد يدقق

ملخص مافهمت :

صرح اوناي ايمري اليوم :

ان الاوضاع الاقتصاديه للفريق تشجع لخروج ماتا من فالنسيا
وهناك احتماليه لخروجه هذا الصيف لكثرة العروض له
ولاكن تركيز ماتا حاليا منصب في الفريق
وهو الان في اجازه بسبب لعبه مع منتخب الشباب تحت 21 سنه
واكد ان باب الانتتقالات مفتتوح حتى 31 آب
وبالتالي لايمكن توقع ماسيحدث
كما ان هناك احتماليه لخروج بانيجا
وان هناك مفاوضات من اجله ولاكن علينا العمل للفريق مع اضافه بانيجا
وقد دعا ايمري الى "الهدوء والصبر"

المصدر

faisal... · #90 20/07/2011, 06:05 PM

إقتباس


	فاز الفريق اليوم يانايمين 2-0 بياتي وادوريز , ادوريز صنع الاول براسه وجاب الثاني براسه خخخخ

انا ماشفت الا نص الشوط الثاني اما امل واطلع والمباراة بصراحه مايته واللاعبين لك عليهم كنت متحمس اشوف ابياتي وماقدم شي لكن العذر انها اول مباراه.

إقتباس


	لا هنتم جميع ، محمد مهوب على كيفك خخخخخخخخخخ

صراحه توي افهم انه الخبر لابد يكون له خلفيه والله شي بطل اهنيك عليه وخل محمد يتعلم (فرحان عشاني ما أعرف أترجم) وشي حلو عشان مانضيع بين الخبر والردود لا شكل ريسنا عنده افكار حلوه

إقتباس


	خوسيه أوروتيا سـ يقدم 4 ملايين لـ أدوريز

ياليت يروح السوق فيه الافضل منه وارخص.

إقتباس


	محمد ، فيصل ، هيثم ، ميس ، والباقين ترى الوضع سيء ما ينفع كذا ماوصلنا حتى 100 رد مالنا غناة عنكم ، شاركوا الله يعافيكم عمر ترى حتى وأنت مسافر شارك عادي ترى

ابشر بعزك ماعليش مشغول هـ الايام بس ان شاء الله لي رد يوميا على الاقل وش تامر فيه انا حاظر ياسعادة الريس (حط حيلك على المساعد بتاعك اللي غايب من الموسم اللي راح مدري هو زعل ولا وش القصه).

إقتباس


	اول تتجربه لي لاحد يدقق

عادي الوضع انا ما اعرف اترجم وحاولت لكن حسيت اني من جنيبها وقالي ابراهيم خل الترجمه لنا يعني وش تبي اكثر من ذا وضوح اني من جنبها

.